Create successful ePaper yourself
Turn your PDF publications into a flip-book with our unique Google optimized e-Paper software.
2 <strong>25</strong> <strong>шілде</strong>, бейсенбі, <strong>2019</strong> <strong>жыл</strong> АҚПАРАТ<br />
САРЫАРҚА САМАЛЫ<br />
#ABAI175<br />
Абайдың<br />
туған жерінде<br />
Облыс әкімі Болат Бақауов Абай Құнанбаевтың<br />
туған жері – Жидебай қыстауына барып,<br />
ақынның өлеңін оқып берді. Облыс әкімі<br />
эстафетаны Ақтоғай ауданының Мүткенов<br />
ауылында тұратын бес жасар Әли есімді<br />
баладан қабылдады.<br />
Өңір басшысы Абай Құнанбаевтың атамекені саналатын<br />
Жидебай жерін зиярат етіп, ұлы ақынның «Әсемпаз болма<br />
әрнеге» атты өлеңін оқыды. Аталған мазмұндағы бейнеролик<br />
облыс әкімінің Instagram желісіндегі жеке парақшасында жарияланды.<br />
Айта кету керек, аталған парақша жазылушылардың саны<br />
күннен-күнге артып келеді.<br />
- Қадірлі жерлестер! Еуразия континентінің нақ ортасында,<br />
Ұлы ақынның ата қонысы, қасиетті де киелі Жидебай<br />
жерінде Абай Құнанбайұлының 175 <strong>жыл</strong>дығына арналған<br />
өлеңдерін оқу эстафетасына қатысуды жөн көрдім, - дейді<br />
облыс әкімі өз Instagram парақшасында.<br />
Болат Бақауов Абайдың 175 <strong>жыл</strong>дығына арналған эстафетаны<br />
Қазақстанның еңбек сіңірген әртісі Шахимардан<br />
Әбілов пен ҚР Парламенті Мәжілісінің депутаты Айзада<br />
Құрмановаға жолдады.<br />
Айта кетейік, облыс әкіміне ұлы ақынның өлеңін оқу<br />
эстафетасын жолдаған жеткіншек - Кәртембай отбасындағы<br />
балалардың үлкені Әли. Ол - ауылдық орта мектеп жанындағы<br />
шағын орталықтың тәрбиеленушісі. Әкесі Жеңісбек Кәртембай<br />
- жиһаз жасаудың шебері, анасы Торғын Көбеш - тіл маманы,<br />
өнерге жақын. Бес жасар Әли Абайдың өлеңдерінен өзге<br />
Сұлтанмахмұт Торайғыров пен Жұбан Молдағалиевтің, Күләш<br />
Ахметованың шығармаларын жатқа біледі. Еске сала кетейік,<br />
Абайдың 175 <strong>жыл</strong>дығына арналған челленджді Ләйлім Шырақ<br />
есімді тоғыз жасар мектеп оқушысы бастаған болатын. Әрі<br />
қарай бұл акцияны ҚР Президенті Қасым-Жомарт Тоқаев,<br />
белгілі әнші Димаш Құдайбергенов және өзге де танымал<br />
қайраткерлер қолдады.<br />
Айбек ЖҰМАТОВ.<br />
БҰЛ ҚАЛАЙ?<br />
Өнімсіз қалды<br />
Көктем келсе болғаны ауылдағы ағайын баубақшада<br />
түрлі көкөніс салып, күзде жемісін<br />
көруді қалайды. Сол үшін таңнан кешке дейін<br />
бел жазбай еңбек етуге де әзір. Ал күзде<br />
сол көкөністерден қысқы азық дайындаудың<br />
амалына кіріседі. Алайда, биыл Успен ауданының<br />
тұрғындары мұндай мүмкіндіктен қағылып<br />
отыр.<br />
Ковалевка ауылындағы аулалардың барлығы дерлік көкөністің,<br />
жеміс-жидектің түр-түрін өсірумен айналысады. Бірақ осы<br />
күзде өнім жинай алмайтын түрі бар. Себебі ауылдағы<br />
шаруашылықтың алқабын өңдеу кезінде химиялық препарат<br />
бақшаларға тамып, көшеттер қурап қалыпты.<br />
- Маусым айында арнайы тікұшақ келіп, алқапты химиялық<br />
препараттармен өңдеді. Әлгі препараттың тамшысы біздің<br />
бау-бақшаларға тамып, өсіп келе жатқан көкөністің барлығы<br />
әп-сәтте қурап қалды. Қырыққабат, қызанақ, тәтті бұрыш<br />
– бәрінен түк қалған жоқ. Жемістер де өспеді. Көшеттерді<br />
екінші рет отырғызып едік, олар да жерсінбеді. Осылайша,<br />
көктемнен бері бел жазбай еткен еңбегіміз зая кетті, - дейді<br />
ауыл тұрғыны Анатолий Кармазь.<br />
Өңдеуден көкөністер ғана емес, адамдардың өздері де<br />
жапа шеккен көрінеді.<br />
- Тікұшақ препараттарды сеуіп жатқан кезде бақшадағы<br />
арамшөптерді жұлып жүр едім. Бір уақытта қырыққабатқа<br />
қолым тигені сол еді, қып-қызыл болып, бөртіп кетті. Қышуы<br />
әлі басылар емес. Дәрігерлер бұл препараттың тамшыларынан<br />
аллергия екенін айтты, - дейді Елена Голубничей.<br />
Өңдеудің бұл түрі өзге шаруа қожалықтарына да залал<br />
тигізді. Жергілікті тұрғындар келтірілген шығын көлемі<br />
1 млн. теңгеден асатынын айтады. Олар қураған көкөністерді<br />
сараптамадан өткізуді қалап еді, бірақ тиісті зертхана тек<br />
Алматы қаласында бар екен. Ал өңдеу жүргізген шаруа<br />
күзде ауылдастарын көкөніспен қамтып, олқылықтың орнын<br />
толтырмақ. Алайда тұрғындар бұған келіспей отыр.<br />
- Біз әр аулаға арнайы барып, шығын көлемін есептедік.<br />
Бұл ретте ұшу талаптарын сақтамаған әуе компаниясы кінәлі<br />
болып отыр. Олар 30 маусымда келіп, 4-5 <strong>шілде</strong>ге дейін өңдеу<br />
жұмыстарын жүргізді. Қазіргі уақытта сотқа арыз дайындалуда, -<br />
дейді Қозыкеткен ауылдық округі әкімінің міндетін атқарушы<br />
Раушан Сәбитова.<br />
Енді шаруашылық пен тұрғындар арасындағы шиеленісті<br />
мәселені сот қарап, тиісті шешім шығармақ.<br />
Қ.ТІЛЕКТЕСҚЫЗЫ.<br />
ӘЛЕУМЕТТІК ҚАМҚОРЛЫҚ<br />
Тұңғыш Президентіміз Нұрсұлтан Назарбаев «Нұр<br />
Отан» партиясының XVIII съезінде Үкіметке әлеуметтік<br />
тұрғыда аз қамтылған отбасылардың баспаналы<br />
болуы үшін жеңілдетілген несие беру механизмін<br />
әзірлеуді тапсырған болатын. Осы тапсырманы орындау<br />
мақсатында «Нұрлы жер» бағдарламасына өзгерістер<br />
енгізіліп, «Бақытты отбасы» жобасы жүзеге асуда.<br />
Баспаналы болғың келсе...<br />
Нұржайна ШОДЫР<br />
Өтініштер<br />
қабылдануда<br />
Аталмыш бағдарлама бұған дейін<br />
республиканың бірқатар өңірінде<br />
басталып кеткен. Ал Павлодар<br />
облысында 22 <strong>шілде</strong>ден бастап іске<br />
асуда. Аймағымызда алғаш болып<br />
Павлодар қаласының тұрғындары<br />
үшін өтініш қабылдау науқаны<br />
басталды. Қалалық қаржы бөлімінің<br />
тұрғын үйді бөлу секторының<br />
меңгерушісі Ақерке Еламанованың<br />
айтуынша, бұл бағдарлама арқылы<br />
қолжетімді тұрғын үй алу құқығы<br />
екінің біріне бұйыра бермейді. Яғни,<br />
ол үшін міндетті түрде мемлекеттік<br />
тұрғын үй қорынан берілетін тұрғын<br />
үйге мұқтаж азаматтар тізімінде<br />
үш түрлі санат бойынша кезекте<br />
тұруыңыз шарт.<br />
- «Бақытты отбасы» бағдарламасына<br />
көп балалы, толық емес<br />
және мүмкіндігі шектеулі балалары<br />
бар немесе мүгедек балаларды<br />
тәрбиелеп отырған отбасылар<br />
ғана қатыса алады. Қазіргі таңда<br />
Павлодар қаласы, Кривенко көшесі,<br />
<strong>25</strong>-үй мекенжайында орналасқан<br />
Open Pavlodar кеңсесінің №13<br />
үстелінде таңертеңгі сағат 9.00-ден<br />
кешкі 17.00-ге дейінгі аралықта қала<br />
тұрғындарының өтінішін қабылдап<br />
жатырмыз. Алғашқы бір күннің<br />
ішінде 50 адам өтініш берді.<br />
Құжаттар 31 <strong>шілде</strong>ге дейін ғана<br />
қабылданады. Сондықтан қолжетімді<br />
баспанадан үмітті тұрғындарды<br />
бағдарламаға қатысуға шақырамыз.<br />
Ол үшін мынандай құжаттарды<br />
жинау қажет: өтініш, өтініш<br />
иесінің отбасы мүшелерінің жеке<br />
куәліктері, некеге тұру немесе бұзуы<br />
жайлы құжат, отбасы мүшелерінің<br />
қайтыс болуы туралы мәлімет,<br />
шаңырақтағы барлық адамның<br />
мекенжай анықтамасы, олардың<br />
меншігінде <strong>жыл</strong>жымайтын мүліктің<br />
жоқ екендігін растайтын анықтама<br />
және жұмыс орнынан соңғы<br />
6 айындағы еңбекақысының орташа<br />
көрсеткіші жайлы мәлімет керек.<br />
Ал мүгедек балалары бар отбасылары<br />
оның мүгедектігін дәлелдейтін<br />
құжаттарды қоса тапсыруы қажет, -<br />
дейді Ақерке Еламанова. Оның<br />
айтуынша, бүгінде шаһар бойынша<br />
жалпы тұрғын үй кезегінде 15 477<br />
адам тұр. Оның ішінде 4 мыңдай<br />
толық емес, 411 көп балалы және<br />
135 мүгедек баланы асыраушы отба-<br />
сылары бар екен. Осы санаттағы<br />
азаматтар қолжетімді баспанаға ие<br />
болу мүмкіндігін жіберіп алмағаны<br />
жөн, дейді мамандар. Себебі,<br />
аталған бағдарламаның уақыты<br />
шектеулі. Яғни, «Бақытты отбасы»<br />
бағдарламасы небары 3 <strong>жыл</strong>ға<br />
ғана арналған. Ал ары қарай<br />
жалғасын таба ма, жоқ па, ол<br />
жағы әзірге белгісіз.<br />
Талап<br />
қандай?<br />
«Бақытты отбасы» бағдарламасы<br />
бойынша баспана алушыларға Тұрғын<br />
үй құрылыс жинақ банкі арқылы ең<br />
төменгі пайыздық ипотека берілетін<br />
болады. Яғни, тұрғын үйге мұқтаж<br />
азаматтар тізімінде жоғарыда<br />
атап өткен үш санат бойынша<br />
кезекте тұрған тұрғындарға 20<br />
<strong>жыл</strong>ға дейін <strong>жыл</strong>ына 2 пайыздық<br />
жеңілдікпен баспана<br />
сатып алу мүмкіндігі<br />
беріледі. Ол үшін өтініш<br />
берушілердің отбасылық<br />
кірісі қатаң есепке<br />
алынады. Талап бойынша<br />
отбасының әрбір<br />
мүшесіне шаққандағы<br />
табыс көлемі 42 500<br />
теңгеден аспауы тиіс.<br />
Мәселен, бір шаңырақта<br />
6 адам бар болса<br />
(6 х 42 500=<strong>25</strong>5 000),<br />
олардың жалпы айлық<br />
табысы <strong>25</strong>5 мың теңгеден<br />
аспауы тиіс. Егер,<br />
отбасылық кіріс көлемі<br />
көрсетілген мөлшерден<br />
артық болса, бағдарламаға қатысу<br />
құқығы берілмейді. Бұл ретте,<br />
балаларға төленетін мемлекеттік<br />
жәрдемақы мен атаулы әлеуметтік<br />
көмек есепке алынбайтынын<br />
айта кету керек. Сонымен қатар,<br />
бағдарлама талабы бойынша<br />
азаматтар алдын ала тұрғын үй<br />
құнының алғашқы 10% жарнасын<br />
төлеуі қажет.<br />
- Біз бағдарламаның осы<br />
талабын өтініш берушілердің<br />
әрқайсысына түсіндірудеміз. Сол<br />
үшін бағдарламаға қатысушылардың<br />
алғашқы жарнаны төлеуге мүмкіндігі<br />
болуы өте маңызды екенін атап<br />
өткен жөн. Егер өтініш беруші ана<br />
бала күтіміне байланысты демалыста<br />
болса, онда бағдарламаға<br />
жолдасы қатыса алады. Ескере<br />
кететін бір жайт, отбасында<br />
төленбеген несие болмауы тиіс.<br />
Сондай-ақ, дәм-тұзы жараспай<br />
ажырасып кеткен толық емес отбасылары<br />
сол сәттен бастап 3 <strong>жыл</strong><br />
мерзім өткеннен кейін бағдарлама<br />
қатысушысы бола алады, - дейді<br />
Ақерке Еламанова. Оның айтуынша,<br />
Павлодар қаласы бойынша<br />
несиелендірудің ең шекті сомасы<br />
10 миллион теңгеден аспауы<br />
керек. Сондай-ақ, бағдарламаға<br />
қатысушы өз қалауынша ұнатқан<br />
үйін таңдап алатын болады. Яғни,<br />
жаңа үй алғыңыз келе ме, екінші<br />
нарықтағы ескі үй ме әлде жер<br />
үй ме, ерік өзіңізде.<br />
Бұған дейін өзге өңірлерде<br />
әлеуметтік тұрғыда аз қамтылған<br />
отбасыларына тұрғын үйдің<br />
алғашқы жарнасы ретінде жергілікті<br />
әкімдіктерден сертификаттар<br />
берілген болатын. Ал бұл мәселе<br />
біздің өңірімізде қарастырылып<br />
жатыр екен.<br />
«Бақытты отбасы» бағдарламасына<br />
өтініш қабылдау науқаны<br />
басталғанымен, павлодарлық<br />
тұрғындардың нақты қашан<br />
қоныс тойын тойлайтыны әзірге<br />
белгісіз.<br />
- Біз алдымен азаматтардың<br />
өтініштерін қабылдаймыз. Содан<br />
кейін оларды Тұрғын үй құрылыс<br />
жинақ банкіне тапсырамыз. Аталмыш<br />
банктің тексеруінен өткен, яғни,<br />
құжаттары талапқа сай, несие<br />
төлеуге қабілетті тұрғындар өзіне<br />
тұрғын үй іздеп тауып, оны ары<br />
қарай рәсімдейтін болады. Сөйтіп,<br />
баспаналы болушылар қатары<br />
арта береді. Ал биыл өтініштерін<br />
мақұлдамаған тұрғындар келесі <strong>жыл</strong>ы<br />
тағы да бағын сынап, бағдарламаға<br />
қатыса алады, - дейді қалалық<br />
қаржы бөлімінің тұрғын үйді бөлу<br />
секторының меңгерушісі.<br />
Осылайша, Павлодар қаласындағы әлеуметтік тұрғыда<br />
аз қамтылған азаматтар үшін баспана мәселесі<br />
біртіндеп өз шешімін таппақ. Ол үшін тұрғын үйге<br />
мұқтаж жандар тиісті құжаттарын жинап, әрекет<br />
ете білсе болғаны.<br />
Суреттер ғаламтордан алынды.