Mæna 2014

83
Áhrif úreltrar tækni á lesanleika
Þetta eru eingöngu nokkur atriði sem eiga að minna
hönnuði á hversu margt þarf að hafa í huga þegar unnið
er með texta. Listanum er ekki ætlað að vera tæmandi,
og í ljósi umfjöllunarefnis greinarinnar er nokkuð ljóst
að endurskoða þarf áherslur og vissar nálganir reglulega.
Ekki eingöngu með tilliti til þróunar í meðferð leturs,
hönnun á letri og ýmis konar tækniþróunar heldur einnig
með tilliti til þróunar á tungumálinu sem – meðal annars
vegna nýrrar tækni og stóraukinnar tölvunotkunar – tekur
stöðugum breytingum. Hér er ekki verið að finna upp hjólið,
heldur eingöngu verið að benda á þau atriði sem aldrei
mega gleymast og allir ættu að kynna sér. Vafalaust renna
margir yfir listann og aðra sambærilega lista kinka kolli,
eru sammála og miðla en fylgja honum ekki eftir. Þessi
atriði eiga að vera hverjum hönnuði töm, en ekki bara
notuð í orði. Það mun leiða af sér betri hönnun, vandaðri
vinnubrögð og lesanlegri texta.
Vert er að taka fram að þessi grein fjallar ekki um alla þá
sem hafa ekki menntun í listum eða hönnun, en sinna samt
sem áður ýmsum verkefnum, heima við eða í starfi, sem
snúa að einhverskonar uppsetningu. Hins vegar má nefna
að þær vangaveltur kalla á frekari umfjöllun um almenna
kennslu í sjónmenntum, að augum nemenda á grunn skólastigi
sé beint að hversu gagnlegt er að hafa grunn þekkingu
á fagurfræði, myndbyggingu og samsetningu efnis. Slíkt
myndi leiða til skilvirkara samstarfs milli fag greina þegar
einstaklingar eru komnir út á vinnu mark aðinn og farnir að
sinna mismunandi verkefnum. Aukin sjón menntun myndi
einnig leiða til aukinnar virðingar milli fagstétta sem á
móti myndi leiða til vandaðri vinnu bragða og enn faglegri
nálgunar við útgáfu.
„Þessi­atriði­eiga­að­vera­hverjum
hönnuði­töm,­en­ekki­bara­notuð
í­orði.­Það­mun­leiða­af­sér­betrihönnun,­vandaðri­vinnubrögðog­lesanlegri­texta.“­