DIE SAAIER WINTER 2020

WINTER 2020
Met
Gebedsgids
www.bybelgenootskap.co.za 3

Liewe Medewerker
WINTER 2020
NOMMER 227
Gebeure het onlangs ’n nare draai geneem en die
wêreld is skielik ’n skrikwekkende plek van groot
onsekerheid.
Ons veg teen ’n onsigbare vyand genaamd
SARS-Cov-2 wat die dodelike Covid-19-siekte tot
volg het. Soos hierdie hoogs aansteeklike virus
versprei bring dit ook ’n golf van wantroue, paniek
en vrees oor al die nasies. Daar is ’n magdom
inliging oor die virus wat alles van mediese modelle,
samesweringsteorieë en fopnuus tot doemprofesieë
insluit. Dit is alles net te veel om te verwerk en
om die waarheid van fiksie te onderskei, is naas
onmoontlik.
Maar as Christene staan ons ferm op die een ding
wat ons in ons harte weet is die absolute waarheid
– die Woord van God. In die Bybel, belowe God dat
hy ons nooit in die steek of alleen sal laat nie ongeag
die situasie waarin ons onsself mag bevind. Ons God
is nie verras deur enigiets wat gebeur nie en daarom
kan ons rus in die vrede dat Hy reeds ’n weg vir ons
gemaak het in hierdie onsekere tyd.
In die aanloop tot ons tweede eeufeesvieringe het
ons gebid dat 2020 waarlik ’n Jaar van die Bybel sou
wees. Hoewel hierdie pandemie ’n stokkie gesteek
het voor baie van vanjaar se beplande feestelikhede,
glo ek dat hierdie krisis baie mense weer na die
Bybel laat draai het as hul bron van vrede en hoop.
Dit is in tye soos die dat die Bybel se boodskap
van God se volmaakte liefde hard en duidelik die
vrees verdryf wat dreig om die wêreld te verswelg.
Laat ons daarom nog harder werk sodat hierdie
wonderlike Boek ’n deel kan word van elke persoon
se lewe.

Gee vir
2 Miljoen Bybels
want die gebrek is groot
Die Bybelgenootskap se 2 Miljoen Bybels-projek
het reeds talle mense geïnspireer om hul deel vir
Bybelverspreiding te doen.
Die Bybelnood in Suid-Afrika is steeds ’n groot
probleem en dit is om hierdie rede dat ons besluit het
om die 2 Miljoen Bybels-projek die fokuspunt van die
Bybelgenootskap se 200-jarige herdenking te maak.
Deur hierdie projek wil ons twee miljoen Bybels en
twee miljoen stelle Bybelgebaseerde geletterdheidsboekies
aan Suid-Afrikaners skenk wat dit nie kan
bekostig nie.
Bybelgenootskapondersteuners en -personeel
het tot dusver ’n wye verskeidenheid projekte
aangepak ter ondersteuning van hierdie projek.
Van die verkoop van boereworsrolle en vlaskywe,
die bak van oliebolle tot atlete wat tydens die
grendeltyd om hul huis stap en hardloop vir Bybels.
Daar is behoorlik ’n gretigheid onder mense om hierdie
projek te sien slaag.
Tans is ons nog baie ver van ons doelwit van twee
miljoen Bybels, met slegs 2% (wat sowat 44 000
Bybels verteenwoordig) van die benodigde fondse wat
ingesamel is. Daar lê dus nog baie werk voor om te
verseker dat hierdie projek ’n sukses is.
Die huidige ekonomiese situasie van ons land en sy
mense skets ’n donker prentjie. Armoede is wydverspreid. Mense ly honger.
Maar benewens die fisiese honger is daar ook ’n broodnodige behoefte aan
die Woord van God. Die Bybel se bemoedigende boodskap van hoop en
liefde is een wat vir elke persoon vrede kan bring.
Ons wil jou daarom vra om die 2 Miljoen Bybels-projek te ondersteun. Elke R100
wat as deel van hierdie projek ingesamel word, sal die Bybelgenootskap help om
een Bybel en een stel geletterdheidsboekies aan iemand in nood beskikbaar te
maak.
Wees ’n Saaier van hoop. Besoek www.2millionbibles.co.za dS
www.bybelgenootskap.co.za 1

Vul mense se harte met
God se Woord
O“Ons missie is nie om boekrakke
vol te maak nie maar om harte te
vul met die woorde van die Skrif
wat mense se lewens verander,”
sê Alexander Schweitzer, die
Wêreldbond van Bybelgenootskappe
(WBG) se Direkteur van Wêreldwye
Bybelvertaling.
Dit is daarom verblydend om te kan
sê dat Bybelgenootskappe wêreldwyd
oor die laaste vyf jaar vertalings van
Bybels en Bybelgedeeltes vir meer as
’n vyfde van die wêreld se bevolking
voltooi het. Dit sluit in vertalings in 270
tale wat deur meer as 1,7 miljard
mense gepraat word.
In die afgelope vyf jaar, is eerste
vertalings van Bybels en Bybelgedeeltes
in 154 tale wat deur 186 miljoen
mense gepraat word, voltooi. Verlede
jaar is eerste vertalings in 50 tale
gepubliseer wat die potensiaal het om
29 miljoen mense te bereik. Ses van
hierdie tale het vir die eerste keer ’n
2 die saaier • winter 2020

volledige Bybel ontvang – onder
andere Ellomwe, ’n taal wat deur
bykans 2,3 miljoen mense in Malawi
gepraat word.
In Tsjad en Tanzanië was daar ook
taalgroepe wat vir die eerste keer ’n
volledige Bybel in hulle taal ontvang
het. Die vertaling van die Nuwe Testament
is in nog twee ander Afrikalande
verwelkom terwyl ’n verdere vier lande
op die Afrikakontinent verskeie eerste
vertalings van Bybelgedeeltes gekry
het.
In die konteks van die laaste vyf
jaar, was 2019 die jaar waarin die
WBG die meeste Bybelvertalings
bekendgestel het: 90 tale wat deur
617 miljoen mense gepraat word.
Op 24 November verlede jaar het
die Bybelgenootskap van Suid-Afrika
’n nuwe vertaling, The Bible for the
Deaf, bekendgestel. Hierdie Bybel wat
in basiese Engels geskryf is, poog om
die Woord van God toeganklik te maak
vir Dowes wat weens hulle beperkte
leeswoordeskat nie ander Bybels kan
verstaan nie.
Die Direkteur-generaal van die
Wêreldbond van Bybelgenootskappe,
Michael Perreau, het die harde werk en
die impak van hierdie prestasies geloof.
“Die vrygewigheid van ons ondersteuners
regoor die wêreld en die toewyding
van die Bybelvertalers, met baie
van hulle wat in moeilike omstandighede
werk, het daartoe gelei dat die Bybel
en Bybelgedeeltes aan ’n ongelooflike
1,7 miljard mense beskikbaar gemaak
is tydens die afgelope vyf jaar.”
Deur die genade van God is die
Wêreldbond van Bybelgenootskappe
en ander Bybelvertalingsorganisasies
vasbeslote om die Bybel in elke taal
beskikbaar te maak. Vir die eerste keer
ooit, is dit ’n realistiese doelwit wat in
ons generasie behaal kan word. dS
www.bybelgenootskap.co.za 3

Bybels vir gerepatrieerdes
uit Wuhan
Hier is Rev Shane Fraser, Streekhoof van die Bybelgenootskap
se Noordelike Streek, en kapelaan Cornelis Oberholster wat die Bybels
by die Bybelsentrum in Kempton Park kom afhaal het.
4 die saaier • winter 2020

Die Bybelgenootskap van Suid-Afrika
het sy rol gespeel in die proses
om die eerste groep gepatrieerde
Suid-Afrikaners uit Wuhan, China,
terug te verwelkom. Die 122 mense,
onder wie baie studente, is met hul
aankoms in Suid-Afrika op 14 Maart
vir 14 dae onder kwarantyn geplaas.
Kapelaan-kolonel Masello
Mothopeng, Senior Stafoffisier Pastorale
Dienste van die Suid-Afrikaanse
Weermag se Gesondheidsdienste,
het die Bybelgenootskap genader om
Bybels te skenk. Die Bybelgenootskap
het 200 Engelse Bybels (Good News
Translation) en 10 Kinderbybels beskikbaar
gemaak. Die Bybels het deel
gevorm van die verwelkomingspakkies
wat elkeen van die terugkerende
geselskap ontvang het.
“Ons is opreg dankbaar vir die
spoedige reaksie toe ons by julle om
hulp kom aanklop het. Dankie vir julle
vrygewigheid, die liefde en patriotisme
wat julle aan julle medeburgers betoon
het, ons waardeer julle ondersteuning,”
het kolonel Mothopeng in sy bedankingsbrief
geskryf.
Crystal Reynolds en haar verloofde
Tyron Steyn, werk al vir die afgelope
sowat twee jaar as Engelse onderwysers
in China en was deel van die
groep terugkerendes.
“Baie dankie aan die Bybelgenootskap
van Suid-Afrika! Dit was baie
moeilik vir ons, maar deur ’n wonderwerk
het ons Bybels ontvang toe ons
in Suid-Afrika aankom. Ons kon ons
na die Bybel wend en presies doen
wat daar in 1 Petrus 5:7 geskryf staan:
‘Werp al julle bekommernisse op Hom,
want Hy sorg vir julle.’ Ek glo God praat
in moeilike tye met ons deur die Bybel
en as dit nie vir die Bybelgenootskap
was nie, sou ons nie hierdie Bybels
gehad het nie,” het Crystal dankbaar
getuig.
Tydens die Covid-19-pandemie
ontvang die Bybelgenootskap al hoe
meer versoeke vir Bybels van welsynorganisasies
wat kospakkies uitdeel.
Dit onderstreep net weer die Bybelnood
in ons land en die belangrikheid
van die Bybelgenootskap se missie
om bekostigbare Bybels aan mense in
hulle eie taal beskikbaar te maak. dS
Tyron
Steyn
Crystal
Reynolds
www.bybelgenootskap.co.za 5

Vreugde oor nuwe
Xirhonga Bybel
Dit het meer as 40 lang jare geneem
maar Xirhonga-sprekers in Mosambiek
het uiteindelik ’n nuwe vertaling van die
Bybel.
Werk aan hierdie nuwe Bybelvertaling
het reeds in 1976 begin,
kort na die stigting van die Bybelgenootskap
van Mosambiek. Daar
was egter etlike struikelblokke wat
deurgaans die vordering van die
werk onderbreek het. Kort nadat die
projek begin het, het ’n vernietigende
burgeroorlog uitgebreek wat vir 16
jaar gewoed het. Dit het die land uitmekaargeskeur
en die werk aan die
vertaling het grotendeels tot stilstand
gekom. ’n Gebrek aan die nodige
tegnologie het ook tydens die eerste
20 jaar van die projek die vertalingsproses
grotendeels bemoeilik.
In Desember verlede jaar is die
Bybel uiteindelik bekendgestel en het
duisende Xirhonga-sprekers op die
manier toegang tot die Woord van
God gekry. Tot dusver het die meeste
Xirhonga-Christene die Bybel in
Xitsonga gebruik omdat die verouderde
ortografie en taal in die eerste
Xirhonga Bybel, wat in 1923 gepubliseer
is, dit vir hulle byna onmoontlik
gemaak het om dit te verstaan. Hierdie
nuwe Bybel met ’n moderne taal en
ortografie bevat ook hulpmiddels,
waaronder voetnote, kaarte, illustrasies
en ’n woordelys.
Die bekendstelling van die Bybel
6 die saaier • winter 2020

was ’n bittersoet oomblik vir Carolina
Litsure, een van die oorspronklike
vertalers.
“Ek het twee emosies: hartseer en
vreugde. Ek is hartseer want ek onthou
my kollegas wat saam met my in 1976
aan die vertaling begin werk het. Ons
was drie maar nou is dit net ek alleen. Ek
wens hulle kon saam met my hier wees
om vir die gemeenskap te sê dat ons
drome, en ook julle drome, nou waar
geword het. Ek is ook bly omdat ons nie
verniet gedroom het nie,” het sy gesê,
terwyl sy die nuwe Xirhonga Bybel in
haar hand vashou.
Die Xirhonga Bybel verteenwoordig
vir Carolina, wat reeds baie jare gelede
as vertaler afgetree het, ’n lewenslange
prestasie.
“Alhoewel ons nie met die werk kon
voortgaan nie, het die Bybelgenootskap
ander vertalers gevind wat ons met
hierdie werk van hoogstaande gehalte
kan verteenwoordig,” het sy met ’n
glimlag gesê. “Ek dank God dat ek die
bekendstelling van hierdie Bybel – wat
ek en my kollegas begin het – kan
aanskou.” dS
www.bybelgenootskap.co.za 7

In ooreenkoms met
PanSAT
Die verhouding tussen die Bybelgenootskap van Suid-Afrika (BSA) en die
Pan-Suid-Afrikaanse Taalraad (PanSAT) is onlangs versterk met die opstel van
’n dokument waar die twee liggame se toekomstige samewerking uiteengesit is.
In Januarie vanjaar het die Bybelgenootskap se Uitvoerende Hoof, ds Dirk
Gevers en die Hoof van Vertaling, dr Masenyani Baloyi, met die PanSATverteenwoordigers,
mnr Lufuno Ndlovu (waarnemende Uitvoerende Hoof van
Tale) en mnr Boichoko Moremi (Senior Provinsiale Bestuurder: PanSAT Noord-
Kaap) vergader om die inhoud van ’n Memorandum van Ooreenkoms te
bespreek.
Die doel van hierdie dokument is om die gebiede van vennootskap
en samewerking tussen die BSA en PanSAT te definieer waar die missie en
doelstellings van die twee organisasies mekaar oorvleuel. Areas van
belangstelling vir beide partye, sluit in: die beskerming en ontwikkeling
van alle tale wat in Suid-Afrika gepraat word, veral in godsdienstige gebruik;
die belangrikheid van die Bybel as waardevolle teks in taalonderrig; en die
ontwikkeling van geletterdheidkapasiteit binne Suid-Afrikaanse taalgroepe. dS
8 die saaier • winter 2020

Gebedsgids
no 3 • 2020
JULIE
28 Jun – 4 Jul
Oostenryk: Prys die Here
dat ons die voorreg het
om Bybels aan gevangenes
en vlugtelinge in
hulle moedertaal te kan
voorsien. Bid ook vir die
jongmense wat die Bybelsentrum
in Wene besoek.
Duitsland: Bid vir die
finale voorbereidings van
die Basiese Bybel voor die
bekendstelling in 2021.
Bid vir die befondsing
van Bybelprojekte deur
kerke en donateurs. Bid vir
groeiende belangstelling in
die Bybel en ons werk in
die bevordering van God
se Woord.
Italië: Bid dat God genesing
sal bring vir ons land
in die nadraai van Covid-19
se vernietigende impak. Bid
dat sy Woord en die troos
wat dit bring die harte van
die ganse bevolking sal
aanraak.
5 – 11 Jul
Slowenië: Bid dat daar tot
’n vergelyk met die Katolieke
Kerk sal kom wat betref
die kopiereg van Bybelteks.
Duitsland
Bid vir die vertalers wat aan
die dinamiese vertaling van
die Nuwe Testament werk
asook vir die uitbreiding van
die traumaberadingprogram.
Serwië: Bid vir die Bybelsaak
in hierdie Christelike
land. Bid dat God die
Bybelgenootskappersoneel
se werk om die Woord in
geskikte formate aan persone
van alle ouderdomme
beskikbaar te maak, sal lei.
Pole
Estland
Letland
Litaue
Belarus
Tsjeggiese
Republiek
Oekraïne
Slowakye
Oostenryk
Moldawië
Hongarye
2
Kroasië
Romenië
1
Serwië
Bulgarye
Italië
4
1 Bosnië-
Herzegowina
3
5
2 Slowenië
3 Albanië
5
4 Masedonië
5 Griekeland
Kroasië: Bid dat God 12 – 18 Jul
sal voortgaan om in 2020 Griekeland: Ons loof en
Bybelwerk in hierdie land prys God vir wat ons reeds
te seën terwyl daar wêreld-
kon vermag ondanks die
www.bybelgenootskap.co.za 9
wyd chaos heers. Bid
dat die Bybelgenootskap
steeds die Bybel in geskikte
formate aan mense
beskikbaar sal maak sodat
hulle die lewegewende
boodskap van die Woord
kan ervaar.
Bosnië-Herzegowina:
Bid vir die mense van hierdie
land, dat hulle toegang
sal hê tot geskikte Bybelhulpmiddels
wat hulle harte
sal verander.

finansiële krisis. Dank die
Here vir die suksesvolle
tweede eeufeesviering van
die Ioniese Bybelgenootskap.
Bid dat daar ’n groter
behoefte aan Bybels sal wees.
Albanië: Bid vir ons
verskeie vertalingsprojekte.
Bid vir ons Friends For
Life Sport Centre-projek
wat die jeug help om vir
die eerste keer die bybelse
boodskap te hoor en om
deurgaans by die Bybel
betrokke te wees.
Masedonië: Bid vir die
Bybelwerk waarmee ons
tans besig is en dat ons
veral kinders sal bereik. Bid
dat ons Bybelbetrokkenheid
sal kan bevorder en
alle segmente van die bevolking,
insluitende Dowes,
sal kan dien.
19 – 25 Jul
Belarus: Bid vir die
Bybelwerk wat hier gedoen
word, spesifiek onder die
kinders wat ontvanklik is vir
die Woord van God. Bid dat
ons geskikte materiaal kan
verskaf wat hulle die Woord
van God op ’n kreatiewe
manier sal leer sodat hulle
insiggewend met die Bybel
kan omgaan.
Litaue: Bid steeds vir die
vertaling van ons Nuwe
Testament in beide Lituas en
10 die saaier • winter 2020
Litause Gebaretaal.
Prys die Here vir die
passie en toewyding van
ons personeel. Bid vir die
groeiende sukses van die
Lewende Prente-kompetisie
waar kinders die bybelse
boodskap deur middel van
fotografie uitbeeld.
26 Jul – 1 Aug
Romenië: Bid vir die
afhandeling van die
hofgeding rakende die
kopiereg van die Cornilescu
Bybel wat al vir die laaste
sewe jaar sloer. Bid vir die
verdere ontwikkeling van
ons projekte en publikasies,
asook die samewerking van
al ons lidkerke.
Estland: Bid vir Bybelwerk
in hierdie baie
sekulêre land. Bid vir ons
pogings rondom die bewusmaking
van die Bybel
as ’n bron van lewe. Bid
dat Christene en nie-Christene
deur ons beplande
werk die Woord beter sal
verstaan.
Letland: Bid vir die hersiening
van die Bybel in Letties
en dat dit ’n simbool sal
word van eenheid onder die
kerke. Bid ook vir ons Bybelbewusmakingsveldtogte
en dat ons in staat sal wees
om Bybelgedeeltes in elektroniese
formate beskikbaar
te maak.
2 – 8 Aug
Hongarye: Prys die Here
vir die hersiene weergawe
van die Karoli Bybel wat
onlangs bekendgestel is,
vir ons Bybelverspreidingsprojekte
en vir ons aanlynkompetisies.
Bid dat hierdie
inisiatiewe positief ontvang
sal word. Bid ook vir die
vordering van die Bybel in
Gebaretaal, vir die mense
wie se harte ons aanraak,
asook vir ons span.
Moldawië: Bid dat almal
in Moldawië deur God se
Woord aangeraak sal word
en dat dit in ’n geskikte
formaat en taal sal wees
wat hulle verstaan. Bid
dat ons meer klem op
Bybelbewusmaking en
Bybelbetrokkenheid in ons
gemeenskap sal kan plaas
asook vir beter samewerking
met kerke.
Bulgarye: Bid dat ons in
die Bybelbehoeftes van ons
medeburgers asook die
vlugtelinge in ons land sal
kan voorsien. Bid dat ons
ook in die behoeftes van
mense met sig- en ander
gestremdhede, asook
kinders in kinderhuise, sal
kan voorsien.
9 –15 Aug
Oekraïne: Bid vir Bybelwerk
in die land te midde
plaaslike en internasionale

Turkye
Oesbekistan
Tadjikistan
Marokko
Algerië
Tunisië
Malta
Ciprus
Libanon
Sirië
2
3
1
Irak
Iran
Egipte
Golfstate
1 Israel
2 Palestynse
Gebiede
3 Jordanië
krisisse. Bid vir al ons projekte
en dat ons spesifiek
die jeug en studente sal
bereik.
Oesbekistan: Bid vir die
Bybelsaak in hierdie land
waar Islam die meerderheidsgeloof
is. Bid dat God
die Bybelgenootskappersoneel
sal lei in hul werk om
die Woord in verskillende
formate beskikbaar te
maak.
Tadjikistan: Bid dat God
Bybelwerk in die land sal
seën. Bid dat ons enige
struikelblokke wat verhoed
dat ons die Bybel in geskikte
formate en vertalings
beskikbaar kan maak, sal
oorkom.
16 – 22 Aug
Pole: Bid dat jongmense in
ons land die behoefte aan
God se Woord in hul lewens
sal raaksien. Bid vir die gratis
verspreiding van die Nuwe
Testament in skole en kerke.
Dank die Here vir die
verspreiding van die
Ekumeniese Bybel in Pole.
Tsjeggiese Republiek:
Bid vir die agt Bybelgenootskappersoneellede
wat
verseker dat die Bybel vir
elke kerk en burger beskikbaar
is. Bid vir ons spesiale
projekte, veral die nuwe
tweetalige Nuwe Testament
uitgawes vir jongmense.
Slowakye: Bid vir die
werk wat ons hoop om hier
te verrig om die geloof van
die Dowes in Slowakye te
versterk. Bid dat ons in die
Bybelbehoeftes van die
plaaslike Christene en veral
die siggestremdes sal kan
voorsien.
23 – 29 Aug
Algerië: Bid dat die druk
wat die owerhede op die
kerke en die Bybelgenootskap
plaas, sal verlig. Bid
dat die Bybelgenootskap
sal kan voortgaan om in
hierdie land te werk.
Egipte: Bid vir ons terwyl
ons voortgaan om ons
werksaamhede in Bybelverspreiding
en Bybelbetrokkenheid
uit te brei. Bid vir
ons fondsinsamelingspogings
om Bybelhulpmiddels
beskikbaar te maak en om
broodnodige Bybelbetrokkenheidprogramme
aan te
bied.
Tunisië: Bid dat God die
pad vir Bybelwerk in Tunisië
sal oopmaak. Bid dat
hoewel die Bybelgenootskap
nog nie hier werksaam
is nie, die Woord nietemin
www.bybelgenootskap.co.za 11

die harte van die mense sal
aanraak.
Marokko: Dank die Here
dat dit moontlik is om
Bybelwerk hier te doen. Bid
dat die Bybelgenootskap se
werk ’n impak sal hê en alle
mense, maar veral jongmense
en kinders, bybelse
beginsels sal leer.
30 Aug – 5 Sep
Arabies-Israeliese
Bybelgenootskap: Bid
vir nuwe geleenthede om
Bybelbetrokkenheid te
bevorder en vennootskappe
met die Palestynse Kerk
en gemeentskap te sluit.
Bid vir vrede in Jerusalem.
Bid vir ons toewyding om
die Woord van God aan
die Arabiese Isreali’s wat in
Israel woon beskikbaar te
maak.
Israel: Dank die Here vir
die voorreg om sy Woord
in die hart van Jerusalem
te kan versprei. Bid vir ons
werksaamhede om die
Woord van God beskikbaar
en toeganklik te
maak aan die mense wat
hier woon, asook die baie
besoekers.
6 –12 Sep
Libanon: Bid vir ons Sentrums
vir Uitnemendheid.
Hierdie sentrums dien die
Kerk in die Midde-Ooste
12 die saaier • winter 2020
met God se Woord deur
vertalings, publikasies,
verskillende projekte en programme.
Bid dat dit kinders,
jongmense en volwassenes
van hulp sal wees.
Jordanië: Bid vir die Bybelgenootskap
in Jordanië
se plan om ’n Bedieningsentrum
in plek te stel.
Dit is ’n besige ligging in
Amman wat toegang tot die
Bybel en die Bybelgenootskap
sal bevorder.
Sirië: Dank die Here vir die
ondersteuning wat ons die
afgelope jaar ontvang het.
Dank die Here vir sy Heilige
Woord en vir die verspreiding
daarvan na al die
gebiede in ons land danksy
die ongelooflike poging van
ons vrywilligers.
13 – 19 Sep
Malta: Bid dat die Bybelgenootskap
sal kan
voortgaan met die uitvoer
van sy missie op verskeie
maniere en met verskillende
programme om in die
Bybelbehoeftes van almal in
die land te voorsien.
Turkye: Dank die Here vir
die 200-jarige herdenking
van die Bybelgenootskap
in Turkye vanjaar. Bid dat
ons aktiwiteite daartoe sal
bydra dat die Turke meer
omtrent die Woord van God
sal leer. Bid vir ons huidige
vertalingsprojekte asook vir
die veiligheid van ons span.
Ciprus: Ondanks die
huidige finansiële krisis,
dank ons die Here dat
hy die Bybelgenootskap
in Ciprus van die nodige
fondse voorsien het om die
mense van hierdie land te
dien. Loof die Here vir die
verspreiding van die Nuwe
Testament in skole deur die
Ministerie van Onderwys.
20 – 26 Sep
Golfstate: Bid vir die traumaberadingprogram
wat in
2017 vir die eerste keer in
Bahrein ingestel is asook vir
die uitbreiding daarvan na
meer lande in die Golfgebied.
Bid vir die verwerking
van die Nuwe Testament in
Arabies na ’n Golf-dialek.
Iran: Bid vir hierdie land
wat so swaar deur die pandemie
van 2020 getref is.
Bid vir vennote wat Bybelwerk
kan ondersteun sodat
mense met die beloftes in
God se Woord bereik en
vertroos kan word.
Irak: Bid vir die mense van
hierdie land wat vir baie jare
swaar gely het. Bid vir vrede
en genesing. Bid veral
dat jongmense en kinders
aan die Woord van God
bekendgestel sal word. dS

’n Soet
wêreldrekord
As daar een man is wat al gewys het
dat jy omtrent enige aktiwiteit kan aanpak
om jou naam in die rekordboeke
te kry, dan is dit André van Zijl.
André wat al meer as 50 wêreldrekords
agter sy naam het, het in
Februarie vanjaar besluit om eiehandig
1 300 oliebolle te bak vir sy jongste
rekordpoging. Die fondse wat hy hiermee
ingesamel het, was alles ten bate
van die Bybelgenootskap se 2 Miljoen
Bybels-projek.
Die Bybel lê vir André baie na aan
die hart en daarom het hy besluit om
die Bybelgenootskap te ondersteun.
“Die Bybel is seker
die mees kardinale
en integrale deel van
jou bestaan wat hand
aan hand gaan met
jou daaglikse gebedslewe.
Die feit dat
die Bybelgenootskap
200 jaar oud is, maak
dit nog meer gepas
dat mens iets moet
doen om die projek
te ondersteun,” het
André gesê.
André het op 27
Februarie om 19:00
met sy rekordpoging
begin en het nege
ure in die kombuis
gespandeer om
vir Bybels
al die oliebolle met die hand voor te
berei, gaar te maak, te versier en te
verpak. Hy het net voor 04:00 die
volgende oggend die laaste van hierdie
soethappies voltooi.
Die lekkernye is almal in ’n japtrap
uitverkoop by die Pick n Pay Familiewinkel
in die Epsom Downs Winkelsentrum,
Bryanston. Die eienaar het
die supermark se kombuis aan André
beskikbaar gemaak en ook al die
bestanddele geborg.
Danksy André se wonderlike
poging is R7 102 vir die 2 Miljoen
Bybels-projek geïn. dS
www.bybelgenootskap.co.za 13

Dominee
hardloop vir Bybels
ondanks inperking
Sy planne om vanjaar vir die
eerste keer aan die Twee Oseane
Halfmarathon deel te neem het
wel platgeval maar ds Willie
Strydom het tog ’n plan gemaak
om vir Bybels te hardloop.
Die 58-jarige ds Strydom se
teleurstelling was groot toe hy sy
hardloopplanne vir die jaar in die
verte sien verdwyn weens die
Covid-19-pandemie en die staat
van inperking wat daarna in werking
gestel is. Dit was weliswaar ’n uitdagende
12 maande vir die predikant
van die Nederduitsch Hervormde
Kerk se Eikenhof-gemeente en
kranige fietsryer.
’n Geskeurde retina en meniskus
het hom twee keer op die
operasietafel laat beland.
“Na die knieoperasie besluit
ek toe dat as ek kan, wil ek uit
dankbaarheid hardloop vir die feit
dat ek tydens hierdie twee terugslae
’n Bybel kon hê waaruit ek kon lees,”
vertel ds Strydom.
Ondanks die pyn van ’n gebarste
sist in sy knie en die Twee Oseanewedloop
wat afgestel is, het ds
Strydom sy woord gestand gedoen
en op 11 April – tydens die inperking –
21,1 km op die kerkterrein gehardloop.
“Dit was geestelik baie moeiliker as
wat dit fisies was. Deur die hele proses
hardloop jy ook met God in jou gedagtes
en jy fokus ook op hoekom jy dit
doen en dit gee jou die krag om vas te
byt.”
Ds Strydom het met sy poging
R6 000 vir Bybelverspreiding ingesamel
en hy bedank almal wat hom
ondersteun het. dS
14 die saaier • winter 2020

verken die Karoo, steun Bybelsaak
DDie jaarlikse motorfietstoer wat
deur die NG Kerk gemeente Nieu-
Bethesda aangebied word, is vanjaar
ten bate van die Bybelgenootskap se
2 Miljoen Bybels-projek gehou.
Tydens die motorfietstoer wat oor
’n naweek strek, verken deelnemers
die agterpaaie en pragtige omgewing
rondom die dorpie. Die toer is in 2017
as ’n fondsinsamelingprojek vir die
instandhouding van die kerkgebou,
begin.
Toe ds Ben Fourie, een van die
Bybelgenootskap se organiserende
sekretarisse, verlede jaar tydens
Pinkster by die kerk gepreek het,
is daar besluit dat die fondse van
die 2020-toer vir Bybelverspreiding
aangewend sal word. Die toergroep
het uit 30 fietse en 50 mense bestaan.
Dit was veral ’n groep Ural-motorfietsgeesdriftiges
wat van so ver as Johannesburg,
Pretoria en Fochville gekom
het, wat die oog gevang het. Hierdie
Russiese motorfietse met syspanne
het amper net so gemaklik soos hul
tweewiel-eweknieë die 250 km van
grondpaaie trotseer.
Langs die pad is daar by plase gestop
waar die groep onthaal is en hulle
baie interessante fossiele en Santekeninge
gesien het. Die gemeente
met net 38 lidmate het al die etes vir
die naweek voorsien.
Die toer het R45 000 vir Bybels ingebring
waarvoor die kerkraad vir God
al die eer gee. dS
www.bybelgenootskap.co.za 15

Leerders dankbaar vir
geletterdheidsboekies
RRev Shane Fraser en Rev Trevor
Fester van die Bybelgenootskap het
vroeër vanjaar Bybelgebaseerde
geletterdheidsmateriaal aan die graad
1- en 2-leerders van die Freedom
Primêre Skool in Soweto oorhandig.
Een van die onderwyseresse,
Snethemba Mkhwnari, was
baie opgewonde toe sy deur die My
Bybel Doen en Leer-boekies geblaai
het en kon dadelik moontlikhede
sien hoe sy die materiaal in haar klas
kon aanwend. Hierdie boekies sal
aanvullend tot die skoolkurrikulum
gebruik word. Die onderwysers en
die leerders was baie dankbaar vir
die skenking. dS
Omega Akademie
se hart klop warm vir Bybels
DDs Ben Fourie, Organiserende Sekretaris van die Bybelgenootskap, se
onlangse besoek aan die Afrikaanse Protestantse Kerk op Kareedouw het die
plaaslike skool geïnspireer om by Bybelverspreiding betrokke te raak. Leerders
van CVO Omega Akademie het daarom besluit om ander kinders met Bybels
te seën. Die 44 leerlinge en 13 personeellede het binne twee weke R3 520,55
ingesamel. Hier is ds Hein Barnard (regs), Organiserende Sektretaris van die
Bybelgenootskap, saam met leerders en personeel van die skool. dS
16 die saaier • winter 2020

Affies ondersteun
Bybelverspreiding tydens eeufees
DDie Afrikaanse Hoër Seunskool in
Pretoria het in Maart vanjaar R61 000
vir die 2 Miljoen Bybels-projek van
die Bybelgenootskap ingesamel. Die
skool vier vanjaar sy eeufees wat
saamval met die Bybelgenootskap
se 200-jarige bestaan. Hulle leuse
‘Laat daar lig wees’, is God se
eerste woorde wat in die Bybel
opgeteken is en verwoord ook die
Bybelgenootskap se feestema in
2020, Die Bybel: Hoop vir almal. dS
Braillebybel ’n kosbare geskenk
Dit was met groot vreugde en
dankbaarheid wat Mary Egambaram
vroeër vanjaar haar Braillebybel
in ontvangs geneem het. Sy was
desperaat op soek na ’n Brailleybybel
en haar gebede is uiteindelik
verhoor toe die pastore by haar
kerk, Anthony en Faith Naidoo van
die Jesus Miracle Revival Church
in Northdale, Pietermaritzburg, die
Bybelgenootskap gekontak het om
’n Bybel vir haar te bekom. Hier is
(van links) pastoor Brian Gopaul
(Bybelgenootskap van Suid-Afrika),
me Vanie Padayachee (Genootskap
van Blindes en Dowes in KwaZulu-
Natal), me Mary Egambaramy,
pastore Faith en Anthony Naidoo
(JMR Church) en dr Elliot Sithole
(Bybelgenootskap van Suid-Afrika). dS
www.bybelgenootskap.co.za 17

Fietsryers trap weer ver vir Bybels
DDie jaarlikse Trap vir Bybels vanaf
Parys na Bloemfontein het vanjaar
weer talle fietsryers gelok wat hul
gunsteling stokperdjie tot diens van
die Bybelsaak wou stel.
Sowat 42 fietsryers van dorpe soos
Vanderbijlpark, Fochville, Vereeniging
en Randfontein het op Vrydag 21
Februarie by die AGS Sion-gemeente
in Parys aangetree vir die begin van die
roete van 330 km.
Die eerste dag se skof het op
Welkom geëindig waar nog 52 ryers by
die groep aangesluit het.
Die toer het die volgende middag
by die Bybelhuis in Bloemfontein
geeïndig.
“Ek het verlede jaar ’n ongelooflike
tyd gehad op die Bybeltrap. Vanjaar
was dit weer asof die Here vir ons die
pad oopgemaak het, met die verkeer,
die inskrywings en finansies. Dit is
ongelooflik wat die Bybelgenootskap
doen vir die verspreiding van Bybels.
Dit is ’n enorme voorreg om ten bate
van die Bybelgenootskap te kan ry,”
het Braam Smith, een van die gereelde
fietsryers, gretig vertel.
Pastoor George Thompson van die
Bybelgenootskap is die skakelpersoon
vir die Bybeltrap en het vanjaar ook
saamgetrap.
“Die Bybel is van onskatbare
waarde. ’n Boek wat vir elke mens
in ons land beskikbaar behoort te
wees. Daarom neem ek self deel om
die Trap vir Bybels-projek te ondersteun,”
het past Thompson gesê. dS
18 die saaier • winter 2020

Jaffelbak vir Bybels
loop nou al klopdisselboom
Die Jaffelbak vir Bybels-projek wat elke jaar deur die NG gemeente Parys-Oos
aangepak word, het nou al ’n instelling geword by die plaaslike gemeenskap.
Hierdie heerlike fondsinsamelingsprojek is vanjaar vir die 17de keer aangepak en
is omtrent ’n gebeurtenis om te aanskou.
Volgens Martin de Villiers, wat elke jaar die geleentheid reël, is daar gemiddeld
tussen 30 en 40 jaffelpanne wat van 07:00 tot 13:00 oor twee dae beman word.
Tydens vanjaar se jaffelbak wat in Januarie gehou is, is 4 500 jaffels gebak. Deur
die projek word daar elke jaar rondom R60 000 vir Bybelverspreiding ingesamel. dS
www.bybelgenootskap.co.za 19

Predikanteforum
vier saam fees
DTydens ’n onlangse galadinee in
Phoenix, Durban, het die Verulam
Predikanteforum ’n gedenkplaat aan
past Brian Gopaul, Organiserende
Sekretaris van die Bybelgenootskap,
oorhandig om die Bybelgenootskap se
tweede eeufees te herdenk. Die dinee
is ter ondersteuning van die 2 Miljoen
Bybels-projek aangebied. Hier is (van
links) past Desmond Moonsamy
(tesourier van die forum), past Gopaul
en past Jay Naidoo (voorsitter van die
forum). dS
Gospelkonsert help vier feesjaar
H
Hester Dorfling en Melanie Snyman van
die Bybelgenootskap se streekkantoor
in Kempton Park het gereël dat
die bekende gospelsangpaar,
Willie en Natasha Joubert, ’n
oggendkonsert doen ter viering van
die Bybelgenootskap se 200-jarige
herdenking. Die konsert wat op 29
Februarie by die Allen Park Tehuis vir
Bejaardes in Kempton Park gehou is,
was ’n groot sukses. Hier is Natasha
en Willie Joubert (tweede en derde
van links) met past Christo Maree,
Hester Dorfling, Rev Shane Fraser en
dr Gerhard Lindeque, almal van die
Bybelgenootskap. dS
20 die saaier • winter 2020

Mary Jones-stap
tydens grendeltyd
Een van die geleenthede wat vanjaar
ter viering van die Bybelgenootskap se
tweede eeufees sou plaasvind, was die
Mary Jones-stap tydens September in
Wallis.
Hierdie staptog sou die voetspore
volg van Mary Jones, ’n jong dame wie
se begeerte om ’n Bybel van haar eie te
besit so groot was dat sy sowat 44 km
gestap het van haar huis in die platteland
tot die naaste dorp, Bala, om ’n Bybel te
koop. Hierdie gebeurtenis het aanleiding
gegee tot die totstandkoming van die
eerste Bybelgenootskap — die Britse en
Buitelandse Bybelgenootskap.
Die historiese staptog moes egter
gekanselleer word toe die Covid-19-
pandemie uitgebreek het. Tog het twee
personeellede van die Bybelgenootskap,
Mims Turley (BSA200: Projekleier) en
Joos Maree (Hoof: Inligtingstegnologie)
besluit om hul tyd tydens die
inperkingsperiode te gebruik om ’n
Mary Jones-stap van hul eie te voltooi
en terselfdertyd fondse vir die
2 Miljoen Bybels-projek in te samel.
Mims het in April in haar agterplaas
die afstand van 44 km oor vyf agtereenvolgende
dae afgelê (8,8 km per
dag). Joos, ’n stapentoesias en sy vrou,
Santie, het ’n week later ook dieselfde
afstand oor vyf dae gedoen.
“Op die inligtingsbord by die roete is
daar ’n Bybelvers geskryf: ‘U woord is
die lamp wat my die weg wys, die lig op
my pad.’ (Psalm 119:105) Dit is waaroor
my agterplaasstap gegaan het, dat
mense die waarheid van hierdie vers vir
hulself moet ontdek in die Bybel, met
sy boodskap van hoop vir almal,” het
Mims gesê. dS
www.bybelgenootskap.co.za 21

Bybelgenootskap
in die kollig
DDie Bybelgenootskap se 200ste herdenking vanjaar het uiteraard daartoe gelei dat
die organisasie oor die laaste paar maande heelwat mediablootstelling geniet het.
Tydens een van die mees onlangse geleenthede het Rouchelle Liedemann met ds
Dirk Gevers, van die Bybelgenootskap, op Die Groot Ontbyt, GROOTFM 90.5 se
gewilde ontbytprogram, gesels. Ds Gevers het die kykers ondermeer vertel van die
nuwe Engelse Bybel vir Dowes, The Bible for the Deaf. dS
Gee nou
HHet jy al oorweeg om ’n bydrae te maak deur
SnapScan te gebruik?
Besoek gerus die Bybelgenootskap se webwerf
www.bybelgenootskap.co.za en klik op die Gee
nou-knoppie. Dit sal jou na ’n bladsy neem met ’n
verskeidenheid maklike maniere om jou bydrae te maak.
Vir SnapScan volg jy net die stappe op die webwerf en een, twee, drie het
jy ’n bydrae gemaak wat iemand kan help om ’n Bybel te ontvang en om
sodoende ook die lewegewende boodskap van die Woord te kan ervaar.
22 die saaier • winter 2020

Wees vry in
die Woord
• 1933/1953-vertaling
• Volledige Bybel
• Standaardgrootte
• Volkleur hardeband
• Merklint
• Bykomende materiaal
ISBN: 9780798223300
• 1983-vertaling
• Volledige Bybel
• Standaardgrootte
• Volkleur hardeband
• Merklint
• Meer as 20 volkleur bladsye
met bykomende materiaal
ISBN: 9780798223331
• 1983-vertaling
• Volledige Bybel
• Standaardgrootte
• Volkleur hardeband
• Merklint
• Meer as 20 volkleur bladsye
met bykomende materiaal
ISBN: 9780798223324
VIER 200 jaar
van Bybelwerk in Suid-Afrika

VIER 200 jaar
van Bybelwerk in Suid-Afrika
Die Here sal
jou altyddeur lei;
selfs in dor streke sal Hy
in jou behoeftes voorsien.
Hy sal jou sterk maak. Jy sal
wees soos ’n tuin met volop
water, soos ’n fontein waarvan
die water nie opdroog nie.
Jesaja 58:11
(1983-vertaling)
2 die saaier • herfs 2020