Ausgabe 06.2013 - SSV Jersbek

Ausgabe vom 30.06.2013 Nr. 59
Dieter Möller vertellt!
(DM) Leibe Zeitungläser!
Wenn de Sünn lang nauch schient hett,
wüllt de meisten ersmol n bitten Regen,
und wenn hei kümmt, möglich s inne
Nacht. Wenn wi dann öber vun dat veele
Woter anne Elv in Lauenborch tau hören
kriecht, freut wi uns, dat wi inne scheune
Gegend wohnt, uk wenn de Boden hier in
de Gordens so dröch iss, dat man den E-
Foto RP
scher dor gornich mehr rinkriegen kann. De Blaumen laat den
Kopp hingen, de Bööm schmiet de Bläder aff, de Kirschen sünd
lütt und blieb lütt, nich mol de Vagels hebbt Freud dor an. Bloß
dat Unkrut, dat jeder geern loswarden will, krüpp dörch alle Kanten
und Ritzen und iss nich dot tau kriegen. Dor kanns Du moken
wat du wullt. In de Politik iss dat so ähnlich. De einen hebbt wat
tau seggen, de annern hebbt dat Muhl to hoolen. Dat argert se,
ober nu hebt se n Unkrut funnen, dat se loswarden wüllt. Dat is
de Suldoten-Minister. De hett nu ober faststellt, dat siene Vörgänger
uk all de ganzen Johren ümmer int Visier vun de Unkrut-
Gegner stohn hebbt. Dat füng mit Franz Joseph Srauß an. De hett
dat ober gaut utholen kunnt. Wat de kunnt hett, dat kann ick uk,
hett de Verteidigungsminister dach – dann kümmt dor noch tau,
dat de nächste Wohl vör de Dör steiht. Bit dorhin hebbt wi mehr
mit den Wohlkampf, mit Tauseggen und Verspreeken to daun.
Und bit dorhin iss wohl uk dat Hochwoterafflopen und de ersten
Schodensfälle sünd betohlt. Und wi hebbt je uk ne niete Regierung
in uns Dörp, de binoh de oole bleben iss. Hoffentlich denk se
dor an, dat de SSV hunnert Johr old warrt.
Seite 19