1st Infocom Magazine (April 2016)

EDITORIAL
Shqipëria hyn
në ekonominë
digjitale
Botimi të cilin mbani në duar, është përpjekja e
stafit redaktues të BiZZ.al për të kontribuuar në
transformimin digjital të vendit.
Tanimë, dihet se ekonomia botërore po kthehet në
digjitale. Proceset e prodhimit, tregtia, transporti,
administrimi, qarkullimi i parave, bazohen kryesisht
në Teknologjinë e Telekomunikacionit dhe
Informacionit.
Përhapja e teknologjive digjitale në të gjitha
fushat, po rritet vazhdimisht dhe adoptimi i tyre nga
bizneset, si në aspektin e brendshëm operacional
po aq edhe në nivelin e prodhimit të produkteve
dhe shërbimeve është thjeshtë çështje kohe.
Në një treg global që transformohet me shpejtësi
të lartë, koha është një faktor kritik për ndërmarrjet
të cilat duhet të pozicionohen në kohë në tregjet
e tyre, pasi kufijtë së shpejti nuk do jenë asgjë tjetër
përveçse vija në hartë.
Agjenda digjitale e Bashkimit Evropian 2020
si dhe iniciativa për Tregun e Unifikuar Digjital,
demonstrojnë qartë vullnetin politik të Evropës për
të ecur drejt integrimit real të ekonomisë me boshte
lidhëse Telekomunikacionin dhe Teknologjinë e
Informacionit.
Tashmë, gjendet në prag "Revolucioni i 4-të
industrial" dhe vlerësimi i paraqitur së fundi në
Forumin Ekonomik Botëror të Davos vlerëson
përfitimet nga përdorimi i teknologjive digjitale në
vlerë voluminoze prej $100 trilion deri në vitin 2025.
Madje, vërehet perspektiva se transformimi digjital,
që aktualisht po përshkon horizontalisht të gjithë
sektorët e ekonomisë, së shpejti do të ketë një
ndikim më të madh në shoqëri dhe më pas edhe
në biznes, pasi efektet e kombinuara të teknologjive
të reja, të tilla si “Mobility”, “Cloud”, “Internet of
Things” dhe “Big Data Analytics”, gjeneratat e reja
të “Digital Natives” do jenë gati për të jetuar në një
mjedis të ri digjital dhe për të krijuar brenda tij.
>> INDEX
4 Ritme të shpejta rritjeje për
renë (Cloud)
Renditet ndër prioritetet e para të
kompanive që investojnë në këtë
sektor.
6 70% e popullsisë botërore
do të përdorë telefonat
inteligjent “smartphones”
deri në vitin 2020
10 Vodafone M-PESA, në pak
muaj me më shumë se
110.000 klientë
12 Projektet “Big Data”:
Mundësi të mëdha, Prioritet
Parësor
Studimi botëror i kompanisë Cisco
del në përfundimin se projektet
“Big Data” lidhen me avantazhin
konkurrues.
16 Piro Xhixho
Zhvillimet në tregun e
telekomunikacionit
20 Evropa do të “qëndrojë” në
epokën e bakrit
Sipas studimit të Point Topic
22 Nga Teleshikuesi i Panjohur
tek Tele-Përdoruesi i
Superfuqishëm!
Transformimi i televizionit nëpërmjet
Internetit.
26 Një sinjal më i mirë,kudo
dhe kurdo që ti do
ndodhesh në Tiranë!
3