G 1946e.V. m melerBuure - KG Stommeler Buure

Verzäll vun nem Prinzenführer
Et es Fastelovendssondach - de Höhepunk für et 3Jesteen un de Jecke em Dörp!
Mer sin om Prinzewage, et Wedder spellt met. Mer sin opjedrieht, hibbelisch - un
jlöcklich!!!.
Mer han nur Freud un müsse jetz nur winke un Kamelle schmieße?? Falsch, janz
falsch; denn dr Zoch kütt un flaneet an uns vorbei, domet mer dä och sin künne
(mer sin jo om letzte Wage!!) - un domet mer de beste Gruppe ussöke künne.
Jede Tollität (un de PriFü och) kritt e Blatt Papier für Notize - un e Piccolöche für
zo drinke. De eetzte Jrupp kütt an: Blau Säck, e paar Blömcher dröm eröm. Mieh
nit, ävver löstisch sin se - nötz leider nix, noh stummer Absprache jitt et nit de
Höchstnote.
Ne Schluck Piccolo, bevür de nächste Abteilung vorbei läuf. Jetz kütt jet Originelles
- müsse mer jar nit drüvver schwade: Dumme noh bovven, Höchstnote (met
dem Piccolöche de Lück zoproste - un noch 'ne Schluck nemme).
Do kütt ne schöne Wage, nur de Kostüme sin leidlich orijinell. De Notize müsse
verjliche weede. Bewertung insjesamp durchschnittlich. Weil mer de Lückche us
der Abteilung ävver jot kennt, jitt et ne Bonuspunk un jet Wurfmaterial von Wage
zo Wage vom 3Jesteen!. Hät einer e Schnäpsje?? Her domet, mer han jo schließlich
noch ca. 45 Abteilunge vür uns, dat strengk an!
Jeschaff, so, jetz jonn mer sälver los - un weede vom jecke Völkche bewertet: also:
winke, lache, schmieße wat dat Zeug hält. Mer will jo ne jode Eindruck mache.
Fäädisch, de Zoch es vorbei. Wor anstrengend, hät ävver vill Spaß jemaat; künnt
mer, wenn mer et künnt, jedes Johr mache. Jeit ävver nit: nächstes Johr sin andere
dran.
khw
14