You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Isem u Kunjom:<br />
TFAL MISSJUNARJI<br />
NEWSPAPER POST No. 65<br />
Ottubru <strong>2018</strong><br />
Il‐Ġurnata Missjunarja Il‐Ħadd 21 ta’ Ottubru <strong>2018</strong><br />
Intom it‐tfal tistgħu tagħmlu<br />
differenza fil‐ħajja tan‐nies fl‐Uganda.<br />
Bid‐donazzjoni ċkejkna tagħkom tkunu qed tgħinu<br />
lil tfal bħalkom flimkien mal‐ġenituri tagħhom<br />
ikollhom kura u mediċini fl‐isptarijiet.<br />
Grazzi ħafna u narakom l‐iskola!<br />
Matul is‐sena skolastika <strong>2018</strong>/2019<br />
dan il‐magażin ser jitqassam b’xejn.<br />
Indirizz:<br />
Skola: Klassi:<br />
Imejl: Mowbajl:<br />
Agħti l‐invilopp lill‐għalliem/a tiegħek<br />
tfal@missio.org.mt | www.missio.org.mt | 2123 6962 | 7 Triq il‐Merkanti, Valletta | 7 Triq l‐Imgħallem, Ir‐Rabat Għawdex<br />
2 Editorjal | 2 Messaġġ Mill‐Koordinatriċi | 4 It‐Tfal Tax‐Xmara | 6 L‐Iskola | 8 Il‐Ġurnata Missjunarja
RIVISTA GĦAT‐TFAL LI TOĦROĠ<br />
BEJN OTTUBRU U MEJJU<br />
Għeżież tfal,<br />
Missio (Uffiċċju Missjunarju):<br />
Nru. 7, Triq il‐Merkanti, Valletta VLT 1171.<br />
Tel: 21236962<br />
Imejl: tfal@missio.org.mt<br />
Ħinijiet: Mit‐Tnejn sal‐Ġimgħa: 9:00am – 4:00pm,<br />
Is‐Sibt: 9:00am – 12:00pm<br />
Missio (Uffiċċju Missjunarju):<br />
Nru. 7, Triq l‐Imgħallem, Rabat Għawdex.<br />
Tel: 21550267<br />
Imejl: gozo@missio.org.mt<br />
Ħinijiet: Mit‐Tnejn sal‐Ġimgħa: 8:30am – 12:00pm<br />
Editriċi: Claudia Cini, Imejl: claudia@missio.org.mt<br />
Grafika: James Trapani, Imejl: gakbu@gakbu.com<br />
Qari tal‐Provi: John Caruana<br />
Pubblikazzjoni: Missio [Uffiċċju Missjunarju (V0/1178)]<br />
2<br />
EDITORJAL<br />
Kif intom? Kif għaddejtuh is‐sajf? Min jaf kemm<br />
iddevertejtu! Erġajna bdejna sena skolastika<br />
ġdida u kull wieħed u waħda minnkom tlajtu<br />
fi klassi ġdida u xi wħud marru fi skola ġdida<br />
wkoll!<br />
Kif qed tindunaw, din is‐sena l‐magażin tagħna<br />
ħa forma ġdida, xi ftit differenti minn dik ta’<br />
qabel. Nittama li ssibuh ta’ interess u taqrawh<br />
għaliex ser titgħallmu xi ħaġa żgur.<br />
Ma nistax ma nfakkarkomx biex ma tinsew qatt<br />
lil ħutkom tfal fil‐missjoni. Ftakru fihom fit‐talb<br />
tagħkom u warrbu xi ħaġa żgħira għalihom, għax<br />
dawn la għandhom min iħobbhom, la x’jieklu,<br />
la x’jilbsu, la saqaf fuq rashom, la mediċini, la<br />
skola fejn jitgħallmu u ħafna minnhom lanqas<br />
ġenituri! U kontu tafu li ħafna minnhom lanqas<br />
biss qatt semgħu dwar Ġesù?!<br />
Insellmilkom u niltaqgħu x‐xahar id‐dieħel,<br />
Claudia<br />
© Copyright: L‐ebda parti minn dan il‐magażin ma tista’ tiġi<br />
ppubblikata mingħajr il‐permess tal‐pubblikaturi.<br />
Prezz 50ċ l‐ħarġa. Għal din is‐sena biss<br />
ser inkunu qed inqassmu dan il‐magażin<br />
b’xejn lit‐tfal kollha ta’ Malta u Għawdex li<br />
jattendu fl‐iskejjel primarji u dawk medji.<br />
DONAZZJONIJIET<br />
50617374 – €2.33 | 50618820 – €6.99<br />
(Tfal taħt is‐16‐il sena huma mitluba jiksbu permess mingħand il‐ġenituri/<br />
legal guardians tagħhom).<br />
MESSAĠĠ<br />
MILL‐KOORDINATRIĊI<br />
TA’ MISSIO TFAL<br />
Nancy Camilleri<br />
Il‐Festa tat‐Tfal<br />
fil‐Parroċċa tal‐Qrendi<br />
Bħal kull sena il‐Konfraternità<br />
ta’ Lourdes tal‐Qrendi,<br />
flimkien mal‐kappillan,<br />
jistiednu lilna ta’ Missio<br />
Tfal biex nipparteċipaw<br />
u nieħdu sehem f’parti<br />
miċ‐ċelebrazzjonijiet tal‐Festa<br />
tal‐Madonna ta’ Lourdes.<br />
Aħna nipparteċipaw fil‐festa<br />
tat‐tfal li ssir it‐Tnejn ta’ qabel<br />
il‐festa. Din is‐sena ħabat<br />
it‐Tnejn 25 ta’ Ġunju.<br />
Din kienet ċelebrazzjoni<br />
tassew sabiħa, fejn qabel<br />
il‐quddiesa ppreparajna<br />
Rużarju Missjunarju. Din<br />
id‐darba kien ‘walkthrough’ u<br />
t‐tfal, minflok jgħidu r‐rużarju<br />
fuq iż‐żibeġ tal‐kuruna,<br />
ma’ kull Sliema u Qaddisa<br />
mxew fuq forom tondi<br />
tal‐kartun, li kienu jiffurmaw<br />
kuruna bil‐kuluri tal‐kuruna<br />
missjunarja. It‐tfal, kemm<br />
membri ta’ Missio Klabb kif<br />
ukoll tfal mill‐Qrendi, qraw<br />
ftit informazzjoni fuq kull<br />
kontinent tad‐dinja, filwaqt<br />
li kull min kien preżenti<br />
fil‐knisja seta’ jara l‐kontinent
Din is‐sena, bħas‐snin ta’<br />
qabel, Rafiki u jiena ser<br />
nerġgħu niltaqgħu magħkom<br />
fl‐iskejjel, kemm primarji kif<br />
ukoll f’xi skejjel sekondarji.<br />
Ser ikollna Missio Klabb anki<br />
fl‐iskejjel u ser nagħmlu xi<br />
laqgħat ta’ formazzjoni u<br />
attivitajiet. Dan sabiex intom<br />
tkunu tistgħu tingħaqdu<br />
magħna.<br />
muri fuq mappa tad‐dinja<br />
kbira fuq l‐iskrin. F’kull posta<br />
tlabna għall‐bżonnijiet<br />
tat‐tfal u għall‐missjunarji<br />
ta’ kull kontinent. F’kull<br />
posta ftakarna f’kontinent, u<br />
ma’ kull posta t‐tfal xegħlu<br />
xemgħa li tqiegħdet quddiem<br />
il‐Madonna. Intwera wkoll<br />
‘feature’ dwar il‐missjoni<br />
u kien hemm messaġġ ta’<br />
ringrazzjament minn Mons.<br />
Valent Borg, id‐direttur il‐ġdid<br />
ta’ Missio Malta.<br />
Nixtieq nirringrazzja lilkom<br />
tfal membri ta’ Missio<br />
Klabb li pparteċipajtu għal<br />
din iċ‐ċelebrazzjoni. Din<br />
is‐sena kienet l‐aktar darba<br />
li attendew tfal. Nixtieq<br />
nirringrazzja lil min qara,<br />
tella’ l‐offerti ta’ Missio u<br />
għen b’xi mod jew ieħor.<br />
Grazzi kbira wkoll tmur<br />
għall‐ġenituri tagħkom li ġew<br />
magħkom għal din il‐festa<br />
kbira. Nixtieq nirringrazzja<br />
wkoll lill‐kappillan Dun Glen<br />
Buhagiar, lill‐Konfraternità<br />
tal‐Madonna ta’ Lourdes u<br />
lis‐soċji tal‐Mużew u l‐katekisti<br />
li għenu ħafna. Grazzi wkoll<br />
tal‐ġabra li kienet ta’ €195.<br />
Din dejjem tkun okkażjoni li lilna<br />
timliena b’ħafna entużjażmu<br />
u ħeġġa li jibqgħu magħna<br />
s‐sena kollha. Nirringrazzjaw<br />
ukoll lil Ommna Marija biex<br />
tibqa’ dejjem tħarisna u timxi<br />
magħna ħalli flimkien inwasslu<br />
lil Ġesù lil tant nies oħra<br />
fid‐dinja li għadhom ma jafuhx.<br />
Dan is‐sajf bqajna niltaqgħu<br />
fl‐uffiċċju tal‐Mosta, fejn<br />
flimkien ħejjejna ħafna<br />
affarijiet ta’ krafts. Iffurmajna<br />
wkoll kor żgħir tat‐tfal, u<br />
ser inkunu qed inkantaw<br />
f’okkażjonijiet speċjali ta’<br />
Missio, fosthom ‘Notte<br />
Bianca’, ‘Star Singing’ u waqt<br />
l‐animazzjonijiet fil‐parroċċi.<br />
Jien nixtieq nirringrazzja<br />
lil dawn it‐tfal li baqgħu<br />
jattendu fil‐klabb mhux biss<br />
biex stajna nagħmlu dawn<br />
il‐krafts, iżda wkoll għax stajna<br />
ngħaqqdu kor.<br />
Għandna sena mimlija ħafna<br />
affarijiet sbieħ għalikom<br />
it‐tfal. Jien u Rafiki nixtiequ<br />
ħafna li tibda l‐iskola biex<br />
inkunu nistgħu niltaqgħu<br />
magħkom u nagħmlu ħafna<br />
attivitajiet flimkien.<br />
Narawkom ħbieb,<br />
Nancy u Rafiki<br />
3
IT‐TFAL TAX‐XMARA<br />
Storja bbażata fuq ir‐realtà addattata minn Claudia Cini. Illustrazzjoni ta’ Janet Vella.<br />
Thi, Chi u Mai huma tlett itfal Vjetnamiżi li jgħixu fuq xmara f’Hanoi flimkien ma’ ħafna tfal oħra u<br />
l‐ġenituri tagħhom. Dawn it‐tfal qatt ma marru skola u lanqas qatt ħarġilhom ċertifikat tat‐twelid.<br />
Id‐dar tagħhom hija sempliċi kamra tal‐injam tgħum f’wiċċ l‐ilma jew inkella mgħaddsa fit‐tajn.<br />
Il‐familji huma foqra ħafna u ħajjithom ma tantx hi mżewqa b’affarijiet sbieħ u differenti.<br />
Jiena Thi.<br />
Jiena Chi.<br />
U jiena<br />
Mai.<br />
Ħafna mill‐ġenituri jaqilgħu l‐għajxien tagħhom billi jaqbdu l‐ħut mix‐xmara u ibigħuh, filwaqt<br />
li xi wħud ibigħu l‐mustarda li tikber max‐xatt tax‐xmara. Iżda mhumiex biss il‐kbar li jaħdmu,<br />
imma t‐tfal ukoll iridu jgħinu biex jaqilgħu l‐għajxien tagħhom. Xi tfal jgħinu fil‐qbid tal‐ħut u l‐ġbir<br />
tal‐mustarda, filwaqt li oħrajn ibigħu l‐biljetti tal‐lotterija lil dawk li jiġu jixtru l‐ħut qrib ix‐xmara.<br />
Jiena mmur<br />
m’ommi naqbdu<br />
l‐ħut mit‐tajn<br />
tax‐xmara.<br />
U jiena nqum kmieni<br />
biex niġbor il‐mustarda<br />
biex la jaslu l‐barranin<br />
nbigħuhielhom.<br />
Jiena mmur<br />
inbigħ il‐biljetti<br />
tal‐lotterija lil<br />
dawk li jiġu qrib<br />
ix‐xmara.<br />
4
Ix‐xmara sservi għal kollox għal dawn in‐nies. Fiha huma jinħaslu, jaħslu l‐ħwejjeġ, il‐platti u<br />
l‐borom, jgħumu, jilagħbu u saħansitra jieklu u jixorbu minnha wkoll. B’xorti ħażina x‐xmara ma<br />
tantx hija nadifa u b’hekk tikkawża ħafna mard, speċjalment fost it‐tfal. Tista’ tgħid li t‐tfal kollha<br />
għandhom xewqat differenti għall‐futur, iżda xewqa komuni fosthom hi dik li jkunu jgħixu fuq l‐art.<br />
Nixtieq li jkollna dar<br />
fuq l‐art, li jkollha fuq<br />
u isfel, tkun soda u<br />
nkun nista’ nrabbi xi<br />
kelb jew qattus.<br />
Jekk inkunu ngħixu<br />
fuq l‐art inkun nista’<br />
mmur l‐iskola.<br />
Nixtieq ngħixu fuq<br />
l‐art għaliex hemm ikel<br />
tajjeb, supermarkits u<br />
ħwienet kbar.<br />
Meta jidlam, fid‐dawl ta’ xi fanal jew xemgħa tnemnem, l‐ommijiet jgħallmu lil uliedhom jiktbu u jaqraw<br />
mill‐ftit li jafu huma. Dan sabiex forsi jkunu jistgħu jsibu mpjieg tajjeb u jgħixu ħajja aħjar minn dik tal‐ġenituri<br />
tagħhom. Iżda minkejja kollox it‐tfal tax‐xmara dejjem issibhom ferħanin u bi tbissima sabiħa fuq fommhom.<br />
La nikber nixtieq insir<br />
kantanta u bil‐flus li<br />
naqla’ nħallas id‐dejn<br />
tal‐ġenituri tiegħi.<br />
La nikber nixtieq insir tabib<br />
biex inkun nista’ nfejjaq lin‐nies<br />
morda li jgħixu fuq ix‐xmara.<br />
La nikber<br />
nixtieq<br />
niżżewweġ<br />
u jkolli dar<br />
fuq l‐art u<br />
familja.<br />
5
L‐ISTEJJER TA’ JIMMY<br />
Vikki<br />
L‐ISKOLA<br />
Kienet waslet l‐aħħar<br />
ġimgħa ta’ Settembru<br />
u Jimmy xejn ma kien<br />
ħerqan li kienet ser terġa’ tibda<br />
l‐iskola. Kien wasal fis‐sitt sena u<br />
s‐sajf kien iħobbu wisq. Jimmy<br />
kien qiegħed fil‐kċina jieħu<br />
l‐kolazzjon, filwaqt li l‐mamà<br />
kienet qiegħda tipprepara<br />
l‐ħobż għall‐iskola.<br />
“Uff, illum erġajna lura<br />
għall‐iskola. Nerġgħu nibdew<br />
bil‐‘homework’ u bl‐istudju, aħjar<br />
ma tiġi xejn ix‐xitwa,” gerger<br />
Jimmy. Il‐mamà waqfet minn<br />
6<br />
dak li kienet qiegħda tagħmel<br />
u poġġiet bilqiegħda ħdejn<br />
binha. “Għalfejn tiddejjaq tmur<br />
l‐iskola?” staqsietu. “Uuu ... għax<br />
l‐iskola ġġib magħha ħafna<br />
xogħol u trid toqgħod tħabbel<br />
moħħok biex taħdem is‐somom<br />
u tikteb il‐komponimenti<br />
tal‐Ingliż u tal‐Malti. U bilħaqq<br />
insejt kemm kelli nitgħallem<br />
dati bl‐amment minħabba<br />
l‐Istudji Soċjali?” wieġeb<br />
Jimmy. “Għandek għalfejn<br />
tħossok ixxurtjat li tista’ tmur<br />
l‐iskola. It‐tfal li jgħixu f’pajjiżi<br />
foqra lanqas biss jafu x’inhi<br />
skola,” qaltlu l‐mamà. “Mela<br />
aħjar kont fqir tafx,” kien pront<br />
irrisponda Jimmy. Xħin semgħet<br />
hekk il‐mamà inħasdet. “Min ma<br />
jmurx skola jrid jaħdem, ħadd<br />
ma jista’ joqgħod id‐dar b’idejh<br />
fuq żaqqu ma jagħmel xejn. Inti<br />
ċert minn dak li qiegħed tgħid?”<br />
staqsietu l‐mamà. “Dażgur<br />
li ċert,” kien pront weġibha<br />
Jimmy.<br />
“Tajjeb wisq,” qaltu l‐mamà.<br />
“Din is‐sena tmurx skola u<br />
minflok midd idek għax‐xogħol.<br />
Ibda qum kmieni u xammar<br />
il‐kmiem. Ibda l‐ġurnata billi<br />
tiżbarazza ftit, farfar u wara<br />
aħsel l‐art. Imbagħad la tkun<br />
lest ibda aħseb x’ser issajjar, mur<br />
ixtri l‐ingredjenti u la tasal lura<br />
d‐dar poġġi l‐borma fuq in‐nar.<br />
Tinsiex li trid toqgħod attent li ma<br />
jmurx jinħaraqlek l‐ikel waqt li<br />
tkun qiegħed tkompli tnaddaf.<br />
U bilħaqq, trid taħsel, tonxor u<br />
tgħaddi l‐ħwejjeġ. Wara kollox<br />
it‐tfal li jgħixu fil‐faqar hekk<br />
jagħmlu. Skola ma jmorrux, iżda<br />
jaħdmu bla nifs minn filgħodu sa<br />
filgħaxija. Tkun għadha lanqas<br />
telgħet ix‐xemx u jkunu diġà<br />
bdew ifittxu b’reqqa fit‐tankijiet<br />
taż‐żibel għal xi biċċa ħobż<br />
niexfa jew għal xi biċċa ċarruta<br />
mqattgħa biex juzawha bħala<br />
lbies. Ma jiqfux iħufu mat‐toroq<br />
ifittxu x‐xogħol biex jaqilgħu xi<br />
ħaġa żgħira tal‐flus. Trid tara<br />
tfal ċkejknin lanqas għadhom<br />
għalqu l‐għaxar snin, min<br />
jillostra ż‐żarbun ta’ xi sinjur,<br />
min iġorr bramel tqal bl‐ilma<br />
u kannestri mimlija frott għal xi<br />
bidwi u oħrajn iseftru lis‐sinjuri.<br />
Jagħmlu dan ix‐xogħol kollu<br />
għal ammont żgħir ta’ flus jew
għal xi żewġ frottiet imħassra.<br />
Sakemm ikun wasal il‐ħin biex<br />
tinżel ix‐xemx ikunu għadhom<br />
jissieltu ma’ xi biċċa xogħol iebsa<br />
jew jiġru wara s‐sinjuri jitallbu<br />
l‐flus. Dawk minnhom iffortunati<br />
li għandhom saqaf fuq rashom<br />
imorru lura għand il‐familja<br />
tagħhom tard bil‐lejl, filwaqt li<br />
dawk li m’għandhomx familja<br />
u dar fejn jgħixu jibdew ifittxu<br />
xi biċċa kartuna biex jistrieħu<br />
fuqha matul il‐lejl; min jagħżel li<br />
jorqod fuq xi bankina u min taħt<br />
xi ħajt,” temmet tgħid il‐mamà.<br />
Jimmy ma kienx jaf x’ser jaqbad<br />
jgħid. “Allura l‐ġenituri tagħhom<br />
ma jaħdmux?” staqsa t‐tifel.<br />
“Dażgur li jaħdmu. Jaħdmu<br />
ħafna, iżda flus ftit li xejn<br />
jaqilgħu u allura t‐tfal ikollhom<br />
jaħdmu wkoll. F’pajjiżi foqra flus<br />
għall‐mediċini m’hemmx, allura<br />
ħafna nies jimirdu u jispiċċaw<br />
bla saħħa u l‐familja ssir<br />
dipendenti minn dak li jaqilgħu<br />
t‐tfal. Huwa għalhekk li jiena u<br />
l‐papa’ nibagħtu €150 lil Missio<br />
Malta kull sena. Bil‐flus inkunu<br />
qegħdin ngħinu lil xi ċkejken fqir<br />
sabiex tingħatalu edukazzjoni<br />
għal sena, jinxtrawlu l‐kotba,<br />
il‐pitazzi, xi lapsijiet u materjal<br />
ieħor għat‐tagħlim,” spjegatlu<br />
l‐mamà. Issa Jimmy kien qed<br />
iħossu aktar imħawwad. Ma<br />
kienx jaf x’ser jaqbad jgħid.<br />
Mhux soltu kien jispiċċa bla<br />
kliem. “U bilħaqq,” kienet ser<br />
tkompli l‐mamà. Jimmy qam<br />
jiġri minn fuq is‐siġġu u ġera<br />
lejn kamartu. “Arani tlaqt nilbes<br />
l‐uniformi; jien l‐iskola nħobbha<br />
ħafna,” għajjat b’leħen għoli<br />
Jimmy. Il‐mamà qamet minn<br />
mal‐mejda u xenglet tnejn<br />
rasha. Waqt li kien qiegħed<br />
jilbes l‐uniformi Jimmy ma setax<br />
jieqaf jaħseb f’dawk il‐povri tfal.<br />
“Kemm kont żbaljat! Jien mhux<br />
biss iffortunat li nista’ mmur<br />
l‐iskola, iżda wisq aktar iffortunat<br />
li għandi dar fejn ngħix, ikel u<br />
xorb kemm irrid, ħwejjeġ x’nilbes<br />
u mediċini għal meta nħossni<br />
ma niflaħx,” gedwed Jimmy.<br />
KIF TISTA’ TGĦIN LIT‐TFAL<br />
FIL‐MISSJONI:<br />
€7 – tiġieġa għal familja bit‐tfal<br />
fil‐bżonn<br />
€20 – platt ross u fażola lil 60 tifel u<br />
tifla bil‐ġuħ<br />
Issieħeb fil‐Klabb<br />
billi timla<br />
l‐formola li ssib<br />
imdaħħla fil‐paġni<br />
tal‐magażin.<br />
€30 – operazzjoni lil tifel jew tifla<br />
biex ma jitilfux id‐dawl t’għajnejhom<br />
€50 – xiri ta’ kotba inkluż materjal<br />
reliġjuż lil tfal tal‐iskola<br />
Ibgħat id‐donazzjoni tiegħek lil ‘Missio’ Nru. 7,<br />
Triq il‐Merkanti, Valletta VLT 1171<br />
Jew fuq www.missio.org.mt/children<br />
Għal aktar dettalji ċemplu fuq 21236962<br />
fil‐ħinijiet tal‐uffiċċju.<br />
GRAZZI!<br />
EZEMPJI SBIEH<br />
GRAZZI MILL‐QALB LIL:<br />
• Skejjel Primarji A & B<br />
tal‐Mosta<br />
• Mużew tal‐Bniet<br />
f’Marsaskala<br />
Li taw bolol u/jew ‘telecards’ użati.<br />
7
Hawn taħt issib modi ta’ kif<br />
tista’ tgħin fl‐Uganda u f’pajjiżi<br />
oħra tal‐missjoni matul dan<br />
ix‐xahar missjunarju.<br />
‘SOCK<br />
IT TO<br />
POVERTY’<br />
ĊENTRU TAS‐SAĦĦA<br />
SAN LUQA, UGANDA<br />
Iċ‐Ċentru tas‐Saħħa San Luqa jinsab f’Bujuni,<br />
fil‐Punent tal‐Uganda. Immexxi minn Sor Mary Goretti<br />
tal‐Kongregazzjoni Ulied Marija, flimkien mal‐istaff<br />
professjonali mediku tagħha, iċ‐ċentru joffri kura<br />
tas‐saħħa u servizzi mediċi lin‐nies tal‐lokal fil‐parroċċa<br />
ta’ Holma.<br />
Peress li huwa l‐uniku ċentru tas‐saħħa affordabbli,<br />
iċ‐Ċentru San Luqa huwa popolari mal‐familji meta<br />
dawn ikunu ma jifilħux. Madanakollu hemm ħafna familji<br />
li jgħixu ’l bogħod wisq mir‐raħal ta’ Bujuni, u jkollhom<br />
jivvjaġġaw għal sigħat twal fuq il‐mutur jew saħansitra<br />
bil‐mixi saċ‐ċentru meta jinqalgħalhom il‐mard.<br />
Fil‐preżent iċ‐ċentru għandu bżonn manutenzjoni u<br />
rinovazzjonijiet kbar għaliex qed jaħdem b’soqfa jqattru u<br />
m’hemmx spazju biżżejjed biex jakkomoda l‐ħafna pazjenti<br />
tiegħu. Hemm ukoll bżonn ta’ servizz ta’ ambulanza ġdida<br />
biex tilħaq lill‐familji fi djarhom fi żmien ta’ bżonn.<br />
Bħalissa s‐sala tat‐tfal qed tiffunzjona bi ftit sodod u hija<br />
ffullata wisq. Sor Mary u t‐tim kollu ta’ San Luqa qed<br />
jippjanaw li jestendu din is‐sala billi jibnu żona separata<br />
biex ilaħħqu mad‐domanda ta’ ħafna tfal.<br />
Sabiex it‐tim ta’ San Luqa jkompli bix‐xogħol fil‐komunità<br />
ta’ Bujuni, kif ukoll sabiex isiru r‐rinovazzjonijiet meħtieġa<br />
liċ‐ċentru, Sor Mary għandha bżonn l‐għajnuna tiegħek.<br />
Ara fuq il‐vidjow tagħna<br />
‘Life to the Full‐School Video’ u<br />
għaddih lill‐familjari u lill‐ħbieb<br />
tiegħek billi tuża din il‐ħolqa:<br />
www.missio.org.mt/children<br />
Oħloq fuq l‐internet attività<br />
ta’ ġbir ta’ fondi ‘Socktober’,<br />
flimkien ma’ sħabek l‐istudenti<br />
u għalliema, u itlobhom jistaqsu<br />
lill‐familjari u lill‐ħbieb biex<br />
jisponsorjawhom. Din l‐attività<br />
tista’ issir kemm individwalment<br />
kif ukoll bħala klassi. Biex tibda<br />
mur fuq il‐ħolqa:<br />
www.missio.org.mt/children<br />
Organizza attività jew<br />
avveniment fl‐iskola ta’<br />
ġbir ta’ fondi ‘Socktober’ u<br />
itlob lill‐familjari u lill‐ħbieb<br />
jisponsorjawk (dejjem tkellem<br />
mal‐għalliema tiegħek).<br />
Iġbor donazzjonijiet ta’ flus<br />
mingħand il‐familjari u l‐ħbieb,<br />
u għaddihom lill‐għalliema<br />
tiegħek.<br />
Ħajjar lill‐familjari u lill‐ħbieb<br />
jagħtu donazzjoni lill‐kampanja<br />
tal‐Ġurnata Missjunarja billi<br />
jużaw il‐ħolqa:<br />
www.missio.org.mt/children<br />
8<br />
Jekk jogħġbok ikkuntattja<br />
lir‐rappreżentant/a ta’ Missio<br />
Tfal fl‐iskola tiegħek dwar<br />
l‐ideat tiegħek ta’ ‘Socktober’<br />
relatati ma’ attivitajiet ta’ ġbir<br />
ta’ fondi. Grazzi.
Change language