Download - Gemeinde Opponitz

Unser Ort is zwoar net groß
owa rührn tut sich immer wos.
A Party, a Feier, des is „in“
oder a Disco gor im Roßstoll drin.
Gonz aktiv san unsre jungen Leut,
des Dorf, es lebt, es is a Freud.
Rund geht´s durch die Somstogsnocht,
do wird trunk´n, tonzt und g´locht.
Weiter gonga is am Sonntog Vormittog,
wo da Herr Pforra a Mess´ obgholt´n hot.
A unser Kirchenchor is stets bekonnt,
sie hob´n feierlich die Mess´ umrohmt.
Der offizielle Teil wor donn vorbei,
der Frühschoppen kimmt on die Reih.
Die jungen „Owanitzer“ spiel´n zünftig auf,
glei folgt der Bieranstich schon d´rauf.
Da Vizebürgermoaster und mei Monn
schlog´n noch olten Brauch des Fasserl on.
12
s´ Oktoberfest
So mocht a Veronstoltung der Sportverein
und lond zu an Oktoberfest recht herzlich ein.
Am Sportplotz drob´n do wor aufbaut
und dekoriert, dass ma so schaut.
Lederhos´n, Haferlschuha, trogt dabei a jeder Bua.
A die Mädels fesch beinond,
stehn´s do in ihr´n Dirndlgwond.