EES-viðbætir - EFTA

Nr. 9/38 EES-viðbætir við Stjórnartíðindi Evrópusambandsins
22.2.2007
Tímabilið, sem mælt er fyrir um í 6. mgr. 5. gr. ákvörðunar
1999/468/EB, skal vera þrír mánuðir.
3. Nefndin setur sér starfsreglur.
4. Með fyrirvara um framkvæmdarráðstafanir, sem þegar
hafa verið samþykktar, skulu ákvæði þessarar tilskipunar
um samþykkt tæknireglna og ákvarðana, í samræmi við
málsmeðferðina sem um getur í 2. mgr., falla úr gildi
fjórum árum eftir gildistöku hennar. Evrópuþinginu og ráðinu
er heimilt, að fenginni tillögu framkvæmdastjórnarinnar,
að endurnýja viðkomandi ákvæði í samræmi við málsmeðferðina,
sem mælt er fyrir um í 251. gr. sáttmálans, og skulu
þau, í því skyni, endurskoða þau áður en fjögurra ára tímabilinu
lýkur.
25. gr.
Viðurlög
1. Með fyrirvara um rétt aðildarríkja til að beita viðurlögum
á sviði refsiréttar og með fyrirvara um fyrirkomulag
einkaréttarábyrgðar innan þeirra skulu aðildarríkin tryggja, í
samræmi við innlend lög, að gerðar verði viðeigandi stjórnsýsluráðstafanir
eða stjórnsýsluviðurlögum verði beitt gagnvart
aðilum sem eru ábyrgir þegar ekki hefur verið farið að
ákvæðunum sem eru samþykkt við framkvæmd þessarar tilskipunar.
Aðildarríkin skulu tryggja að þessar ráðstafanir
séu árangursríkar, í réttu hlutfalli við brot og letjandi.
2. Aðildarríkin skulu kveða á um að lögbæru yfirvaldi sé
heimilt að birta opinberlega upplýsingar um allar ráðstafanir
eða viðurlög sem beitt hefur verið við broti á ákvæðunum
sem hafa verið samþykkt samkvæmt þessari tilskipun, nema
birtingin kunni að tefla fjármálamarkaðnum í tvísýnu eða
valda viðkomandi aðilum óhóflegum skaða.
26. gr.
Áfrýjunarréttur
Aðildarríkin skulu tryggja að unnt sé að áfrýja til dómstóla
öllum ákvörðunum sem eru teknar samkvæmt lögum og
stjórnsýslufyrirmælum sem samþykkt eru samkvæmt
þessari tilskipun.
VIII. KAFLI
BRÁÐABIRGÐA- OG LOKAÁKVÆÐI
27. gr.
Breytingar
Eftirfarandi breytingar eru gerðar á tilskipun 2001/34/EB
frá og með þeim degi sem er tilgreindur í 29. gr.:
1. Ákvæði 3. gr, 20.–41. gr., 98.–101. gr., 104. gr. og iiliðar
c-liðar 2. mgr. 108. gr. falli brott.
2. Í 3. mgr. 107. gr. falli fyrsta undirgrein brott.
3. Í a-lið 2. mgr. 108. gr. falli brott orðin „skilyrði fyrir
gerð, eftirliti með og dreifingu skráningarlýsingar, sem
birta skal við skráningu“.
4. Ákvæði I. viðauka falli brott.
28. gr.
Niðurfelling
Tilskipun 89/298/EBE falli niður frá og með þeim degi sem
tilgreindur er í 29. gr. Litið skal á tilvísanir í niðurfelldu
tilskipunina sem tilvísanir í þessa tilskipun.
29. gr.
Lögleiðing
Aðildarríkin skulu samþykkja nauðsynleg lög og stjórnsýslufyrirmæli
til að fara að tilskipun þessari eigi síðar en
1. júlí 2005. Þau skulu tilkynna það framkvæmdastjórninni
þegar í stað. Þegar aðildarríkin samþykkja þessar ráðstafanir
skal vera í þeim tilvísun í þessa tilskipun eða þeim fylgja
slík tilvísun þegar þær eru birtar opinberlega. Aðildarríkin
skulu setja nánari reglur um slíka tilvísun.
30. gr.
Bráðabirgðaákvæði
1. Útgefendur verðbréfa, sem þegar hafa verið skráð á
skipulegan markað, sem eru skráðir í þriðja landi skulu
velja lögbært yfirvald sitt í samræmi við iii-lið m-liðar
1. mgr. 2. gr. og tilkynna ákvörðun sína til lögbærs yfirvalds
aðildarríkisins, sem þeir hafa valið sem sitt heimaaðildarríki,
eigi síðar en 31. desember 2005.
2. Þrátt fyrir ákvæði 3. gr. er aðildarríkjum, sem hafa nýtt
sér undanþágu a-liðar 5. gr tilskipunar 89/298/EBE, heimilt
að halda áfram að leyfa lánastofnunum eða öðrum jafngildum
fjármálastofnunum, sem ekki heyra undir j-lið 2. mgr.
1. gr. þessarar tilskipunar, að bjóða út skuldabréf eða önnur
jafngild, framseljanleg verðbréf, sem eru gefin út samfellt
eða með endurteknum hætti innan yfirráðasvæða þeirra, í
fimm ár frá gildistökudegi þessarar tilskipunar.
3. Þrátt fyrir 29. gr. skal Sambandslýðveldið Þýskaland
uppfylla 1. mgr. 21. gr. eigi síðar en 31. desember 2008.
31. gr.
Endurskoðun
Fimm árum eftir gildistöku þessarar tilskipunar skal framkvæmdastjórnin
leggja mat á beitingu þessarar tilskipunar
og leggja skýrslu fyrir Evrópuþingið og ráðið ásamt
tillögum um endurskoðun ef við á.