Kliek hier vir bladsy 36-48 - SA Stamboek

KEN ONS MENSE
Sumari Taljaard
Ek is in Clocolan in die Oos-Vrystaat gebore en het aan die Hoër
Landbouskool Kroonstad gematrikuleer, waarna ek by die Universiteit
van die Vrystaat B-Ed studeer het. Na my studies het ek by
die Lady Grey Kunste-akademie as onderwyser begin werk. Ek is
in 2001 met Christo Taljaard getroud en het daarna op Dordrecht
begin skoolhou, waar Christo in die Sterkstroom-distrik geboer
het. Ons eerste seun, Nathan, is in 2003 gebore. Ons het na
Bloemfontein verhuis, waar ek as persoonlike assistent gewerk
het. Ek het ook in dieselfde jaar ’n diplomakursus in menslike
hulpbronne en skakelwese deur Unisa voltooi. In 2009 is Christopher
gebore.
Ek het in Januarie 2010 by SA Stamboek begin werk in die registrasie-afdeling,
waar ek perde-registrasies hanteer het. Ek het
op 1 Junie vanjaar oorgeskuif na die sekretariaat, waar ek tans sekretaresse
van die Appaloosa- en Percheron Perdegenootskappe
is. Ek is opgewonde oor hierdie nuwe hoofstuk wat voorlê.
Liza Verwey
Ek is gebore in Kimberley en ’n jaar daarna het my ouers besluit
dat dit nou tyd is om plaas toe te trek. Ek het grootgeword op ’n
pragtige plaas in die Christiana-distrik, waar ons met kommersiële
Beefmasters boer. Ek het in Christiana by die Gekombineerde
Skool Christiana gematrikuleer. In 2007 het ek die dorpie en
plaas verlaat, en Bloemfontein toe getrek om webwerf-ontwikkeling
by CTU Kollege te studeer.
In 2009 is ek aangestel as webadministrateur by SA Stamboek.
Ek is al vier jaar in dié organisasie se diens. Ek werk elke
dag met die vriendelikste mense in ’n wonderlike bedryf. Ek is
steeds mal oor die plaaslewe, en my werk hier is vir my amper
soos ’n stukkie plaas in die stad met al die mooi foto’s wat ek
elke dag van telers af ontvang om op die webwerwe te plaas.
Philna Hattingh
Ek is op 3 Desember 1986 in Kathu gebore. Dit was van ’n baie
jong ouderdom al af vir my duidelik dat ek ’n groot liefde het
vir die natuur en die skoonheid daarvan. Ek het in 2005 gematrikuleer
en het ’n BA-graad in menslike bewegingskunde
verwerf. Ek wou baie graag my kennis verder verbreed in die
rekreasiegebied en het in 2010 by die Aasvoëlberg Buitelugsentrum
se span aangesluit. Daar het ek ongelooflike mensekennis
opgedoen.
Zastron was my tuiste vir drie jaar, maar 'n mens kan egter
net vir so lank tussen die berge in die koue speel. Ek het besluit
dat ’n skuif na SA Stamboek se registrasie-afdeling die
regte een sal wees vir my. Ek hoop om hier my kennis verder
te verbreed en saam met die span mense ’n lang pad te stap. SB
48