Einladung zur Weihnachts - Amt Eggebek

Wiehnachtsmarkt
En Tietlang vör Wiehnachten treckt Trina ut
dat lütte Dörp na de Stadt. Dor verköfft se
Speelkraam in en Bude op de Wiehnachtsmarkt.
Ehr lütte Jung Manni kummt mit ehr.
De Budenstadt op de Wiehnachtsmarkt is för
Manni de ganze Welt. Wat dat dor all gifft! Buden
mit Hunnigkoken, mit Päpernööt, mit
Späälkraam, mit Pütten un Pannen, mit Dampmaschiens
un Handwarkstüüch. De Bude mit
dat Handwarkstüüch stickt em ganz besonders
int Oog, dor gifft dat op en Stück Papp en
ganze Sortiment: twee Hamers, en Saag, en
Drillbohrer, en Fiel, en Knieptang un wat noch
alles. Dat weer wat! So’n Handwarkstüüch to
Wiehnachten! Nich uttodenken!
Aver wat Trina ok all in ehr Bude hett! Iesenbahnen
ut Holt un Blick, Böme un Dörper ut
Holt, Buklötze, Billerböker, Poppen mit un ohne
Hoor, Blickautos, Plüschtiere. Un een Deel
hett se, dat mag Manni to geern lieden, ja, he
wünscht sik sogor, dat Trina dat nich verköfft
kriggt: en Poppenstuuv mit Tiroler Möbeln.
Dat he sowat wünscht, dörf he jo nich to ehr
seggen, he weet ja, dat se op de Grüschens vun
de Wiehnachtsmarkt anwiest is. 6,50 Mark sall
de Poppenstuuv kosten, hoffentlich will
keeneen soveel Geld utgäven.
Hummel Kinder-Fußballschuhe
Größe 28-39 versch. Modelle
15,- €
Flensburger Str. 7 · 24997 Wanderup · Tel. 0 46 06/94 39 78
Öffnungszeiten: Mo.-Fr. 9-12 und 15-18 Uhr, Sa. 9-12 Uhr
”de Hansen’s”
Dirk & Otto Hansen
BAUUNTERNEHMEN GmbH & Co.KG
Maurer- und Betonbauarbeiten, Zimmererarbeiten
schlüsselfertiges Bauen, Um- und Anbauten
Dorfstraße 3 · 24852 Sollerup
Tel. 0 46 25/82 24-0 + 33 · Fax 0 46 25/82 24 24
Wenn he de Middag vun de School kummt,
geiht sien Blick glieks na de Poppenstuuv.
Noch is ‘n dor, noch nich verköfft. Dorbi verköfft
Trina nich schlecht: de Billerböker gahn
op de Reis, de Iesenbahnen kamen in de Stuven
ünner de Dannenböme, de Autos warrn inpackt,
immer mehr Poppen wandern ut de Bude
rut. De Poppenstuuv blifft stahn.
De letzte Dag vör Wiehnachten. Um söss is
hüüt de Wiehnachtsmarkt to Enn. Manni steiht
achtern in de Bude bi de lütte iesern Aven, he
mutt sik warmen, he is so opgeräägt wägen de
Poppenstuuv, dat he ganz kole Fööt hett. Wenn
nu doch noch een kummt? Un dor is dat ok al
sowiet, en Mann kickt na de Tiroler Stuuv:
„Wat sall de kosten?“ „6,50 Mark“, antwoortet
Trina. „Vääl to düer“, seggt de Mann, „sovääl
Geld giff ik nich ut.“ „5 Mark, un Se köönt de
Poppenstuuv mitnehmen“, bütt Trina an. „Na,
denn“, seggt de Mann, „packen Se mi de man
in.“ He leggt 5 Mark hen, un achtern bi de
Aven steiht Manni un mutt tosehn, wie sien
Wiehnachtsdroom wegdragen warrt.
„So“, seggt Trina um Klock 6, „meist alles verköfft!
Dat Geschäft weer gut dit Johr. Denn
laat uns man to Huus.“ De mehrste Buden
hebben al to, as se nochmal över de Markt
gahn. Blots de Mann mit de Dampmaschiens
un dat Warktüüch hett sien Stand
noch apen. Dat Warktüüchsortiment hangt
22
Plattdüütsche
Eck
dor noch. Manni kickt dat sehnsüchtig
an: de Hamers, de Saag, de Bohrer...
„Na“, seggt Trina, „sall de Wiehnachtsmann
di so’n schöne Warktüüch bringen?“
„Pack dat man för uns in“, röppt se na
de Hannelsmann hen, un Mannis
Ogen lüchten. Denn wenn he so’n Warktüüch
hett, kann he sik en Tiroler Stuuv un noch vääl
mehr selven dischern.
Hoochdüütsch:
Schnack, Friedrich, Weihnachtsmarkt
Plattdüütsch: Hanna Hoefer