Roland - Theaterverlag Kaliolabusto

Roland: (geht zu ihnen) Tja, das isch aues sehr intressant,
Wanda, aber nüt dervo isch momentan wichtig, wil mir
grad VERSUECHE d UNIVERSITÄT z rette, indäm
mir dr PROTOTYP vor SARAH finde, DAMIT D
MARTHA BOSS SINI VERFLUECHTI VORSCHOU
BECHUNNT, DAMIT DR GIIZKNÄPPRIG TEX
RIDER SIS GÄUD I DAS VERFLÜEMERETE LEHR-
INSTITUT INVESCHTIERT!!!
Wanda: Git’s ächt e „Hurikan Roland“?
Mike: Ig gloube sie…
Roland: Jetz bringet ändlech d SARAH i Gang! Jetz! Bitte!
Bevor ig öbber umbringe!
(Kläri kommt wieder herein von rechts mit Lumpen und Sprayflasche)
Wanda: Jetz längts! Das isch es gsi! Ig chünde!
Mike: Nei, nei, das machsch nit, Wanda! Bitte…
Roland: Dir chündet nit, bevor d ALICE wieder uf de Bei isch!
Mike: Chef, ig…
Wanda: Oh, mach ig nit, sit dir sicher? Dir chöit euchi ALICE
vo mir us bhalte.
Kläri: Dr Role het ä Affäre mit dr Alice. Ha nit mau gwüsst,
dass die hie schaffet.
Roland: Das isch prächtig, Wanda. D ALICE zahlt sit zwöi Jahr
euche Lohncheck.
Kläri: D Wanda het auso di Sach zwüschem Role und dr Alice
usegfunde, und jetz zahlt d Alice Schwigegäld?
Roland: Kläri!
Wanda: Ah ja? Sie zahlt mi Lohn? Das Bitzeli? Drum muess ig
näbebi no gah serviere!
Kläri: Bis nit so sträng mit ihm. Är het het vori grad
usegfunde, dass är es Chind bechunnt.
Wanda: Würklech? (schaut auf seinen Bauch) Und ig ha immer
gmeint, das chömm vom Bier.
Roland: Mike, bite… machet öbbis!
33
theaterverlag kaliolabusto –etienne meuwly –hauptstrasse 30 –3254 messen