Amt Viöl AKTUELL 06-2023

02 06 | AUS AMT DEM VIÖL
AMT
Wat gifft dat Nies vun de plattdüütsche Vereen Viöl?
An de 14.Juli harrn wi
en tolle Tour mit de
Wattenkutscher vun
Nordstrand na Hallig
Südfall. 45 Lüüd
harrn sick to disse
Tour anmellt.
Toerst wurrn wi op
de dree Kutschen
opdeelt. As jeder een
Platz funnen harr,
kunn dat losgohn. Mitten dör dat Watt ging dat na Hallig Südfall.
Dor ankamen wurrn wi all vun de beiden eenzigen Bewohner begrötet.
„Wie schön, dat ick hüüt mol de ganze Dag plattdüütsch schnacken
kann”, freute sick Gunda, dor sünst um disse Tied veele Touristen kamen,
de keen Plattdüütsch verstohn. („Kannst keen Platt, fehlt di watt”)
Dat Wedder weer vull op unse Sied. Dat weer dröög und nich to hit.
„Dat Wedder harr nich bedder sien kummt”, weer de Meenung von so
mancheen.
Gunda und ehr Mann Gonne harrn
veel Leckeres to Eten för uns torecht
mokt. Ob Matjes mit Braadkartüffeln
oder Nudelsalat mit Wuss – för jedeen
weer wat dorbi. Uk Koken und
Kaffee geev dat. Und Pharisäer durf
natürli nich fehlen. Na de sehr leckere Stärkung hett uns Gunda vun ehr
Leben op de Hallig vertellt. Watt ehr Opgoven sind, wie ehr Leben op
de Hallig utsieht un natürlich uk vun Dag mit „Land ünner”.
Leider läutete de Glocke vun de Kutscher veel to fröh, ick glööv veele
vun uns harrn ehr noch veel länger tohörn kunnt. Over de Floot tööft
nich. So ging dat na 1,5 Stunnen op Hallig Südfall weer ropp op de
Kutsch. Trotz en lütte Panne op de Torüchtour weern wi rechtidi vör de
Floot weer op Nordstrand.
Mien persönliche Fazit: Een ganz besonnere Tour för jung un old…
„Veelen Dank an alle, de an disse schöne Dag dorbi weern!“
Diensdag, de 19.09.23 finnt weer en plattdüütsche Spillenamiddag in de
Pausenhalle vun de Viöler School statt. Grundschoolkinner un lüttere
Geschwister sind mit (Groot-) Öllern hardli inlodet. De Termin is dittmull
extra mull op en Diensdag, dormit de Kinner, de Friedags Termine hem,
uk mull an de Spillenamiddag deelnehm kött.. Wi drapen uns um Klock
dree un wött gemeensom Spille speelen oder wat basteln. Twischendör
kann sick jeder mit Kaffee un Koken stärken. Un de plattdüütschen Bingorunden
finnen natürlich uk weer statt. De Spillenamiddag endet gegen
Klock fief.
Anmellen bi Finja, Christin, Ilona oder Birte – oder per Mail an plattduetsche-vereen@web.de
Nu noch gau de annern Termine to noteern:
08.10.23: Theoterfohrt „Mien Mann will mehr“
11.10.23: Spilleavend för de Grooden Klock halvi acht
int Schüttenheim Muschen
12.11.23: „Vorweihnachtlicher Basar“ in Viöl –
wi sind mit en plattdüütsche Adventskalenner dorbi
28.11.23: Leseavend in de Löwenstedter Kapell
Klock söven geiht los
08.12.23: Anpunschen & Affgrillen Klock söss
bi Finja
Gäste sind as jümmers hardli willkomen.
Kontakt:
E-Mail: plattduetsche-vereen@web.de
Instagram: plattduetsche_vereen
Internet: Gemeinde Viöl -> Einrichtungen -> Vereine
(dor finns du ok ü.a. de Link för de Bitritterklärung)
(Jemme plattdüütsche Vereen Viöl)
Der Singkreis Arlau startet aus der Sommerpause mit Weihnachtsliedern
Nach der Pause in den Sommerferien, startet der Arlauchor in das nächste
Projekt. Bis zu unseren Konzerten am 10.12. in der Schwesinger Kirche
und am 14.12. in der St. Christophorus Kirche zu Viöl, proben wir weihnachtliche
und besinnliche Lieder. Wer gerne für einen kurzen Zeitraum
bis zu den Konzerten im Dezember schnuppern möchte, kommt einfach
am Donnerstag um 19:00 in die Aula der Viöler Schule zu unserer Chorprobe
dazu. Das Singen bei uns macht so viel Spaß, dass wir vielleicht
nicht nur für das Projekt Weihnachten, sondern auch neue Sänger für
die Zukunft gewinnen können. Probiert es aus und seid dabei! Weitere
Infos gibt es bei unserer Vorsitzenden Sonja Franzen unter der Telefonnummer
04607 234