Mit diesem Team - Hambacher Brennesselkerwe

zoologie
Kerwezeitung 2010
Die Wildsai, die Wildsai …
Es ist an der Zeit, der edlen Gattung eine Ode zu widmen
Die Wildsai, er wärd se all kenne,
faschd in jedem Haus
häjeschde die Leit iwwer se schenne
Jetzt sinn se a schon in Owwerhoamboach oigezoche,
un häwwe do schon oinisches verbroche.
Die Wisse häwwe se feinsäuberlisch rumgezaggert,
die Eigentümer warn goanz verdaddert.
Nur es äigge häwwe se vergesse,
a do kenschde doch en Bessem fresse.
Die Wisse sähje aus, es is zum groine,
die Wildsai, des sinn goanz Gemoine.
Ob die e Sysdem häwwe bei ehrner Rummgroawerei,
isch konns eisch nett soache, isch war noch nett debei.
Nei oiseje kennde se jo a werrer glei,
noja, es Sehmaschin häwwe die hoald nett debei.
Des kenne die Bauern werrer selwer du,
vun denne Wildsai hilft doch do koaner dezu.