në informata bibliotekat në kosovë - Biblioteka Kombëtare dhe ...

Qasjes së Informata dhe Lirinë e Shprehjes, FAIFE, i cili i
mbron dhe i promovon këto të drejta brenda opinionit bibliotekar
në mbarë botën. Ky komitet aprovoi nenin 19 të
Deklaratës Universale të Kombeve të Bashkuara për të
Drejtat e Njeriut, si dokument bazë, mbi të cilin do të
mbrojë dhe do të promovojë të drejtën për qasje të lirë dhe
lirinë e të shprehurit.
Qëllimi i formimit të këtij komiteti ishte jo vetëm përcaktimi
i përgjegjësive të stafit bibliotekar për ofrimin e
shërbimeve cilësore dhe të informatave, ose krijimi i
parakushteve për individin që të zhvillojë aktivitet të
pavarur intelektual e të shprehë mendimin e tij të pavarur,
por që të ndikojë edhe në stimulimin e vendimmarrjes së
lirë, në mbrojtjen dhe promovimin e së drejtës së individit
për qasje të lirë në informata dhe për shprehje të lirë, si
themel për funksionim të mirëfilltë të demokracisë. E drejta
e individit për të mbajtur dhe për të shprehur i lirë
mendimet e tij është esenciale për instalimin e shërbimeve
cilësore profesionale nëpër biblioteka, prandaj realizimi i
këtyre lirive është çelës për suksesin e vetë bibliotekave.
a. Të drejta të përgjithshme
BIBLIOTEKAT NË KOSOVË
Shërbimet e mira dhe cilësore bibliotekare formojnë
një komponentë themelore për qasje të
DHE QASJA NË INFORMATA
përgjithshme. Përmes krijimit të mundësive për qasje të
lirë në informata, bibliotekat e ndihmojnë ndërtimin e
shoqërisë përmbi një sistem vlerash. Duke qenë të lirë
për të thithur ose për të shpërndarë informata, secili
njeri, por edhe të gjithë bashkë, janë të lirë për të krijuar
gjykimin e tyre të pavarur për një çështje, e me
këtë e ndihmojnë procesin e vendimmarrjes së lirë, që
është jetike për shoqëritë e konsoliduara. Diskutimet në
shoqëritë e stabilizuara, prandaj, janë të lira dhe të
hapura ndaj ideve. Bibliotekat publike kanë përgjegjësi
për të organizuar takime në të cilat do të diskutohen
çështje të caktuara, sidomos përsa i përket afirmimit të
kulturës së komuniteteve dhe edukimit të tyre. Kësisoj,
ato shndërrohen jo vetëm në qendra të edukimit, por
edhe të kulturës, në të cilën të gjithë qytetarët pa përjashtim
do të kenë mundësi të diskutojnë dhe të njihen
me kulturën e tjetrit, si dhe të kërkojnë mundësi për
gjetjen e informatave të nevojshme për ta, por edhe të
ndikojnë në përmirësimin e cilësisë së shërbimeve bibliotekare.
Bibliotekat dhe stafi bibliotekar duhet të aderojnë
fuqimisht në parimet themelore të lirisë intelektuale,
për t’i njohur të drejtat e përdoruesve, në mënyrë që
shërbimet të cilat i ofron biblioteka të përmbushin
kërkesat themelore të përdoruesve për qasje të papen-
14 15