rufiji environment management project - Coastal Forests of Kenya ...

REMP Technical Report 40: Rangeland Resources in Rufjiji
Kwa ujumla matokeo hayo yanahusu upimaji wa nyasi tu, yanaonyesha kwamba Rufiji ina maeneo
machache yanayoweza kulisha mifugo katika usimamizi wa aina ya “extensive” yaani eneo kubwa
linahitajika kwa wanyama wachache. Maeneo mengi yaliyotathminiwa yalionyesha kuwa yana uoto
mzuri wa nyanda za malisho kwa sababu pengine yalikuwa hayajatumika na wanyama kwa muda
mrefu. Mengine yalikuwa na mapungufu/ au matatizo yaliyojitokeza.
Maeneo ya nyanda za malisho yanayoweza kufikiriwa kuwa yanafaa kwa idadi kadhaa ya mifugo
yametajwa. Eneo lo lote lisitumike kama nyanda za malisho kabla ya tathmini kufanyika kwa
wanyama kulisha katika eneo husika kwa muda maalaum. Kabla ya eneo kutangazwa kuwa nyanda za
malisho utafiti wa kina wa kijamii na kiuchumi lazima ufanyike. Miundo mbinu kwa ajili ya mifugo
katika maeneo yote zilikuwa hakuna. Utafiti huu umeorodhesha mahitaji ya kila kijiji ikijumuisha
majosho, maeneo ya maji, uzuiaji wa mbung’o. Minada inayohitajika na mapendekezo ya wapi
kujengwa yametajwa.
Ushauri ufuatao umependekezwa ili kusaidia Halmashauri ya Wilaya kutengeneza mkakati wa
Kusimamia na Kuendeleza Ufugaji Endelevu.
• Halmashauri ya Wilaya itoe tamko la kuzuia uingiaji wa wafugaji wa asili kutoka Mikoa
mingine hadi hapo Halmashauri, ikishirikiana na vijiji vikamilishe Mkakati wa Kusimamia na
Kuendeleza Ufugaji ambao utatoa matumizi bora na endelevu ya Nyanda za Malisho yaliyopo.
Wakati huo huo wafugaji jadi ambao wamekwishaingia inabidi washirikiane pamoja na wenyeji
wa maeneo husika ili kutenga mipaka kwa ajili ya kugawa maeneo kwa matumizi mbali mbali
kama vile maeneo ya kilimo, uvuvi, misitu, malisho, vyanzo vya maji na njia za mifugo.
• Ramani za uoto wa asili zianzishwe ili zisaidie kama mwongozo kwa Halmashuri ya Wilaya
katika kupanga mipango, utekelezaji na uchanganuaji wa matokeo yaliyofanywa juu ya Utafiti
wa Nyanda za Malisho. Kwa taarifa hizo Halmashauri ya Wilaya pamoja na vijiji vitaweza
kufanya maamuzi yanayofaa hususan usimamizi wa nyanda za malisho yanahitaji kuhusu
mabadiliko ya uoto, msimu hadi msimu. Taarifa za takwimu yazingatiwe mabadiliko
yanayoweza kufuatana na uchomaji moto malisho na wafugaji wa jadi. Hii inaweza kuwa moja
ya njia ya kuelewa matokeo yanayosababishwa na uchomaji moto kwa Wilaya nzima.
• Halmashauri ya Wilaya itenge maeneo ambayo wafugaji wa jadi hawaruhusiwi kuingia na
kukaa, kuruhusiwa kuchungia kwa misimu/majira mbali mbali, kuruhusiwa kwa masharti
yaliyolotolewa na Halmashauri au sheria ndogo za vijiji. Wilaya izingatie kanuni za tahadhari
zinazohusu uzuiaji wa wafugaji wa jadi kuingia katika maeneo ambayo yana wingi wa
bioanuai.
• Pia iwekwe taratibu na kanuni za pekee kuepuka uharibifu wa mazao na upondaji wa miche
katika tambarare ya Mafuriko. Kilimo cha Mlao kitakuwa kigeni kwa wafugaji wa jadi wengi.
• Watumiaji wote wote wa nyanda za malisho wanashauriwa wakae pamoja ili kujadili, kuratibui
na kukisia mabadiliko. Kwa asili mabadiliko mengi ni ya muda mrefu, hivyo mipango ya
kuratibu mbuga inafaa iwe ya muda mrefu. Inafaa watumiaji wa nyanda za malisho wakae
mara kwa mara ilio kujadili na kupima hali ya nyanda kwa vipindi maalum. Halmashauri ya
Wilaya iwe na mpango na bajeti kwa ajili ya kuratibu masuala hayo na inafaa watafutwe
wahisani waweze kusaidia.
• Wafugaji wa jadi, wakazi wa vijiji husika na wataalam wa ugani inafaa wafikirie mahitaji ya
watumiaji wengine wa Nyanda za malisho na ardhi kama vile wachota maji, wavuvi, vimelea
vya mimea na wanyama wadogo, ukadiriaji wa idadi ya mifugo ambao wanaweza kutunzwa
vi