schölers leest platt - Schleswig-Holsteinischer Heimatbund eV

SCHÖLERS LEEST PLATT
Vorlesewettbewerb 2011/2012
Schirmherrschaft
Minister für Bildung und Kultur
des Landes Schleswig-Holstein
Dr. Ekkehard Klug
Veranstalter des Wettbewerbs und
Herausgeber der Textsammlung
Schleswig-Holsteinischer Heimatbund
Leitung der Redaktion
Marianne Ehlers
Referentin für Niederdeutsch
Die Durchführung des Wettbewerbs wird unterstützt durch den
Büchereiverein Schleswig-Holstein
Der Wettbewerb wird gefördert durch den
Sparkassen- und Giroverband für Schleswig-Holstein
und die Sparkassenstiftung Schleswig-Holstein

- 2 -

Es wird wieder „op Platt“ gelesen in Schleswig-Holstein, in allen Schulen des
Landes heißt es bei der neuen Runde 2011/2012: Plattdeutsch ist cool, Plattdeutsch
ist eine moderne Sprache, mit der man alles ausdrücken kann. Auch
wenn sie „von früher“ her kommt, ist sie doch auf der Höhe der Zeit. Es lohnt
sich, sich mit ihr zu beschäftigen. Es gibt junge Autoren, die auf Platt schreiben,
es gibt Bands oder auch einzelne Musiker, die plattdeutsche Texte singen und
mit Rock, Pop, Rap unterlegen – genauso wie bei englischen und hochdeutschen
Texten.
Platt macht Spaß und hat gleichzeitig als zweite Sprache unseres Landes einen
hohen Stellenwert. Auch wenn im Augenblick nicht alle jungen Leute die Sprache
lernen, so haben sie doch in Schleswig-Holstein gute Chancen, sie zumindest
verstehen zu lernen und etwas über sie zu erfahren. Eine gute Chance
dafür bietet der große landesweite Lesewettbewerb „Schölers leest Platt“.
Viele Kräfte müssen mobilisiert werden, damit dieser Wettbewerb laufen kann.
In den Schulen, in den Büchereien, bei den finanziellen Förderern und nicht zuletzt
beim Schleswig-Holsteinischen Heimatbund, bei dem die Fäden zusammenlaufen.
Wir wünschen allen Schülerinnen und Schülern im Lande viel Freude beim
Platt-Lesen, viel Erfolg auf allen Ebenen – aber Mitmachen ist auch hier die
Hauptsache, denn: Platt ist ganz schön cool!
Dr. Ekkehard Klug
Minister für Bildung und Kultur des Landes Schleswig-Holstein
Reinhard Boll
Präsident des Sparkassen- und Giroverbandes für Schleswig-Holstein
Dr. Bernd Brandes-Druba
Geschäftsführer der Sparkassenstiftung Schleswig-Holstein
Rolf Teucher
Vorsitzender des Büchereivereins Schleswig-Holstein
Dr. Heinz-Jürgen Lorenzen
Direktor der Büchereizentrale Schleswig-Holstein
Jutta Kürtz
Präsidentin des Schleswig-Holsteinischen Heimatbundes
Dirk Wenzel
Landesgeschäftsführer des Schleswig-Holsteinischen Heimatbundes
- 3 -

- 4 -
So fung Gott dat an ...
(aus: Dat groote Bibel-Billerbook up Platt)
An’n Anfang hett Gott Himmel un Eer
maakt, de hele 1 Welt.
Allens, wat dat gifft, kümmt vun Gott.
He hett dat maakt.
5 Dat weer eerst noch ’n eenzig Dörchenanner,
un pickerdüüster 2 weer dat
överall op de Eer.
Do reep Gott:
„Dat schall nu hell warrn!“
10 Un dat worr hell.
Un Gott keek sik dat an un meen:
„Dat is goot worrn!“
Gott see:
„Över de Eer schall sik de blaue Heven 3
15 wiesen.
Vun de Eer schall Waterdamp hoochstiegen
un sik in de Wulken sammeln.“
Un Gott keek sik dat an un meen:
„Dat is goot worrn!“
20 Gott see: „An de Heven schall dat Lüchten
geven!“
Un he maak de Sünn un den Maan un de
Steerns.
Vun de Tiet an geev dat Dag un Nacht.
25 Un Gott keek sik dat an un meen:
„Dat is goot worrn!“
1 ganze
2 pechschwarz
3 Himmel

ANITA CHRISTIANS-ALBRECHT 2/1
geb. 1959, Beauftragte für plattdeutsche
Verkündigung in der ev.-luth. Landeskirche
Hannover, Pastorin in Bröckel, Kirchenkreis Celle.
Gott see:
„In dat Water schall sik dat Leven rögen
4 !“
30 Un he maak de Fisch.
He maak all dat, wat in’t Water leven
deit, ok de Muscheln un de Seesteerns.
Gott see:
„Ok baven 5 in de Luft schall sik dat
35 Leven rögen!“
Un he maak de Vagels, de groten un de
lüttjen.
In all Klören 6 flogen se nu över de Eer.
Un Gott keek sik dat an un meen:
40 „Dat is goot worrn!“
Gott see:
„Ok op dat faste Land schall sik dat Leven
rögen!“
Un he maak all de Deerten, de op dat
45 Land leevt:
Tigers, Löven, Apen un Schaap un wat
man sik denken kann.
Un Gott keek sik dat an un meen:
„Dat is goot worrn!“
50 To de Landdeerten un to de Vagels un to
de Fisch see he:
4
rühren, bewegen
5
oben
6
(frz. Couleur): Farben
- 5 -
„Nu seht to, dat ji all wat Lüttjes kriegt.
De hele Eer schall vull warrn.“
Opletzt see Gott:
55 „Nu will ik wat maken, wat meist na mi
utsüht.
Ik will Minschen maken.“
Un he maak de Minschen na sien egen
Bild, he maak ehr as Mann un Fru.
60 Un Gott see to de Minschen:
„Un nu seht to, dat ji Kinner kriegt.
De hele Eer schall vull warrn vun Minschen!
Ik sett ju över de Fisch un över de
65 Vagels un över all de annern Deerten.
Kümmert ju dor üm un passt op de Eer
op!“
Gott keek sik all dat an, wat he maakt
harr un segg:
70 Dat is allens goot worrn!
Dorüm ruh Gott sik nu ut. He see:
„Ik heff dat nu all goot torecht kregen.
Nu bruuk ik Ruh.
Un ok de Minschen schüllt eenmal in de
75 Week to Ruh kamen un an mi denken.“
So hett Gott Himmel un Eer maakt.

- 6 -
De Iesenbahn-Oma
(frei nach Paul Maar: Die Eisenbahn-Oma)
Bastian un Oma Gerda fohrt mit de
Iesenbahn vun Hamborg na Flensborg.
Oma Gerda is bi Bastian un sien Öllern to
Besöök ween - un nu will Bastian mit ehr
5 na Flensborg un en poor Daag bi ehr
blieven.
„Fein, dat du mitkümmst, Basti,“ seggt
Oma Gerda, „denn is dat nich so langwielig
för mi.“ Se vertellt sik wat. Se
10 snackt över dat Footballspeel, dat se sik
güstern Avend in’t Fernsehn ankeken
hebbt. Oma Gerda kennt sik ut mit Football.
Denn snackt se över de School.
„Schall ik di mal dat ABC bibringen?“
15 fraagt Oma Gerda.
Basti kickt ehr verwunnert an. „Dat kann
ik doch!“
„Pass op, dat is en Speel, un dat geiht so:
ik maak enen Satz, in de all de Wöör mit
20 den glieken Bookstaven anfangt. Un
denn maakst du enen Satz. Wokeen den
längsten Satz henkriggt, de hett wunnen.“
„Oh dull, Oma Gerda, laat uns dat sachts

MARIANNE EHLERS 2/2
geb. 1953, Dipl.-Bibliothekarin, schreibt plattdeutsche
Kurzgeschichten und Lyrik, lebt in Bordesholm.
25 mal spelen!“
„Goot, höör to, en Satz mit A:
Acht Adeboors arbeidt achtern alleen,
aver acht Aadler angelt an’n Avend,
aha!“
30 Basti juucht, dat gefallt em.
„Un nu maakst du enen Satz mit B!“ Oh,
dat is swoor, Basti mutt lang överleggen.
Man denn fallt em wat in:
„Bi’t Ballspelen böögt Bibi Brummbär
35 blaue Blööm bisiet!“
Dat maakt Spaaß! Basti is stolt, as Oma
Gerda em löövt. Nu fallt de beiden luter 7
höögliche 8 Sätzen in:
„En Elefant eit enen Esel. Eh, eh, eh,
40 Elefant - en Esel eien? Echt elefantös!“
„Fru Fleeg findt feine Fleuten, fleut Flegenleder
för Flegenkinner, fiedelt Flegenmusik
för Flegenkollegen.“
„Norbert Neeshoorn neiht nachts nie‘e
45 Neeshoornbüxen.“
„Swore swarte Schachteln staht seker,
seggt Susi sik - Susi seggt sik, swore
swarte Schachteln staht seker.“
Basti lacht un lacht. Oma Gerda vertellt
7 lauter
8 vergnügliche, lustige
- 7 -
50 em, dat se dat Speel mit ehr Bröder
speelt hett, as se noch en Kind weer.
De beiden markt gor nich, wo gau de Tiet
vergeiht. Twee Stünnen sünd al vörbi.
„Glieks sünd wi in Flensborg, Oma
55 Gerda, een Satz noch!“
Basti stickt jüst sienen letzten Reis-
Bontje in sienen Mund, dor hett Oma
Gerda en Idee:
„Kiek, Kalli Kniep kaut knackige Kugeln,
60 kloor kann Kalli Kniep kauen!“
De Iesenbahn höllt an, de beiden stiegt
ut un loopt den Bahnstieg langs. Op
eenmal blifft Basti stahn. „Wat för en
Satz weer denn nu de längste?“
65 „Heff ik nich oppasst, seker een vun
dien, Basti!“
„Oma Gerda, wat maakt wi vundaag
noch?“
„Ik weet wat Feins. Wi gaht wat
70 plücken.“
„Wat plücken? Wat meenst du, Oma
Gerda?“
„Flensborger Flederberen för feinen
Flensborger Flederbeersaft!“

- 8 -
Nie nich wedder!
„Ach, du leve Tiet! Al halvig twölf! Ik
mutt los!“, reep ik vull Schreck, as ik op
de Klock kieken dee. Ik harr mi bi mien
Fründin total verklöönt. Klock ölven
5 schull ik to Huus ween. Männichmal verlöövt
mi mien Öllern, mit den letzten Bus
to fohren; de höllt dree Minuten vör ölven
vör uns Huusdöör.
„Schall ik bi dien Öllern anropen, Nina?“,
10 fraag mien Fründin. „Nich nödig, ik suus
nu los. Ik nehm den körtern Weg över
den Karkhoff 9 !“
Un weg weer ik.
As ik jüst op den Karkhoff weer, höör ik
15 en grulig „Uhuuuuh!“ Ik verfehr 10 mi!
Dor! En Huschen! Ganz verlahmt 11 stünn
ik still. Keen Luut wiet un siet!
Wohrschienlich weren dat Rotten, un
vör de heff ik keen Bang.
20 Aver villicht weer dat ok en Spöök 12 ? Ik
heff al veel Spökelgeschichten leest un
weet meist allens vun lege un gode Spökels.
Ik weer övertüügt, dat hier blots en
25 goden Geist spökeln dee. Dorüm tru ik
mi wieder. Sachten un vörsichtig tast ik
9 Friedhof
10 erschrak
11 gelähmt
12 Spuk

THU-MY LY 2/3
geb. 1993, mehrsprachig aufgewachsen, Schülerin
am Walddörfer Gymnasium in Hamburg-Volksdorf,
Mitglied der plattdeutschen Arbeitsgemeinschaft.
mi dörch den Nevel, de nu ok noch opkeem.
Unverwohrens 13 föhl ik en ieskole Hand
30 op mienen Rüch! In’n Nu dreih ik mi
üm, man dor weer nix. Denn stölter 14 ik
över en Steen. Bi’t Strukeln 15 worr ik
enen Foot wies.
Hebbt Spökels 16 Fööt?
30 Ik kreeg dat Grugen 17 , mien Hart bleev
meist stahn! As ik wedder Puust kreeg,
leep ik wieder - so gau as ’t man güng.
Man denn full ik hen!
Miteens see en helle Stimm: „Du bruukst
40 keen Angst to hebben. Ik hölp di! Kumm,
stah op!“
„Wokeen büst du - äh, sünd Se?“, fraag
ik. „Ik heet Üta. Un nu kumm!“- „Büst du
en goden Geist?“, fraag ik mit bevern 18
45 Stimm. „Jo, so kannst du dat seggen; ik
bün dien goden Geist! Un nu faat mi an!“
Wi güngen los. Dor - wedder en Foot!
Dat gifft dat doch nich! Dütmal keek ik
ganz scharp hen. „Dat is jo blots de
50 Wuttel 19 vun enen Boom!“, mark ik verlichtert
20 .
Poor Schreed wieder packt mi een an’n
.
13 plötzlich
14 stolperte
15 Straucheln
16 Gespenster
17 Grauen
18 bebend
19 Wurzel
20 erleichtert
- 9 -
Arm. „Üta, kannst du mi hölpen?“, fraag
ik verbiestert. Se anter nich. „Is Üta
55 villicht doch en Spöök?“, dach ik bang.
Op eens lüch de Maan dörch de Wulken,
un ik seeg, dat ik an enen Rosenbusch
fasthung. Denn höör ik Üta gresig 21
schriegen. En Swarm Fleddermüüs
60 sweev um Üta rüm! Ik föhl dat Süseln
vun ehr Flünken, as se afdreihen deen.
„Gottloff, Üta is doch en Minsch“, dach
ik.
Middewiel 22 weer ik frie vun de Stickels,
65 un wi güngen wieder.
Wi segen al de Poort vun den Karkhoff.
„Ik glööv, du schaffst düt Enn nu alleen“,
see Üta.
„Pass goot op di op, un gah nie nich
70 wedder avends över’n Karkhoff!“ –
„Kloor. Tschüüs, Üta, un Dank ok
schöön!“, reep ik.
Denn seeg ik mien Moder an de Poort
töven 23 .
75 Bi’t Lopen dreih ik mi noch mal üm. Üta
weer verswunnen! „Dat gifft dat doch
nich; is Üta villicht doch keen Minsch?“,
dach ik.
21 grausig
22 inzwischen
23 warten

- 10 -
Tiger, Lööv un Mistkäver
(Nach: Max Bolliger, Mein erstes Vorlesebuch
der schönsten Fabeln)
Se weren al lang gode Frünnen: en groten,
starken Lööv, de mit sien vulle
Mähn würklich as so ’n König utseeg, un
en wunnerschönen Tiger, na den sik all
5 de jungen Tiger-Deerns ümkeken.
Keeneen wüss worüm, aver dor weer
een vun de Mistkävers, de bi den Lööv
anstellt weren, de pass dat nich mit de
Fründschop vun de beiden.
10 „Dat schickt sik nich“, mag he dacht
hebben. Oder he weer sülven geern de
beste Fründ vun een vun de beiden
ween.
Eenmal morgens kroop 24 he den Lööv
15 in’t rechte Ohr. „Hest ’t al höört?“,
flüster he em to, „De Tiger vertellt överall,
dat he veel stärker is as du!“
De Lööv schüddel den Mistkäver ut sien
Ohr un schimp: „Wat du woll weetst!
20 Hool dien Klöter 25 un hau af!“ Aver he
kunn doch nich recht vergeten, wat de
Mistkäver seggt harr, un de ganze Dag
24 kroch
25 Mund, Maul

HANS HEINRICH KOLBECK 2/4
1929-2010, früher IPTS-Dezernent für Lehrerfort-
und -weiterbildung, Herausgeber und Autor von
theoretischen Schriften zum Niederdeutschen, von
Unterrichtsmaterialien und niederdeutschen Erzählungen.
weer em verdorven.
Den annern Dag kroop de Mistkäver den
25 Tiger in’t Ohr un suster 26 em to: „Weetst
du, wat de Lööv överall vertellt? He
snackt minnachtig 27 vun di un seggt, du
smeerst di Pomaad in’t Fell, un
överhaupt weer he hunnert mal schöner
30 as du!“
„Du büst ja nich klook! - Wat du woll
weetst!“, knurr de Tiger, schüddel de
Mistkäver ut sien Ohr un schimp em
noch „Ole Mistkäver!“ achterna.
35 Aver vergeten kunn he ok nich recht, wat
de Mistkäver em dor tosustert harr. Un
recht slapen kunn he ok nich de neegste
Nacht.
Un as he den annern Dag wedder bi den
40 Lööv ankeem, keek he em doch so ’n beten
lurig vun de Siet an. Un ok de Lööv
harr sik nich so as sünst. He plier 28 den
Tiger an un dee, as wull he seggen: „Na,
mien leve Fründ, du warrst doch woll
26 flüsterte
27 respektlos
28 blinzelte
- 11 -
45 nich …“
Un denn worr dat weniger mit dat Tosamenkamen.
Un denn fungen se an to
knurren, wenn se sik segen. Un eens
Daags störten 29 se as de Willen openan-
50 ner los un beten un hauen sik, as wenn
se sik wunner wat vörtosmieten 30 harrn.
As se opletzt mööd un afmaracht 31 vunenanner
afleten un ehr Wunnen
licken 32 , fraag de Lööv sienen olen Tiger-
55 Fründ: „Is di egentlich kloor, worüm un
woso wi uns haut hebbt?“
„Na ja, de Mistkäver“, meen de Tiger.
„De Mistkäver? - Kloor, de Mistkäver!“,
lach de Lööv, „wat en Glück, dat wi
60 dorop to snacken kaamt … – Schüllt wi
em dat Fell versahlen?“
„Verdeent harr he dat“, anter de Tiger,
„un Straaf mutt ja egentlich sien!“ „Ach
wat, vergeet dat man!“, lach de Lööv,
65 „Wi beiden sünd en Enn slauer worrn, -
un Mistkäver blifft Mistkäver!“
29 stürzten
30 vorzuwerfen
31 erschöpft
32 leckten

- 12 -
Dor geiht nix över Football
Siet de Weltmeesterschop speelt wi
meist jeden Dag Football. Kai, mien
Fründ, is Miro, Hannes is Poldi un ik bün
Manuel Neuer. Un Sven is meisttiets
5 Scheedsrichter. Jüst even vör de
Weltmeesterschop is he mit ’t Rad över
Kopp gahn. He wull springen mit sien
BMX un hett sik sienen Arm braken. Wo
he nich spelen dörv mit sienen Gipsarm,
10 is he Scheedsrichter worrn.
Ehrdat wi anfangt to spelen, stellt wi uns
an de Middellien op un singt dat
Footballleed. Den Text kenn ik ganz
nau 33 : „Einigkeit und Recht und Freiheit“.
15 Aver ik sing nich mit, wiel Manuel Neuer
nich so goot singen kann.
Dorna bestimmt de Scheedsrichter,
wokeen in’t Door stahn mutt. Egentlich
müss Neuer ja in’t Door. Wenn Poldi
20 oder Miro aftehn 34 doot, fischt he dat
Ding ut de Eck. Aver mien Opa hett
seggt, dat schull ik nich maken, wiel de
Doorwart ümmer de Schuld kriggt, wenn
de Mannschop verleren deit. Ik finn em,
25 Neuer, liekers goot.
33 genau
34 abziehen

HANS-HINRICH KAHRS 2/5
geb. 1956, Lehrer, schreibt plattdeutsche Hörspiele,
Theaterstücke und Prosa, lebt in Alfstadt/ Niedersachsen.
Wi speelt denn hen un her, een maakt
noch den Fernsehkommentater dorto,
un denn knallt wi den Ball op’t Door. Ik
kenn jeden Footballer un weet ok all de
30 Resultaten von de Weltmeesterschop. As
Eenzigsten harr mien Broder dat Album
mit de Footballbiller komplett. Dor güng
all sien Taschengeld bi dörch … un Opa
sien Rente ok … see he. Ik heff de dub-
35 belten Biller kregen.
De annern Jungs in mien Klass speelt ok
Football, aver nich jeden Dag. De Deerns
ok. Op’n Schoolhoff is Football för uns
Klass verbaden. Uns Lehrerin is mehr för
40 Yoga. Wiel ik den Lotussitz sofoorts
kunn, dörven wi eenmal mit de ganze
Klasse Football spelen. Dat weer echt
blööd, Sven hett mi glieks utwesselt. He
speel al wedder den Scheedsrichter.
45 Dorbi is he al lang wedder gesund. Un he
meen, de Scheedsrichter dörv ok över
dat Utwesseln bestimmen. Un twee
Doren hett he nich geven. Dorbi weer
dat gor keen Afsiets.
- 13 -
50 Aver nu traineert wi richtig. Siet twee
Weken sünd wi in’n Vereen. Wi hebbt ok
al en Fründschopsspeel maakt. Söss to
dree verloren. Na, maakt nix. Veel
slimmer is, dat se mien Moder vun’n
55 Platz stellt hebbt. De stünn blangen uns
Door un weer dor egalweg an’t
Schafutern. Ik heff ehr nich wedderkennt.
As se in de Halftiet noch ümmer
op den Scheri 35 rümmottern 36 dee, hett
60 de ehr de rode Koort wiest. En Ordner
hett ehr glieks noch veer Weken
Platzverwies dorto verpasst.
Villicht gah ik doch mal in’t Door. Mit
Schirmmütz un Hanschen. As en Katt in
60 de een oder anner Eck smieten un den
Ball dor ruthalen, dor heff ik Lust to. Vör
de Störmers bün ik keen beten bang. De
schüllt ruhig kamen. Un wenn de
Scheedsrichter mi nich vörher utwesseln
65 deit, denn sing ik ok dat Footballleed
mit. Richtig luut.
35 Schieri (Schiedsrichter)
36 rummotzen

- 14 -
Weddersehn mit Markus
An düt Wekenenn is bi uns Rummel. Dor
freu ik mi dat hele Johr op. Twoors staht
dor ümmer desülvigen Boden, un ok de
Karusells sünd sik ümmer liek, aver ik
5 heff dor ok ümmer enen Barg Spaaß
hatt. Blots dat ik nie nich noog Geld harr
för den Scooter, dat hett mi argert.
Dütmal aver heff ik düchtig spoort,
alleen vun mien Geld kann ik teihn Mal
10 föhren, un en beten wat krieg ik je ok
vun Vader.
Al vun wieden höör ik de Musik vun de
Karusells un ok Krieschen vun de Lüüd.
Op den Platz glieks vörnan rechts steiht
15 dat Karussell för de ganz Lütten.
„Hänschen klein, ging allein...“ Blots
wieder, dat höllt een ja nich ut!
Beten wieder op de linke Siet: „Lose!
Kauft Lose, Leute! Der Hauptgewinn ist
20 noch zu haben!“ To’n Lachen is dat: Jeed
Johr is de noch to hebben, kannst kamen,
wann du wullt. Nee, dor is rein gor
nix bi, wat ik hebben müch.
„Platz Leute, macht Platz für die
25 Kapellen!“ „Rummtata, rummtata.
Wenn der Hund mit der Wurst über’n
Eckstein springt ...“ Dat is ok as ümmer,
aver dat maakt Spaaß! Dor marscheer ik
glieks en Stück mit langs, un mien Hart
30 kloppt för dull.
Mmmh, düsse Ruch: Brennte Manneln!
Dor kann ik nich an vörbi: „Eine kleine
Tüte bitte!“ De mutt ik foorts pröven.

ANNETTA SCHULZ 2/6
geb. 1932, früher Krankenschwester, schreibt
hoch- und plattdeutsche Kurzgeschichten, lebt in
Garstedt/ Niedersachsen.
„Hallo Sven!“
35 „Markus? Büst wedder gesund? Hest di
bannig verännert!“
„Ik weet, eh, bün veel to dick worrn.
‘Viel Essen ist bei eurer Krankheit nötig’,
see uns Pleegersche ümmer. Giff mi mal
40 en poor af vun dien Dinger, eh.“
„Mientwegen. Bliffst du nu wedder to
Huus?“
„Ja. Binah een Johr in so 'n Pleeghuus,
eh, dat langt, segg ik di! Köffst du mi en
45 Braadwust?“ „Höör mal, du hest doch al
mien ganzen Manneln opeten!“
„Eh! Ik denk, du freust di, dat du dien
olen Fründ wedder hest! Nu stell di man
nich an as so ’n Giezknüppel, eh!“
50 „Na goot! Denn is aver noog, ik heff
mien Geld ok nich schenkt kregen.“
„In Ordnung, mein Herr! Smeckt goot,
eh, wisst 37 mal afbieten?“
„Nee, laat man!“
55 „Eh! De Scooter sünd je ok wedder dor!
Ik harr woll Lust to föhren. Du ok?“
„Kloor!“
„Ik maak di enen Vörslag: Ik stell mi för
Koorten an, eh. Wenn ik an de Kass bün,
60 rennst du hen un besettst enen Wagen,
du büst flinker as ik.“
„Goot. För mi muttst du aver wesseln,
hier, teihn Euro.“
Ik pass nu op. Markus steiht jüst vör de
65 Kass, dor hoolt de Scooters an. Ik flitz
los. Dor is ok al Markus bi mi un
37 willst
- 15 -
quetscht sik bi mi rin.
Af geiht de wille Jagd: Wi suust krüüz un
queer över de Bahn, stööt hier an, dor
70 ok - uns Köpp fleegt hen un her, wi
schimpt luuthals - as de annern ok: „Du
Döösbartel! ... Hest dat Stüern nich
lehrt? ... Büst je noch veel to lütt för düt
hier!“ un all sowat. Dat is en Riesen-
75 höög 38 !
Schaad, al to Enn.
Markus seggt: ,,Ik heff glieks för tweemal
köfft, is doch recht, oder?“
„Kloor! Dor kümmt de Kasserer!“
80 Un los geiht dat wedder! To schaad, dat
de Spaaß ümmer so kort is, aver ik kann
ja noch achtmal fohren.
As wi an de Kant staht un bi de annern
tokiekt, segg ik: „Markus, ik krieg noch
85 fief Euro vun di!“
„Wat? En Fohrt kost twee Euro föfftig,
eh! Du tweemal, ik tweemal - maakt nau
teihn Euro. Hest keen Reken hatt in de
School?“
90 Fröher weer Markus doch nich so. He
weer doch ümmer en prima Kumpel,
hett mi doch nie nich bedragen!
„Dorvun weer aver keen Snack, dat ik di
friehool, ik will mien Geld!“
95 He lacht mi luuthals wat ut: „Ik heff
keen Geld, eh. Woher denn woll?“
Nu heff ik noog; ik dreih mi um un will
na Huus. As ik mi noch mal umkiek,
steiht Markus al wedder an üm Koorten.
38 Höög - Freude

- 16 -
Dat Gnatterland
Dat is al lang, lang her. Dor geev dat en
groot Land. In düt Land harr en König dat
Seggen, dat weer de König Gnatter, un
sien Land heet Gnatterland. All Min-
5 schen in düt Land, of groot, of lütt, harrn
Dag för Dag en gnatterig 39 Gesicht to
maken. Weer dor een, de lachen wull,
keem de foorts in enen depen Bunker.
En Barg Soldaten lepen dörch de Straten,
10 se keken in de Hüüs un müssen foorts de
Lüüd wegbringen, de dat Lachen versöchen.
All harrn den ganzen Dag dormit
to doon, mit en füünsch 40 Gesicht dörch
de Welt to lopen.
15 All Lüüd in Gnatterland weren bang, den
Mund optomaken. Dat kunn ja angahn,
dat de Soldaten menen, dat schull en Lachen
ween. Al in’n Kinnergoorn worr de
Lütten Böös-Kieken bibröcht.
20 Dat geev woll Minschen in Gnatterland,
de wullen so geern lachen. Un de leten
sik dörch den Kopp gahn, wat se nich ut
dat Land rutkamen kunnen. Aver dat
güng nich. Rund üm Gnatterland geev
39 mürrisches
40 wütend

DETMAR DIRKS 2/7
geb. 1931, früher Realschullehrer, Mitherausgeber plattdeutscher
Lesebücher, Plattdeutsch-Beauftragter
im Landkreis Oldenburg, lebt in Großenkneten
25 dat en groot Holt 41 . Un dat Holt weer
vull vun hoge Planten un Struukwark mit
Doorns un Stickels, dat keeneen vun de
Gnatterlüüd utbüxen kunn.
Aver in düt Holt, dor leev en lütt Deern,
30 de kunn lachen as man een. Se wüss ja
nich, dat dat verbaden 42 weer. Bi ehr
vergüng nich een Dag, an den se nich anfung
to smuustern 43 , denn to gnickern 44
un to gluckern 45 un achteran luuthals to
35 lachen.
Een Dag nu funn se vör ehr Nees enen
breden Weg, un so keem de Lütte ut dat
Holt rut un stünn in’t Gnatterland. As se
all de Minschen bekeek, de mit en böös
40 Gesicht, dat Muulwark 46 na ünnen
trocken, dörch de Straten lepen, kunn se
nich anners. Se müss toeerst smuustern,
denn gnickern un gluckern un achteran
luuthals lachen. De Minschen keken ehr
45 verbaast 47 an. Aver op eenmal geev dat
ok för de Gnatterlüüd keen Holen mehr.
Se fungen an to smuustern, denn müssen
se gnickern un gluckern un achteran
ok luuthals lachen. De Soldaten wullen
41
Wald, Gehölz
42
verboten
43
schmunzeln
44
kichern
45
glucksen
46
Maul
47
verwirrt, erschrocken
- 17 -
50 sik de Minschen griepen un na den Bunker
bringen. Aver ok se kunnen nich
anners; dat Smuustern keem över jüm,
denn dat Gnickern un Gluckern, un
achteran weer ok bi de Soldaten dat
55 luuthals Lachen anseggt.
De König höör dat Lachen in sien Slott.
He worr vergrellt 48 , leet sik mit en Kutsch
na de Stadt bringen un wull jüst mit sien
Volk en grote Schafuterie 49 anfangen un
60 de Soldaten den Opdrag geven, de Lüüd
an de Kandarr 50 to nehmen. Doch ok de
König wüss gor nich, wat mit em passeren
dee. He füng an to smuustern, denn
müss he gnickern un gluckern un
65 achteran luuthals lachen.
Wat is ut Gnatterland worrn? Heet dat
gor nich mehr Gnatterland? Nöömt sik
dat villicht nu Gnickerland? Wat is ut den
König worrn? Heet he nu König Gnicker?
70 Dat weet nüms. Aver wi beiden köönt ja
mal dörch de Welt steveln un söken.
Amenn hebbt wi Glück un findt dat Land.
48 erzürnt, verätgert
49 Ausschelten, Ausschimpfen
50 Kandarre, Zügel

- 18 -
Bert schrifft wat op
(frei nach Anders Jacobsson und Sören Olsson:
Berts hemmungslose Katastrophen)
Moin!
Wat schall ik vundaag denn schrieven?
Heff dat de ganze Week nich schafft, in
mien Daagbook wat rintoschrieven. Is
5 mehr en Wekenbook, mien Daagbook.
Ha - bald warr ik veerteihn. Ik heff
höört, mit veerteihn wasst een Fluum 51
ünner de Nees – un een kriggt Lust op
Beer un Mopeds. Dat stimmt nich. Ik
10 heff nu al Lust op Mopeds. Op Mopeds
un op Deerns.
Eerstmal schriev ik wat över mien
Leven: ik worr boren, un denn worr ik
dörteihn. En beten kort för enen Levens-
15 loop, wat? Kann een ja blots en Poster
vun maken un keen heel Book.
Sünst noch wat? Ja, ik bün nich riek, un
ik heff en Brill op de Nees. Un denn is
dor noch Ove. Ove is mien Schildkrööt,
20 de hett en Aquorium ganz för sik alleen.
Fröher weren dor noch düre Fisch binnen.
Nu nich mehr. Wo de afbleven
sünd?
Na, Ove is siet Wiehnachten bi mi - un
25 to Niejohr harr de dat schafft: all
opfreten!
51 Flaum

MARIANNE EHLERS 2/8
geb. 1953, Dipl.-Bibliothekarin, schreibt plattdeutsche
Kurzgeschichten und Lyrik, lebt in
Bordesholm.
Ove is en feinen Fründ, ik heff em vun
Arne schenkt kregen. Arne heff ik to’n
Glück nich schenkt kregen. Arne geiht in
30 mien Klass. Dat langt. In de föffte Klass
weer he en stillen Jung un interesseer
sik för Maschinen. In de sösste Klass
worr he en beten översnappt, kümmer
sik blots noch üm dat Basteln vun Bom-
35 men. Un he will na’n Maan 52 flegen.
Na, un Erik eerst. He is ok in mien Klass.
Arne will em vörutschicken na’n Maan,
wenn dat sowiet is. Erik is en Bangbüx 53
mit rode Ohren, kannst nix mit
40 opstellen, kannst nich mal verhauen.
Denn brickt he sik glatt en Arm.
Erik is de eenzige, den ik kenn, de lange
Ünnerbüxen driggt. Lange Ünnerbüxen,
dat mutt een sik mal vörstellen! Un he
45 glöövt mit dörteihn Johr noch an den
Oosterhaas, för den hett he Angst.
Goot, dat wi Oostern nich na School
gaht, sünst müss he een Week lang tohuus
blieven - denn he weer bang, de
50 Oosterhaas keem em in de Mööt 54 !
Nu will ik över dat Schöönste in mien
Leven schrieven, dat kümmt glieks na
52 Mond
53 Angsthase
54 in de Mööt = entgegen
- 19 -
Mopeds - näämlich Emilia!
Emilia - dat is de schöönste Naam, den
55 dat gifft. Letzt Johr funn ik dat nich, man
nu finn ik dat. Emilia weer al ümmer in
mien Klass, harr ik blots noch nich op
den Kieker 55 , heff ik eerst in’n Harvst
rutfunnen.
60 Un vör een Week heff ik noch wat rutfunnen:
ik heff mi in Emilia verknallt! Is
dat nich schöön! Se hett dat blots noch
nich markt. Anner Week geiht de School
wedder los, denn draap 56 ik ehr. Blots,
65 wodennig schall ik dat nu henkriegen,
dat se markt, ik bün in ehr verknallt?
Schall ik ehr enen Breef schrieven! Oder
en SMS? Heff ja gor nich ehr Handy-
Nummer.
70 lk warr Arne mal fragen. Villicht hett de
en Idee. Erik fraag ik lever nich, en Jung
mit lange Ünnerbüxen un de vör den
Oosterhaas bang is, weet sowat nich.
Oder mutt ik mi eerst en Moped toleg-
75 gen, ehr se mit mi snackt?
Wenn ik blots wüss, wat een mit Deerns
so snackt. Hett hier een en Idee?
55 op den Kieker hebben = beobachten
56 treffe

- 20 -
De lütte Slötel an dat blaue
Band
Wiet, wiet weg, dor, wo de Welt to Enn
is, leeg vör lange Tieden dat Land Gallinien.
De Herrscher dor weer König
Franz, en gresigen 57 Keerl, ganz ahn Mit-
5 leed för all sien Ünnergevenen.
Lang harr he op enen Söhn luert, un as
he em harr, freu he sik as dull.
He geev em den Naam Christian, un dat
seeg so ut, as wenn em to sien Glück nu
10 nix mehr fehlen worr.
An sienen eersten Levensdag harr de
Lütt mit eenmal enen lütten Slötel an en
blaue Band üm den Hals, un keeneen
wüss, wo de herkeem. Sien Vader weer
15 füünsch un wull den Slötel op jede Oort
un Wies loswarrn: de Kinnerfru müss em
wegsmieten, de Goorner müss em in’n
Goorn ingraven – söven Meter deep.
Man versöch em to verbrennen un in’t
20 depe Water to versupen. Man dat holp
allens nix – ümmer wedder kehr de lütte
Slötel torüch un hung sik an den lütten
Hals. Dor geev de König op.
Mit de Tiet weer uns Prinz ranwussen,
25 man he harr dat Hart gegen sienen Vader
verslaten 58 .
Nu harr de König enen Vagel, de snacken
kunn. De müss achter den Prinzen
ranflegen un allens mellen, wat he den
57 grässlich
58 verschlossen

HANNELORE WEILAND 2/9
geb. 1947, pensionierte Lehrerin, lebt in Gallin-
Kuppentin im Landkreis Ludwigslust.
30 Dag över so maak. Enen Dag seeg he em
in de achterste Eck vun den Goorn mit
en schöne Roos snacken. Dat gefull den
König nich, un an’n annern Dag weer allens
afmeiht un verwööst. Vun de
35 Rosen weer nix mehr to sehn, blots een
afbraken Roos, mit enen Schoh in de Eer
pedd. Christian nehm ehr as en lütten
verwunnten Vagel in de Hand un höör
ehr ganz liesen snacken: „In en geheme
40 Eck vun’n Goorn achter de Ellern 59 steiht
en Muer 60 . Dor kann man an jeden dörteihnsten
Dag en lies Rohren 61 hören.
Gah na düsse Muer hen un röög ehr mit
dienen lütten Slötel an.“
45 De Prinz küss de starven Roos un leep
ielig na de Steed, de em seggt worrn
weer. De dicke griese Muer weer em
noch nie nich opfullen.
Kuum harr he ehr mit den lütten Slötel
50 an dat blaue Band anröögt, weer en
dröög Rastern 62 to hören, denn reet se
uteneen un en Door weer to sehn.
Un, o Wunner, ut dat Door keem en
Deern. Op Hoor un Kleed leeg gröönli-
55 chen Schimmel, man ut ehr Ogen lüchen
de Freud un dat Glück so, as wenn de
helle Sünn strahl. „Ik bün Prinzessin
59 Erlen
60 Mauer
61 Heulen
62 Rascheln
- 21 -
Christine un dank di för mien Befrien“,
see se. Prinz Christian ümarm un küss de
60 Deern.
In düssen Ogenblick feeg en Storm dörch
de inreten Muer. De Wind bruus in de Ellernkronen
un brook dörch de Fenstern
in dat Königsslott rin, dat all Dören op-
65 flogen. De König seet graad bi’t Eten. He
fohr tosamen, liekenbleek 63 .
As sien Kroon em vun’n Kopp reten worr
un de Trepp runnertrünnel 64 , renn he los
un wull ehr griepen. Man dat güng nich
70 so eenfach. Un so renn un renn he un
sien narrschen 65 Vagel achter em ran.
Keen Minsch hett mehr wat vun de beiden
sehn.
As Prinz Christian un Prinzessin Christine
75 in’t Slott kemen, worrn se vun all Minschen
willkamen heten as dat nie’e Königspoor.
„Nu is dat doch Wohrheit worrn“, see de
Deern, „König Franz worr mal vörher-
80 seggt, wenn mi een küsst, worr he sien
Kroon verleren, un dorüm hett he mi
inmuern laten.“
Siet düsse Tiet kann in alle Ecken vun dat
Land Gallinien de Sünn schienen un de
85 Wind weihen. Överall blöht Rosen un dat
gifft keen Muer mehr.
63 leichenblass
64 herunterpurzelte
65 närrischer

- 22 -
Wi wannert eenfach ut
Den 28. Februar avends höör Jochen
Pielsteert, de Böverste vun de Hasen,
dat Trinchen Nieschier, de Duuv, ehr
Navers Heiner un Stine, de Lünken 66 ,
5 opreegt wat vertell. An’n annern Morgen
schull dat op de Heid en bannig grote
Drievjagd geven. Un dat de Jägers al
rein ut de Tüüt 67 weren, vunwegen dat
Scheten op de armen Hasen, denn üm
10 de güng dat ja toeerst! Donnerslag!
„Dat sünd ja nu keen gode Utsichten“,
dach sik Jochen un överlegg, wat nu to
maken weer. He trummel eerstmal sien
egen Sipp tohoop un vertell, wat he vun
15 Trinchen Nieschier höört harr un see
jüm denn, wat he sik utklamüüstert 68
harr.
He schick siene Neffen Hannes un Hermann
un de Dochter vun sienen Swager,
20 de lütt Metta, foorts los, dat se all de
annern Hasen op de Heid Bescheed seggen.
Un dat duer denn ok nich lang, un
de Böversten vun de annern Sippen weren
dor.
25 „Nu warrt ‘t rieten 69 “, see Bodo Langbeen
un klei sik düchtig achter de Lepels
– dat maak he ümmer, wenn he sik so
opreeg as nu – un fraag, wat een dorgegen
maken kunn, un wat Jochen al
30 wat op de Pann 70 harr?
66
Spatzen
67
rein ut de Tüüt = ganz aus dem Häuschen
68
ausgedacht
69
nu warrt rieten = Ausdruck des Erstaunens, verärgert sein
70
wat op de Pann hebben = eine Idee haben

MANFRED KÄTHNER 2/10
geb. 1951, Verwaltungsangestellter, lebt in Stade
„Kloor“, see Jochen. „wi wannert eenfach
ut!“ „Utwannern? Wo schall dat
denn gahn?“ fragen em de Annern un
wackeln deepdenkern mit ehr langen
35 Ohren.
„Jungs“, see Jochen, „dat is so fein as en
Acker mit Söötklee. Wi mööt röver över
de Bahn, dor dörvt se nich hen, de
asigen 71 Jägers.“
40 Wo he dat vun wüss, fragen em de Annern,
un wo se denn nu nipp un nau 72
hen schullen, un wat dat dor ok seker
weer un, un, un. Se hören gor nich op
mit de Fragerie. Jochen Pielsteert leet
45 jüm utsnacken un meen denn:
„Stopp mal, leve Lüüd. Ik heff dat vun
mienen Vader, un de hett dat vun sienen
Vader. Dat is en oolt Geheemnis, wat in
uns Sipp ümmer an den öllsten Söhn
50 verarvt warrt. Kiek, dat gifft nich blots
uns Heidhasen, nee, ok noch de Wooldhasen,
un de leevt in’n Forst op de anner
Siet vun de Bahn. Un wenn wi Heidjers
mal ganz dull in de Schiet sitt, dennso
55 köönt wi bi de Wooldhasen en Tietlang
ünnerkrupen! Düssen Verdrag hett mien
Öllervader mit de Böversten Wooldhasen
afslaten – un den wüllt wi nu inlösen.
Also, wi loopt nu de Heid lang, suust
71 unangenehmen
72 nipp un nau = ganz genau
- 23 -
60 denn över de Chaussee un achter den
Kröger links af in den groten Forst rin. Ik
heff al mienen Söhn Krischan henschickt,
dat se dor Bescheed weet, dat wi
kaamt.“
65 Un so maken sik de Heidhasen op den
Padd na den Forst, wo se bi de Verwandschop
eerstmal ünnerkrupen deen.
De Jägers hebbt den annern Morgen op
de Heid en bannig dösig Gesicht maakt.
70 Keen Haas weer dor, nich een, un ok
Reineke Rootvoss kunnen se nich
faatkriegen. De suus af as de Blitz un
verhaal sik in een vun de groten Kaninkenlöcker,
wo de jachterigen 73 Hunnen
75 ok nich henkunnen.
Bi dat groot Palaver, wat de Jägers denn
harrn, güng op eenmal een vun de Donnerbüssen
los. Dat Blie dreep een vun de
Jägers so in’t Been, dat de bannig veel
80 Bloot verloor. As de Jägers naher denn
mit lange Nesen aftrocken weren, kemen
de Heidhasen wedder ut den Forst
rut un danzen vör Freud – akraat 74 an de
Steed, wo de een Jäger dat Blie afkregen
85 harr. Un düssen Siegerdanz maakt se nu
ümmer in de Nacht vun den 29. Februar.
Wenn du nipp un nau henhöörst, denn
kannst ok mitkriegen, wat se dorbi luut
un düütlich mit de Fööt trampelt!
73 abgehetzt
74 genau, akkurat

Quellenverzeichnis
Die Texte sind für diese Sammlung orthographisch gegenüber
der Vorlage vereinheitlicht und zum Teil gekürzt
worden.
1/1 Marianne Ehlers: De Opodeldoks, frei nach Sepp
Strubel: „Die Opodeldoks“, Hamburg: Oetinger
1985, S. 160.
1/2 Sigrun Sachs: De grote Unkel Max, in „Vertell doch
mal – wat för de Kinner“, hrsg. vom Norddeutschen
Rundfunk, Neumünster: Wachholtz 2011,
S. 82-83.
1/3 Annetta Schulz: Jürgen un de Muus, in „Dat Vörleesbook“,
hrsg. von der NDR Hamburg-Welle
90,3; Hamburg: Quickborn 1998, S. 83.
1/4 Christinanne Nölting: Dat grote Rennen, in „Perry
Peerd. Dat grote Rennen“. Hamburg: Quickborn
2010, S. 18-23.
1/5 Hans-Heinrich Kolbeck: De Prophet Jona, Rechte
beim Autor.
1/6 Johanna Kastendieck: Hansi, in „Dat Vörleesbook“,
hrsg. von der NDR Hamburg-Welle 90,3; Hamburg:
Quickborn 1998, S. 54.
1/7 Heinke Hannig: Pilzmahltiet, in Hannig, „Geschichten
vun dat Glück“, Goldebek: Mohland, 2004,
S.95-96.
1/8 Brigitte Fokuhl: De plietschen Wörm, Rechte bei
der Autorin.
1/9 Hans Wilkens: De Deern mit den Luftballon, in
„Dat Denkmaal“, Ekenis: Hako 2006, S. 5-6.
1/10 Friedrich Hans Schäfer: Pippi geiht na School; nach
Astrid Lindgren „Pippi Langstrump“, navertellt vun
Friedrich Hans Schäfer, Hamburg: Oetinger 1979,
S. 38-44.
2/1 So fung Gott dat an ..., aus: „Dat groote Bibel-
Billerbook up Platt“, hrsg. von Anita Christians-
Albrecht, Ausgabe der Deutschen Bibelgesellschaft,
Stuttgart, Burgdorf 2007, S. 10-21.
2/2 Marianne Ehlers: De Isenbahn-Oma, frei nach Paul
Maar „Die Eisenbahn-Oma“, Hamburg: Oetinger
1981 (Reihe: Sonne Mond und Sterne).
2/3 Thu-My Ly: Nie nich wedder, Rechte bei der Autorin.
2/4 Hans Heinrich Kolbeck: Tiger, Lööv un Mistkäver,
nach Max Bolliger „Mein erstes Vorlesebuch der
schönsten Fabeln“, Ravensburg 1992, S. 29-31.
- 24 -
2/5 Hans-Hinrich Kahrs: Dor geiht nix över Football.
Rechte beim Autor.
2/6 Annetta Schulz: Weddersehn mit Markus, Rechte
bei der Autorin.
2/7 Detmar Dirks: Dat Gnatterland, in „Vertell doch
mal – wat för de Kinner“, hrsg. vom Norddeutschen
Rundfunk, Neumünster: Wachholtz 2011,
S. 30-33, Auszug aus: „Ronja un de Geschichtenverteller“.
2/8 Marianne Ehlers: Bert schrifft wat op, frei nach
Jacobsson, Anders und Olsson, Sören: „Berts
hemmungslose Katastrophen“, Hamburg: Oetinger
1995, S. 143ff.
2/9 Hannelore Weiland: De lütte Slötel an dat blaue
Band, in „Vertell doch mal – wat för de Kinner“,
hrsg. vom Norddeutschen Rundfunk, Neumünster:
Wachholtz 2011, S. 96-99.
2/10 Manfred Käthner: Wi wannert eenfach ut, in
„Vertell doch mal – wat för de Kinner“, hrsg. vom
Norddeutschen Rundfunk, Neumünster: Wachholtz
2011, S. 73-75.
3/1 Birgit Lemmermann: Vaders un anner ne’e Keerls
för Ma, in: Lemmermann, „Ebbe un Hehn“. Bremen
2007. S. 30ff
3/2 Antoine de Saint-Exupery: De veerte Planet, in
„Der kleine Prinz“. Plattdüütsch vun Arnd Immo
Richter, Nidderau: Naumann 2000, S. 45-49.
3/3 Melf Binge: Krank wesen, aus „Water op drööge
Land“, Kiel: Jung 1985, Rechte beim Autor.
3/4 Hans-Hinrich Kahrs: Verleevt, Rechte beim Autor.
3/5 Bernhard Koch: Nüms will mi hebben, in „Glück
hatt“, hrsg. vom NDR, Neumünster: Wachholtz
1998, S. 65-66.
3/6 Marianne Ehlers: Bi de Aborigines, frei erzählt
nach Marlo Morgan „Traumreisende“, München:
Goldmann, 2000.
3/7 Wolfgang Sieg: Hochtiet in Bockelbüttel, in „Sigi
Sünnschien sien Stories“, Hamburg: Quickborn
1985, S. 155-157.
3/8 Heiko Gauert: Flickwark, Rechte beim Autor.
3/9 Heiko Gauert: Harry, Rechte beim Autor.
3/10 Annetta Schulz: Anners mutt dat nu warrn! Rechte
bei der Autorin.
Trotz umfangreicher Bemühungen, die Rechte einzuholen, ist es uns
in Einzelfällen nicht gelungen, die gegenwärtigen Rechteinhaber zu
ermitteln. Honorarforderungen der Rechteinhaber bleiben selbstverständlich
gewahrt.

Plattdüütsch in’n Hörfunk
• Hör mal’n beten to -
Die plattdeutsche Morgenplauderei
(jeden Werktag, 10.40 Uhr)
• Von Binnenland und Waterkant –
(Montag bis Freitag, 20.05 Uhr – 22.00 Uhr)
o Aktuelle Reportagen, Interviews, Buchbesprechungen,
Theaterrezensionen in der ersten Stunde.
Außerdem „Schleswig-Holsteins Topographie“
(Mo/Mi), „Dat Wedder op Platt“ (Do). Montags:
Schwerpunkt Plattdeutsch in der zweiten Stunde
mit Berichten, Portraits, Autorenlesungen „Platt
live“, Rätsel „Platt für Plietsche“
- 25 -
• „De Week op platt“
(sonnabends, 8.15 Uhr)
der satirische Wochenrückblick
• Niederdeutsches Hörspiel
(jeden zweiten Freitag, 21.00 Uhr)
• „Platt live“
Plattdeutsche Lesungen (seit 1969) anwechselnden
Orten sowie das plattdeutsche Musikfest
beim „Kunstflecken“ Neumünster
• Niederdeutscher Erzählwettbewerb
„Vertell doch mal“
mit Radio Bremen, der PNE Wind AG und dem
Ohnsorg-Theater Hamburg
o (ausgezeichnet mit dem Niederdeutschen
Literaturpreis der Stadt Kappeln 1994
• darüber hinaus gibt es auf der NDR1 Welle Nord
plattdeutsche Anteile im gesamten Tagesverlauf

De Bökerie is ok för di!
Pünktlich zum Start des plattdeutschen Vorlesewettbewerbes gibt es in den Büchereien in Schleswig-Holstein
jetzt auch Wissensboxen mit zahlreichen plattdeutschen Medien. Doch Büchereien
können noch viel mehr. Hier erfährst du, warum es sich lohnt, die öffentlichen Büchereien zu nutzen:
Vom Buch bis zur Blu-Ray – das Angebot der öffentlichen Büchereien
Mehr als 150 öffentliche Büchereien und 13 Fahrbüchereien in ganz Schleswig-Holstein, von Flensburg
bis Lauenburg, von Helgoland bis Fehmarn, halten die verschiedensten Medien für dich bereit:
• Bücher
• Zeitschriften
• CDs, DVDs
• Blu-Ray-Discs
• PC- und Konsolenspiele
• Brettspiele
Spannende Filme, Hörbücher und Lesefutter in Form von Krimis & Thrillern, Fantasy-Romanen,
historischen Abenteuern, Mangas und Comics aber auch Sachbücher und Zeitschriften zu Themen
wie Sport, Musik und Zeitgeschehen – das alles findest du in der Bücherei in deiner Nähe. Und noch
vieles mehr!
Der Internet-Zentralkatalog der Büchereizentrale enthält darüber hinaus rund 400.000 Titel aus
dem Medienangebot der öffentlichen Büchereien im ganzen Land. Über 100 Büchereien in Schleswig-Holstein
bieten dir die Möglichkeit, diese Titel per E-Mail zur Abholung in deine Bücherei zu
bestellen.
Hilfe für die Hausaufgaben – die Munzinger Online Datenbanken
Du bist auf der Suche nach Informationen für deine Hausaufgaben, Hausarbeiten oder Referate und
wirst im Internet nicht fündig? Kein Problem, denn 27 öffentliche Büchereien in Schleswig Holstein
bieten dafür auf ihrer Homepage den schnellen und kostenlosen Zugang zum reichhaltigen Wissen
der Munzinger Online Datenbanken und der Brockhaus-Online-Enzyklopädie – und das jederzeit von
zu Hause aus. Hier findest du viele verlässliche Informationen zum Beispiel zu Personen, Ländern,
Geschichte und Pop.
Autoren und Künstler hautnah erleben – die Kinder- und Jugendbuchwochen
Seit 27 Jahren finden im November in den Büchereien in Schleswig-Holstein die Kinder- und Jugendbuchwochen
statt. Bei Lesungen, Theateraufführungen und Poetry Slams lernst du Autoren
und Künstler hautnah kennen und kannst dich im Rahmen von Schreibwerkstätten und Workshops
selbst literarisch betätigen.
Eine Belohnung fürs Schmökern – der FerienLeseClub
Auch in den Sommerferien lohnt sich ein Büchereibesuch! In über 50 Büchereien in Schleswig-
Holstein nehmen mittlerweile mehr als 5.000 Schülerinnen und Schüler am FerienLeseClub (FLC)
teil. Das Tolle daran: In den Ferien kannst du als Clubmitglied aus vielen spannenden Büchern deine
Lieblingslektüre aussuchen. Bei der Rückgabe musst du nur noch ein paar Fragen zu den Büchern
beantworten, und schon erhältst du das begehrte FLC-Zertifikat, das du nach den Ferien in dein
Zeugnis eintragen lassen kannst.
Weitere Informationen zu den Angeboten und zur Anmeldung erhältst du in deiner Bücherei oder
unter www.bz-sh.de.
Die öffentlichen Büchereien in Schleswig-Holstein freuen sich auf deinen Besuch!
- 26 -

Textauswahl und Vereinheitlichung der
Texte
Für die Auswahl der Texte wurde eine Redaktion
gebildet, die geeignete, das heißt altersgerechte Literatur
zusammengestellt hat. Dabei wurden Inhalte,
Themen und Formen beachtet – zusätzlich auch
auf den Wert der Wiedererkennung gebaut, etwa
bei Übersetzungen aus dem Hochdeutschen.
So ist ein breites Spektrum an kind- und jugendgemäßer
Vorleseliteratur für folgende drei Altersgruppen
entstanden:
1: 3. -4. Schuljahr
2: 5. -7. Schuljahr
3: 8. -10. Schuljahr
Damit dieses Textheft seinen Zweck erfüllen kann,
sind die Beiträge unter Vernachlässigung der regionalen
Eigentümlichkeiten in bezug auf die Schreibung
vereinheitlicht worden. Den Autoren ist dafür
zu danken, dass sie einer solchen Veränderung ihrer
Texte zugestimmt haben.
Innerhalb des landesweiten Wettbewerbs musste
eine Textbasis geschaffen werden, die von allen
Teilnehmern ohne allzu starke Leseschwierigkeiten
aufgrund von regionalen Charakteristika gelesen
werden kann. Zugleich sind ältere Schreibungen
aufgehoben worden, weil sie das Lesen unnötig
kompliziert machen.
Die Vereinheitlichung der Texte hat insbesondere
zum Ziel, den Schülerinnen und Schülern die Chance
zu eröffnen, zwischen den Texten ungehindert
auswählen zu können. Noch viel wichtiger für die
Lesenden ist es, dass sie von jedem Text aus, ohne
durch regionale Schreibungen gestört zu werden,
zu ihrer örtlichen Aussprache gelangen können.
Damit können sie auch mit Familienmitgliedern
üben.
Die schon im Plattdeutschen geübten Schülerinnen
und Schüler können zudem auf dieser Basis ihre
„eigene“ Mundart zu sprechen. Auch wenn die sogenannten
„Schleswiger Formen“ in den Textheften
nicht auftauchen, dürfen diese selbstverständlich
beim Lesewettbewerb verwendet werden.
Beispiel: wenn im Text die Wendung „wi maakt“
oder „wi speelt“ steht, darf der Lesende auch „wi
maken“ und „wi spelen“ sagen, wenn er es so
kennt bzw. wenn diese Formen in der Region
verankert sind.
- 27 -
Bei der Vereinheitlichung ist das Regelwerk, das bei
Johannes Sass aufgeführt wird 1 , zugrunde gelegt
worden.
- „Es werden nur solche Schriftzeichen verwandt,
die auch im Hochdeutschen gebräuchlich sind.“
(Seite 16)
- Außerdem wird zur leichteren Orientierung im
Schriftbild immer die Anlehnung an das Hochdeutsche
gesucht.
- Mit dem Auslassungszeichen (Apostroph) werden
in dieser Sammlung Verkürzungen des Artikels
und andere Verkürzungen (in’e = in de) und
Zusammenziehungen bezeichnet (hau ‘k - hau
ik).
- Einfaches und doppeltes g zwischen Selbstlauten
wird als g gesprochen (neger - näher), g am
Ende eines Wortes als ch (leeg - schlimm), g und
gg vor einem t als ch (liggt - liegt).
- Lange Selbstlaute in offener Silbe sind grundsätzlich
einfach geschrieben, nur das lange i erscheint
wie im Hochdeutschen auch als ie. Der
Schüler kann also erkennen, dass der Selbstlaut
in mehrsilbigen Wörtern vor einem einfachen
Mitlaut lang zu sprechen ist: heten, maken, bruken,
roken und rieden.
- Langer Selbstlaut in geschlossener Silbe wird
durch Doppelvokal bezeichnet bzw. durch
Dehnungs-h (wie im Hochdeutschen): Kruut,
Moot bzw. Koh, Böhn.
- Einfaches a wie in maken, doppeltes a wie in
Aap, ah wie in Fahrt werden wie der dänische
Laut in Aarhus ausgesprochen bzw. wie eine lange
Version des o in Motte.
- Genauso werden die Selbstlaute in den häufig
gebrauchten Kurzwörtern dor, gor sowie der
doppelte Selbstlaut in poor/Poor (Doppelung
wegen der Analogie zum Hochdeutschen) ausgesprochen.
Sollten Schwierigkeiten mit der Schreibung bestehen,
lesen Sie bitte die vollständigeren Anweisungen
bei Sass oder richten Sie Ihre Anfragen an
Schleswig-Holsteinischer Heimatbund,
Hamburger Landstraße 101
24113 Molfsee
Tel. 0431-98 384-0
Email: info@heimatbund.de
1 Der neue Sass: Plattdeutsches Wörterbuch (mit Regeln für die
plattdeutsche Rechtschreibung), hrsg. von der Fehrs-Gilde,
Gesellschaft für niederdeutsche Sprachpflege, Literatur und
Sprachpolitik e.V., Neumünster: Wachholtz Verlag 2009, 5. Auflage

Redaktion:
Christoph Ahlers, Redakteur, NDR 1 Welle Nord
Marianne Ehlers, Referentin für Niederdeutsch beim SHHB,
Autorin, Redaktionsleitung
Heiko Gauert, Schulleiter, Autor
Dr. Reinhard Goltz, Geschäftsführer, Institut für niederdeutsche
Sprache (INS) in Bremen
Volker Holm, Leiter des Zentrum für Niederdeutsch, Ratzeburg
Ingwer Oldsen, Leiter des Zentrums für Niederdeutsch, Leck
Waldtraut Vogt, Landesbeauftragte für Niederdeutsch
in der Schule
Ein besonderer Dank gilt:
Stefan Meyer
vom Landschaftsverband Oldenburg in Niedersachsen,
für die Erlaubnis zur Verwendung des Logos und der Postkarten
von „Platt ist cool“
Heidrun Schlieker
Bilderbuchautorin aus Burgwedel in Niedersachsen, für die
Bereicherung durch viele fröhliche und passende Illustrationen
Kontakt: www.hschlieker.de
Heinrich Thies
2. Vorsitzender der Fehrs-Gilde e.V. und Herausgeber des
Sass’schen Wörterbuches, für seine umfassende Bearbeitung
des aktuellen Textheftes nach dem Regelwerk von Sass
- 28 -