Steghausweg wird wieder geöffnet - Gemeinde Opponitz

„d´Mostkost
Beim Schlucht´nwirt ist Mostkost heut
do freun sich schon die Bauersleut.
Verschiedene Most werd´n do präsentiert
und der „Beste“ wird mit a Auszeichnung prämiert.
So denkt sich der junge Huberbauer
er is eh ollweil da schlauer.
Im hintern Faßl is a guter Joahrgong drin,
der is verdächtig und denkt schon on an Gewinn.
Er tut´n gleich vom Faßl owa loss´n
und füllt´n ein in a durchsichtige Flosch´n.
Donn draht er den Most so hin und her,
a Forb wie a Wein, wos will man mehr.
So geht er mit sein Flascherl zum Wirt
und is gonz g´sponnt wos mit sein Most passiert.
Do siecht er beim Tisch schon sitzen die Jury
er gibt sein Most ob und sitzt sich visavie.
Bold drauf fongt die Mostkost on,
a Glaserl wird g´reicht von Monn zu Monn.
Auf oamol schreit ona von den Herrn
„Jo seid´s denn verruckt!“
kaunn kaum red´n – hurscht und spuckt,
„Wos is des für a saurer Most
hot den vorher koaner kost?“
Irgendwer hot do an Essig drunter g´mischt
und der Huberbauer locht voller List.
Drauf sogt er: „Zweg´n so saure G´sichter bin i net kemma,
jetzt woaß i, mein Most kaunn i zum Salot mocha nehma.
16
Maria Schallauer