2nd Infocom Magazine (September 2016)

madh për ta, dhe për këtë arsye nuk i kushtojnë shumë
vëmendje këtij sektori. Ndërkohë, përfaqësuesit e
kompanive më të mëdha në përmasa, janë më të
shqetësuar rreth humbjes së pajisjeve portative të
të punësuarve, me një 58% prej tyre të kenë frikë se
humbja ose vjedhja e një pajisjeje do të mund të
dëmtonte kompaninë.
Ky qëndrim si nga zotëruesit e pajisjes, si dhe nga
punëdhënësit e tyre, mund të krijojë një dobësi
serioze për një rrjet kompanie.
Kjo dobësi potencialisht mund të shfrytëzohet nga
kriminelë kibernetikë, si dhe nga konkurrentë te
pamëshirshëm. Ekziston gjithmonë mundësia të
pësojnë humbje financiare (p.sh. nga mungesa e
bazës së klientelës), edhe pse ndjesia e përgjithshme
është se një pajisje e humbur portative nuk mund
të shkaktojë dëmtim të kompanisë. Mbrojtja e
mjedisit portativ, pra, përbën një pjesë tashmë të
rëndësishme të politikës së sigurisë së kompanive.
"Është gjithnjë e më e rrallë të ndeshësh një
profesionist i cili nuk e përdor pajisjen e tij portative
për arsye pune. Laptopët, tabletat ose smartphone-t
e bëjnë të mundur kryerjen e pjesës më të madhe
të punës së një biznesi kudo, në largësi. Megjithatë,
humbja e të dhënave të rëndësishme të kompanive
përmes pajisjeve personale është një dukuri mjaft
e zakonshme. Në këtë mënyrë sjellja e shkujdesur
ndaj sigurisë se pajisjeve portative mund të jetë një
rrezik serioz për punën e kompanisë. Prandaj, është
e rëndësishme të përdoret një zgjidhje e besueshme
dhe e përshtatshme që i plotëson të gjitha kërkesat
moderne dhe trendet e tregut, si dhe të trajnohen
punonjësit rreth kërcënimeve të mundshme dhe
veprimeve që duhet të ndërmerren në rast se
përballen me to", tha Konstantin Voronkov, Head of
Endpoint Product Management të Kaspersky Lab.
Ndër hapat e parë që duhet të planifikojnë bizneset,
për të zbatuar në mënyrë të sigurtë modelin BYOD,
është vlerësimi i përdorimit të pajisjeve personale
në punë dhe zgjedhja e një zgjidhje të sigurisë
kibernetike, e cila do të sigurojë një mbrojtje efektive
kundër malware programs dhe kërcënimeve
kibernetike, duke lejuar dhe menaxhimin e lehtë
përmes një tastiere të vetme.
Një hap i rëndësishëm duhet te jete gjithashtu trajnimi
i stafit për çështje të tilla, si vjedhja e inxhinierisë
sociale (p.sh. thirrje të rreme nga bankat apo policia,
ku kërkohet nga përdoruesit të raportojnë të dhënat
nga SMS te marra se fundmi, të cilat mund të jene
kode njëpërdorimshme të fjalëkalimeve të llogarisë
bankare, Apple apo Google ID), kontrolli i kodeve
QR (të cilët mund të çojnë në faqe phishing, në
qoftë se për shembull, një imazh i rremë është i
fiksuar në një kod QR të vërtetë) dhe raportimi i
pajisjes portative sa më shpejt të jetë e mundur.
Gjithashtu, një kompani duhet të ketë zhvilluar
skenarë për përjashtimin e pajisjeve personale nga
rrjeti i kompanisë, nëse ato janë të humbura apo të
vjedhura, ose në qoftë se një punonjës largohet nga
kompania. Në këto raste, do të duhet të zhvillohet
paraprakisht një proçes për heqjen e të dhënave
konfidenciale të kompanisë nga këto pajisje si dhe
te bllokohet qasja e tyre në rrjetin e kompanisë.
9