ZEBRA Hallenheft THW Kiel vs. SG Flensburg-Handewitt, 23.03.2024

Hein Daddel
MOIN, MOIN,
LIEBE THW-FANS!
Hüüt Morgen harr ik dat
glieke Geföhl in mien
swart-witte Striek, dat
ik anners bloots vun
besünneren Feierdagen
as Wiehnachten, Oostern
oder mien Geburtsdag
kenne. Dat liggt aver nich
an’n hüütigen „Welttag
vun de Meteorologie“
– oder tominnst nich
bloots. Denn wer, de
in’t wohr wetterriekste
Bundesland vun de
Welt leevt, interessiert
sik nich dorvör, ob dat
in de nächsten fief bit
teihn Minuten regent,
sniet oder de Sünn to’n
Überraschungsuptritt
rutkummt?
Een echten Sunnenschien
bün ik sülven.
Schließlich weer jo oller
guede Hein in’t Johr 2002
mol Naamsponsor för en
Hööchdrockgebiet, dat
düütschlandwiet för goot
Wetter sorgt hett.
Hüüt sitt mi aver nich
bloots datsülvige in de
hibbelige Been. Siet
dat Upstahn fievere ik,
as all Handball-Fans in
Sleswig-Holsteen, unsen
Noorddörby gegen de
SG Flensborg-Handewitt
entgegen.
An all annere Dagen
in’t Johr leevt wi hier
oben in’t Land twüschen
den Meeren in goode
Nachbarschaft tosamen,
hüüt is unsen schöönen
Bundesland aver för 60
Minuten in twee Lager
verdeelt. Wat denn
einen sien Uhl, is denn
annern sien Nachtigall,
hüüt steiht hier keeneen
twüschen Bom und Bork.
Kiel trefft op Flensburg,
Swatt-Witt op Blau-Witt-
Rood. Twee nationaal un
internatschonal hochdekorierte
Teams ut een
blot rünner 15.799,65 km²
groot Gebiet, de al Generationen
vun Handballern
in ehr Bann trecken.
Un genau dat maakt
doch de Spelen gegen
de Jungs vun de düütsch-däänsche
Grenz
ut: Groote Emotionen
op den Tribünen, op’n
Speelveld un vör den talrieken
Kiekkästen, de bi
keen annere Bundesliga-
Begegnung för all dütlich
spürbor sünn.
Von Harten willkamen
tom Dörby,
joon
3