SPORTSMAN-104IC
Create successful ePaper yourself
Turn your PDF publications into a flip-book with our unique Google optimized e-Paper software.
S P O R T S M A N<br />
“Bakı-2017” İslam Həmrəyliyi Oyunları başa çatdı.<br />
Azərbaycan bu Oyunlarda növbəti qələbə qazandı. Bu<br />
parlaq qələbə münasibətilə bütün idmançıları, məşqçiləri,<br />
idman mütəxəssislərini ürəkdən təbrik edirəm və sizə yeni<br />
qələbələr, yeni uğurlar arzulayıram.<br />
Bizim idmançılar bu Oyunlarda<br />
75 qızıl, 50 gümüş, 37 bürünc<br />
medal qazanaraq komanda hesabında<br />
birinci oldular. Bu, böyük<br />
tarixi qələbədir. Nəzərə alsaq ki,<br />
bu Oyunlarda 50-dən çox ölkə iştirak<br />
edirdi və ölkələr ən peşəkar<br />
idmançılarını bu Oyunlara göndərmişdilər,<br />
əlbəttə, bu qələbənin<br />
əhəmiyyəti artır. Əlbəttə, biz hamımız<br />
yaxşı bilirik ki, bu qələbə<br />
təsadüfi qələbə deyil. Çünki idmançılarımız<br />
müxtəlif beynəlxalq<br />
yarışlarda, dünya, Avropa çempionatlarında,<br />
Olimpiya Oyunlarında<br />
artıq öz güclərini göstərmişlər<br />
və Azərbaycan dünya miqyasında<br />
güclü idman dövləti kimi tanınır.<br />
Bizim son nailiyyətlərimiz də<br />
deməyə əsas verir ki, bu qələbə<br />
təsadüfi qələbə deyil. Azərbaycan<br />
idmançıları 2015-ci ildə Avropa<br />
Oyunlarında 56 medal qazanmışlar<br />
və komanda hesabında ikinci<br />
yerə çıxa bilmişlər. Keçən il Yay<br />
Olimpiya Oyunlarında medalların<br />
sayı 18-ə çatdı. Bu, bizim Olimpiya<br />
Oyunlarında iştirakımızın tarixində<br />
ən böyük rəqəmdir və medalların<br />
sayına görə Azərbaycan<br />
14-cü, Avropa ölkələri arasında<br />
7-ci, müsəlman ölkələri arasında<br />
isə 1-ci yerdə idi. Yəni, bugünkü<br />
qələbənin çox möhkəm təməli var<br />
və bu, onu göstərir ki, Azərbaycan<br />
idmanı inkişaf edir, Azərbaycan<br />
dövləti inkişaf edir. Çünki ancaq<br />
inkişaf etmiş ölkələrdə idman həm<br />
dövlətə, həm xalqa böyük qələbə<br />
gətirir. Biz idmançılarımızla fəxr<br />
edirik. Mən bütün idmançılarımızı<br />
bu böyük qələbə münasibətilə bir<br />
daha ürəkdən təbrik edirəm, onlara<br />
yeni uğurlar arzulayıram.<br />
Bu günlər ərzində xarici qonaqlarla<br />
təmaslar əsnasında çox<br />
sevinirdim ki, elə bil hamı mənə<br />
bir fikri çatdırmaq istəyirdi - hamı<br />
böyük minnətdarlıq hissi ilə təşkilati<br />
məsələlərin yüksək səviyyədə<br />
və peşəkarlıqla həll olunduğunu<br />
deyirdi. Əlbəttə ki, bu, bizi çox sevindirir.<br />
Oyunların bu səviyyədə<br />
keçirilməsi ölkəmizin gücünü, qüdrətini<br />
göstərir. Göstərir ki, biz istənilən<br />
beynəlxalq tədbiri ən yüksək<br />
səviyyədə təşkil edə və eyni zamanda,<br />
öz standartlarımızı da tətbiq<br />
edə bilərik və bunu edirik. Avropa<br />
Oyunları bundan sonra ancaq<br />
Azərbaycan standartları əsasında<br />
keçiriləcəkdir. Bilirəm ki, bu standartlara<br />
çatmaq çətin olacaq.<br />
Biz İslam Həmrəyliyi Oyunlarında<br />
da yeni yanaşmanı ortaya<br />
qoyduq, yeni standartlar tətbiq<br />
etdik. Əlbəttə ki, bu, bizim qonaqlara<br />
olan hörmətimizin əlamətidir,<br />
məsuliyyətin təzahürüdür. Eyni<br />
zamanda, bu, ümumiyyətlə, bizim<br />
siyasətimizi göstərir. Çünki biz<br />
istəyirik ki, Azərbaycanda hər bir<br />
tədbir ən yüksək səviyyədə keçirilsin.<br />
Ona görə də ölkəmiz inkişaf<br />
edir, ona görə də Bakıya gələn<br />
bütün xarici qonaqlar şəhərimizə<br />
heyran qalırlar.<br />
Eyni zamanda, Azərbaycan<br />
müsəlman aləmini Qərb aləmi ilə<br />
birləşdirən ölkədir. Təsəvvür edin,<br />
iki il ərzində bir ölkədə, bir şəhərdə<br />
Avropa və İslam Oyunları keçirilir.<br />
Bu Oyunlarda 100-dən çox ölkə iştirak<br />
edir. Heç bir başqa ölkə bax,<br />
bu nailiyyətlə öyünə bilməz. Haqlı<br />
olaraq fəxr edirik ki, biz bunu edə<br />
bilmişik. Ölkəmiz həm Qərb dünyasında,<br />
həm müsəlman aləmində<br />
etibarlı tərəfdaş, dost və qüdrətli<br />
dövlət kimi tanınır.<br />
Bütün bu qələbələri bizə idmançılar<br />
bəxş ediblər. Ona görə,<br />
mən onları bir daha təbrik edirəm,<br />
onları qucaqlayıram, bağrıma<br />
basıram və onlara yeni qələbələr,<br />
uğurlar arzulayıram.<br />
спортсман № 104 / 2017<br />
9