Rompe, xoga en igualdade

Con esta proposta queremos reivindicar a igualdade entre homes e mulleres e a concienciación
social visualizando a posición de asimetría e discriminación da muller nas distintas sociedades,
xerme da violencia machista. Trátase dunha exposición de poesía visual na que o obxecto fala por si
mesmo precisando apenas un texto explicativo. As bonecas elixidas para o proxecto interviñéronse
para amosar situacións de desigualdade, violencia e discriminación e recalcar a importancia do
xogo na educación e a formación de nenas e nenos así como a transmisión de valores.
As bonecas expostas transmiten valores sexistas que se reproducen nos xogos, dirixindo en gran
medida as condutas das nenas e dos nenos.
Mostralas intervidas como mulleres obxecto e representando a realidade da desigualdade das
mulleres na sociedade entendemos que resulta didáctico, esclarecedor e reivindicativo.
Das bonecas intervidas, creación e textos: Isabel Blanco
Da dirección artística, instalacións e cartaz: Irene Silva Xiráldez
Da fotografía: Noemi Chantada (Islandia Producciones)
Do audiovisual: La Resistance Comunicación e Innovación, S. L.

A igualdade de oportunidades entre homes e mulleres, o fin da discriminación e a violencia
sistemática contra a metade da poboación mundial son absolutamente necesarios se queremos
acadar unha sociedade verdadeiramente xusta. A omisión e a invisibilización das mulleres e os
seus logros son un dos maiores inimigos cos que nos enfrontamos. O que non se nomea non
existe; o que non se ve non existe e o que non existe non é, non está.
Pero si estamos. Estamos e somos, centos, milleiros.
Estamos nas escolas e nos hospitais, no campo e no mar, nos fogares e nos despachos, nas
guerras e na paz, na fame e na abundancia, na ciencia e na xustiza, nos montes e nas chairas, nas
artes e nas letras.
E somos. Somos a metade do mundo no que vives. Só tes que mirar. Cando o fagas pregúntate se
queres para ti o que ves. Se non o queres ROMPE.
ROMPE cos muros e o silencio
cos mitos e cos berros
co espazo que te afoga
e o teito de cristal.
ROMPE cos lazos e coas cordas
coas bocas que non bican
coas verbas ferintes e mesquiñas
co medo e a infame tiranía.
ROMPE coas mans ensanguentadas
que premen e mutilan
cos cantos das sereas
e os contos de princesas.
XOGA a gabear montañas
sucar os sete mares
cruzar o firmamento
da man da liberdade.

voda
Non quero casar
con quen comigo
quere ser Amo e non marido
#Barbitortadevoda

nai de aluguer
ALuGASE
1 Ventre-cuarto. Cociñna.
Praza de garaxe opcional
#Barbiventredealuguer

ZAPATO DE TAcoN
Non quero alturas de artifIcio.
Eu quero voar
#BarbitacOns

Princesas
Nin princesas, nin coroas,
nin PRINCIPES que queiran vodas
#Barbiprincesa

PROSTITUCION
MERCADORIA DE BEIZOS SEN BICOS,
SEN VERBAS NIN RISOS. QUE MERCAS?
#BarbiCLUB

BELEZA
ESPELLINO, ESPELLINO,
CANDO ME VAS DEVOLVER
A MINA FERMOSA ALMA ENCADEADA?
#BarbiESCRAVADABELEZA

CASA
TERRITORIO DE CONQUISTAS
DE RAINA SOLITARIA
REGALOCHO
#BarbiRAINADACASA

GARAVATAS
A MORTE SILANDEIRA,
COMA NAS GUERRAS SEN BATALLA
#BarbiAFORCADA

ESCOLA
NON HAI MURO NIN ATRANCO
QUE POIDAN CORTAR AS MINAS AS,
GRANDES E BRANCAS
COMA MONTANAS NEVADAS
#BarbiESTUDANTE

GOLPEADA
SACO DE COMBATE SEN REGRAS;
SEN MAIS REGRAS QUE AS DO que BATE
#BarbiMALTRAtADA

MUNDO
O MUNDO ENTEIRO ao LOMBO,
UN LOMBO ESGOTADO
QUE NON PODE MAIS COA CARGA
#BarbiCOMUNDOAOLOMBO

reloxo
...e pasa a vida, minuto a minuto
#Barbicocinoparatodoscadadia

traballo
axioma de igualdade: se x=Y, ergo y=x
#Barbitraballadora

noivos
se noiva queres, quereme libre
#Barbinoiva

floreiro
#BarbImullerfLoreiro

matrimonio infantil
o futuro arrebatado,
coma o rapto das sabinas
#Barbinenacasadaaforza

exercito
sermos tantas, moitas, todas. sermos

cristal
rompe!