KLK-Mei-2011

Vol 2/2011 • Amptelike nuusblad van KLK Landbou Beperk • Mei 2011
Só ploeg ons terug in die gemeenskap
KLK is in November verlede jaar deur die Departement van Landelike Ontwikkeling en Grondhervorming genader om te help
om opkomende projekte in die Noord-Kaap te herkapitaliseer.
Die doel van die projek is om produsente wat die grond huur in staat
te stel om kommersieel te boer. KLK is in die proses om ‘n vyfjaarbesigheidsplan
vir elkeen van die vyf plase – geleë in Brandvlei,
Kenhardt, Vanzylsrus, Pofadder en Kuruman – op te stel,” het Deon
Heyns (Bestuurder: KLK Vleis) gesê. Meeste van dié produsente
doen hul bemarking deur KLK.
Vier van die vyf plase (Brandvlei, Vanzylsrus, Kenhardt en Kuruman)
se besigheidsplanne is reeds deur die Departement goedgekeur,
en is reeds in die proses om geïmplementeer te word. Pofadder se
projek moet nog goedgekeur word.
Volgens Heyns sal 25% van elkeen van die plase se oorspronklike
aankoopwaarde gebruik word om die infrastruktuur te hervestig.
KLK Vleis en KLK Handel doen onder meer ‘n behoeftebepaling
van die begunstigdes, hul grond, infrastruktuur, diere asook die
produksiemiddele. “Die evaluering word gedoen om te bepaal wat
die behoeftes op die onderskeie plase is en wat nodig is vir elke
eenheid om kommersieel te produseer,” het hy gesê.
LAPA is ‘n uitgewer van hoofsaaklik Afrikaanse boeke. Dié projek
maak deel uit van ‘n bemagtigingsprojek om voorheen benadeelde
gemeenskappe se inwoners (skole, plaasvrouens en kinders) te bemagtig,
deur hul lees en skryfvermoëns te ontwikkel.
KLK het ‘n finansiële bydrae gemaak deur ‘n Corsa bakkie vir die projek
aan te koop en sal ook maandeliks brandstof voorsien. “KLK lewer
‘n groot bydrae tot die motive ring en uitbreiding van die projek,” het
Pieter du Plessis (Voorsitter: ORPA) gesê. “Ons kry baie goeie
te rugvoer van die gemeenskap wat toegang het tot boeke asook
van die lees- en skryfklubs wat begin is. Leeslesse word ook by
skole aangebied om kinders te stimuleer en hulle te help om stories
te skryf,” het Du Plessis gesê.
Opkomende projek: Kalahari Duinplaas
Nadat die opleidingsbehoeftes van die begunstigdes bepaal is, sal
‘n opleidingsprogramvoorstel aan die Departement van Landelike
Ontwikkeling oorhandig word. KLK sal ook optree as mentor om
die produsente maandeliks te besoek waar KLK die produsente sal
inlig oor onder meer siektes, voeding, doseringprogramme, veehantering,
plaasfinansies en veeproduksie.
“Hierdie projek is deel van KLK se sosiale aanspreeklikheid. KLK
kry goeie samewerking van die Departement van Landelike Ontwikkeling
en Grondhervorming,” het Heyns gesê.
Investering in ‘n geletterdheidsprojek
KLK is in samewerking met ORPA (Oranjerivier Produsente Alliansie),
‘n bedryfsorganisasie vir die Benede Oranje bedieningsgebied
wat produsente verteenwoordig op die Suid-Afrikaan se Tafeldruiwe-industrie
(SAT), betrokke by ‘n geletterdheidsprojek waar
onderwysers deur LAPA uitgewers in diens geneem is.
KLK het op 6 Mei vanjaar Kenhardt se Veldramklubveiling op
Upington aangebied. Die ramme wat by dié veiling verkoop word, ondergaan
prestasietoetsing. Albertus Clarke (heel links) en dominee
Dawid Willemse (regs) van die Kalahari Duinplaas opkomende projek
het twaalf dorperramme by dié veiling aangekoop. Hulle het hul eie
besigheid genaamd Eden Island Trading BK gestig.
AFRIKANERKOEIE
ROOIDAM-STOET
– bl 5
– bl 8

AAN DIE
WOORD
STEPHEN VAN HUYSSTEEN
- BESTURENDE DIREKTEUR VAN KLK
Uit die raadsaal
Die direksie het gedurende die laaste direksievergadering
besluit om op ‘n deurlopende basis
– na afloop van elke direksie vergadering
– aandeelhouers, produsente en kliënte oor
algemene beleidsake in te lig. Die doel is
om alle belanghebbendes op hoogte te hou
van besluite, aksies en projekte en sal op die
KLK webtuiste (www.klk.co.za) onder “Uit die
Raadsaal” asook in die KLK Gesprek nuusblad,
gepubliseer word. Die volgende sake
is gedurende die direksievergadering van
16 Maart 2011 bespreek:
KLK in samewerking met Calvinia-produsente
het in beginsel besluit om Ramskop abattoir
op te gradeer. Dié kapitaalprojek van R4,5
miljoen sal deur Wes-Karoo Vleisprodusente,
KLK en die Departement van Landbou, Bosbou
en Visserye finansier word.
MAATSKAPPYNUUS
Postmasburg-winkel is “geolie”
Die personeel by die KLK handelswinkel op Postmasburg is gerat vir die toekoms,
nadat hulle winkel onlangs ‘n totale verandering ondergaan het.
Van die veranderinge sluit in: ‘n oorgeteelde
en uitgeverfde winkel asook ‘n splinternuwe
personeelkorps. Die terrein is ook aan die
buitekant netjies gemaak.
“Die klante kan nie uitgepraat raak oor hoe
hul winkel, waar hul besigheid doen, nou
lyk nie. Dit was harde werk wat baie hoë
eise aan personeel en klante gestel het,”
het Casper Erasmus (Bestuurder: Postmasburg
KLK handelswinkel) gesê.
Casper sê klante kan hom en sy span in
die toekoms dophou. “Ek is baie positief
oor ons winkel, omdat ons ‘n uitstekende
werkspan is. Ons is in die proses om van
ons personeel wat uit voorheenbenadeelde
groepe kom in al die aspekte van die bedryf
verder op te lei,” het Erasmus gesê.
Ander dienste op die perseel by
Postmasburg
- Build it.
- ‘n Rybaan met baie goeie pryse op
diesel.
KLK sal ’n meerderheidsaandeelhouer bly,
maar die produsente en opkomende produsente
sal eienaarskap in Ramskop abattoir bekom
vir hul bydrae tot die opgraderingskapitaal.
KLK is in die proses om die gebou op Rietfontein,
waaruit die KLK handelstak bedryf word,
by die Mier munisipaliteit te koop. Hamil tons
abattoir, wat tans nie benut word nie, word
sedert 1 Maart 2011 verhuur. Die huurder
verpak en verwerk alle afval van Upington
abattoir.
Die Trokkie-rybaan op Calvinia se brandstofpompe
sal opgegradeer word en verdere opgraderingsprojekte
word vir die KLK-rybane
beplan. KLK ondersoek die moontlikheid om
ATM-punte by van KLK se afgeleë takke aan
te bring. KLK verwag dat die IT-stelsel teen 30
April vlot sal funksioneer. ‘n Uitdagende begrotingsplan
vir 2011/2012 is gedurende die
direksievergadering goedgekeur.
BKB Beperk het op 17 Februarie 2011 die
20% aandelebelang wat Thembeka in KLK
besit het, gekoop. BKB Beperk is nou die
grootste aandeelhouer in KLK. Soos u reeds
weet, bepaal die ooreenkoms dat KLK en BKB
samewerkingsgeleenthede ondersoek wat tot
voordeel van beide maatskappye, aandeelhouers,
produsente en kliënte sal wees.
Wolf Edmayr (Besturende Direkteur: BKB)
is op 16 Maart 2011 as direkteur van KLK,
gekoöpteer. Arnold Human (Hoofbestuurder:
Administrasie en Finansies, KLK) is ook
op 16 Maart 2011 tot die direksie van KLK
gekoöpteer. Hierdie aanstelling is goeie korporatiewe
bestuur en in lyn met ander landboubesighede
waar beide die Bestuurshoof
en die Finansiële Hoof, in ‘n uitvoerende
hoedanigheid, op die direksie dien.
Indien u enige verdere inligting benodig insake
bogenoemde, kan u gerus met Kobus Marais
(Voorsitter: KLK) of Stephen van Huyssteen
(Besturende Direkteur: KLK) in verbinding tree.
Van Postmasburg se personeel van links: Mariëtte Fourie (Admin), Jaco Moller (Voorraad),
Casper Erasmus (Bestuurder), Hestia Maritz (Verkopeklerk) en Maria Witbooi (Verkopeklerk).
Nuus uit die personeelkamp
Twee bemarkersposte is einde verlede jaar
by KLK Handel geskep. Gert Claassens is
die bemarker van die Kuruman-distrik – hy
bedien hoofsaaklik die mynbedryf. Eugene
Immelman is die bemarker vir die besproeii
ngsprodusente (Upington, Kakamas, Keimoes
en Groblershoop). Skakel Gert by
082 738 1237 of Eugene by 074 316 0539
vir meer inligting.
Hennie Marais is aangestel as Handelaarshoof
van Gordonia Motors.
Gert Claassens Eugene Immelman Hennie Marais
2 - Mei 2011 www.klk.co.za

MAATSKAPPYNUUS
Produksieversekering
om van te kies en keur
KLK se alliansie met Absa Versekeringsmaatskappy (AIC) wat in 2009 aangegaan is, bereik nou ‘n volwasse stadium. Die
bestuur van AIC-oesversekering beskik oor gesamentlik meer as 100 jaar se bestuurservaring in oesversekering.
Met bekende name in die oesversekeringsbedryf wat uit die dae
van Sentra Oes kom, kan AIC met die meeste kundigheid in die
Suid-Afrikaanse oesversekeringsbedryf spog. Met soveel ervaring
en kennis, kan AIC die beste oplossings vir jou produksieversekering
bied.
KLK en Absa Versekeringsmaatskappy bied die volgende ten opsigte
van agri-produksieversekering aan:
• Mededingende produkte, naamlik: uitgebreide haeldekking wat
beskerming bied teen hael, brand, transito-ryp en chemiese
spuitskade.
• Multi-risikodekking wat beskerming bied teen ryp, oormaat reën,
droogte (uitgesluit besproeiingslande), wind, sneeu, wilde diere
en buitengewone hitte (hittegolwe).
• Uitgebreide dekking vir lewende hawe.
• Branddekking op weiding.
• Ondersteuningsdienste.
• Aktuariële dienste.
• Spesialis-oesversekeringskennis.
• Gevorderde metode vir die bepaling van die langtermyn gemiddelde
opbrengs van die produsent.
• Bybetalingsopsies en onderskrywing op grond van die risikoprofiel
en behoefte van die individu om sodoende in sy spesifieke
behoeftes te kan voorsien.
• Unieke tariefstrukture en -bepalingsmetodiek om die individu te
pas. Jou unieke omstandighede bepaal jou premie.
• Wetenskaplike taksasieprosedures saamgestel uit jarelange
navorsing en ‘n wydverspreide, opgeleide taksateurskorps.
Produkte verseker
Koring, mielies, sonneblom, graansorghum, sojabone, droëbone,
katoen, kanola, aartappels, gars, uie, grondbone, druiwe, sitrus,
appels, pere en vele meer.
Vir gratis kwotasies en advies skakel KLK Versekering op Upington,
Kuruman en Calvinia by (054) 337-6289/36.
KLK wil klante en hulself beskerm
Een van die uitdagings van ‘n besigheid in die moderne era is om
te voldoen aan al die statutêre, oudit- en regulatoriese vereistes.
Onder hierdie vereistes is die voldoening aan SARS se inkomste- en
BTW-regulasies, die wet op basiese diensvoorwaardes en arbeidsverhoudinge,
die nuwe maat skappy (2008)-wet en King III-riglyne,
die nuwe verbruikerswet en dan natuurlik die nuwe nasionale kredietwet,
wat in 2007 in werking getree het.
Ons vra dus alle KLK klante om asseblief geduldig te wees en ons
te help in hierdie deurlopende proses van voldoening.
Byvoorbaat dankie vir elkeen se tyd en moeite.
ARTIKEL GESKRYF DEUR ARNOLD HUMAN (FINANSIËLE DIREKTEUR: KLK).
KLK wil en moet ook aan hierdie (sommige omslagtige) vereistes
voldoen, om die maatskappy te beskerm teen vervolging en om die
klant te beskerm teen wanpraktyke.
Die nasionale kredietwet het die omgewing waarin ons besigheid
doen vir altyd ver ander. Die regering en SARS se doel is om finansiële
misdaad en geldwassery te bekamp, vereis dat KLK elke klant
moet FICA (Financial Intelligence Centre Act) en KLK gevolglik ook
aan sekere vereistes moet voldoen om te kwalifiseer as ‘n wettige
kredietgewer.
Daar is dus ‘n aksie binne KLK om vir elke klant ‘n goedgekeurde
krediet limiet op lêer te kry en sodanige limiet duidelik aan die klant
te kommunikeer. Afhangende van elke klant se situasie sal klante
gekontak word deur die verskeie KLK entiteite om of weer ‘n verkorte
kredietaansoek of die FICA vorms in te vul; óf klante sal moontlik
net ‘n skrywe ontvang waar ‘n nuwe limiet aanvaar moet word.
www.klk.co.za
Mei 2011 - 3
Bly op hoogte
Die KLK direksie het onlangs besluit om algemene
beleidsake na afloop van elke direksievergadering op
KLK se webtuiste te kommunikeer. Besoek ons gerus
by www.klk.co.za, klik op - “Uit die Raadsaal” en dan
op “Algemene kommunikasie”.
Hierdie KLK Gesprek nuusblad en al die vorige uitgawes
is ook elektronies op KLK se webtuiste beskikbaar.

MAATSKAPPYNUUS/AKTUEEL
Verblyfregte op plase – deel 1
Baie okkupeerders van huise op plase verkeer onder die wanindruk dat die Wet op Uitbreiding van Sekerheid van Verblyfreg,
Wet 62 van 1997 (ESTA), eiendomsreg aan die persoon gee wat die huis op die plaas bewoon.
’n Plaaswerker ontvang nie eienaarskap van ’n huis wat aan hom op
die plaas toegeken is nie. In die verlede, voor November 1997, was
daar geen wetgewing wat plaaswerkers se regte op plase gereguleer
het nie. Die gevolg hiervan was dat plaaswerkers onregverdig
uitgesit is sonder dat daar enige hofproses gevolg is deur die
grond eienaar.
Derhalwe is ESTA in November 1997 gepromulgeer om die volgende
te reguleer:
Byvoorbeeld: X en Y is getroud en het vier kinders. As X alleen na
die grondeienaar toe gaan en verblyf en werk soek en die eienaar
stem in, dan sal slegs X deur ESTA beskerm word. In dié voorbeeld
sal Y en die kinders dan op die plaas bly ingevolge die reg wat X
het om sy gesin by hom te laat woon. Dus het Y en die kinders nie
’n reg van hul eie om op die plaas te woon nie.
MET DANK EN ERKENNING AAN DIE LAWYERS FOR HUMAN RIGHTS “SECURITY
FOR FARM WORKERS PROJECT”.
• Die voorwaardes vir verblyf op sekere grond soos plase.
• Die voorwaardes en omstandighede waaronder mense se reg op
verblyf op grond beëindig kan word.
• Die regsproses wat deur die grondeienaar gevolg moet word
voordat ’n plaaswerker uitgesit kan word.
Let wel: ESTA bepaal duidelik dat geen plaaswerker sonder ’n
hofbevel uitgesit mag word vanaf ’n plaas nie.
Wie word deur ESTA beskerm?
’n Persoon wat toestemming van die grondeienaar of die persoon
in beheer ontvang het om op die plaas te bly, word deur die wet
beskerm. Die toestemming kan mondelings gegee word (byvoorbeeld
waar die eienaar vir die plaaswerker sê dat hy/sy in ’n sekere
huis op die plaas mag bly) of dit kan skriftelik wees (byvoorbeeld
in die vorm van ’n huurkontrak of as deel van die indiensnemingskontrak).
Ingevolge ESTA word mense wat meer as R5 000,00 per
maand verdien, nie deur die wet beskerm nie. Nadat toestemming
ontvang is om op die plaas te woon, kan die plaaswerker beskryf
word as ’n okkupeerder – soos na so ’n persoon verwys word in
ESTA.
Let wel: Slegs die persoon wat toestemming ontvang het om in
die huis op die plaas te bly, word deur ESTA beskerm.
Nissan ondersteun die landbousektor
Nissan Suid-Afrika en sy handelaarsnetwerk
het ‘n baie noue band met die
landbousektor en boerderygemeenskap.
Twaalf jaar gelede het Nissan Suid-Afrika
en Agri SA ‘n wedersydse, voordelige
ooreenkoms aangegaan met die doel om
landelike veiligheid in die landbougemeenskap
te bevorder deur finansiële bydraes
tot die Agri Securitas Trustfonds te maak.
Die fonds het sedert sy ontstaan in 1999
finansieel bygedra tot meer as 90 landelike
beveiligingsprojekte. Hierdie projekte dra
by tot:
• ‘n Veiliger omgewing vir die boeregemeenskap,
waar hulle in veiligheid kan
voortgaan om voedsel en vesel vir Suid-
Afrika se groeiende bevolking te produseer.
• ‘n Beradingsdiens vir boerderygemeenskappe.
• Noodkommunikasiestelsels vir boerderygemeenskappe.
Vir elke nuwe Nissan voertuig wat deur
die landbousektor of produsente gekoop
word, dra Nissan SA R1 000 by tot die Agri
Securitas Trustfonds. Nissan glo dat hierdie
klein, maar tog waardevolle bydrae tot die
landbousektor ons volgehoue sukses in dié
sektor sal verseker.
Besoek Oranje Nissan op Upington om van
ons voertuie te besigtig. Vir meer inligting
skakel Bertie Lubbe (Handelaarshoof:
Oranje Nissan) by (054) 338-8000.
4 - Mei 2011 www.klk.co.za

LEWENDEHAWE
Blink toekoms wink vir
swakaraprodusente
Die verhoogde aanvraag vir Namibië en Suid-Afrika se eksklusiewe, unieke en
veelsydige swakarapelse het gelei na uitstekende pryse wat behaal is by die
Kopenhagen Fur veiling op 9 April vanjaar.
Al 61 156 swakarapelse aangebied deur
Agra is verkoop. ‘n Gemiddelde prys van
393,69 Deense Krone (DKK) is behaal, wat
‘n toename van 41,49% toon teenoor die
278,25 DKK op die September 2010 veiling.
Die gemiddelde prys van N$506,32 toon ‘n
toename in die prys van 48,47% in vergelyking
met die N$341,02 wat in die vorige
seisoen behaal is. Die aanbod bestaan uit
50 972 swart, 8 602 wit, 282 bruin en 1 300
diverse pelse.
Die hoogste prys vir swart pelse was
N$1 864,85, wat betaal is vir ‘n pakkie van
50 O ligte, uitgesoekte ekstra pelse deur
mnr Carlo Guida van Italië. Die hoogste
prys ooit betaal vir enige swakarapels was
N$1993,46 vir ‘n pakkie 78 O ligte, uitgesoekte
wit pelse – gekoop deur mnr Bourtsos
van Siatista in Griekeland.
Die swakara pelsaanbod is gekoop deur
26 kopers en nog steeds was daar ‘n groot
aantal onsuksesvolle bieërs. Die land wat die
meeste pelse gekoop het, was Griekeland,
met Italië in die tweede plek en Duits land
derde. Die ander kopers was van Switserland,
Engeland, die VSA, Hong Kong, Rusland
en Turkye. Met die koue winter en die
Russe wat terug in die pelsbedryf is, word
daar verwag dat swakara die opwaartse
neiging in die pelsbedryf sal volg.
Die top produsent vir die veiling was Meyer
Boerdery van Keetmanshoop met ‘n aanbod
van 344 pelse teen ‘n gemiddelde prys
van N$774,61. Die top Suid-Afrikaanse produsent
was Hannes Vlok van Prieska wat
400 pelse verkoop het teen ‘n gemiddelde
prys van R675,51.
Bogenoemde inligting is verkry uit ‘n persverklaring
wat uitgereik is deur Agra Limi ted.
KLK sê...
“Baie geluk aan al die produsente wat bogemiddelde
pryse op die afgelope veiling
behaal het. Met so ‘n suksesvolle veiling
agter die rug, glo en vertrou ons dat daar
nog ‘n blink toekoms wag op die swakaraprodusente
asook die nuwe toetreders,”
het Jasper Stoop (Karakoelbestuurder:
KLK) gesê.
Volgens Stoop was die swakarapels by
uitstek dié produk waarmee die meeste
produsente in die suide van Namibië,
groot dele van westelike Namibië sowel
as die Noordwes-Kaap in Suid-Afrika
geboer het. “Dit is ‘n produk waarmee
die boeregemeenskap opgebou is
en wat hulle in staat gestel het om ‘n
goeie bestaan te voer. Gesien in die lig van
periodieke droogtes, groot verliese met
ongediertes en diefstal sal meeste met
my saamstem dat die swakaraskaap nog
altyd ‘n spesiale plekkie in ons boerderystreek
het en mag die gehalte van die pelse
steeds voorrang geniet,” het Stoop gesê.
Indien daar enigiemand is wat swakaraskaap
soek om te koop of te verkoop, skakel
vir Jasper Stoop by (054) 337-7514.
Die eerste besending van 34 skokapparate
vir die swakara-lammers behoort vroeg in
Mei 2011 beskikbaar te wees by KLK Handel
op Upington. Die volgende pelssluitingsdatum
is Vrydag, 1 Julie 2011 en die
volgende veiling vind op 15 September
2011 plaas.
Ver in die ou Kalahari
Gibson Cloete (oorlede 7 Februarie 2008)
het op 23 Maart 2006 Afrikanerkoeie en kalwers
by Jan van Zyl (Vryburg) gekoop. Dit
was Gibson se hartsbegeerte om Afrikaners
vir sy kleinkinders te koop. Terwyl hy
siek was, was dit vir hom terapie om tussen
sy Afrikaners te stap. Op 27 Februarie
vanjaar is die eerste osse (ongeveer 6 jaar
oud) op Upington geslag. “Jou kleinkinders
salueer jou, Oupa.” – Jood Cloete (kleinseun).
MARKSAKE
DEON HEYNS
- BESTUURDER: KLK VLEIS
Vraag na rooivleis
groei
Die jaar het so effe gevorder en dit is
moontlik om te begin meet wat sover met
pryse gebeur het. As ons tot in die middel
van April meet, is skaapvleis, jaar op jaar,
19,3% duurder as verlede jaar.
Die pryse van skaapvleis het so effe in
Maart gedaal en weer goed in April herstel
– veral omdat die aanbod steeds nie
op verlede jaar se vlakke vir hierdie tyd van
die jaar is nie. Namibië is ook nie so sterk
in die mark soos gewoonlik hierdie tyd van
die jaar nie.
Die goeie reën bring ‘n nuwe stel probleme
waaraan ons in Suid-Afrika eintlik nie gewoond
is nie. Natveldsiektes en parasiete
pla nogal en daar is beduidende verliese as
gevolg daarvan. Die ander rede vir die laer
aanbod is dat die lammers wat verlede jaar
in die droogte aangekom het, langer vat
om markklaar te kom. Dit beteken dat ons
dalk oor ‘n langer periode ‘n bestendiger
aanbod kan verwag, met meer bestendige
pryse wat hopelik op die huidige vlakke sal
stabiliseer.
Beesvleis het stelselmatig gestyg, vroeër
as wat verwag is ‘n hoogtepunt bereik en
daarna gestabiliseer. In die middel van
April gemeet, was beesvleis 15,2% duurder
as verlede jaar. Die aanbod van beesvleis
bly redelik konstant en die pryse stabiel.
As ons na die normale patroon van beesvleis
kyk, kan ons statisties verwag om ‘n
effense daling in A-graad beesvleis se prys
in die winter te sien.
Dit is egter so dat daar ‘n toenemende
vraag na proteïene is en dat dit die prys
van rooivleis ondersteun. Die bedryf beleef
veral aan die skaapkant groot onstabiliteit
ten opsigte van voorsiening en ons verloor
markaandeel as gevolg daarvan.
Dit is egter verblydend om te sien dat die
mark baie vinnig by ‘n hoër aanbod aanpas
sonder om ‘n erge prysaanpassing te
beleef. Die feit dat die jaar-op-jaar styging
so groot is, ondersteun die aanname.
Dit is belangrik om te onthou dat die
produksie van skaapvleis aan die afneem
is en dat die vraag na rooivleis groei. Dit
beteken dat ons as bedryf innoverende
metodes sal moet vind of ontwikkel om volhoubaar
in die groeiende vraag te voorsien.
Dit bied aan die hele bedryf ‘n heerlike uitdaging.
www.klk.co.za
Mei 2011 - 5

PITKOS
VIR DIE SIEL
TEGNIES
WIEHAHN MARITZ
Daar is iemand
wat regtig omgee
Gedurende Napoleon se inval in Rusland in
1812, het van sy soldate opgebreek tydens
’n skermutseling. Napoleon is deur groepe
Russiese soldate herken.
Hulle het Napoleon begin jaag. Hy het by ’n
pelswinkel ingestorm. “Steek my weg!” smeek
hy die pelshandelaar. “Gou, kruip in onder
daardie hoop pelse in die hoek!” het die
pelshandelaar gesê. Sekondes later bars die
Russe die winkel binne.
Die pelshandelaar maak asof hy niks weet nie.
Hulle kon Napoleon nie vind nie. Toe hulle by
die winkel uitstorm, kruip Napoleon onder die
pelse uit.
Die handelaar vra hom opgewonde: “Hoe
het u gevoel toe u daar onder die pelse lê en
hulle woel met hulle sabels al rondom u? Elke
oomblik kon u laaste wees”. Terwyl hy praat,
het Napoleon se lyfwagte, wat hom intussen
opgespoor het, rondom die generaal stelling
ingeneem.
Napoleon sê vir hulle: “Die handelaar het
homself aangematig om vir my, die keiser van
Frankryk, só ’n intieme vraag te vra. Ek duld
dit nie! Blinddoek hom, manne, en skiet hom
dood! Ek sal self die bevel gee”.
Die soldate het die handelaar na buite gesleep
en hom teen ’n muur laat staan. Bewend het hy
gehoor hoe die soldate hulle gewere oorhaal
en Napoleon se stem wat sê: “Gereed…mik”.
In daardie oomblikke het die pelshandelaar
emosies ervaar soos nooit vantevore in sy lewe
nie. Trane het onder die doek uitgerol.
Hy het die sekondes afgetel na die finale bevel:
“Vuur!” Maar niks het gebeur nie. Toe voel hy
’n hand op sy skouer en die blinddoek word
van sy oë afgeruk. In Napoleon se oë was ook
trane. “Nou weet jy wat ek netnou moes deurmaak
en ook hoe dankbaar ek teenoor jou is,”
sê hy.
Paasfees is die hoogtepunt van die gelowige
se dankbaarheidslewe. Dit ruk die kerk terug
na die kern van haar belydenis. “Lyding ruk
ons uit die speelgoedwêreld wat ons dink die
wêreld is en gee ons insig in die werklike lewe
en die pyn van ander” – C.S. Lewis.
Goeie Vrydag sit ons voete uit dankbaarheid in
beweging na ’n wêreld wat verlang na iemand
wat regtig omgee, sodat hulle deur ons liefde
kan weet daar is ‘n Verlosser wat regtig omgee
– Jesus, die bron van ewige lewe.
Mag God ons die genade daartoe gee.
Draadspesifikasies
Die bepalende faktor by die lewensverwagting van draad lê opgesluit in die gehalte
en bepaalde spesifikasie van die sinkdeklaag daarop aangewend. Inligting
rondom hierdie produkreeks is nie noodwendig deurlopend beskikbaar vir die verbruiker
nie en kan dus ‘n mate van onkunde en gepaardgaande teleurstelling tot
gevolg hê.
Volgens SANS is die minimumvereistes, in
die geval van 2,00 mm dikte draad, soos
volg:
• Ligversink: 45 g/m 2
• Volversink: 240 g/m 2
Daar bestaan egter twee spesifikasies
waarvolgens versinkte draad tans vervaardig
word:
SANS 935
Hierdie spesifikasie het alleenlik betrekking
op die sinkdeklaag van die draad, lig- of
volversink, soos hierbo gegee.
SANS 675
In hierdie geval is die spesifikasie alleenlik
van toepassing op die volversinkte
produk en, baie belangrik, ook die treksterkte
van die draad. Die spesifikasie sal
veral in die geval van staaldraad bepaal
of die produk geskik sal wees vir spesifieke
aanwendings, byvoorbeeld: wingerdbou,
vrugteverbouing, veiligheid- en
wildsheinings. Die draadproduk wat dus
aan hierdie spesifikasies voldoen, met die
toepaslike SANS-merk, moet gesien word
as die voorkeurproduk wat met vertroue
aangewend kan word.
Alhoewel alle moontlike voorsorgmaatreëls
en stelsels deurlopend gehandhaaf word
Wen draad vir jou kampe
‘n Gelukkige leser kan ‘n 2,24 mm rol draad
van Cape Gate wen. Die rol draad weeg
50 kg en is 16,50 km lank.
Om in aanmerking vir die prys te kom, antwoord
die volgende vraag: Van watter
onderwerpe wil jy as produsent graag
meer lees in die KLK Gesprek nuusblad?
Inskrywings
Stuur jou inskrywingsvorm agter op ’n
toegeplakte koevert aan: Ilse van Zyl, KLK
Landbou Beperk, Posbus 86, Upington
8800 of stuur ’n faks na 086 5500 224 of
e-pos ilse@klk.co.za. Inskrywings moet
haar voor of op 20 Junie 2011 bereik.
Baie geluk aan Maretha Mouton van Kakamas
wat in die Maart 2011-uitgawe Montego
Volwasse 25 kg Classic hondekos
gewen het.
om aan bogenoemde spesifikasies te voldoen,
moet aanvaar word dat ons, desnieteenstaande,
geen waarborge kan gee
ten opsigte van die lewensverwagting van
die produk nie.
Die verwagting is egter dat die produk wat
deur die toepaslike SANS-merk gerugsteun
word, oor die algemeen ’n beter lewensverwagting
sal hê en die volversinkte
produk, teoreties gesproke, ‘n byna ses
keer langer lewensverwagting as die ligversinkte
produk – ‘n belangrike aspek
om in ag te neem afhangend van die behoefte.
Daar bestaan geen kompromie vir
gehalte, beskikbaarheid en volhoubare
naverkoopdiens nie. Vir meer inligting oor
bogenoemde draad, besoek jou naaste
KLK handelswinkel.
ARTIKEL GESKRYF DEUR EGBIE COMPION (BE-
MARKINGSBESTUURDER: CAPE GATE).
Reëls
Alle KLK Gesprek lesers mag aan die kompetisie
deelneem • Slegs een inskrywing per persoon • Die
wenner sal telefonies in kennis gestel word en sy/haar
naam sal in die volgende uitgawe van KLK Gesprek
verskyn • Die prys sal na die naaste KLK handelstak
gestuur word en kan daar afgehaal word • Die prys
kan nie vir kontant verruil word nie • Die prystrekking
word deur Infoworks Media Publishing op Klerksdorp
behartig.
Inskrywingsvorm
Naam en van: ..........................................
..................................................................
Adres: .......................................................
..................................................................
Tel: ............................................................
Antwoord: ................................................
..................................................................
..................................................................
6 - Mei 2011 www.klk.co.za

TEGNIES/AKTUEEL
Geen alternatief vir
grondont ledings nie
Een van die sleutelkomponente van gesonde gewasproduksiepraktyke, wat al vir meer as 50 jaar deur kommersiële produsente
gebruik word, is grondontledings.
Grondontledings is deur omvattende navorsingsprogramme in
verskeie lande, wat Suid-Afrika insluit, ontwikkel tot ‘n vinnige en
betroubare hulpmiddel om die optimale vlak van bemesting in verskeie
gewasse te bepaal. Grondontledings bied die enigste objektiewe
manier om die vrugbaarheidstatus van grond te bepaal.
Die resultate van grondontledings vorm die basis waarop aanbevelings
vir bemesting gedoen kan word. Van die belangrikste
doeleindes vir die neem van grondmonsters is:
• Om die grond se vrugbaarheidspeil te bepaal, met die oog op
bemestingaanbevelings.
• Om vas te stel of daar enige tekorte, oormate of wanbalanse is
wat die plantegroei kan beïnvloed.
• Om grond in gebruiksklasse in te deel vir beplanningsdoeleindes.
• Om vas te stel of bekalking nodig is.
Wingerdstokke, hetsy vir die produksie van wyn, droog of tafeldruiwe,
het net soos enige ander gewas bemesting nodig. In Suid-
Afrika kan die groeiseisoen vir wingerd tot nege maande lank wees
en voedingstowwe kan dus oor ‘n lang periode opgeneem word.
Die aantal trosse wat in ‘n spesifieke seisoen geproduseer word, is
reeds 18 maande tevore grootliks vasgelê. Dit beteken dat die effek
van bemesting dikwels nie in dieselfde seisoen waargeneem kan
word nie. Die effek lei dikwels tot die gevolgtrekking dat “bemesting
nie werk nie”.
Inteendeel, in vergelyking met eenjarige gewasse, is dit vir wingerd
veel belangriker om die korrekte balans tussen te min, genoeg en te
veel te handhaaf. Te min of te veel bemesting kan lei tot ‘n verlaging
in die oes. Betroubare, verteenwoordigende grondontleding kan
produsente help dat “genoeg” bemesting in alle gevalle toegedien
word.
Chemtech Agri is ‘n Omnia Kunsmis laboratorium fasiliteit wat
spesialiseer in die ontleding van grond, OmniSAP ® , OmniBio
en besproeiingswater. Die laboratorium is ISO 17025, SANAS en
AgriLASA gesertifiseer. Omnia is, sover bekend, die enigste kunsmismaatskappy
met hierdie tipe fasiliteit in die wêreld – dit beklemtoon
die maatskappy se kliëntgesentreerde benadering tot die
landbousektor.
Vir enige navrae oor insetmiddele vir jou wingerd, skakel vir Eugene
Immelman (Bemarker: KLK Handel) by 074 316 0539.
ARTIKEL GESKRYF DEUR JOHAN FOURIE (LANDBOUKUNDIGE: OMNIA). SKAKEL
HOM BY 082 880 3965 VIR MEER INLIGTING.
Gaan dié winter ook nat wees?
Groot gedeeltes van die Noord-Kaap was
ten tye van die skryf van die artikel baie nat.
Ver bo-normale reënval het veral sedert
Januarie 2011 voorgekom. In vele opsigte
herinner die 2010/2011-seisoen aan die
baie nat jare in 1974 en 1975.
Daar was vanjaar ook baie opvolgreën wat
veroorsaak het dat die veld uiters goed herstel
het en volop droë materiaal beskikbaar
is. Plekke soos Upington, Onseepkans,
Kakamas en Keimoes het tussen 25 en 30
dae reën gekry in die eerste drie maande
van 2011.
Die rede vir die goeie reënvaltoestande was
’n baie sterk ontwikkelde La Niña-verskynsel
(soos ook die geval was in 1974/1975).
’n La Niña-verskynsel veroorsaak dat
die reënvalpatroon weswaarts skuif met
gevolglike nat toestande oor die sentrale
tot westelike en suidelike gedeeltes (Wes-
Vrystaat, Noord-Kaap, Noordwes asook
Oos-Kaap), maar droër oor die oostelike
gedeeltes (Oos-Vrystaat, Mpumalanga,
Limpopo, Gauteng en KwaZulu-Natal).
’n La Niña veroorsaak ook dat reën tot laat
in die herfs en selfs in die vroeë winter kan
voorkom. Die kanse is goed vir reën in Mei
en selfs nog in Junie vanjaar oor groot
gedeeltes van die somerreënvalgebied.
Kouer toestande word eers verwag in die
mid- tot laatwinter en die kanse vir koue
toestande en ryp in die lente is ook groter
as normaalweg. Daar word verwag dat die
La Niña behoort te verdwyn teen ongeveer
Junie 2011.
Die implikasie is dat die tweede deel van
die winter asook die lente en selfs die
eerste deel van die somer, weer droog kan
wees en dat veldbrande vanjaar weereens
’n groot probleem kan wees. Dit is juis in
die lente en vroeë somer wanneer die
veld uiters droog is en daar sterk winde
voorkom, wanneer veldbrande die grootste
gevaar inhou.
Verder kan die kwaliteit van weiding en veral
grasvelde vanjaar swak wees, alhoewel
daar volop beskikbare droë materiaal is.
Die een voordeel is dat met die groot hoeveelheid
grondvog en die beskermende
aksie van die baie vegetatiewe materiaal,
dit vroeë uitloop en groei van weiding ná
die winter kan stimuleer.
Wat die 2011/2012-seisoen betref, lyk dit
tans asof dit neutraal tot weer La Niñaneigend
kan wees. Die verwagting is dat
die 2011/12-somerseisoen goeie reën kan
oplewer. Daar sal egter eers teen September/Oktober
meer sekerheid wees oor die
verwagte toestande vir 2011/2012.
ARTIKEL GESKRYF DEUR JOHAN VAN DEN BERG
(BESTUURDER: GESPESIALISEERDE OESVER SE KE -
RING, SANTAM LANDBOU).
www.klk.co.za
Mei 2011 - 7

In gesprek met...Charel Strauss
Rooidam-stoet herken
jy op ‘n afstand
Vrugbaarheid, optimale groeivermoë en eenvormigheid. Dit is waarna Charel Strauss (60), ‘n bekende dorperstoetteler in die
Kenhardt-distrik, in sy stoet streef. Ruth Davies het met dié passievolle stoetteler wat in die Hart van die Dorperland woon,
gaan gesels.
Hy was baie dankbaar toe sy pad ’n paar jaar gelede met Niekie
Cilliers s’n gekruis het. Cilliers, wat voorheen self ‘n stoetteler was,
is Strauss se stoetbestuurder op sy twee plase – Rooidam en Middelpos
– in die Kenhardt-distrik. “Hy het ’n ongelooflike oog vir
diere en sy passie vir stoetteling is aansteeklik,” praat Strauss met
lof van Cilliers. Strauss huur ook ‘n plaas, genaamd Rugseer, in
die Kenhardt-distrik by Kraai van Niekerk (Minister van Landbou:
1990 - 1994).
Sy passie groei by die dag
Die rede waarom hy met ‘n stoet begin het, is om waarde toe te voeg
tot sy veeboerdery. “My korttermyn doelwit is om jong, nuwe telers
te vestig en hulle te help om so gou moontlik op ‘n kompeterende
vlak te kom,” het hy gesê. “Ek het vyf nuwe telers in my onmiddellike
omgewing in die afgelope twee jaar gevestig. Vandag koop hulle
by my ooie en semen aan,” het hy gesê. Verder tree hy as mentor
op vir opkomende produsente in sy omgewing – hy voorsien onder
andere ooimateriaal, ramme en kommersiële ooie aan hulle.
Alhoewel embrio-uitvoere uit ons land vir eers gestaak is as gevolg
van bek-en-klouseer, het Strauss al in die verlede van sy Rooidamstoetmateriaal
uitgevoer na lande soos Brasilië, Maleisië, Ethiopië,
Paraguay en Botswana.
Strauss se strewe is om goeie balans in sy stoet te handhaaf. Dit is
baie maklik om groot dorpers te teel, maar telers moet in gedagte
hou dat dit ‘n ras is wat onder ekstensiewe toestande optimale reproduksie
moet kan lewer. Daar moet te alle tye aan die dorpertelersgenootskap
se standaarde voldoen word.
Verder het hy 15 ha wingerd en 5 ha lusern onder besproeiing in die
Keimoes-distrik. Sy plaas het ook deurgeloop met die afgelope seisoen
se vloed. 2 ha jong wingerdstokkies en al sy lusern is tot niet.
‘n Hegte gesin
Charel se vrou, Amelia, is net so passievol oor die boerdery soos
hyself. “Ek steun my gesin in alles waar ek kan,” het sy gesê. Hulle
het twee kinders – ‘n dogter, Ledivia, ‘n mediese dokter wat tans in
Frankryk woon en ‘n seun, D’Niel, wat die grade B.Ingenieurswese
en MBA behaal het en tans in Kaapstad werksaam is.
Welgedaan Rooidam-stoet!
• Sy stoet is nommer een verkoper van ramme en ooie op die
nasionale veiling wat jaarliks op Upington aangebied word. Die
huidige wêreldkampioenram is ook die eiendom van Rooidam
Dorperstoet.
• Sy stoet (ooie en ramme) het einde Januarie vanjaar skoonskip
gemaak by die Sentrale Karoo-dorperkampioenskappe wat jaarliks
op De Aar aangebied word.
Rooidam-produksieveiling
Strauss hou een van die grootste dorperproduksieveilings in ons
land. 220 ooie en 100 ramme word jaarliks by die veiling op die
Upington skougronde aangebied.
Produsente kan gerus 25 Augustus in hul 2011-dagboeke aanteken
vir die Rooidam-produksieveiling.
Hy leun ook swaar op nuwe tegnologie wat sy topgenetiese materiaal
baie vinnig vermeerder. “Ramsem, ‘n semen-ontvangssentrum,
kom doen laparoskopieë en embrio-oorplasings op my plaas. Ek
identifiseer my top ooie vir dié doeleindes. Ek spoel ook ongeveer
twee keer ‘n jaar embrio’s by Ramsem.”
In die Kalahari
Vanjaar is die 41ste jaar wat Strauss al boer. Oor die jare het hy
sy kommersiële plase in die Kalahari minder gemaak om meer op
sy stoet te fokus. Vandag boer hy met bonsmaras en dorpers op
Opskud, ‘n plaas geleë in die Olifantshoek-omgewing. “Ek verkoop
al my surplus vroulike diere as teelmateriaal.” Ekologiebewaring lê
hom na aan die hart. “Ek maak seker my diere is minder as wat die
drakrag van die grond is.”
Amelia en Charel is albei passievol oor hul Rooidam-stoet.
REDAKSIE
Ruth Davies
Johan Smit
(018) 468-2716 • ruth@infoworks.biz
(018) 468-2716 • johan@infoworks.biz
KLK Gesprek is ’n nuusblad wat vier keer per jaar namens KLK
deur Infoworks saamgestel en uitgegee word.
NAMENS KLK LANDBOU BPK
Ilse van Zyl * (054) 337-6202 • ilse@klk.co.za
BLADUITLEG EN DRUK
Infoworks (018) 468-2716 • www.infoworks.biz
* Vir navrae oor die verspreiding van KLK Gesprek,
kontak vir Ilse van Zyl.
8 - Mei 2011 www.klk.co.za