Bæjarlíf nóvember 2017

More documents

Recommendations

Info

4 Bæjarlíf, brosandi blað – 10. tölublað 2017 Kvenfélagið Bergþóra í Ölfusi 90 ára...framhald annars með gömlum íslenskum refilssaumi. Á höklinum er kross og þjóðarblóm okkar Íslendinga Holtasóley. Það er algengt nú í dag sem fyrr að félög, samtök og einstaklingar leiti til félagsins um aðstoð, oftast fjárhagslegrar aðstoðar nú á seinni árum en ekki smjör og ull eins og áður. Reynt er að verða við beiðnum um aðstoð eins og hægt er. Í gegnum tíðina hef ur verið leitað ýmissa leiða til að afla fjár. Staðið fyrir allskonar veislum, erfidrykkjum, haldnir basarar, kaffisala og réttarkaffi var séð um árum saman í tjaldi við Ölfusrétt. Á seinni árum sumarblómasala, súpusala,og útleiga á húsinu okkar Birkihlíð. Auðvitað hafa konurnar í sveitinni alltaf frá fyrstu tíð látið sig mannlífið og menningu varða. Í fundargerð frá 1929 segir: Fundurinn óskar eftir að söngur verði kenndur í barnaskólanum. Enn fremur að börn fái tilsögn í handavinnu og þá var samþykkt að fá garðyrkjukonu til að segja fólki til í garðyrkju, kennt handverk o.fl. Í fundargerðum sést að fundir hófust alltaf með því að syngja ættjarðarlag, það er nú aflagt. Stund um er þó sungið saman allavega á árlegum Jólafundi okkar. Félagið hef ur staðið fyrir skemmtunum í Ölfusi áratugum saman, jólatrésskemmtunum og þorra blótum og hafa oft séð sjálfar um skemmtiatriðin sem er mest gaman! Árið 1963 réðist félagið í það stórvirki að kaupa skátaheimili Hveragerðis fyrir félagsheimili. Það var þá ekki fullgert. Gekk bygging þess seint og var erfiður róðurinn fyrstu árin en Ölfushreppur brást drengilega við og gerðist meðeigjandi í húsinu, þar var félagið með aðsetur um árabil. Þar var margt starfað, m.a. haldið þing Sambands sunnlenskra kvenna sem var ærið verkefni. Í september árið 1999 var það hús selt Leikfélagi Hveragerðis. Nú vantaði hús og þá kom upp sú hugmynd að félagið keypti nýtt sumarhús og reynt yrði að finna stað fyrir það sem var ekki auðvelt. Félaginu var þá afhent höfðingleg gjöf, gjafabréf fyrir hálfum hektara lands í landi Gljúfurs í Ölfusi. Gefendur voru hjónin Rósa Finnsdóttir og Jón Hólm Stefánsson bændur á Gljúfri. Var nú keypt fullbúið 64 fm. timburhús af trésmiðju Heimis í Þorlákshöfn og reist þar árið 2000. Nokkru síðar eða árið 2011 var ákveðið að stækka húsið og er það nú 84fm að gólffleti ásamt 28fm svefnlofti. Félagskonur urðu sammála um nafn á húsið og heitir það Birkihlíð. Þar hafa þær plantað þó nokkru af trjám til skjóls og yndisauka svo þar er nú sannkölluð birkihlíð. Félagið er ákaflega vel sett að eiga þessa eign. Þar höldum við oftast okkar fundi. Einnig er útleiga á húsinu okkar drýgsti möguleiki til fjáröflunar og skilar svo miklu meiru í aðra hönd en að baka kökur, enda gerum við nú orðið lítið af því. Farið hefur verið í mörg skemmtileg ferðalög á vegum félagsins bæði innan lands og utan, ýmist aðeins konur saman eða með karlana sína með. Kvenfélag er góður vettvangur fyrir samskipti og samverustundir. Haldin hafa verið allskonar námskeið og fræðslustundir til gagns og líka til gamans. Eitt af því sérstaka við svona félagsskap er möguleikinn á að kynnast öðrum konum út um allt land sem er mjög gefandi. Kvenfélögin mynda með sér stærri félög, Bergþóra er í SSK, Sambandi sunnlenskra kvenna og öll félögin eru í KÍ, Kvenfélagasambandi Íslands. Efnt er til sameiginlegra funda og þinga á landsvísu. Farið í heimsóknir til nágrannafélaga og út fyrir landsteinana. Í tilefni afmælisins var haldin hátíð 2. september í Birkihlíð. Þar hittust félagskonur og buðu til sín sveitungunum í kaffi. Áttum þar ánægjulega stund. Núverandi formaður Bergþóru er Hrönn Guðmundsdóttir. Að endingu, þó að kvenfélög hafi verið og séu líknar- góðgerða og styrktarfélög og konur séu alltaf hreint að gera eitthvað til gagns. Þá eru þau líka gleðifélög. Það er gaman að hittast, spjalla og hlæja, gleðjast og vera vinir, ungar og gamlar saman. Það er ástæða til að vera stoltur af Kvenfélaginu Bergþóru og öllu því starfi sem það hefur innt af hendi. Vonandi heldur það áfram að vera til um ókomin ár. Þess óska ég fyrir hönd okkar allra, Ó.H. kvenfélagskona.
Bæjarlíf, brosandi blað – 10. tölublað 2017 5 Bergheimalíf Október hefur verið góður mánuður hér á leikskólanum, veður gott og því mikið að gera innan dyra sem utan. Við fengum góða gesti í heimsókn og má þar nefna fulltrúa frá Brunavörnum Árnessýslu en hann Rabbi okkar kom í nýjum búningi þ.e. skellti sér úr kokkabúningnum í búning slökkviliðsmanns. Hann kynnti fyrir börnunum á Goðheimum verkefnið Eldvarnir í leikskólanum. Markmiðið með þessu samstarfsverkefni EBÍ og slökkviliðanna er að veita börnunum fyrstu fræðslu um eldvarnir og stuðla að bættum eldvörnum bæði í leikskólunum og á heimilum barnanna. Börnin munu í vetur fylgjast með hvort allt sé í lagi í leikskólanum varðandi eldvarnir. Alda og Ása frá Félagi eldriborga komu og lásu fyrir börnin á Hulduheimum. Þökkum við þessu góða fólki fyrir komuna. Allt starfsfólk Bergheima fór á Haustþing leikskólastarfsfólks á Suðurlandi og sat þar á flottum fyrirlestrum. Má þar nefna t.d. „Raddbeiting og söngur“, „Að kenna skapandi hugsun“, „Blómstrandi deildarstjórar“ og „Að ná tökum á streitu og jákvæð sálfræði“. Samstarf Goðheima og 1. bekkjar er farið af stað og má sjá þau í vettvangsferðum um bæinn að vinna ýmis verkefni. Tónlistarskólinn ætlar að bjóða okkur í heimsókn og við fáum líka heimsókn frá þeim í leikskólann. Í nóvember hugum við líka að jólunum og kemur Leikhópurinn Vinir til okkar með leiksýninguna „Strákurinn sem týndi jólunum“. Allir hefjast handa við að búa til jólaskraut og að sjálfsögðu byrjum við að æfa jólalögin. Kveðja, Elsa aðstoðarleikskólastjóri. SNÆFINNUR ER NÆSTA BLAÐ OG KEMUR ÚT 13. DESEMBER Skila þarf efni eigi síðar en föstudaginn 8. desember. baejarlif@gmail.com www.baejarlif.net
Page 1 and 2: Bæjarlíf 10. tbl. . 17. árg. . N
Page 3: Bæjarlíf, brosandi blað - 10. t
Page 7 and 8: Bæjarlíf, brosandi blað - 10. t

Bæjarlíf nóvember 2017

You also want an ePaper? Increase the reach of your titles

Delete template?

Save as template?