KLK-Junie-2012
Create successful ePaper yourself
Turn your PDF publications into a flip-book with our unique Google optimized e-Paper software.
<strong>2012</strong> se veilings vorder<br />
goed - bl. 3<br />
Kollig op Calvinia<br />
silo's - bl. 4<br />
Turksvy, jou doring!<br />
- bl. 8<br />
K L K Gesprek<br />
Nuusblad van <strong>KLK</strong> Landbou Beperk<br />
Vol 2/<strong>Junie</strong> <strong>2012</strong><br />
<strong>KLK</strong> weer betrokke by<br />
Upington Ekspo<br />
Die jaarlikse Upington Ekspo het vanjaar van<br />
3 tot 5 Mei plaasgevind en <strong>KLK</strong> het weggestap<br />
met die prys vir die beste stalletjie.<br />
Oorwegend jag- en slagvoorraad is in die stalletjie<br />
uitgestal en <strong>KLK</strong> Handel het ook verskaffers soos<br />
MSD Dieregesondheid, Cipla Agrimed, Pfizer, Lionel’s<br />
Vet, Virbac, Veekos, Voermol, Molatek, Cape Gate,<br />
P. Bloch, Upigrow, <strong>KLK</strong> Petroleum en GR Agencies<br />
genooi om saam in die Max Minnaar-saal uit te stal.<br />
Dan het <strong>KLK</strong> ook verskeie aktiwiteite vir skougangers<br />
aangebied, soos die skaaptelkompetisie, sweepklapkompetisie,<br />
klubbraai, Damara veiling, gewigskatkompetisie,<br />
‘n totale ontbeningsdemonstrasie van ‘n<br />
skaapkarkas en ‘n Veldram en Meatmaster veiling.<br />
Johan du Plessis (middel) van <strong>KLK</strong> ontvang hier die sertifikaat wat <strong>KLK</strong> vir die<br />
beste landboustalletjie gewen het. Van links is: Anré le Grange (1ste prinses),<br />
Sakkie du Preez, Johan du Plessis, Chané Booysen (Gemsbok skoukoningin<br />
<strong>2012</strong>) en Annari Esterhuysen (2de prinses). (Foto verskaf deur Gemsbok)<br />
Die skaaptelkompetisie.<br />
Van links is Charel Strauss en Niekie Cilliers van Rooidam<br />
Dorperstoet (Kenhardt) en Dirk Zandberg van Samic saam met<br />
die wengroep lammers van die ekspo se karkaskompetisie.<br />
Elsa van Schalkwyk<br />
spin wol tydens die<br />
ekspo.<br />
Huibrecht Taljaart<br />
demonstreer die<br />
ontbening van ‘n heel<br />
skaapkarkas met Rudi<br />
van der Westhuizen van<br />
Samic as kommentator.
MAATSKAPPYNUUS AKTUEEL LEWENDEHAWE TEGNIES<br />
Aan die<br />
Woord...<br />
‘n Rekord finansiële jaar<br />
met uitdagings wat voorlê<br />
Uiters bevredigende resultate is in die afgelope<br />
finansiële jaar behaal.<br />
Onseepkans produsente gaan<br />
van krag tot krag<br />
Onseepkans se boerevereniging is op 7 Maart gestig. Op die foto voor, van links,<br />
is: Willie Visagie (<strong>KLK</strong>), Andries Visser (Tesourier), Gerhard le Roux (Voorsitter),<br />
Fourie Lutz en Julinda Klein (Sekretaris). Agter, van links, is: Piet Olyn, Henry Booysen<br />
(Ondervoorsitter), Annemie Booysen, Eric Kebab en Johann Morkel.<br />
Die verdienste van R22,1 miljoen is 53,8%<br />
beter as die vorige jaar en die verdienste<br />
van 102,8 sent per aandeel, ondersteun die<br />
stewige dividend van 20 sent per aandeel.<br />
2<br />
Gedurende September <strong>2012</strong> sal daar<br />
aan <strong>KLK</strong>-aandeelhouers ‘n dividendbedrag<br />
van R3,4 miljoen, tesame met ongeveer<br />
R900 000 se leningskapitaal, uitbetaal word.<br />
Hierdie R4,3 miljoen uitbetaling aan aandeelhouers<br />
word moontlik gemaak deur ‘n balansstaat<br />
en kontantposisie van <strong>KLK</strong>, wat<br />
gesond is.<br />
Die goeie resultate word hoofsaaklik<br />
toegeskryf aan die winsbydrae van die<br />
Motor- en Brandstofafdelings, die Handelsafdeling<br />
asook die ommeswaai van die<br />
Abattoir en Vleisafdeling wat ‘n groot verskil<br />
gemaak het.<br />
Die samestelling en kwaliteit van winste<br />
vanuit die onderskeie besigheidseenhede<br />
van <strong>KLK</strong> het aanleiding gegee tot hierdie<br />
goeie resultate.<br />
‘n Verbetering op hierdie resultate is moontlik<br />
indien die volgende uitdagings en aspekte<br />
suksesvol aangepak kan word, naamlik:<br />
• ‘n Werwingsplan om die slag- en veilingsgetalle<br />
te verhoog;<br />
• Bestuur van voorraadverliese in die Handelsafdeling;<br />
• Die verbetering in die effektiwiteit van die<br />
verkrygingsfunksie om die Handelsafdeling<br />
meer kompeterend te maak;<br />
• Die akkreditering en SEB-status van <strong>KLK</strong><br />
te formaliseer en daarmee verlore markgeleentheid<br />
vir die Motor-, Brandstof- en<br />
Handelsafdeling te benut; en<br />
• Uitbreidingsgeleenthede te ondersoek.<br />
<strong>KLK</strong> is op ‘n nuwe prestasievlak en om<br />
verskeie redes ‘n meer aantreklike landboubesigheid.<br />
Daar sal voortdurend oor<br />
die visie en strategiese posisionering, die<br />
samestelling en verspreiding van aandeelhouersbelang,<br />
prestasie-evaluering van<br />
bestuur en eienaarskap vir personeel<br />
asook die volhoubaarheid van <strong>KLK</strong> se besigheidsmodel,<br />
besin moet word.<br />
Stephen van Huyssteen<br />
Besturende Direkteur: <strong>KLK</strong><br />
<strong>KLK</strong> dra by tot suksesvolle leerskool<br />
Onseepkans Boerevereniging het onlangs<br />
‘n opleidingsdag oor boerbokboerderymetodes<br />
gehou wat 70<br />
belangstellendes getrek het, waarvan die<br />
meerderheid opkomende produsente<br />
was. Verskeie sprekers het spesifieke<br />
onderwerpe op ‘n praktiese vlak hanteer.<br />
“Ons wil graag ‘n spesiale woord van<br />
dank rig aan Willie Visagie (Bestuurder:<br />
Handel), Wimpie Reichardt, van die<br />
Pofadder-tak, Japie Kruger, Pieter de<br />
Kock en Pieter de Klerk wat werklik uit<br />
hul pad gegaan het om die dag vir ons<br />
Japie Kruger, Boerbokprodusent, spreek<br />
die opleidingsdaggangers toe oor goeie<br />
kuddebestuur.<br />
Pieter de Kock van Virbac, het die mense<br />
toegespreek oor dieregesondheid. Hier is<br />
hy saam met pryswenners wat die vrae ná<br />
die tyd korrek beantwoord het.<br />
‘n sukses te maak. Van die terugvoering<br />
wat ons ná die tyd ontvang het, was<br />
onder andere: Dit was baie prakties; Ek<br />
het geleer van bokboerdery wat ek nie<br />
voorheen geweet het nie; Wonderlik!;<br />
Geskiedkundige dag; Baie lekker!; en<br />
Groot sukses!<br />
“In vandag se tye is dit onmoontlik om<br />
as produsent of boerevereniging op jou<br />
eie te staan.<br />
“Samewerking is van uiterste belang<br />
en ons voel bevoorreg om saam met ‘n<br />
vennoot soos <strong>KLK</strong> vorentoe te kan beweeg,”<br />
het Gerhard le Roux (Voorsitter:<br />
Onseepkans Boerevereniging) gesê.<br />
Pieter de Klerk (Bemarker:<br />
Lewendehawe Pofadder)<br />
gesels oor dierebemarking.<br />
<strong>Junie</strong> - <strong>2012</strong>
MAATSKAPPYNUUS AKTUEEL LEWENDEHAWE TEGNIES<br />
<strong>2012</strong> se veilings vorder goed<br />
Die eerste deel van <strong>KLK</strong> se stoetveeveilings is agter die rug. Dit<br />
is sover ‘n moeilike jaar in die stoetveebedryf omdat die reën<br />
laat en baie wisselvallig was. Dit, tesame met ‘n laer vleisprys,<br />
veroorsaak ‘n stramheid in die stoetveebedryf se pryse.<br />
Dit bly nogtans so dat goeie kwaliteit diere, goeie pryse behaal<br />
en ons het goeie pryse vir uitstaande diere gekry. Die seisoen<br />
is egter, met agt veilings wat nog moet gebeur, nie verby nie en<br />
pryse kan soos die seisoen vorder nog baie verbeter. Hou die<br />
kalender dop en besoek ons veilings, want daar gaan weer eens<br />
uitstaande teelmateriaal te koop wees.<br />
Kowie de Witt Dorpers produksieveiling<br />
Op 23 Maart het <strong>KLK</strong> Landbou, Kowie de Witt Dorpers se produksieveiling<br />
by die Upington Skougronde gehou. Die hoogste prys<br />
van R14 000 is vir ‘n Dorperram deur Pieter Human en Abrie Maritz<br />
van Upington betaal. Die hoogste prys van R3 000 is vir ‘n<br />
Dorperooi deur Dawie van der Merwe van Upington betaal.<br />
Gesamentlike veiling op Upington<br />
Die gesamentlike veiling van Dirk Steenkamp, Freddie Stolper<br />
en Martin Compion is op 16 Maart op die Upington Skougronde<br />
gehou. Die hoogste prys van R7 000 is vir ‘n bokram van Freddie<br />
Stolper deur André Thirion van Pretoria betaal. Die hoogste<br />
prys van R7 200 is vir ‘n boerbokooi van Stolper deur Hannes de<br />
Witt van Upington betaal. Die hoogste prys van R12 500 is vir ‘n<br />
Dorperram van Dirk Steenkamp deur Pieter Kotze van Vanzylsrus<br />
betaal. Die hoogste prys van R9 000 is vir ‘n wit Dorperram van<br />
Martin Compion deur Desiré Compion van Pofadder betaal.<br />
Klipkoppies Dorperstoet 49ste veiling<br />
<strong>KLK</strong> Landbou het onlangs die 49ste jaarlikse veiling van Klipkoppies<br />
Dorperstoet van Albert van Niekerk van Kenhardt gehou. Die<br />
hoogste prys van R16 000 is vir ‘n Dorperram deur Gert Fourie<br />
van Askham betaal. Die hoogste prys van R4 500 is vir ‘n Dorperooi<br />
deur CJ Familie Trust van Carnarvon betaal.<br />
Dawid Nel van <strong>KLK</strong> was die afslaer. Die omset op die veiling was<br />
R872 800.<br />
Dawid Nel (Afslaer van <strong>KLK</strong>), Pieter Human (koper van Upington),<br />
Willem Steenkamp (hanteerder van <strong>KLK</strong>), Abrie Maritz (koper van<br />
Upington) en Kowie de Witt (verkoper van Upington) saam met<br />
die duurste Dorperram op die veiling.<br />
Noordkaap Dorperklub veiling<br />
Die Noordkaap Dorperklub veiling is op 5 April op Olifantshoek<br />
gehou. Die hoogste prys van R10 500 is vir ‘n Dorperram<br />
van Hendri van Wyk Jr se Nuwerust Dorpers deur Riaan<br />
van Zyl van Vanzylsrus betaal. Die hoogste prys van<br />
R3 500 is vir ‘n Dorperooi van Nuwerust Dorpers deur Nico<br />
Steyn van Kathu betaal.<br />
Gert Fourie (koper van Askham) en Albert van Niekerk (verkoper van<br />
Klipkoppies Dorperstoet) saam met die duurste ram op die veiling.<br />
Patrick Daries (hanteerder van <strong>KLK</strong>), Hendri van Wyk (verkoper van<br />
Upington) en Riaan van Zyl (koper van Vanzylsrus) saam met die<br />
duurste ram op die veiling.<br />
<strong>KLK</strong> wil graag op hierdie wyse vir Albert van Niekerk en familie<br />
hartlik gelukwens met ‘n suksesvolle 49ste produksieveiling.<br />
Die veiling het oor die jare bekend geword en word<br />
met trots deur <strong>KLK</strong> aangebied. Dit is ‘n veiling met diere<br />
wat ‘n bewese prestasiegetoetste rekord het en deur ‘n wye<br />
kliëntebasis ondersteun word. Die 50ste produksieveiling<br />
vind op Woensdag 26 September plaas. Hou dus jou kalender<br />
daarvoor oop.<br />
<strong>KLK</strong> Gesprek<br />
3
MAATSKAPPYNUUS AKTUEEL LEWENDEHAWE TEGNIES<br />
<strong>KLK</strong> se silo’s, wat op Calvinia geleë<br />
is, is die enigste silo wat massahantering<br />
binne ‘n radius van 300 km<br />
kan doen. Dit is een van die drie<br />
oudste silo’s in die omtrek wat nog<br />
in gebruik is en het ‘n bergingskapasiteit<br />
van 6 000 ton.<br />
Geskiedenis<br />
In 1941 is daar deur Landbou Koöperasie<br />
Calvinia (LKC) koring aangekoop en in<br />
gehuurde store teen die spoorlyn vir die<br />
Koringraad gestoor. Dit is in hierdie tyd in<br />
Kollig op Calvinia silo’s<br />
sakke ontvang, opgestapel en per trein<br />
na die noordelike meule versend.<br />
Teen Augustus 1954 het die direksie ‘n<br />
algemene jaarvergadering gehou en<br />
besluit om R100 000 te leen om ‘n silo<br />
op Calvinia te bou. Die direksie besoek<br />
ook daardie jaar twee silo’s op Protem en<br />
Klipdale, in die Overberg. Met die terugkeer<br />
van die direksie, word ‘n tender aan<br />
Concor Construction Corporation toegeken<br />
vir die bou van ‘n silo op Calvinia.<br />
Die silo is in Oktober 1957 voltooi. In<br />
Desember 1957 is die eerste koring vanaf<br />
J.L. Boltman ontvang. Koring word steeds<br />
in sakke ontvang, maar word uitgeskud in<br />
die silo’s en lede kry hul sakke terug.<br />
Koring was hoofsaaklik langs die riviere<br />
tussen Calvinia en Williston, Ceres Karoo,<br />
Roggeveld en Nieuwoudtville aangeplant.<br />
In 1958 het die druk te groot geword,<br />
die silo’s te klein en store is op Sakrivier<br />
en Swawel gebou. Sedertdien is koringverbouing<br />
langs riviere ‘n hoë risiko as<br />
gevolg van reën en is daar oorgegaan na<br />
lusernverbouing.<br />
In <strong>Junie</strong> 2006 het Calvinia silo’s 3 000 ton<br />
mielies vir GWK vir versending na suidelike<br />
dele gestoor. Mielies word ook vir<br />
lede van die maatskappy gestoor.<br />
Lusernsaad<br />
Lusernsaad word langs die riviere geproduseer<br />
en is aangeplant nadat treine<br />
vanaf die noorde na Calvinia gestaak is<br />
en padvervoer van koring te duur geword<br />
het. Dus het produsente lusern vir weiding<br />
aangeplant en lusernsaad geproduseer,<br />
wat ‘n kleiner finansiële risiko inhou.<br />
In beter reënjare word lusern vanaf Oktober<br />
tot Februarie vir hooi gesny, wat dan<br />
aan Bolandse boere vir melkerye verkoop<br />
word. In droër tye is dit weer ideaal om<br />
lusernsaad te produseer. Die kultivar,<br />
SA Standaard, wat ‘n goeie sny- en weidingsvariëteit<br />
is met ‘n groeipunt onder<br />
die grond, word geproduseer.<br />
Saad word by Calvinia silo’s skoongemaak<br />
en na die Nasionale Lusern Organisasie<br />
(NLO) vir sertifisering gestuur. Die<br />
saad gaan hoofsaaklik na die Overberg<br />
en Boland sowel as die GWK bedieningsgebied.<br />
Artikel geskryf deur Japie Vollgraaff<br />
(Silobestuurder: Calvinia)<br />
Isuzu slaag,<br />
ongeag die taak<br />
4<br />
Maak nie saak of dit die kragtige<br />
petrolenjin of die brandstofdoeltref<br />
fende dieselenjin is wat onder<br />
die Isuzu KB se enjinkap brul nie,<br />
dié werkesel sal enige taak maklik<br />
kafdraf.<br />
Die enkelkajuit KB is glad nie skaam vir<br />
harde werk nie en is in drie weergawes<br />
beskikbaar: die Base, Fleetside en die<br />
LE. Dié taai bakkie word met die 2,0 liter<br />
of die 2,4 liter petrolenjin, of die 2,5 liter<br />
LEED, die 2,5 liter of die 3,0 liter D-TEQ<br />
dieselenjin toegerus.<br />
Die versterkte metaalplate aan die bakwerk<br />
maak die bakkie net nóg taaier en<br />
voeg by tot sy stewige voorkoms. Daar is<br />
twee 4x4-modelle beskikbaar en vyf van<br />
die nege modelle is met ewenaarslotte<br />
toegerus.<br />
As werk en ontspanning ewe belangrik in<br />
jou lewe is, is die dubbelkajuit Isuzu KB<br />
perfek vir jou. So taai soos ‘n ratel as dit<br />
by werk kom, maar ook perfek toegerus<br />
om jou familie in gemak by hul bestemming<br />
te bring.<br />
Die dubbelkajuit KB kom ook in drie<br />
weergawes: die LE, die LX en die KB72.<br />
Die dubbelkajuit KB is met die 2,4 liter<br />
petrolenjin of die 2,5 liter of 3,0 liter weergawe<br />
van die D-TEQ dieselenjin toegerus.<br />
Al vyf 4x2- en 4x4-modelle is met<br />
ewenaarslotte toegerus.<br />
Die KB72 is die kroonjuweel van die Isuzu-bakkiereeks<br />
en bied ekstra bybehore<br />
teen ‘n fraksie van die prys. Dié spogbakkie<br />
is met 16 duim allooiwiele met 245/70<br />
bande toegerus en sy afwerkings is die<br />
kleur van die bakkie self. Die Isuzu KB<br />
met die verlengde kajuit bied die perfekte<br />
balans tussen luuksheid en bruikbaarheid.<br />
Die Isuzu KB met die verlengde kajuit<br />
kom in LE en LX weergawes en die<br />
hele reeks is met ewenaarslotte toegerus.<br />
Daar is ekstra spasie agter die bestuurder-<br />
en passasiersitplek waar gereedskap<br />
in sluitbare laaikissies byderhand<br />
gehou kan word.<br />
Hierdie ekstra laaiplek en die keuse tussen<br />
die 2,5 liter en die 3,0 liter D-TEQdieselenjins,<br />
maak van die verlengde<br />
kajuit Isuzu KB die perfekte bakkie om<br />
dinge gedoen te kry – nes die res in die<br />
reeks.<br />
Vir meer inligting oor hierdie twee modelle,<br />
skakel Gordonia Motors by (054) 337-6239<br />
of besoek ons op die hoek van Scott- en<br />
Kortstraat, Upington.<br />
<strong>Junie</strong> - <strong>2012</strong>
MAATSKAPPYNUUS AKTUEEL LEWENDEHAWE TEGNIES<br />
Reg op verblyfsekerheid<br />
op plase (finaal)<br />
Cobus Booysen<br />
Uitsetting van ’n okkupeerder<br />
wat ná 4 Februarie 1997 ’n okkupeerder<br />
geword het.<br />
’n Hof kan ’n bevel vir uitsetting van<br />
mense wat ná 4 Februarie 1997 ’n okkupeerder<br />
geword het, gee as dit regverdig<br />
en billik is om dit te doen.<br />
Om dit te bepaal moet die hof kyk na:<br />
hoe lank die okkupeerder op die<br />
plaas gewoon het.<br />
die billikheid van die ooreenkoms<br />
waarop die grondeienaar steun om<br />
die okkupeerder uit te sit. Byvoorbeeld,<br />
as X en Y getroud is en albei<br />
uitdruklike toestemming ontvang<br />
het om op die plaas te woon, is<br />
albei onafhanklike okkupeerders.<br />
Indien die grondeienaar ’n uitsettingsbevel<br />
vir X en Y vra op grond<br />
van ’n ooreenkoms wat slegs met<br />
X aangegaan is, kan die paartjie<br />
aanvoer dat hul uitsetting onbillik is<br />
omdat dit Y se onafhanklike status<br />
as ’n okkupeerder minag.<br />
Let wel: Plaaswerkers/okkupeerders<br />
wat moontlik uitgesit gaan word, moet<br />
by die betrokke plaaslike munisipaliteit<br />
aansoek doen om behuising en bewys<br />
van hul aansoek hou.<br />
Veertig jaar getrou aan <strong>KLK</strong><br />
<strong>KLK</strong> wil graag vir<br />
Essie de Witt en<br />
Studen Mlonyeni<br />
gelukwens met<br />
‘n allemintige 40<br />
jaar diens aan<br />
<strong>KLK</strong> gelewer. Dit<br />
is voorwaar ‘n<br />
prestasie!<br />
Essie de Witt<br />
Dit is belangrik om bewyse te hou<br />
van pogings wat die okkupeerder<br />
aangewend het om ander geskikte behuising<br />
te kry – hou byvoorbeeld boek<br />
van die datums waarop hy/sy ander<br />
verblyf gesoek het en die persoon by<br />
wie sy/hy navraag hieroor gedoen het.<br />
die beskikbaarheid van geskikte alternatiewe<br />
akkommodasie vir die<br />
okkupeerder<br />
die rede vir die beoogde uitsetting.<br />
As die rede vir die aansoek om die<br />
uitsettingsbevel die afdanking van die<br />
okkupeerder is, maar die manier waarop<br />
die werkgewer sy/haar diens beëindig<br />
het, was nie regverdig nie, kan die<br />
hof beslis dat dit nie regverdig en billik<br />
sal wees om ’n uitsettingsbevel toe te<br />
staan nie.<br />
Indien byvoorbeeld die grondeienaar<br />
die dissiplinêre verhoor hou waarin die<br />
werknemer daarvan aangekla word dat<br />
hy/sy onder die invloed van drank aan<br />
diens was en die dissiplinêre verhoor<br />
gehou is terwyl die werknemer steeds<br />
onder die invloed van drank was, dan<br />
kan daar aangevoer word dat die okkupeerder<br />
nie in staat was om die<br />
aard van die ondersoek behoorlik te<br />
verstaan nie, en onder hierdie omstandighede<br />
sal dit dus nie regverdig wees<br />
om vir sy/haar uitsetting te vra nie.<br />
die opweeg van die belange van<br />
die okkupeerder, die grondeienaar<br />
en die ander okkupeerders indien<br />
die hof ’n bevel vir uitsetting sou<br />
gee.<br />
Die artikel is geskryf deur Cobus Booysen<br />
(Bestuurder: Menslike Hulpbronne).<br />
Met dank en erkenning aan die Lawyers<br />
for Human Rights “Security for Farm<br />
Workers Project”<br />
Studen Mlonyeni<br />
Vleispryse nie onverwags nie<br />
Wat sover hierdie jaar met skaapvleis gebeur<br />
het, is nie juis ‘n verrassing nie. Dit was voorspel.<br />
Die prys van speenkalwers wat onder baie groot<br />
druk is, is ook nie totaal onverwags nie. Die prys<br />
was deur verlede jaar en vroeg in Januarie van<br />
hierdie jaar, baie duur. Die voerprys het heelwat<br />
gestyg en daarom sou ‘n matige daling in die<br />
kalfprys logies wees.<br />
Wat baie min van ons egter verwag het en nog<br />
minder sien kom het, was die sterk daling in<br />
beesslagpryse. Dit het die kalfprys verder afgedruk<br />
en die kalfmark tot op die rand van ‘n<br />
krisis geneem. Soek ons na die oorsaak van<br />
die daling in slagpryse, is die enigste antwoord<br />
wat ons op hierdie stadium kry, dat die vraag na<br />
beesvleis gedaal het. Dit beteken dat die verbruiker<br />
minder geld beskikbaar het as wat ons<br />
dink. Geldskaarste by verbruikers is gewoonlik<br />
waar in Januarie en Februarie van elke jaar en is<br />
gewoonlik teen die einde van Maart verby. Dit is<br />
egter vanjaar nie die geval nie en die daling van<br />
beespryse is steeds aan die gang met die skryf<br />
van hierdie rubriek aan die begin van Mei.<br />
Die prys van A-graad voerkraalbees het reeds<br />
21% gedaal sedert die hoogtepunt in die laaste<br />
week van Desember 2011. Lamsvleis se piek<br />
was reeds aan die einde van September en het<br />
sedertdien met 26,8% gedaal en weer met 5%<br />
verbeter. Die netto effek op lamsvleis aan die<br />
begin van Mei was 22%. Daar is dus ‘n direkte<br />
verband tussen die prysbeweging van lamsvleis<br />
teenoor beesvleis.<br />
Die groot vraag bly egter wat vorentoe met<br />
skaap- en beesvleis gaan gebeur. As ons in aanmerking<br />
neem dat voerpryse waarskynlik deur<br />
die daalfase is met ‘n mielieprys wat gaan styg<br />
omdat die oes swakker as verwag is, tesame<br />
met ‘n beesslagprys wat moontlik laag kan bly<br />
tot Oktober/November, sien ons nie ‘n groot<br />
styging in speenkalfpryse voor ook omtrent<br />
daardie tyd nie. Hou egter die mark vir skraal<br />
koeie dop, want dit kan ‘n goeie medium wees<br />
om mie lielande wat nie geoes word nie te benut.<br />
Anders as beespryse kan skaapvleis reeds van<br />
<strong>Junie</strong> tot Augustus beter pryse behaal omdat<br />
die aanbod waarskynlik in daardie tyd weer laag<br />
gaan wees.<br />
Ons moet onthou dat proteïene internasionaal in<br />
aanvraag is en ook internasionaal skaars is. Dit<br />
beteken dat die dalings wat ons nou sien korttermynregstellings<br />
is en dat rooivleisproduksie<br />
internasionaal vir die afsienbare toekoms uitstekende<br />
vooruitsigte het.<br />
Deon Heyns<br />
Bestuurder: <strong>KLK</strong> Vleis<br />
Marksake...<br />
<strong>KLK</strong> Gesprek<br />
5
MAATSKAPPYNUUS AKTUEEL LEWENDEHAWE TEGNIES<br />
Jesus die gekruisigde<br />
Pitkos vir<br />
die siel...<br />
“Ek het my voorgeneem om met julle oor<br />
niks anders te praat nie as oor Jesus as die<br />
Christus en wel oor Hom as die gekruisigde”<br />
(1 Kor 2:2).<br />
Hoekom klink dit asof Paulus hier trots is<br />
op die gekruisigde Jesus? ‘n Kruisdood is<br />
immers niks om op trots te wees nie, allermins!<br />
Jy noem dit nie in die beste geselskap<br />
dat jy so iemand ken nie…Net die<br />
ergste uitvaagsels van die samelewing, die<br />
ongewenstes, is so tereggestel. Dit was ‘n<br />
skande.<br />
Dit was die bedoeling van die destydse<br />
Romeinse owerheid om orde te handhaaf<br />
en die Joodse leiers maak Jesus uit as ‘n<br />
moeilikheidmaker, ‘n aanstigter van onrus.<br />
Wel, dít was waar: Jesus hét die bestaande<br />
orde omvergewerp. Verbeel jou: stap die<br />
ekstra myl saam…liefde vir jou vyand…<br />
leierskap in ‘n dienskneggestalte…Seun<br />
van God.<br />
Die Romeine het openbare moeilikheidmakers<br />
by wyse van ‘n afskrikmiddel ‘n<br />
wrede dood laat sterf. Aan ‘n kruispaal<br />
vasgemaak, vasgekap, opgehys totdat die<br />
gekruisigde van versmoring of uitputting<br />
sterf. Buite op ‘n heuweltjie, sodat almal kan<br />
sien, en wéét…<br />
Niemand kon verwag dat God daarmee<br />
die grootste wonder ooit sou verrig nie. Dat<br />
daarmee ‘n reddingsdaad van God sou<br />
plaasvind wat die hele wêreld sou transformeer,<br />
wat alle mense sou versoen met God.<br />
Dat ‘n totaal nuwe manier van lewe daarop<br />
sou volg.<br />
Die kruisdood van Jesus was God se beslissende<br />
ingrepe in die wêreld, in my en jou<br />
lewe. Vir die godsdienstiges ‘n skandaal en<br />
‘n aanstoot en vir die wêreldwyse denkers<br />
van ons tyd, totale dwaasheid.<br />
Moet ons gerat wees vir<br />
droogtes wat kom?<br />
Ons moet altyd gerat wees, want<br />
droogte in veral die Noord-Kaap is<br />
net so seker soos die son wat elke<br />
oggend opkom en in die middag<br />
weer ondergaan. Die groot vraag<br />
is altyd om te weet wanneer dit<br />
kom sodat ons beter voorbereid<br />
kan wees.<br />
Dit is ook in ‘n mate ‘n mite om altyd<br />
voorbereid te kan wees vir droogte,<br />
want daar is rampdroogtes waar die<br />
beste bestuur ook nie sal help nie.<br />
Goeie be stuur kan egter help dat redelike<br />
“normale” of effens ondernormale<br />
reënvaljare nie al “droogtes” word nie.<br />
Goeie bestuur kan dus die frekwensie<br />
en intensiteit van droogte verminder en<br />
langtermynskade aan weidings verhoed.<br />
Dit is net in goeie jare waar iets pro-aktief<br />
aan droogte gedoen kan word. As die<br />
droogte eers daar is, kan eintlik net gebid<br />
en krisisbestuur toegepas word. Dan<br />
word ‘n droogte dikwels te duur om te<br />
hanteer.<br />
Waar staan ons in die huidige siklus<br />
van droë en natter jare? Die berekende<br />
langtermyn gemiddelde reënval vir ‘n<br />
seisoen (1 Julie tot 30 <strong>Junie</strong>) vir die<br />
Noord-Kaap is ongeveer 233 mm. Die<br />
gemiddelde reënval van die afgelope<br />
tien seisoene is 236 mm per seisoen,<br />
maar vir die afgelope ses seisoene is<br />
die gemiddeld 281 mm per seisoen of<br />
ongeveer 21% bogemiddeld. Net een<br />
van die afgelope ses seisoene was ondergemiddeld<br />
(2006/2007 = 153 mm)<br />
vir die Noord-Kaap provinsie as geheel.<br />
In 2010/2011 was die reënval vir die<br />
provinsie 349 mm, wat ongeveer 50%<br />
bo die langtermyn gemiddelde reënval<br />
is en ook die vierde natste seisoen is<br />
sedert 1959/1960 met slegs 1973/1974<br />
(506 mm), 1975/1976 (477 mm) en<br />
1996/1997 (393 mm) wat meer reën<br />
gekry het.<br />
Dus was die laaste klompie jare natter<br />
as normaal vir die provinsie. Dit het<br />
veroorsaak dat veegetalle toegeneem het<br />
en dit produsente dus meer kwesbaar<br />
maak vir droogte. Die 2011/<strong>2012</strong>-seisoen<br />
is gekenmerk deur die stuiptrekkings<br />
van ‘n La Niña-verskynsel wat kol-kol<br />
nog baie goeie neerslae veroorsaak het<br />
oor die westelike en suidoostelike dele<br />
van die land, maar daar is baie sterk<br />
aanduidings van meer El Niño-tipe toestande<br />
wat kan voorkom in die volgende<br />
somerseisoen(e). Dit kan tot gevolg hê<br />
dat die reënval weer meer ooswaarts<br />
skuif en dat droër toestande weswaarts<br />
kan intree in die volgende seisoene.<br />
Wees dus voorbereid en stel droogtetoestande<br />
uit of versag die effek van droogte<br />
deur goeie bestuur. Goeie bestuur word<br />
gekenmerk deur tydige besluite voordat<br />
ramptoestande voorkom. Met reën wat<br />
in die laaste paar maande oor groot<br />
gedeeltes van die Noord-Kaap voorgekom<br />
het, is weidings toestande tans<br />
redelik goed in terme van die langtermynverwagting<br />
en selfs baie goed in<br />
vergelyking met die meer oostelike<br />
Hoëveldgrasweidings. Hierdie relatief<br />
goeie toestande moet nou be skerm<br />
word om moontlike swakker toestande<br />
vorentoe in <strong>2012</strong>/2013 en selfs opvolgende<br />
seisoene die hoof te bied of beter<br />
te kan bestuur.<br />
Artikel geskryf deur Johan van den Berg<br />
(Bestuurder: Gespesialiseerde oesversekering,<br />
Santam Landbou).<br />
Maar vir elkeen wat glo, wat sy hardkoppige<br />
nek voor God buig en by dié Jesus kom<br />
skuil, is dit die krag van God en die wysheid<br />
van God (1 Kor 1: 23 - 24). Die gekruisigde<br />
Jesus is ons Heer en Redder.<br />
Daarom wil Paulus oor niks anders praat nie.<br />
Deon van Niekerk<br />
6<br />
<strong>Junie</strong> - <strong>2012</strong>
MAATSKAPPYNUUS AKTUEEL LEWENDEHAWE TEGNIES<br />
Gee jou diere die gesondheid wat hulle verdien<br />
Cipla Agrimed is in 2005 deur dr Jan<br />
Wentzel en vyf verteenwoordigers<br />
begin.<br />
Van dag bestaan die maatskappy uit ‘n<br />
verkoopspan met 22 verteenwoordigers<br />
regoor Suid-Afrika, Namibië en Botswana.<br />
Die verkoopspan word deur vier areabestuurders,<br />
‘n nasionale verkoopsbestuurder<br />
en twee veeartse ondersteun wat<br />
bystand aan die veldpersoneel tydens<br />
boeredae en opleidingsessies verleen.<br />
Die maatskappy se doelwit is om topkwaliteit<br />
produkte aan die Suid-Afrikaanse<br />
veeprodusent teen bekostigbare pryse te<br />
verskaf.<br />
Cipla Agrimed is ‘n 100% Suid-Afrikaanse<br />
maatskappy wat toegewyd is aan die produsente<br />
van Suid-Afrika en wat produkte<br />
vervaardig spesifiek vir Suid-Afrikaanse<br />
toestande.<br />
Die maatskappy is deel van die farmaseutiese<br />
reus, Cipla Medpro SA, met sy<br />
bekende leuse: “We’ll make it better”.<br />
Johan Opperman is die Cipla<br />
Verteenwoordiger in die Noord-Kaap.<br />
Skakel hom gerus by 082 564 6302.<br />
Kies vir jou ‘n Cipla produk!<br />
‘n Gelukkige leser kan ‘n Cipla Agrimed<br />
produk van sy keuse ter waarde van R500<br />
wen. Om in aanmerking vir dié prys te<br />
kom, beantwoord net die maklike vraag:<br />
Wanneer is die Onseepkans Boerevereniging<br />
gestig?<br />
Inskrywings<br />
Stuur jou inskrywingsvorm agter op ‘n toegeplakte<br />
koevert aan: Ilse van Zyl, <strong>KLK</strong> Landbou<br />
Limited, Posbus 86, Upington, 8800 of<br />
stuur ‘n faks na 086 5500 224 of e-pos na<br />
ilse@klk.co.za. Inskrywings moet haar voor<br />
of op Vrydag, 13 Julie <strong>2012</strong>, bereik.<br />
Baie geluk aan Anni Conradie van<br />
Steynsputs, Kenhardt wat in die April-uitgawe<br />
twee sakke hondekos gewen het.<br />
Reëls<br />
Alle <strong>KLK</strong> Gesprek lesers mag aan die kompetisie deelneem<br />
• Slegs een inskrywing per persoon • Die wenner sal telefonies<br />
in kennis gestel word en sy/haar naam sal in die<br />
volgende uitgawe van <strong>KLK</strong> Gesprek verskyn • Die prys sal<br />
na die naaste <strong>KLK</strong> handelstak gestuur word en kan daar<br />
afgehaal word • Die prys kan nie vir kontant verruil word nie<br />
• Die prystrekking word deur Infoworks Media Publishing<br />
op Klerksdorp behartig.<br />
Inskrywingsvorm<br />
Naam en van: ..........................................<br />
..................................................................<br />
Adres: .......................................................<br />
..................................................................<br />
Tel: ............................................................<br />
Antwoord: ................................................<br />
..................................................................<br />
..................................................................<br />
<strong>KLK</strong> Gesprek is ’n nuusblad wat vier keer per<br />
jaar namens <strong>KLK</strong> deur Infoworks saamgestel<br />
en uitgegee word.<br />
NAMENS <strong>KLK</strong> LANDBOU LTD<br />
Ilse van Zyl *<br />
(054) 337-6202 • ilse@klk.co.za<br />
* Vir navrae oor die verspreiding van <strong>KLK</strong> Gesprek,<br />
of adreswysigings, kontak vir Ilse van Zyl.<br />
REDAKSIE<br />
Elmarie Schoeman<br />
(018) 468-2716<br />
elmarie@infoworks.biz<br />
Johan Smit<br />
(018) 468-2716<br />
johan@infoworks.biz<br />
BLADUITLEG EN DRUK<br />
Infoworks<br />
(018) 468-2716<br />
www.infoworks.biz<br />
<strong>KLK</strong> Gesprek<br />
7
TEGNIES<br />
Turksvy, jou doring!<br />
Turksvye is van die oudste en bekendste voergewasse in die<br />
land. Die eerste doringturksvye is deur die vroeë Setlaars in die<br />
1650’s in die land gebring. Gedurende 1914 is die doringlose<br />
turksvye (Burbank-tipes) uit Suid-Amerika ingevoer. Sedertdien<br />
het verskeie navorsers met die gewas gewerk.<br />
Die werk wat op Grootfontein gedoen is, is seker van die bekendste.<br />
Gedurende dié periode is daar 21 tipes geëvalueer. Hierdie<br />
versameling is uniek in die wêreld en Suid-Afrika is die enigste land<br />
waar hierdie tipes nog beskikbaar is. Tans word daar 42 kultivars<br />
geëvalueer ten opsigte van aanpasbaarheid en produksievermoë.<br />
Turksvye is een van die mees veelsydige gewasse. Behalwe dat<br />
die gewas vir vrugte en voer gebruik kan word, is daar ook baie<br />
ander gebruike. In die Suid-Amerikaanse lande en Meksiko word<br />
die kladodes (blaaie) gebruik as voedsel vir die mens (napolitos).<br />
Turksvye word in farmaseutiese- en kosmetiese produkte gebruik,<br />
pitolie word gepers en karmynsuur (‘n rooi kleurstof) asook sappe,<br />
sepe ensovoorts word gebruik.<br />
Vanaf 2001 is daar ook in die Vrystaat navorsing gedoen oor die<br />
gebruik van turksvye as voerbron onder semi-intensiewe toestande.<br />
Gedurende hierdie periode het verskeie navorsers aan die<br />
Universiteit van die Vrystaat ook begin met navorsingsprojekte.<br />
Daar is onder andere gekyk na die waterverbruik van die plant, die<br />
vrugkwaliteit, die gebruik as veevoer en die gewas se potensiaal<br />
as biobrandstof.<br />
Die uniekheid van die gewas word weerspieël in die wye aanpassing<br />
ten opsigte van klimaat en grondeienskappe. Turksvye aard<br />
van uiters koue tot warm, droë toestande. Verder beskik dit oor<br />
‘n unieke wortelstelsel wat in staat is om klein hoeveelhede water<br />
vinnig en effektief op te neem. Turksvye is 2,8 maal meer effektief<br />
in sy waterbenutting as koring; 3,75 maal meer effektief as lusern;<br />
en 7,5 maal meer effektief as veld. Dit maak die gewas ‘n geskikte<br />
droogtevoergewas.<br />
‘n Verdere eienskap van die plant is die teenwoordigheid van<br />
slymgom (“mucilage”), ‘n wateroplosbare pektienagtige polisakkaried.<br />
Die alombekende vermoë van kaktusse om water te behou<br />
gedurende ongunstige klimaatstoestande soos droogtes, is aan<br />
die waterbindingsvermoë van slymgom te danke.<br />
Die waterbindingsvermoë is onontbeerlik in die ekologiese sukses<br />
van kaktusse, maar aan die ander kant bemoeilik dit onder andere<br />
die drogingsproses van kladodes, chemiese ontledings en die<br />
ontwikkeling van produkte.<br />
Wanneer vars kladodes aan skape gevoer word, kla boere dikwels<br />
oor die “erge maagwerkings”. Navorsing het egter getoon dat die<br />
slymgom in die kladodes, water in die spysverteringskanaal bind<br />
wat verantwoordelik is vir die nat voorkoms van die mis. Daar is<br />
egter geen patologiese werking nie en dit is dus nie maagwerkings<br />
nie; dit het ook geen nadelige effek op produksie gehad nie. Dit<br />
geld waarskynlik ook vir beeste, maar is minder opvallend.<br />
Resultate uit verskeie bronne toon dat produksies van sowat 25 ton<br />
tot 30 ton vrugte/ha en 10 ton kladodes (gedroog) geproduseer<br />
word. Opbrengste van tot so hoog as 40 ton droë kladodes/ha is al<br />
gemeet wanneer die plante uitsluitlik as veevoer onder intensiewe<br />
toestande aangeplant word.<br />
Tradisioneel word vars kladodes net so heel deur vee benut. Soms<br />
word die kladodes gekerf of gesnipper en gedeeltelik gedroog<br />
voor diere dit benut. Die praktyk dat vee toegelaat word om die<br />
kladodes direk vanaf die plante te benut, word nie aanbeveel nie,<br />
aangesien die beskadiging aan die bome te veel is en dit hergroei<br />
belemmer.<br />
Ongeag die vorm waarin dit benut word, belemmer die hoë waterinhoud<br />
die hantering en verwerking van vars turksvyblaaie. Praktiese<br />
metodes om kladodes vinnig te kerf en te droog sal die verdere<br />
verwerking vergemaklik en die aanvaarbaarheid as veevoer verhoog.<br />
In die droë vorm, kan tekorte in die chemiese samestelling<br />
tydens die formulering van gebalanseerde diëte reggestel word.<br />
Ondanks die wye gebruik van kladodes as droogtevoer in Suid-<br />
Afrika, is betreklik min bekend oor die gebruik in produksiediëte<br />
vir vee. In 2005 het Desirée Zeeman toenemende peile (0%, 12%,<br />
24% en 36%) songedroogde en grofgemaalde turksvy-kladodes<br />
gebruik om lusernhooi gedeeltelik in diëte vir jong Dorperhamels<br />
te vervang.<br />
By die hoogste insluiting van songedroogde Turksvye (36%) was<br />
daar geen nadelige invloed op diereprestasie nie. Trouens, hoër<br />
peile van gedroogde kladodes in diëte het verteerbaarheid verbeter.<br />
In 2008 het Ockert Einkamerer dieselfde proef diëte oor ‘n<br />
periode van 63 dae aan jong Dorperhamels gevoer. Weer eens is<br />
diereprestasie en karkaskwaliteit nie deur die insluiting van Opuntia<br />
benadeel nie.<br />
Die volgende stap is om produksiediëte met gedroogde kladodes<br />
te formuleer vir evaluering met diere in verskillende produksiefunksies,<br />
byvoorbeeld laktasie of afronding.<br />
Artikel geskryf deur dr Herman Fouché van die<br />
Landbounavorsingsraad (LNR).<br />
8<br />
<strong>Junie</strong> - <strong>2012</strong>