2nd Infocom Magazine (September 2016)

kostos së lartë të investimit dhe kohën që nevojitet
për të arritur mbulim të kënaqshëm. Dihet që, nëse
ofruesit e shërbimit të internetit bazoheshin vetëm
tek fibra optike për t’i ofruar klientëve shpejtësinë
prej 100 Mbit/s, do nevojiteshin dekada për të arritur
në një mbulim kombëtar.
Ekzistojnë alternativa?
Një tjetër alternativë është përdorimi i risive të
fundit radikale në teknologjinë e transmetimit
nëpërmjet bakrit, të cilat hapin rrugën për shpejtësi
të njëjta me ato të fibrave optike duke përdorur
infrastrukturën ekzistuese. Në një përpjekje për të
shfrytëzuar plotësisht potencialin e bakrit, tregu i
telekomunikacionit është duke investuar në një
sërë teknologjish të reja të tilla si VDSL2 Vectoring,
bonding, Vplus dhe G.Fast, të cilat ofrojnë shpejtësi
prej qindra Mbit/s dhe janë më të shpejtë për t’u
zhvilluar dhe më pak të shtrenjta se instalimi i fibrës
në çdo shtëpi. Të gjitha këto tregojnë se çështja e
broadband është e dyfishtë. Nga njëra anë ekziston
problemi i “kohës së depërtimit në treg” (time to
market), ku bakri ka një avantazh krahasues dhe
nga ana tjetër ekziston çështje e kapacitetit, ku
fibra optike është fitues i padiskutueshëm. Edhe pse
fibra optike në shtëpi përbën një qëllim thelbësor
afatgjatë të ofruesve së shërbimit të internetit,
sot zgjidhja praktike qëndron diku në mes, në një
përzierje të zgjuar të fibrës së re optike dhe bakrit të
modernizuar, të aftë për të siguruar shpejtësi ultra
të lartë në një periudhë të shkurtër tek një bazë më
e gjerë klientësh duke gjeneruar më shumë fitime,
të cilat më vonë mund të investohen në zhvillimin
e mëtejshëm të rrjeteve optike. Në këtë mënyrë,
bandwidth tanimë i thotë "jo" bakrit apo fibër optike
dhe "po" bakrit dhe fibrës optike.
Bonding Vectoring G.Fast & Vplus
Një mundësi për arritjen e bandwidth-it më të lartë
është përmes lidhjes së metodës VDSL2, e cila
kombinon çifte të shumta të telave për të arritur një
rritje të kapacitetit të disponueshëm ose zgjerim të
aksesit të rrjetit të bakrit për një Bandwidth të caktuar.
Kjo teknikë megjithatë nuk e zgjidh problemin e
ndërhyrjeve.
Për këtë qëllim është zhvilluar në vitet e fundit
metoda VDSL2 Vectoring, një teknologji inovative
që synon të eliminojë ndërhyrjet nga çifte të tjera
të bakrit duke lejuar shfrytëzimin e plotë të aftësive
të VDSL2 dhe arritjen e një shpejtësie prej rreth 100
Mbit/s në distanca deri në 400 metra ndërmjet pikës
së shpërndarjes dhe abonentit. Sot VDSL2 Vectoring
përhapet në gjithë botën dhe po përdoret me
sukses nga shumë vende evropiane si Gjermania,
Irlanda, Holanda etj.
Duke qenë se teknologjia Vectoring po maturohet
gjithnjë e më shumë, zgjidhje të reja radikale kanë
nisur të zhvillohen, si p.sh. G.Fast dhe Vplus, duke
ofruar shpejtësi të konsiderueshme më të larta për
linja më të vogla. G.Fast është një teknologji që
23