Maibronn gewählt - Home - Ortsverband Rimpar - Maidbronn

Liebe Bürcherinne und Bürcher,
ich, Euer Pleichachsechler, möcht si wieder ämal bei Euch meld.
Sicherli wunnern sich ä paar vo Euch, wieso se scho so lang nes
mehr von mir ghört ham. Ich kann Euch des awer aa gleich
sach:
Wenns nes Wichtigs zu mälde gibt, dann bin ich halt einfach
nur leis und guck mer die Sach ämal oa. Manchmal muss mer
als Bürcher awär amal aufsteh und sach, das des, was mer da
grad üwer die Mediä erfahre hat, wohl nit in Ordnung it:
Da gibt’s anscheinend en ganze Schwung vo Politiker, die net
nur für Ärwet die se mache kassiere, sondern aa für Ärwet, die
se nit mache, kräftich „entlohnt“ wern. Ich mehn, des is ä Schlach
ins Gsicht für jeden Arweitslose awer aa für Familiä und üwerhapt
für alle, die guck müsse, wie se jeden Monat üwer die Runde
komme. Wennst dann no hörscht, wie sich „die Herren“ bis zur
letzte Minute drehe und wende, immer nur es Nötichste zugäwe,
bis se dann doch aufgrund ihrer Überheblichkeit und
Selbstgfällichkeit die Sechel streich müsse, dann fragst di doch,
wo bleibt denn da es Mindestmass oa Moral, des mer vo jeden
normale Bürcher erwart.
Nachdem ich des in der Nachrichtä ghört hab, hab ich mer gedacht,
fliech erscht ämal ä Runde und reagier dich oa. Ich sechel
da so üwer Rümper und denk mer, guck ämal, was heut
Nachmittoch so am Marktplatz läfft.
Ich hock da also auf ä Laternä und hab festgstellt, dass da wenich
einkaufstechnisch geht. Die mässte fahre – und zwar – am Innerort
vorbei Richtung Supermärkt. Ich men, es it grundsätzlich
fürn Verbraucher guät, wenn so ä Konkurrenz da it. Mir höm in
Rümper ä gute Infrastruktur, die uns vieles leichter mecht.
Mir höm awer a en attraktive Inneort. Dort kann mer vieles
eikäff, was mer fürs tägliche Läwe und für die Freizeit braucht.
Des höm scho viel Leut erkannt und mache davon aa Gebrauch.
Mer kanns ah realistischer sach, die helfe mit, das die Innerort-
Gschäfte nit n´ Boch nohgehe. Ich denk, manch ener it si üwer
di Lach awer no nit so im Klare. Ich gäb Euch ä konkrets Beispiel,
weil mer nachert ä Sachlach mässtens am Bestä eischätz
und beurteil kann:
Unner Fraktionsvorsitzende, die Ulrike Haase, hat letzts Jahr
den Frische-Markt im Innerort aufgemacht. Sicherli denke jetzt
e paar vo Euch, dass ich da Schleichwerbung für die Ulrike
mach. Ich könnt jetzt ja sach, des wär reiner Zufall. Des is awer
gar ke Zufall, da si die Ulrike seit langem fürn Innerort eisetzt.
Sie wollt nä ja immer mit Läwe erfüll. In letzter Konsequenz –
und des sällt mär ihr hoch ahrächer – hat se den ehemaliche
„Konsum“ sälwer angemiet und für die Leut en Frisch-Markt
eigericht. Sie hat ä Idee ghabt, das mer nämli mit Produktä aus
der ächene Umgebung die Bevölkerung anspräch könnt. Das
des schwer sei wird, des hat se sicherli sälwer gewusst. Ihr Ziel
war, n´ Innerort zu bereichere, bestimmt nit si selwär.
Pleichachsechler
Ich denk, wenn se im Monat ah nur 1 Euro ü hätt, würd se
es Gschäft weiterführ, grad aa für die ältere Leut, die nit
mehr so weit läff könne. Anscheinend hat des Gschäft awer
immer noch Anlaufschwierigkeitä. Irchentwann wird se
ämal eisäh müsse, dass se der Leut im Innerort nit mehr
weiterhelf kann, weil es Angebot im Frische-Markt nit
agenomme wird. Sie müsst ihrn Ladä wieder dichtmach,
weil älee scho die Fixkoste (Miet, Strom, Gas und Wasser)
n´ Gewinn auffrässe. Vo der wariable Kostä (Löhn, Wareeinkauf
usw.) wolle mer gar nit red.
Des wär schad, net nur für sie oder für uns, sondern aa für
die dortiche Angstellte, die mit Herzbluät däbei sen.
Vielleicht sollte mir uns ja aa sälwer helf und im Innerort
mehr eikäff. Ich meen, des würd doch kenn Supermarkt
wirkli existenzbedrohend schad. Es geht doch kee „Super-
Center“ pleite, weilst dei Hättlä Zelot oder aa annerä Produkte,
die die Gschäft im Ortskern abiete, salt eikäffst.Ich
denk, mir wisse jetzt allä, was Sach it und ich bitt Euch
des zu mache, was Ihr für machbar halt.
Ich find, es it guät, dass mer ämal drüwer geredt höm.
Euer Pleichachsechler
Fortsetzung von Seite 1
Ortsvorstandswahl
Wahl der Deligierten
Die Wahl der Kreisdelegierten
und Ersatzdelegierten hatte folgendes
Ergebnis:
Delegierte: Burkard Losert, Peter
Kreutner, Anton Kütt, Helmut
Keidel, Margarete
Handick, Gertrud Grömling,
Bernhard Weidner, Wilma
Samfaß, Martin Friewald, Erich
Heinrich.
Ersatzdelegierte: Jürgen Neumann,
Ulrike Haase, Matthias
Öhrlein, Otwin Hack, Sabine
Friewald, Peter Hauck, Robert
Witzel, Detlev Ziga, Günter
Pfau, Rudolf Troll.
uh
Impressum
CSU - Ortsverband
Rimpar-Maidbronn
Verantwortlich:
Ulrike Haase
Fraktionsvorsitzende der
CSU im Gemeinderat
Weinbergstraße 50
97222 Rimpar
Autoren:
Martin Friewald (mf)
Ulrike Haase (uh)
Helmut Keidel (hk)
Pleichachsechler
Gestaltung, Layout, Satz:
Thomas Witzel
Auflage:
3200 Stück an alle Haushalte
in Rimpar, Maidbronn
und Gramschatz