Create successful ePaper yourself
Turn your PDF publications into a flip-book with our unique Google optimized e-Paper software.
Y <strong>Llusern</strong><br />
LLEWYRCHED FELLY EICH GOLEUNI<br />
Eglwys Ebeneser Ionawr/ Chwefror 2016 Cyf 89 Rhif 1<br />
Llawenydd<br />
digymysg inni fel<br />
eglwys oedd cael<br />
derbyn tri aelod<br />
newydd yng<br />
Nghwrdd Nadolig<br />
yr ieuenctid, sef<br />
Branwen Jones,<br />
Beca Hayes ac<br />
Esyllt Rosser.<br />
Mae’r tair wedi eu<br />
magu yn ein plith<br />
ond daeth yr<br />
amser iddynt<br />
wneud<br />
penderfyniad<br />
eu hunain i fod yn aelodau o<br />
eglwys Iesu Grist. Nid oes neb yn cael eu geni yn<br />
Gristion, rhaid i bob unigolyn gredu yn Iesu fel Arglwydd a Gwaredwr<br />
ohonynt eu hunain.<br />
Am gyfnod o dri mis bu’r tair yn dilyn cwrs derbyn gyda’r gweinidog - a<br />
hynny yng nghaffi Bodlon, yr Eglwys Newydd - yn ystyried sylfaeni’r ffydd<br />
a beth yw ystyr bod yn aelod o Eglwys Gristnogol. Ar ddiwedd y<br />
cyfarfodydd gofynnwyd iddynt a oeddent yn credu yn Iesu ac am ddod yn<br />
aelodau. Cafwyd ymateb cadarnhaol gan y tair. Daethant i’r Cwrdd<br />
Gweddi paratoad lle y cawsant eu cymeradwyo’n unfrydol trwy bleidlais.<br />
Yn y cwrdd gweddi hwn hefyd cawsom y fraint o fod yn dystion i fedydd<br />
Esyllt Rosser.<br />
Yn yr oedfa ieuenctid ar fore Sul y 11 o Ragfyr, fe siaradodd Branwen,<br />
Beca ac Esyllt yn hyfryd yn mynegi eu ffydd a’u gwerthfawrogiad o fod yn<br />
rhan o deulu Ebeneser. Yna gweddïodd Gwilym Jeffs gan eu cyflwyno i’r<br />
Arglwydd. Yn dilyn yr oedfa i ddathlu eu derbyn fe gafwyd bwyd bys a<br />
bawd hyfryd. Diolch i bawb gynorthwyodd wrth baratoi ac i Eynon<br />
Williams am drefnu’r bwyd. Diolch i’w rhieni a’r athrawon ysgol Sul, ac<br />
arweinyddion y Mob am eu gwaith yn eu meithrin yn y ffydd trwy’r<br />
blynyddoedd yn eu dysgu am Dduw a’r Arglwydd Iesu. Ac wrth gwrs<br />
diolch i’r Arglwydd am y fraint o gael derbyn tair gwraig ifanc yn aelodau<br />
1<br />
i’n plith.<br />
DERBYN TAIR<br />
Esyllt Rosser, Beca Hayes, Branwen Jones
Diolch o galon i chi i gyd fel aelodau am Nadolig<br />
arbennig unwaith eto yn dathlu geni gwyrthiol yr<br />
Arglwydd Iesu. Fe gymerodd llu ohonoch ran yn y<br />
gwasanaethau a’r gweithgareddau atodol a braint yw cael<br />
bod yn aelod o eglwys Ebeneser. Y mae’n bwysicach nac erioed<br />
ein bod fel eglwysi yn cyhoeddi’r gwirioneddau Beiblaidd am Iesu<br />
ac nid yn dilyn chwiwiau’r oes. Y mae cenedl y Cymry mewn<br />
angen dybryd am Iesu Grist a’i iachawdwriaeth ac am gyfiawnder<br />
a gobaith ei Efengyl. Y mae Duw wedi ymddiried y gwaith hwn i<br />
bobl fel ni ac awn ati i dystio iddo.Hoffem fel teulu ddiolch o galon<br />
i chi am eich cyfarchion, cardiau a rhoddion dros dymor y Nadolig.<br />
Gwerthfawrogwn eich haelioni yn fawr iawn.<br />
Ar ddechrau 2017 hoffwn ddymuno blwyddyn newydd dda i chi<br />
a’ch teulu gan weddïo y bydd yn flwyddyn llawn bendithion a<br />
iechyd. Gair rydym wedi ei golli mewn cyfieithiadau diweddar o’r<br />
Beibl yw’r gair “rhodio”, sy’n golygu cerdded. Fel yn Colosiaid 2: 6,<br />
lle y dywedir ”Megis gan hynny y derbyniasoch Grist Iesu yr<br />
Arglwydd, felly rhodiwch ynddo.” (William Morgan) Hoffwn eich<br />
hannog i “rodio yn yr Arglwydd” yn ystod 2017. Cerddwch gydag<br />
Ef pob rhan o’r daith ac ni chewch eich siomi na’ch trechu gan<br />
unrhyw beth. Alun Tudur<br />
Cofiwch y gallwch gael holl fanylion<br />
Ebeneser drwy gofrestru i gael ein<br />
hebost wythnosol anfonwch ebost at<br />
ebeneser@btinternet.com neu dilynwch ni ar ein cyfrif<br />
Trydar @ebencaerdydd, gweplyfr ac wrth gwrs cyfeiriad<br />
ein gwefan yw www.ebeneser.org.<br />
Tim Golygyddol y <strong>Llusern</strong><br />
Petra Bennett, Tudur Jones, Helen Thomas, Alun Tudur. Os am gynnwys<br />
rhywbeth yn y <strong>Llusern</strong> cysylltwch hefo unrhyw un o'r tim neu anfonwch<br />
neges at ebeneser@btinternet.com.<br />
Cysylltu gydag Ebeneser<br />
Gweinidog - Alun Tudur - 029 20490582 - aluntudur@btinternet.com<br />
Ysgrifennydd - Malcolm Thomas - 029 20627398 -<br />
mthomasrugby@hotmail.co.uk<br />
2
digwyddiadau.<br />
Diolch i bob un sydd wedi cytuno i fod<br />
ar bwyllgor codi arian ein helusen am<br />
eleni sef Lisa Thomas Ayres, Lorenza<br />
Thomas, Glesni Whettleton, Gill Lewis<br />
ac Alice Jeffs. Byddwn yn mynd ati i<br />
drefnu gweithgareddau amrywiol er<br />
budd Neuro Foundation. Hoffem eich<br />
hannog fel aelodau i fynd ati i drefnu<br />
Eisoes y mae blychau ar gael er mwyn i chi gynilo eich harian mân<br />
tuag at yr achos. Hoffem awgrymu eich bod yn rhoi punt yr<br />
wythnos ynddynt fel ein bod unwaith eto yn codi cyfanswm teilwng<br />
erbyn diwedd y flwyddyn.<br />
Y mae croeso i unrhyw un arall i ymuno gyda ni ar y pwyllgor.<br />
Cysylltwch gydag Alun.<br />
Mae beibl.net wedi cynnal mis cariad<br />
ym mis Ionawr. Fel rhan o’r prosiect<br />
mae nifer o fideos<br />
byrion wedi eu cynhyrchu lle mae pobl yn dewis eu hoff<br />
adnod sy’n cynnwys y gair cariad. Os am eu gweld ewch<br />
i www.youtube.com a theipio “cariad beibl.net”<br />
Hefyd y mae fersiynau print bras o beibl.net wedi<br />
ymddangos o’r wasg. Os hoffech gael gafael ar gopi<br />
mynnwch air gydag Arfon Jones.<br />
Unwaith pob mis y mae Ebeneser<br />
yn bwydo’r digartref ar nos Sul ar<br />
Heol Siarl. Os yr hoffech fod yn<br />
rhan o’r tîm rhowch wybod i Eynon,<br />
Delyth, John, Bethan, Gethin neu<br />
Gill. Neu gallwch gyfrannu yn<br />
ariannol tuag at y prosiect.<br />
Hefyd rydym yn gwneud te unwaith<br />
pob tri mis i’r digartref yn y<br />
Tabernacl yr Ais. Os hoffech helpu<br />
cysylltwch gydag Enfys -<br />
enfysharding@hotmail.co.uk<br />
Pob bore dydd Iau rydym yn<br />
helpu elusen Enfys Gobaith i<br />
roi pecynnau bwyd i ymgeiswyr<br />
lloches sydd wedi eu lleoli yng<br />
Nghaerdydd. Os yr hoffech<br />
helpu cysylltwch un ai gyda<br />
Tudur neu Alun. Ar y Sul cyntaf<br />
o bob mis rydym yn casglu<br />
bwydydd sych tuag (reis, pasta,<br />
tuniau bwyd) at y prosiect hwn.<br />
3
Aeth criw da ohonom yn ddisgwylgar i<br />
Neuadd Dewi Sant ar 9/12 ar gyfer<br />
Noson yn y Ffilmiau. Ond nid oedd ffilm<br />
yno i’w gwylio! Noson o gerddoriaeth ffilm<br />
oedd hon gyda Cherddorfa<br />
Philharmonic Caerdydd.<br />
Cafwyd gwledd i’r glust wrth<br />
wrando ar themâu ffimiau<br />
enwocaf Hollywood yn<br />
cynnwys Superman, Indiana<br />
Jones, Gladiator, Pirates of<br />
the Caribbean,<br />
Thunderbirds a Psycho. Yn<br />
ogystal, cafwyd premiere<br />
Cymreig o gerddoriaeth Star<br />
Wars Episode VII: The Force<br />
Awakens. Ar ben y cwbl roedd un o’n Diaconiaid yn serennu ar y ffidil,<br />
sef Gwenda Lewis. Diolch i’r pwyllgor am drefnu noson wych.<br />
Y Gymdeithas<br />
Cyfle i feithrin cyfeillgarwch<br />
Ar nos Fawrth 10fed o Ionawr<br />
cawsom glywed am antur un o’n<br />
pobol ifanc fu’n ymweld â Malawi<br />
am dri mis, rhwng mis Hydref a Rhagfyr. Aeth Cai Hayes yno, nid ar<br />
wyliau, ond i weithio’n wirfoddol gydag elusen ryngwladol Progressio<br />
sy’n teithio i rai o wledydd tlota’r byd i helpu pobol<br />
dlawd ar gyrion cymdeithas<br />
i newid eu bywydau er<br />
gwell, gan weithio tuag at<br />
ddileu tlodi a gwella eu<br />
hiechyd. Drwy weithio gyda<br />
sefydliadau lleol, gobaith yr<br />
elusen yw fod y gwaith<br />
ddechreuwyd ganddynt yn<br />
parhau unwaith maent wedi<br />
gadael y wlad. Roedd yn<br />
amlwg o’i brofiadau fod y<br />
cyfnod yn Malawi wedi<br />
gadael cryn argraff ar Cai. Diolch iddo am sgwrs ddiddorol a<br />
dymunwn yn dda iddo i’r dyfodol. Gallwch ddysgu mwy am yr elusen<br />
trwy fynd i www.progressio.org.uk<br />
4
Eleni rydym yn dathlu tri chan mlwyddiant geni un o emynwyr mwyaf<br />
Cymru ac Ewrop sef William Williams. Roedd ei emynau yn un o<br />
nodweddion mwyaf dylanwadol y Diwygiad Methodistaidd yn y 18 ganrif<br />
ac y mae eu dylanwad yn parhau hyd heddiw. Byddwn yn nodi hyn yn<br />
ystod y flwyddyn hon gan roi sylw arbennig i’w emynau bendigedig. Ar<br />
nos Sul 26ain Chwefror byddwn yn cynnal oedfa nodwedd arbennig yn<br />
Eglwys y Ddinas am 5.30 i ddathlu gyda’n gilydd un o arwyr ffydd ein<br />
cenedl. Dyma grynodeb o’i hanes.<br />
Ganwyd ef yn y Cefncoed, Llanfair-ar-y-bryn,<br />
Caerfyrddin, yn un o chwech o blant i John a Dorothea<br />
Williams. Ef oedd yr unig un o blith tri o feibion a gafodd<br />
fyw i fod yn oedolyn. Yr oedd ei dad yn henadur yn<br />
eglwys Annibynnol Cefnarthen hyd nes i Arminiaeth<br />
rwygo’r achos yn ddwy. O ganlyniad ymneilltuodd y<br />
teulu gan gychwyn achos a gyfarfyddai yn fferm<br />
Clinpentan. Yn ddiweddarach adeiladwyd capel<br />
Pentre-ty-gwyn ar dir Pantycelyn. Fe gafodd ei<br />
addysg gynnar yn Athrofa Llwyn-llwyd gyda’r<br />
bwriad o fynd yn feddyg a hynny o dan arweiniad<br />
y Parch David Price, gweinidog eglwys<br />
Annibynnol Maesyronen ond yn ystod ei dymor yno fe gafodd dröedigaeth.<br />
Ym mynwent Eglwys Talgarth y digwyddodd hynny ym 1738 wrth wrando<br />
ar Howell Harris yn pregethu. Fel hyn y canodd Pantycelyn am y profiad<br />
yn ddiweddarach<br />
Dyma’r boreu, fyth mi gofia,<br />
Clywais innau lais y nef;<br />
Daliwyd fi wrth wÿs oddi uchod<br />
Gan ei sŵn dychrynllyd ef;<br />
Dyma’r fan, trwy byw mi gofiaf,<br />
Gwelais i di gynta erioed,<br />
O flaen porth yr Eglwys eang,<br />
Heb un twmpath dan dy droed.<br />
Ymunodd gyda’r Eglwys Sefydledig ac fe’i hordeiniwyd yn ddiacon ym<br />
1740 ym Mhlas Abergwili gan Nicholas Claget a bu’n gurad yn Llanwrtyd,<br />
Llanfihangel a Llanddewi Abergwesyn hyd 1743. Bu mewn helbul hefo<br />
llys yr esgob oherwydd ei gydymdeimlad gyda’r Methodistiaid ac o’r<br />
5
herwydd gwrthododd esgob Tyddewi ei ordeinio’n offeiriad. Canlyniad<br />
hyn oedd iddo ymroi yn llwyr i’r mudiad Methodistaidd gan ddod yn un o’r<br />
prif arweinyddion yng Nghymru. W. Williams oedd prif emynydd y<br />
diwygiad Methodistaidd yng Nghymru ac ni ellir gor-bwysleisio dylanwad<br />
ei emynau ar y Methodistiaid ac yn wir ar Ymneilltuaeth yn gyffredinol<br />
wedi hynny. Cynhaliwyd Cwrdd Misol yn nhÿ Jethro Dafydd Ifan oddeutu<br />
1743. Un o’r materion gododd oedd yr angen am emynau Cymraeg<br />
addas i’w defnyddio. Anogodd Howell Harris y sawl oedd yn bresennol i<br />
gyfansoddi emyn erbyn y Cwrdd dilynol. Gwnaed felly, ac wedi i bawb<br />
adrodd ei waith dywedodd Harris, “Williams biau’r emyn,” ac felly y bu.<br />
Cyhoeddodd ei emynau ar ffurf llyfrynnau ac ymddangosodd y cyntaf ym<br />
1744 yn dwyn y teitl Aleluia ac erbyn 1787 yr oedd 27 llyfryn o’i emynau<br />
wedi eu cyhoeddi. Nid emynau yn unig a gyfansoddodd oherwydd<br />
cyhoeddodd hefyd ddwy gân fawr sef Golwg ar Deyrnas Crist, 1756 a<br />
Theomemphus, 1764. Y mae’r cyntaf yn ceisio cloriannu bwriadau Duw<br />
yn y greadigaeth a’r ail yn olrhain taith ysbrydol Cristion a’r profiadau<br />
ddaeth i’w ran. Cyfansoddodd hefyd oddeutu 28 o farwnadau i bobl fel<br />
Howell Harris a Daniel Rowlands ac ysgrifennodd nifer o lyfrau<br />
rhyddieithol. Ceir ei enw ar dros 90 o lyfrau rhwng 1744 a 1791. Erbyn<br />
hyn, cofir amdano’n bennaf oherwydd ei emynau sydd yn parhau i<br />
ysbrydoli Cristnogion. Meddai ar y ddawn anghyffredin i gyfleu teimladau<br />
mewnol Cristnogion mewn geiriau ac idiomau dealladwy fel bod llawer o’i<br />
emynau yn mynegi profiadau<br />
dwysaf yr addolwr. Fel yn y<br />
pennill hwn,<br />
“Iesu ei hunan yw fy mywyd,<br />
Iesu’n marw ar y groes:<br />
y trysorau mwyaf feddaf<br />
yw ei chwerw angau loes;<br />
gwacter annherfynol ydyw<br />
meddu daear, da na dyn;<br />
colled ennill popeth arall<br />
oni enillir di dy hun.”<br />
Oddeutu 1748 priododd gyda May Francis o Lansawel ac aeth i fyw i hen<br />
gartref ei fam ym Mhantycelyn. Cawsant ddau fab sef William a fu yn<br />
gurad yng Nghernyw a John William. Trwy gydol ei oes teithiodd trwy<br />
Gymru yn arolygu seiadau a phregethu. Bu farw’n dangnefeddus 11<br />
Ionawr 1791 a rhoddwyd ei weddillion i orffwys ym mynwent eglwys<br />
Llanfair-ar-y-bryn gerllaw Llanymddyfri.<br />
6
Yn ystod 2017 byddwn yn<br />
dathlu o leiaf tri<br />
digwyddiad hanesyddol.<br />
Y dathliad cyntaf y byddwn yn ei nodi fydd 300 mlwyddiant geni y<br />
Pêr Ganiedydd, William Williams, Pantycelyn ar yr 11eg Chwefror<br />
1717 yn fferm Cefn-coed, Llanymddyfri.<br />
Hefyd byddwn yn dathlu 450 mlynedd ers argraffu Testament<br />
Newydd William Salesbury ar y 7ed Hydref 1567. Hwn oedd y<br />
cyfieithiad cyntaf o’r Testament Newydd i’r Gymraeg a fu’n sylfaen<br />
i waith mawr William Morgan.<br />
Yn drydydd, byddwn yn cofio ar Hydref 31ain, Gŵyl yr Holl Saint,<br />
gychwyn y Diwygiad Protestannaidd pan hoeliodd y mynach dinod<br />
Martin Luther ei 95 erthygl ar ddrws Eglwys y Castell yn nhref<br />
Wittenberg, yn yr Almaen. Digwyddiad a gafodd effaith enfawr ar<br />
Ewrop ac yma yng Nghymru.<br />
Penderfynodd CWM (Cyngor y Genhadaeth Fydeang) i gomisiynu<br />
naw fideo byr er mwyn adlewyrch’r gweithgareddu sy’n digwydd o<br />
fewn i rai o eglwysi teulu CWM. Gwahoddwyd tair eglwys<br />
Gymraeg i fod yn rhan o’r cynllun sef Noddfa, Caernarfon,<br />
Eglwysi Bro Penllyn ac Ebeneser, Caerdydd.<br />
Am gyfnod o wythnosau bu Rhodri Darcy draw yn ffilmio tri o<br />
weithgareddau Ebeneser sef, y gwaith gyda’r digartref a’r<br />
ymgeiswyr lloches a’r cynllun gyda’r myfyrwyr yn y colegau.<br />
Diolch i bawb roddodd amser i gael eu ffilmio. Os am weld y fideo<br />
un ai ewch i wefan Ebeneser www.ebeneser.org neu i<br />
www.youtube.org a theipio “10 Cardiff”.<br />
7
Myfyrdod - o’r gair i’r galon<br />
Eilunod - Trysor dy Galon<br />
“Peidiwch casglu trysorau i chi'ch hunain yn y<br />
byd yma. Mae gwyfyn a rhwd yn gallu eu<br />
difetha, ac mae lladron yn gallu dod â'u<br />
dwyn. Casglwch drysorau i chi'ch hunain yn y<br />
nefoedd – all gwyfyn a rhwd ddifetha dim byd<br />
yno, a does dim lladron yno i ddwyn dim<br />
byd. Lle bynnag mae dy drysor di y bydd dy<br />
galon di. (Mat 6:19-21)<br />
Ers erioed un o’n problemau mawr fel pobl yw ein bod yn barod<br />
iawn i blygu glin i eilunod. Mae pawb ohonom yn beiriant canfod<br />
eilunod. (Tarddiad y gair eilun yw “ail lun”, sef copi neu efelychiad<br />
o rhywbeth gwreiddiol, fel llungopi. Nid y gwreiddiol mohono ond<br />
y mae’n cymryd lle y gwreiddiol.)<br />
Cerfluniau<br />
Wrth glywed y gair eilun tueddwn i feddwl am<br />
gerflun mae pobl yn ei addoli fel y cerfluniau<br />
carreg ar yr Easter Island. Ond eilun yw<br />
unrhywbeth a roddwn yn lle Duw. Y mae eilun yn mynd â’n bryd,<br />
yn tynnu ein sylw, yn cael ein hamser, ein hadnoddau a’n<br />
haddoliad. Gall fod yn rhywbeth dilys. Ond pan mae rhywbeth<br />
dilys yn mynd a’n holl fryd, eilun yw. Rhoddir blaenoriaeth i eilun<br />
yn ein bywyd a hynny ar drael rhoi sylw, amser, adnoddau ac<br />
addoliad i Dduw.Wrth gwrs mae pawb sydd ddim yn credu yn<br />
Iesu Grist yn byw bywyd eilunaddolgar – er na fyddent byth<br />
bythoedd yn fodlon cydnabod hynny – oherwydd nid ydynt yn<br />
ystyried Duw o gwbl. Ond mae eilun yn slei ac yn llechwraidd ac<br />
yn aml yn llithro i mewn i fywyd Cristion fel ei fod yn fwy parod i<br />
roi blaenoriaeth iddo nac i Dduw. Gofynnaf felly, beth yw fy<br />
eilunod i? Beth yw dy eilun di? Pa bethau y dylwn un ai gael<br />
gwared ohonynt o’m bywyd, neu eu gwastrodi, er mwyn caru a<br />
gwasanaethu’r Arglwydd yn well?<br />
Chwyn<br />
Y mae rhai ohonoch, rwy’n siwr, wedi bod yn brwydro yn<br />
eich gerddi yn erbyn “Japanese knotweed”. Dyma<br />
8
ddywedir amdano ar wefan The Royal Horticultural Society.<br />
“Although rather attractive, Japanese knotweed (Fallopia<br />
japonica) is a real thug as it spreads rapidly. In winter the<br />
plant dies back beneath ground but by early summer the<br />
bamboo-like stems shoot to over 2.1m (7ft), suppressing all<br />
other growth. Eradication requires steely determination as it is<br />
very hard to remove by hand or with chemicals.”<br />
Fel hyn mae eilunaddoliaeth yn ein<br />
calonnau ni. Gallwn aralleirio y<br />
dyfyniad uchod fel hyn. “Although<br />
rather attractive, idol worship (idolum<br />
adorare) is a real thug as it<br />
spreads rapidly, suppressing all<br />
other growth. Eradication requires<br />
faith in Jesus Christ.”<br />
Mae eilun yn cymryd lle Duw ac yn cynnig gobaith<br />
ffug. Rhoddir ffug bwysigrwydd i bethau neu i bobl<br />
sydd wedi eu creu. Mae’n digwydd o’n cwmpas yn<br />
ddyddiol ac yn effeithio’n niweidiol ar ein calonnau .<br />
E.e., er ein bod wedi cael llond bol arno, cymrwch<br />
D. Trump. Mae o wedi gaddo pethau mawr, na fydd<br />
yn gallu eu cyflawni, ac mae miliynau o bobl America wedi<br />
pleidleisio iddo yn y gobaith y bydd yn gweddnewid America. Ef<br />
yw Mesia mawr America, (yn ôl rhai!) ac y mae pobl yn rhoi eu<br />
ffydd ynddo.<br />
Nawr mae Duw yn galw arnom i roi ein ffydd a’n gobaith ynddo<br />
Ef trwy Iesu Grist. Gall ef gyflawni ei addewidion ac Ef yn unig<br />
sydd yn haeddu ein mawl a’n hufudd-dod. Rydym wedi ein creu i<br />
fyw mewn perthynas gyda’r Duw byw. Dyma pam y siaradodd<br />
Iesu am drysor ein calonnau. Beth ydy ein trysor? Duw neu’r<br />
byd? Beth yw’r sylfaen?<br />
“Oherwydd lle mae dy drysor,<br />
yno hefyd y bydd dy galon. (Mat 6:21)<br />
Ffug<br />
Obaith<br />
9
Gŵyl y Geni 2016<br />
Bu tymor yr Adfent yn gyfnod prysur i Eglwys<br />
Ebeneser gyda llu o gyfrafodydd yn dathlu’r<br />
ymgnawdoliad a geni Iesu Grist. Hoffem ddiolch i’r<br />
holl aelodau fu wrthi’n cymryd rhan ac yn trefnu’r<br />
gweithgareddau.<br />
Cychwynwyd ar y gweithgareddau Nadolig<br />
gydag oedfa fendithiol gan Gymdeithas y<br />
4/12 Chwiorydd yn Eglwys y Ddinas ar nos Sul<br />
4ydd o Ragfyr. Agorwyd gyda darlleniad o<br />
lyfr Genesis oedd yn cynnwys yr adnod, “Gosodaf<br />
elyniaeth hefyd rhyngot ti a'r wraig, a rhwng dy had di<br />
a'i had hithau; bydd ef yn ysigo dy ben di, a thithau'n<br />
ysigo'i sawdl ef." (Gen 3:15)” Ystyrir yr adnodau hyn<br />
fel y broffwydoliaeth gyntaf yn y Beibl am y Meseias<br />
Iesu. Mae adlais o’r adnod ym mhennill bendigedig<br />
William Williams, Pantycelyn,<br />
“y ddraig a ‘sigwyd gan yr Un,<br />
cans clwyfwyd dau, concwerodd un,<br />
a Iesu oedd efe.”<br />
Diolch i’r chwiorydd am ein harwain yn ein haddoliad<br />
wrth gychwyn dathlu geni Gwaredwr y byd a diolch i<br />
Freda Evans am gydlynu’r gwasanaeth<br />
11/12<br />
Ar fore Sul 11eg o Ragfyr cafwyd oedfa<br />
gofiadwy o dan arweiniad ein pobl ifanc.<br />
Ceir hanes derbyn Beca, Branwen ac<br />
Esyllt ar y dudalem flaen. Cymerwyd rhan gan Ryan,<br />
Cian, Beca, Seren, Gruffydd, Branwen, ac Esyllt. Yn<br />
ystod yr oedfa cyflwynwyd hanes y geni a’r ffaith<br />
syfrdanol bod Duw wedi dod i’r byd fel baban bach.<br />
Hefyd fe gyfeiriwyd at waith elusen Operation<br />
Christmas Child a Nadolig yn Uganda. Un cyfraniad<br />
annisgywl oedd rap gan Seren a Cynan. Ni wyddom<br />
fod Seren yn gallu “beatbocsio” mor wych. Diolch i’r<br />
athrawon ysgol Sul am eu gwaith ac i Rachel Jones<br />
am baratoi’r sgript.<br />
10
Gyda’r nos fe gafwyd oedfa Nadolig yng Nghapel yr Eglwys<br />
Fethodistaidd yn yr Eglwys Newydd. Yr oedd naws hyfryd i’r<br />
gwasanaeth hwn gyda darlleniadau Beiblaidd gan Val Scott,<br />
Brenda Jones, Eynon Williams ac Idwal Hughes, myfyrdodau<br />
byrion gan y gweinidog a charolau i gyfeiliant medrus Cedric<br />
Jones ar yr organ.<br />
Bore Sul y<br />
18/12<br />
18fed yr<br />
oedd naws o<br />
lawenydd yn<br />
llenwi CEN i’r ymylon.<br />
Cafwyd cyflwyniad hapus<br />
gan y plant bychan am eni<br />
Iesu Grist, gyda chymorth<br />
rhieni a ieuenctid. Yn dilyn<br />
yr oedfa cafwyd parti<br />
Nadolig ac ymweliad gan<br />
Siôn Corn. Diolch yn fawr<br />
iawn i’r athrawon ysgol Sul a’r rhieni am eu holl waith ardderchog.<br />
Oedfa Carol a Channwyll ar y cyd oedd gyda’r nos a hynny gydag<br />
Eglwys y Ddinas yn Windsor Place. Cymerwyd rhan ar ran<br />
Ebeneser gan Helen Thomas, Catrin Evans,ac Elin Harding, a<br />
chafwyd oedfa o fawl fendithiol. Diolch yn fawr iawn i Cedric<br />
Jones am gydlynu’r cwbl yn ddeheuig.<br />
I gloi’r dathliadau,<br />
cafwyd oedfa deuluol<br />
fore’r Nadolig yn Eglwys<br />
y Ddinas gyda<br />
25/12<br />
chynulleidfa dda wedi<br />
dod ynghyd. Cymerwyd<br />
rhan gan Esyllt Jones,<br />
Carys Mair Jones, Cai<br />
Hayes, Gwilym a Lowri<br />
Tudur. Yn yr oedfa<br />
hefyd roedd Owain<br />
Doull a ddaeth â’i fedal<br />
aur Olympaidd a enillodd yn Brasil i ddangos i’r plant. Roedd hwn<br />
yn Nadolig i’w gofio.<br />
11
Ar y Sul cyn y Nadolig fe gafwyd oedfa hyfryd yn<br />
dathlu geni Iesu Grist o dan arweiniad yr Ysgol<br />
Ysgol Sul<br />
Sul. Cyflwynwyd hanes geni’r Arglwydd trwy<br />
ddarlleniadau ac ar air ac mewn cân. Ychydig o<br />
Ebeneser amser mae’r athrawon yn ei gael gyda’r plant i<br />
baratoi ac mewn gwirionedd y maent yn cyflawni<br />
gwyrthiau wrth i’r cwbl ddod at ei gilydd.<br />
Wedi’r oedfa fe gafwyd parti Nadolig<br />
yn CEN gyda bwyd blasus a<br />
llawer iawn o hwyl. I gloi<br />
gweithgareddau bywiog y<br />
bore daeth Siôn Corn ar<br />
dramp gyda llond sach o<br />
anrhegion i’r plant. Diolch i<br />
bawb wnaeth y bore hwn yn<br />
un cofiadwy yn enwedig yr<br />
Athrawon ysgol Sul a’r rhieni.<br />
Yn ystod tymor yr Adfent fe<br />
gafodd y plant ddau rodd gan<br />
Ebeneser sef Calendr Adfent Masnach deg a Chomic Arwyr Ancora.<br />
Cymorth<br />
Cristnogol<br />
Ar ôl oedfa Nadolig yr Ieuenctid fe gafwyd cyfle i godi arian<br />
tuag at apêl Nadolig Cymorth Cristnogol. Cafwyd<br />
stondinau teisennau, sgarffiau a phwyso’r deisen. Diolch i<br />
Rachel Jones, Petra Bennett, Gwenda Hopkins, Gwenda<br />
Spriggs, Gill Lewis a Rachel Llwyd am eu cymorth.<br />
I Ŵyl y Gaeaf yr aeth Y Mob wrth gychwyn ar eu dathliadau<br />
Nadolig. Buom yn sglefrio am awr yng nghysgod yr<br />
amgueddfa cyn mynd i Eglwys y Ddinas. Yno cafwyd parti<br />
Nadolig gyda gemau a bwyd. Diolch i bawb gyfrannodd ac<br />
a ddaeth i helpu.<br />
Nadolig<br />
Y MOB<br />
Lapio’r<br />
Nadolig<br />
Cynhaliwyd gweithgaredd Lapio’r Nadolig yng Nghanolfan<br />
Gristnogol Siloh Ystrad Mynach cyn y Nadolig. Daeth<br />
disgyblion ysgol Gymraeg Bro Allta i fwynhau’r<br />
cyflwyniadau a’r gwaith llaw wrth glywed hanes geni’r Iesu.<br />
12
Aeth rhai o aelodau Ebeneser i helpu ac fe gyflwynwyd comics<br />
Nadoligaidd Arwyr Ancora gennym fel eglwys i’r plant.<br />
Swper Mawreddog<br />
Pob blwyddyn y mae’r Clinc -<br />
bwyty carchar Caerdydd - yn<br />
cynnal swper mawreddog er<br />
mwyn codi arian tuag at<br />
elusen. Y mae bellach<br />
gadwyn o fwytai Clinc sy’n<br />
gysylltiedig â charchardai'r<br />
Deyrnas Gyfunol a chynhelir<br />
y swper hwn mewn<br />
cydweithrediad â’r holl fwytai hyn. Er llawenydd mawr i ni<br />
penderfynodd y trefnwyr y byddent yn rhoi pob elw tuag at waith<br />
Ebeneser gyda’r digartref yng Nghaerdydd. Diolchwn o waelod<br />
calon iddynt am hyn.<br />
Cynhelir y swper yng Nghanolfan y Mileniwm, Caerdydd, ar nos<br />
Iau 9fed Mawrth 2017. Y pris yw £75.00 y pen ac y mae lle i 150.<br />
Os oes gennych ddiddordeb mynd rhowch wybod i Gill Lewis cyn<br />
gynted ag y bo modd.<br />
Agor Canolfan Conglfaen<br />
Ar ddydd Gwener 16eg<br />
Rhagfyr fe ail agorwyd ein<br />
hen gapel ar Heol Siarl gan y tywysog Charles Windsor. Tros<br />
gyfnod o ddwy flynedd fe wariwyd 3.5 miliwn yn adnewyddu’r<br />
adeilad gan ei weddnewid i fod yn ganolfan weithgareddau<br />
amlbwrpas. Mae'r capel wedi ei droi yn fwyty/ theatr, y festri fawr<br />
oddi isod yn gaffi a’r neuadd fawr yn y cefn<br />
yn ofod amlbwrpas.<br />
Dymunwn bob llwyddiant<br />
yn y dyfodol i’r Gadeirlan<br />
Gatholig Fetropolaidd yn ei<br />
menter wrth ddatblygu<br />
Canolfan Conglfaen. Y<br />
mae’r bwyty yn agored i’r<br />
cyhoedd ac mae croeos i<br />
unrhyw un fynd i ymweld â’r<br />
adeilad.<br />
13
Newyddion Cleifion<br />
Cydymdeimlo<br />
Cydymdeimlwn gyda Beti Wyn a<br />
Denzil Davies yn eu<br />
profedigaeth. Bu farw Gareth,<br />
brawd Beti, yn dilyn damwain<br />
ddifrifol ar y fferm. Gweddiwn y<br />
bydd buddugoliaeth yr Arglwydd<br />
dros angau yn oleuni ar eich<br />
llwybr.<br />
Llifogydd<br />
Fe gafodd Mair a Petra Bennett<br />
amser heriol dros y Nadolig<br />
oherwydd i bibell ddŵr dorri yn<br />
eu cartref a llifo drwy’r llawr isaf<br />
gan greu cryn ddifrod. Dymunwn<br />
yn dda iddynt wrth adenwyddu’r<br />
cwbl.<br />
Fideo Ebeneser<br />
Penderfynodd CWM (Cyngor y<br />
Genhadaeth Fydeang) i gomisiynu<br />
deg fideo byr er mwyn<br />
adlewyrchu’r gweithgareddu oedd<br />
yn digwydd o fewn i rai o eglwysi<br />
teulu CWM. Gwahoddwyd tair<br />
eglwys Gymraeg i fod yn rhan o’r<br />
cynllun sef Noddfa, Caernarfon,<br />
Eglwysi Bro Penllyn ac Ebeneser,<br />
Caerdydd. Am gyfnod o wythnosau<br />
bu Rhodri Darcey draw yn ffilmio tri<br />
o weithgareddau Ebeneser sef, y<br />
gwaith gyda’r digartref a’r<br />
ymgeiswyr lloches a’r cynllun<br />
gyda’r myfyrwyr yn y colegau.<br />
Diolch i bawb roddodd amser i gael<br />
eu ffilmio. Mae’r fideo ar<br />
www.ebeneser.org neu teipiwch<br />
“10 Cardiff” yn youtube.<br />
Bu Mary Lewis, Y Rhath, yn yr<br />
Ysbyty am dair wythnos ar ôl y<br />
Nadolig. Y mae bellach gartref<br />
yn ymadfer.<br />
Fe gafodd Tom Wedlake,<br />
Croescwrlwys glun newydd yn<br />
ddiweddar. Dymunwn wellhad<br />
buan a llwyr iddo.<br />
Cafodd Janette Jones<br />
driniaeth ar ei llygad a nawr<br />
mae’n gwella’n dda.<br />
Mae Glan a Bethan Roberts,<br />
wedi symud i fyw yng<br />
Nghartref Sunrise, Cyncoed.<br />
Mae Beti Jones, Cyncoed,<br />
wedi symud am y tro i fyw<br />
gyda’r mab Gareth a’r teulu yn<br />
Southhampton. Dymunwn pob<br />
bendith iddi.<br />
Cofiwn am ein haelodau sydd<br />
mewn cartrefi gofal, neu’n gaeth<br />
i’w cartrefi: Rosalene Bowen,<br />
Brenda Bowen, Mary Lewis,<br />
Tegwen Hughes, Catherine<br />
Wallace, Mair Thomas, Mair<br />
Bennett.<br />
Os gwyddoch am unrhyw un sydd<br />
angen ymweliad, cysylltwch<br />
gyda’r gweinidog neu un o’r<br />
diaconiaid.<br />
14
Calendr ion/Chwefror<br />
5 Dydd Sul. 10.00 Cwrdd plant yn CEN. Paned. 17.30 – Oedfa Gymun yn<br />
Eglwys y Ddinas. Dishgled. Bydd yr oedfaon o dan arweiniad y<br />
gweinidog. Bwyd sych i’r ymgeiswyr lloches.<br />
6 Cwrdd gweddi cenhadol yn Eglwys y Ddinas am 7.00<br />
7 Cyfarfod diaconiaid yn Eglwys y Ddinas am 7.15<br />
9 Cymdeithas y Chwiorydd yn Eglwys y Ddinas 2.00. Pnawn gyda’r Parch<br />
Rosa Hunt.<br />
12 Dydd Sul. 10.00 Oedfa o fawl yn CEN. Ysgol Sul plant, ieuenctid ac<br />
oedolion. Paned. 17.30 – Oedfa Gymun yn Eglwys y Ddinas. Dishgled.<br />
Bydd yr oedfaon o dan arweiniad y gweinidog. 20.00 – Paradise Run.<br />
Ebeneser yn bwydo’r digartref ar Heol Siarl.<br />
13 Cwrdd Gweddi 7.00 yn Eglwys y Ddinas<br />
14 Y Gymdeithas, 7.30. Darlith Goffa y Parch. Emlyn Jenkins. Traddodir<br />
gan Dr. Sioned Davies ar “Pregethwyr.”<br />
15 Aelwyd Hamdden 2.00 yn Minny Street. Pnawn gyda Huw Roberts,<br />
“Cyngor ymarferol gan Gyfrifydd.”<br />
16 Cymdeithas y Chwiorydd yn Eglwys y Ddinas 2.00. Pnawn gyda Beth<br />
Charles.<br />
17 Y MOB 7.00 – 8.30 yn y Gospel Hall, Ystum Taf.<br />
19 Dydd Sul. 10.00 Oedfa o fawl yn CEN. Ysgol Sul plant, ieuenctid ac<br />
oedolion. Paned. 14.00 – Ymarfer band Mawl. 17.30 – Oedfa Gymun yn<br />
Eglwys y Ddinas. Dishgled. Bydd yr oedfaon o dan arweiniad Dr Carys<br />
Moseley.<br />
20 Cwrdd Gweddi 7.00 yn Eglwys y Ddinas.<br />
23 Cymdeithas y Chwiorydd yn Eglwys y Ddinas 2.00. Pnawn gyda Carys<br />
Tudor Williams.<br />
23 Cyngor Eglwysi Cymraeg 7.30 Myfyrdod Cyntaf y Garawys yn y Crwys.<br />
26 Dydd Sul. 10.00 Oedfa o fawl yn CEN. Ysgol Sul plant ac ieuenctid.<br />
Paned. 17.30 - Oedfa arbennig i nodi trichanmlwyddiant geni William<br />
Williams, Pantycelyn, yn Eglwys y Ddinas. Dishgled. Bydd yr oedfaon o<br />
dan arweiniad y gweinidog.<br />
27 Cwrdd gweddi paratoad 7.00 yn Eglwys y Ddinas.<br />
1 Y Gymdeithas. Cinio Gŵyl Ddewi yng Nghlwb Golff yr Eglwys Newydd.<br />
3 Cymdeithas y Chwiorydd. Dydd Gweddi Chwiorydd y Byd.<br />
3 Y MOB 7.00 – 8.30 yn y Gospel Hall, Ystum Taf.<br />
5 Dydd Sul. 10.00 Cwrdd plant Gŵyl Ddewi yn CEN. Paned. 17.30 –<br />
Oedfa Gymun yn Eglwys y Ddinas. Dishgled. Bydd yr oedfaon o dan<br />
arweiniad y gweinidog. Bwyd sych i’r ymgeiswyr lloches.<br />
15
Owain Doull a’r Fedal Aur<br />
Cai Hayes ym Malawi<br />
Ryan Jones yn sglefrio gyda’r MOB<br />
Cinio dechrau’r flwyddyn y chwiorydd<br />
16