Geburtstag - Verlagskontor SH

Fru Jürs vertellt
Verkleedungskist
von Birgitt Jürs
„Hermann!“, bölkt Oma Martens dörch
dat Huus, „Wi mütt den groten Karton
vun’n Böön haalen.“ „Ohauaha!“,
stöhnt Opa Martens, „is all wedder Faschingstied?“
De Enkel hett anroopen un fragt, wat de
Grotöllern nich noch de Verkleedungskist
hebbt. He wöör denn hüüt Nahmeddag
mitsamt Broder un twee Schoolfründinnen
kaamen, dat se sick wat utsööken
künnt. In de School gifft dat een Faschingsparty
un dor wüllt se natürlich hin.
Un nu sitt Oma un Opa Martens in de
Stuuv un kiekt de Kinner to, de een bunten
Fetzen nah den annern ut de Kist haalt.
„Kiek mol, dat Rode mit de witten Kuller,
weer dat nich för Lisa dat erste Fleegenpilzkostüm?“
fragt Opa. „Ja“, lacht
sien Fru, man achteran weer se fief mol as
Prinzessin oder Zirkusartistin ünnerwegens.
Jüst mit dat rosa Tüllkleed, dat Melli
sick dor rut angelt.“ „Oh kiek mol, wat
Markus funnen hett“, wunnert Opa, „werr
Fru Jürs vertellt – nu ok as Book
dütt Ungetüm ut Vliseline un Pappmaché
nich unsern Peter siene Ridderrüstung?“
Oma steiht op un böögt sick ok över de
Kist. Se söcht den Helm mit den Fedderbusch,
de dor ok togehört. Man dorför
is Markus eenfach noch to lütt. Miteens
kriggt Oma so’n ganz sinnigen Utdruck
in’t Gesicht. Se treckt een himmelblau
schimmerndet Kostüm ut den Karton. Dat
weer mol een Schmetterlingsverkleedung
för eer eegen Dochter. De Flögel ut Draht
harr se mit dörchsichtigen Perlonstoff betrocken
un dor twee Dräger anbröcht, dat
een de Flögel as so een Rucksack opsetten
kunn. „Glöövt man gor nich, wat för een
Barg Erinnerungen in so een Kist verpackt
sünd“, grient Opa.
De Kinner johlt un kichert un hoolt sick
een üm anner Stück vör de Bost, dat se gegensiedig
kieken künnt, wat dat passt. As
se all wat funnen hebbt, dat för de Party
döcht, sammelt Oma Martens den Rest
wedder in un verstaut dat in de grote Kist.
„Heff ick gor nich dacht, dat de Kinner
sick den halven Dag mit de olen Plünnen
beschäftigen künnt,“ seggt Opa, „wo oft
sünd de Saaken woll all utprobeert un wedder
inpackt worrn? Nu hebbt wi hüüt een
Burgfrollein, een Ridder, een Watergeist
un een Astronauten utstaffeert. Blots good,
dat ick Mathias de Saak mit den Helm utsnackt
heff!“ „Wuso dat denn?“fragt Oma.
„Stell di vör, he wull pertu dat Goldfi schglas
op den Kopp setten. He meent, dat de
Astronauten all so’n Dings op den Kopp
hebbt. – Fantasie hett he ja!“
Siet 2007 schrifft Birgitt Jürs eer „Ultra-Kurz-Geschichten“
för de „Lebensart im Norden“.
Dor sünd över de Johren een Barg Vertellen tohoop
kaamen. För all Lüüd, de geern noch mol tokieken un nahlesen
wüllt, gifft dat all de Geschichten in een Book. Dat
is ja ok bannig handlicher as een Stapel Hefte, wenn een dat
opbewohren will. In de Bookhandlung kann man dat niege Book
all bestellen ünner den Titel „Wat ick noch seggen wull….“ ut den „ihleoverlag“,
ISBN 978-3-940926-37-1.
Oder direkt bi Birgitt Jürs anfragen övern Klönkassen. Tel. 0 43 21 / 8 26 50
„Wat ick noch
seggen wull …“
…mol eben, midden ut dat Leven afkeeken
un mit een Bild, wo de Requisiten op sünd,
dat sünd de Vertellen vun Birgitt Jürs in de
„Lebensart“.
Fru Jürs vertellt ...
...nuokasBooktohebben!
Wat se mit so’n lütt Oogenplinkern opschrifft
künnt all Frünn vun de plattdütsche Spraak
un den humorvullen Oogenblick nu as Book
– sotoseggen in Handtaschenformat mit na
Huus nehmen.
Dat Book heet: „Wat ick noch seggen
wull…“,
is in den ihleo-verlag, Husum, rutkaamen
un in jede Bookhandlung ünner de
ISBN Nummer 978-3-940926-37-1 to
kriegen.
Wokeen dat ganz fl ott hebben will, kann
dat ok bi Birgitt Jürs direkt bestellen.
Klönkassen Nr. 04321 / 82650
Wokeen Tied hett, kann ja ok mol
langkaamen, wenn de Autorin sülvst
eer nieget Book vörstellt un op de Reis
schickt. Dat geiht los an den 1. Februar,
Klock halvi acht in dat Studio-Theater
vun de Neederdütsche Bühne Niemünster,
Klosterstraat 12.
02 | 2014 lebensart 49