Grootheider Karkenbladd | März – Mai 2011 - Kirche Grossheide

Plattdüütske Sieden – De Buur in d' Märtmaant | Grootheider Karkenbladd
All de Minsken, de up ´n Burenplaats leven un arbeiden, sünd heel dicht
an Gott sien Schöpfung. Up de een Sied dragen se ´n hell groten
Verantwoorden un up de anner Sied spören se, wo stark hör Verdennst
alleen dör dat Weer van disse Schöpfung ofhangen deit.
Daarum steiht an disse Stee de Oversetten van dat moje Leed „Im Märzen
der Bauer“:
De Buur in d´ Märtmaant
Walter Hensel 1923
(Im Märzen der Bauer)
In ´t Plattdüütske overdragen
van Elfriede Lottmann,
Nörden
In d´ Märtmaant de Buur nu sien Peer weer anspannt.
He sett denn sien Feld un sien Grönland in d´ Stand.
He ploogt de groot Ackers, he eit un he sait
un hoopt, dat in d´ Sömmer dat Koorn denn good steiht.
Burinske un Maiden, de mutten vööl doon.
Se hollen dat Huus un de Tuun heel mooi schoon.
Se graven un harken un singen vull Freid,
se weten, dat ´t all bold weer vöölklörig bleiht.
Dat gifft alltied Arbeid, dat Hei word infahr´n,
dat dürt denn neet lang, un ok riep is dat Koorn.
De Minsken sünd blied, denn heel vull is de Schüür.
In d´ Winter steiht faken wat Leckers up ´t Füür.
| 17