Grootheider Karkenbladd | März – Mai 2011 - Kirche Grossheide

Plattdüütske Sieden – Jesus in Jerusalem | Grootheider Karkenbladd
Jesus
is up’n Weg na Jerusalem. Sien Jüngers gahn mit hum. In
Jerusalem willen se dat Passafest fieren. Jesus seggt to sien Jüngers: „In
Jerusalem maken se mi dood. Man na dree Dagen stah ik van de Dood
weer up.“ De Jüngers verstahn nich, wat Jesus seggt.
Dat is nich mehr wied na Jerusalem. Jesus röppt twee van sien Jüngers uns
seggt: „Gaht al maal vörut in dat Dörp! Daar finnen ji een Eselstuut un een
Fohlen. Bindt de beid löss. Brengt de her. Wenn jo een fraggt, seggen ji:
„De Heer bruukt de! Wi brengen hör bold weer torügg.“
De Jüngers halen de beid Esels. Se trecken hör Hemden ut. De leggen se
de jung Esel up d’ Rügg. Jesus ritt up de Esel na Jerusalem.
Vööl Lüü sünd unnerwegens na dat Fest hen. Se sehn Jesus up de Esel un
denken: „Is dat villicht uns König?“ Se leggen hör Mantels up de Padd. Se
riet’ Tacken van de Bomen. De Minsken ropen luuthals: „Hosianna! Wi
gröten uns König! He richt dat Königriek van David weer up! Gott sülvst
hett hum stüürt. Gott geev hum sien Segen! Loff un Dank wees Gott in de
Höchte!“
Jesus ritt in de Stadt. De Lüü ut Jerusalem fragen: „Well kummt denn
daar?“ De Minsken, de bi Jesus sünd, seggen: „Jesus, de Prophet ut
Nazareth!“ Nu passeert dat, wat Gott seggt hett: „Dien König kummt,
Jerusalem! He bruukt kien Gewalt. He ritt up ´n Esel.“
Dat Passafest fangt an. An disse Avend eten se in elke Huus en Passalamm.
Ok Jesus will mit sien Jüngers dat Passalamm eten. De Jüngers
maken alls torecht. Ok Brood un Wien is daar.
`s Avends sitten se an d´ Tafel. As se an ´t Eten sünd, seggt Jesus up
eenmaal: „Een van jo deit mi verraden!“ De Jüngers verfehren sük. Se
fragen Jesus een na d` anner: „Du meenst doch nich mi, Heer?“ Jesus
seggt: „Een van jo deit dat.“
Denn nimmt Jesus dat Brood. He dankt Gott daarför. He breckt dat Brood
dör. He gifft elkeen daar wat van. Daarto seggt he: „Nehmt dat un eet! Dat
is mien Liev. De geev ik för jo all.“ Daarna nimmt Jesus de Beker mit de
| 15