porcus - sappo

VoorGronD
Biomin vestig streekhoofkantoor
in Suid-Afrika
Die dierevoedingspesialis, Biomin,
het onlangs ‘n streekshoofkantoor
in Suid-Afrika geopen. Die nuwe
onderneming is in Klerksdorp, Suid-
Afrika gesetel.
Biomin se hoofkantoor is in Australië.
Die firma het reeds gedurende die vroeë
tagtigerjare alle antibiotiese middels uit
sy reeks voerbyvoegsels verwyder en dit
met natuurlike produkte (kruie, speserye
en plantekstrakte) vervang.
Suid-Afrika se bedryfshoof, Albert
van Rensburg sê: “Biomin bied reeds vir
meer as 25 jaar dierevoedingsprodukte
soos voerbyvoegsels en voorafbereide
vitamien- en minerale oormengsels soos
produkte vir mikotoksienrisikobestuur en
’n heeltemal nuwe, natuurlike groeibevorderingkonsep
wat dieetvereistes van
varke, pluimvee, beeste en akwakultuur
aanspreek.”
Van Rensburg glo dat namate die
vraag na natuurlike en omgewingsvolhoubare
voedselbronne toeneem, Biomin
se benadering tot die vervaardiging van
natuurlike aanvullings die maatskappy as
’n voorloper in dié marksektor plaas.
“Voerbyvoegsels word algemeen
gebruik om die prestasie en gesondheid
van lewende hawe te bevorder.
Etlike jare al word antibiotiese middels
hoofsaaklik hiervoor gebruik, in Suid-
Afrika en die wêreld oor. Die verkeerde
aanwending van dié middels kan egter
veroorsaak dat diere weerstand teen die
middels opbou. Antibiotiese residue kan
só oorgedra word.
Verbind
Van Rensburg wys daarop dat
Biomin, as ’n ISO 1404-geakkredi–
teerde maatskappy, daartoe verbind is
om sy produkte en dienste te vervaardig
en te lewer om diere se gesondheid en
prestasie op ’n omgewingsvriendelike
en ekonomies lewensvatbare manier
te verbeter. “Deur middel van omvattende
navorsings- en ontwikkelingsprogramme,
saam met die gebruik van
die jongste tegnologie, streef Biomin
daarna om te verseker dat hy volhoubare
gehalteprodukte ontwikkel wat die gene-
Die varkdelegasie by die bekendstelling: Dr Pieter Grimbeek (Mooivet), dr Annie Labuscagne
(Charlesstraat Veeartse), Arthur Gee (Kanhym), Mossie de Kock (Eas-Pork),
dr Heinz Bodenstein (Charlesstraat Veeartse) en Louis Botha (TOPIGS SA)
Die Suid-Afrikaanse Biomin-span is van links: Albert van Rensburg (bedryfshoof), dr
Bert Zumpt (konsultant), Adele van der Mescht (kantoorbestuurder) en Jaco Truter
(bemarkingsbestuurder). Heel regs is Denis Giraudoux, Biomin se areabestuurder.
tiese potensiaal van die dier ontsluit en
terselfdertyd ’n goeie belegginsopbrengs
aan die kliënt lewer.”
Biomin-produkte is reeds die afgelope
agt jaar deur middel van verspreiders in
Suid-Afrika beskikbaar. Van Rensburg
meld egter dat die maatskappy, op
grond van die reuse-potensiaal van die
plaaslike mark, die behoefte geïdentifiseer
het om ’n besigheidseenheid te
vestig wat ’n omvattende netwerk van
produkte en tegniese ondersteuning kan
bied. “Biomin het spesifiek Suid-Afrika
as sy hoofbasis vir sy bedryf in Afrika
geteiken op grond van die gevestigde
infrastruktuur en moderne tegnologie,
wat uiteindelik ook toegang tot die res
van die vasteland sal bied.”
Van Rensburg noem dat nasionale
veevoerproduksie in Suid-Afrika
ongeveer 10,8 miljoen ton per jaar
beloop en hy is vol vertroue dat Biomin
aansienlike sukses in hierdie mark kan
behaal deur die vestiging van ’n plaaslike
kantoor.
“Die plaaslike veevoerbedryf is ’n
groot mark wat die potensiaal vir aansienlike
groei inhou. Namate voeselveiligheid
plaaslik ’n belangriker faktor word,
is Biomin in die posisie om die nodige
oplossings vir hierdie unieke verbruikersvereistes
deur die voorsiening van
wêreldklasprodukte te bied, gerugsteun
deur tegniese bystand en grondige
advies oor dierevoedingsake.”
Hy meld ook dat, hoewel Biomin oor
die langtermyn markaandeel in alle dierevoedingsektore
wil opbou, die maatskappy
oor die kort termyn spesifiek die
braaikuiken- en varkmark gaan teiken.
“Braaikuikens is die grootste en goedkoopste
proteïenbron in Suid-Afrika en
gevolglik is die potensiaal vir markgroei
uitmuntend.”
Saam met sy moedermaatskappy,
die Erber Groep, het Biomin tans meer
as 1 000 mense in 43 lande regoor die
wêreld in diens, wat die plaaslike mark
’n omvattende ondersteuningsnetwerk
bied.
“Deur die plaaslike mark te betree,
bewys Biomin sy toewyding en verbintenis
tot die bemagtiging van Suid-Afrikaanse
boere en voermeulenaars en om
diereprestasie op die natuurlike manier te
verbeter,” het Van Rensburg gesê.
12 Porcus Januarie/Februarie 2012