Griaß di im Steyrtal - Nationalpark Kalkalpen Region

Der Sinn der Weihnachtszeit
Kurzer Tag und lange Nacht, habm uns ‘en Advent scho(n) bracht.
Ma siacht scho(n) draußt auf Feld und Flur, koa Lebm is mehr in der Natur.
De Bei’ hörst nimma summa, d’Viehglockn san längst verklunga.
Des schöni Almalebm is gar, und d’Gams san abazogn in ‘s Koar.
Koan Vogl kannst mehr singa hörn, vielleicht grad an Hirsch wo röhrn.
‘En Wald sei’ schöne Farbenpracht, hat da Wind verwaht ah über d’Nacht.
G’ackert is der letzte Roan, der Schneewind waht van Wetterstoan.
Der Schnee liegt aba bis in s’Tal, Weihnachten kommt bald.
Und kimmst hiatztn in Advent ah öfter, halt ah eini in de Gschäfter,
dann woast es doh bestimmt, daß ‘s Christkindl bald kimmt.
Da wird kaft und gschenkt zur Weihnachtszeit, daß Geld kaum glangt bei manche Leut.
Der Tisch wird deckt, als wia sunst nia, zan Trinka ‘s Beste, Wein und Bier.
Und hiatzt sagts ma(r) liabe Leut: „Is des der Sinn der Weihnachtszeit?”
Tuan ma(r) uns oanmal besinna, vielleicht liegt da nuh was anders drinna(n).
Ös wißts es, Leut, es is doh wahr, es is scho(n) aus 2000 Jahr.
Sand ganga zwoa voll Sorg und Müah und suachan überall a Quartier.
Und habm nur kalte Herzn gfundn.
Doh sie findn auf amal, nuh als Herberg dann an Stall.
A Futterkrippn, Stroh und Heu, muaß für ‘s Christkind Bettstatt sein.
Und ih sag enk jetzt was liabe Leut: “Kam ‘s Heili(g) Paar zur hiatzigen Zeit,
dann gang’s eahr wieder so wia dort, ‚mia habm koan Platz, gehts wieder fort’.”
Weil heut scho(n) sovü(l) nimmer wissn, daß ah tauft wordn sand als Christn.
Und was ih enk zan Schluß nuh sag, ih gib enk mit an guatn Rat:
“Mach ma(r) hiatzt zur Weihnachtszeit doch ‘en Christkind ah a Freud,
denkts net grad an Trunk und Essn, toats ah ‘s Christkind net vergessn.
Des sollt meine liabn Leut, der Sinn sein von der Weihnachtszeit.
Und ih wünsch enk hiatzt nuh z’letzt, a gsegnets Weihnachtsfest.”
Karl Wallerberger
Altbauer am ‚Mosergütl‘ in Steinbach an der Steyr
Mitglied des Oö. Stelzhamerbundes
Der „Alt-Baumoser“ wurde am 18. Juni 1910 in Steinbach an der Steyr im Ortsteil
Forstau geboren. Nach drei Jahren in der Landwirtschaft und 20 Jahren in der
Forstwirtschaft bewirtschaftete er von 1956 bis 1973 mit seiner Gattin Christine das
‚Mosergütl‘ im Steinbacher Ortsteil Zehetner. 1973 übergab er die Landwirtschaft
dem ältesten seiner vier Kinder (drei Söhne, eineTochter).
Zum Mundartdichten kam Karl Wallerberger über Umwegen: zu besonderen Anlässen kommentierte
er das örtliche Geschehen in Gedichtform - und zwar so erfolgreich, daß ihm diese Tätigkeit bald den
Spitznamen ‚Der Dorfreporter‘ einbrachte. Neben der humoristischen Aufarbeitung des Gemeindegeschehens
waren aber auch seine Umgebung und die einzelnen Stationen seines Berufslebens immer
wieder Gegenstand seiner Gedichte. In den verschiedensten Formen werden dabei seine Naturverbundenheit
und Menschenkenntnis sowie seine Liebe zur Heimat und zum Bauernstand spürbar.