Schlittschuhlaufen am Dreikönigstag La lasta IS - - Deutsch

MEJ Cirkulero 1/2009
Internacia Seminario, IS ne plu okazos
--------------------------------------
La legenda junulara aranĝo IS (Internacia Seminario),
de pli ol kvindek jaroj ĉiusilvestre organizita en malsama
urbo de Germanio, ne plu okazos. La sama sorto
trafas ankaŭ la pli freŝdate elpensitan junularan novjaran
aranĝon kun la nomo AS (Ago-Semajno), okazintan
ekde decembro 2002 fine de ĉiu jaro en Pollando aŭ
Slovakio. Ekde la venonta jarŝanĝo la du aranĝoj IS kaj
AS kuniĝos en unu, kies nomo tamen ne iĝos simile verbofinaĵa
"OS", sed "Junulara E-Semajno". La litero E en
la nomo laŭ la aranĝantoj ne nepre signifas "Esperanto".
- - - - - - - -
Ekde la venonta jarŝanĝo anstataŭ IS kaj AS
okazos komuna aranĝo de GEJ kaj PEJ, kun la
nomo Junulara E-Semajno
(JES). Estis konsiderita
ankaŭ la nompropono OS, kiu
kvazaŭ kompletigus serion
de verbofinaĵoj, sed fine
venkis JES. Laŭ la organizontoj
la litero E
aludas ĉefe al Esperanto, sed kaze
de bezono ĝi povas simboli ankaŭ aliajn vortojn,
kiel Eŭropo aŭ Edukado, por faciligi ricevadon
de ekstermovadaj subvencioj.
La decido pri la nuligo de IS kaj AS favore al
JES estis sekreta ĝis la novjara nokto. Duonhoron
post la jarŝanĝo, samtempe en IS en Germanio
kaj AS en Slovakio, oni anoncis la decidon
kaj prezentis filmetojn, en kiuj la ĉeforganizantoj
de JES rakontis pri la decido.
La unua Junulara E-Semajno kredeble okazos en
Zakopane en suda Pollando, en la sama ejo, kie
okazis la unuaj kvar Ago-Semajnoj. Samloke
estis ankaŭ la amasloĝejo de la 61-a Internacia
Junulara Kongreso en 2005.
Informo de la Ret-Info, www.eventoj.hu
Paĝo 6
MEJ Cirkulero 1/2009
Praarbaro eltrovita dank' al Google Earth
MOZAMBIKO - 12-an de januaro, 2009.
En la 21-a jarcento, la laboro kaj vivo de esploristoj eble estos pli facilaj
dank' al Google Earth. Dum ili provis difini la limojn de rezervejo por protekto
de la naturo en Mozambiko pere de la fama softvaro kiu mapas la teron
per satelitaj fotoj, biologoj de la Brita Reĝa Botanika Ĝardeno de Kew
(sude de Londono) en 2005 eltrovis nekonatan zonon, kiu aperis pli verde
ol la ceteraj ĉirkaŭantaj zonoj … La esploristoj tiam akiris pli bonkvalitajn
bildojn, por precize scii kio estas tiu verda regiono.
Ili konvinkiĝis pri la ekzisto de praarbaro en tiu ĉi zono, konata nur de la
plej proksimaj enloĝantoj. Proksimume 80 kvadratajn kilometrojn vasta, ĉi
tiu densa zono troviĝas apud la Monto Mabu, kiu neniam antaŭe estis
kartografiita nek esplorita. Tri jarojn post tiu ĉi eltrovo en Google Earth,
internacia teamo de 28 sciencistoj sekve ekiris, en novembro 2008, por
esplori ĉi tiun novan "terra incognita" (nekonatan teron). Dum kvar
semajnoj, ili trapaŝis ĉi tiujn pejzaĝojn ŝirmitajn de iu ajn homa agado, por
eltrovi densan kaj vivoplenan bestaron kaj vegetaĵaron, inter kiu papiliojn,
ĥameleonojn, orkideojn …
La sciencistoj enlistigis ĝis nun nekonatajn specojn de insektoj kaj plantoj,
sed ili scias, ke sia laboro de analizo nur komenciĝas, kaj ke aliaj belaj
surprizoj povas denove okazi. La esploristoj tiel jam revenis kun pli ol 500
specimenoj de malsimilaj specoj en siaj bagaĝoj. "Tio estas eble la plej
granda arbarozono en meza altitudo, kiun mi konas en la sudo de Afriko.
Ĝi ankoraŭ ne aperas sur kartoj, kaj la plejparto de la enloĝantoj de
Mozambiko eĉ ne konas la nomon de la Monto Mabu", klarigas Jonathan
Timberlake, de la Brita Reĝa Botanika Ĝardeno de Kew, en gazetara
komunikaĵo. Pro seninterrompa interna milito inter 1975 kaj 1992, la malmultaj
vojoj kiuj kondukas al ĉi tiu regiono estis detruitaj, kaj la tuta zono
kvazaŭ dezertigita. "La nescio de ĝia ekzisto, ĝia malfacila aliro kaj la
valoro de la arbaro, kie la enloĝantoj venis rifuĝi por eskapi batalojn,
kontribuis al ĝia ĝisnuna protekto".
Ni esperu, ke tiu eltrovo de la sciencistoj ne perturbos la ekologian
sistemon!
Trovu mem tiun ĉi mozambikan praarbaron en Google earth : 16°
17'56.00" S 36°23'44.00" E
Fonto: www.eventeo.net
Paĝo 7