1st Infocom Magazine (April 2016)

kabulli aktual telefonik i përdredhur prej bakri për
të bërë lidhjen e fundit në shtëpi. Sepse distanca
që do të përshkojë bakri është relativisht e vogël,
shpejtësitë nga 25 deri në 40 Mbps mund të arrihet,
ndërsa me vectoring mundet edhe të dyfishohen.
Kjo e bën VDSL-ën teknologjinë me rritje më të
shpejtë sa i përket aksesit në shpejtësitë e larta
broadband, duke arritur në fillim të vitit mbulim në
mbarë Evropën në shkallën 25%.
Në anën tjetër, penetrimi i teknologjisë DOCSIS 3
(Data Over Cable Service Interface Specification),
teknologjia ultra-fast broadband e përdorur nga
rrjetet e televizioneve kabllore është rritur me 2.7%
dhe kryeson ndaj VDSL-ës me penetrim 39.3% në
familjet evropiane.
Gjithashtu aksesi me Fibër Optike në objektet FTTP
(Fiber-to-the-Premises), i cili përfshinë sa FTTH aq
edhe "fiber-to-the-Building" (për shembull, në një
pallat ose në një ndërtesë me zyra) u rrit me 2.4%
dhe tani mbulon 12.3% të Bashkimit Evropian.
"Docsis 3 u përhap shumë shpejt në periudhën 2010-
2012, sepse kërkohet vetëm një përmirësim i thjeshtë
në rrjetet kabllore ekzistuese. Megjithatë, procesi
tanimë pothuajse ka përfunduar dhe zhvillimi
i mëtejshëm do të kërkojë zhvillimin e rrjeteve të
reja, kabull i cili është i vështirë për t’u justifikuar
financiarisht.
"Në mënyrë të ngjashme, zgjerimi i mbulimit te FTTPës
nënkupton gjithashtu ndërtimin e rrjeteve të reja.
Pjesa më e madhe e mbulimit FTTP në Evropë deri
më sot shërben zonat me densitet të lartë banimi, siç
janë ndërtesat e banimit në Lindje të BE. FTTP-ja mund
të jetë zgjidhja më e lirë në këto raste, veçanërisht
nëse nuk ka rrjet telefonik. Megjithatë, zonat më
atraktive mbulohen tashmë në një masë të madhe,
ndaj edhe zhvillimi i FTTP-ës është i ngadalshëm." Vë
në dukje analiza e Point Topic.
Duke bërë një përmbledhje, raporti arrin në
përfundimin se të treja teknologjitë do të vazhdojnë
të rrisin mbulimin, por ritmi i rritjes e VDSL-ës është
padyshim më i shpejtë: "Ne parashikojmë se VDSL-ja
do të arrijë në 73% e familjeve evropiane deri në vitin
2020, ndërsa Docsis 3 do të mbulojë 45% prej tyre.
Së fundi, FTTP-ja parashikohet vetëm 16%, shprehet
Tim Johnson, përgjegjësi i raportit.
Edhe në këtë formë, parashikimet e Point Topic se
vetëm 90% e familjeve evropiane do kenë akses në
lidhje fikse broadband ultra-të shpejta deri në vitin
2020, realizojnë objektivin e Agjendës digjitale, i cili
parashikon 100% akses. Ndaj pritet që FTTP të mund
të plotësojë boshllëkun duke rritur mbulimin në 21%
ose më shumë, përfundon raporti.
21