2nd Infocom Magazine (September 2016)

TEKNOLOGJI
Rrugëdaljet që ofron sot teknologjia dhe materialet,
mesa duket po kthen drejt konsumit të ulët të fuqisë
së pajisjeve, pasi komuniteti shkencor mesa duket
nuk pret diçka spektakolare nga laboratorët kimik
që kërkojnë reagime të reja me më pak nxehtësi, më
shumë energji dhe më shumë dendësi magazinimi.
Mos vallë do të ishte më mirë të linim mënjanë
bateritë dhe të kthehemi drejt mënyrave të tjera
të karikimit?
Bateria e re prej alumini që karikohet në një minutë
Shkencëtarët amerikanë deklaruan se ishin në gjendje të prodhojnë prej një bateri të lirë prej
aluminit, me jetëgjatësi të madhe dhe fleksibël. Kjo bateri do të ishte e përshtatshme për t’u
përdorur në smartphones, pasi paraqet avantazhin shtesë e karikimit në vetëm një minutë.
Hulumtuesit, të cilët kanë përshkruar në mënyrë të detajuar zbulimin e tyre në revistën
e ndërkombëtare “Nature”, u shprehën se bateria e re me jon alumini ka mundësinë për të
zëvendësuar bateritë me jon litium që përdoren në miliona laptopë dhe telefona celularë.
Përveç karikimit të shpejtë, bateria e re prej alumini është më e sigurt se bateritë ekzistuese prej jon
litiumi, të cilat herë pas here mbinxehen dhe marrin flakë.
Rezultati pozitiv i hulumtimeve me qellim ndërtimin e një baterie prej alumini me karakteristika
peshën e ulët dhe karikimin e shpejtë, erdhi pas përpjekjeve që zgjatën me vite. Zgjidhjen e dha
ekipi i Profesorit të kimisë Hongjie Dai në Universitetin e Stanfordit në Kaliforni, i cili bëri zbulimin
e rëndësishëm që kombinimi i grafit dhe aluminit krijon rrjedhën e duhur të ngarkesave për të
prodhuar energji të shfrytëzueshme.
Së fundi, hulumtuesit theksojnë që, ndërsa një bateri jon-litiumi mund të zgjasë rreth 1000 cikle të
ngarkimi-shkarkimi, bateri e re prej alumini është në gjendje të vazhdojë performojë edhe pas 7.500
ciklesh.
Vetë konstrukti i baterisë e lejon atë të paloset, duke lejuar që të shfrytëzojë më së miri hapësirat
tek pajisjet portative, ndërsa sipas publikimit të revistës “Nature”, bateri më të mëdha prej alumini
do mund të përdoren gjithashtu për të ruajtur energji elektrike që vjen nga burime të rinovueshme
energjie me performancë të paqëndrueshme ose me kohë të kufizuar.
38