Cura 1 - LEMU - The Land and Equity Movement in Uganda

LANGO CULTURAL FOUNDATION
Cik me lobo tekwaro me Lango nama 1 me mwaka 2009
3. Agony, ite cik man tye ni:
“Atekere” obedo atekere me Lango kadi ocoye ite won nyaci onyo
pe.
“Awitong” obedo ngat ame atekere oyero ni tel wi atekere gi iyi
Lango.
“Cato lobo” kwako naka miyo atwal onyo tutunu kede jengo lobo.
“Freehold” obedo lobo atye kede taitol ame rik oloc a Muni omaro
miyo, polere bot Kanica kede school. Kodi loboni pe pol iyi Lango.
“Komiti” obedo komiti me atekere ite won paco, jago, rwot, awitong
kede ite Won Nyaci ame oco kop ikom gi ite cik man tyeng 8.
“Kwere” obedo dwoko lim me nyom onyo nwongo balo me kwere
ibot jo onyomere kede atekeregi.
“Lango Cultural Foundation - (LCF)” obedo iryonget ame tye ite
Won Nyaci me Lango.
“Leasehold” obedo lobo arik jo opango ibot Abumente pi mwaka ape
kato 49 onyo 99 ikare ame Pen Cik peru olokere me dwoko twero
me lobo bot otedero. Lobo man bedo kede taitol.
“Lobo me tekwaro” obedo lobo ame wonere onwongo i nywale mere,
inyomere mere, omio amia onyo owilo awila; ape ocoo recordere
piny bot Abumente kede bung ame amani onyo onwongo atekere
en aloo.
“Mailo” obedo lobo ame pe tye i Lango. Man obedo lobo ame rik oloc
ite muni omio bot jo okonyo korgi kede loc. Olor man okwanyo lobo
iwegi gi iye ote miyo bot jo okene ame ote miyogi taitol. Man dong te
miyo twero me lobo bedo iye jo aryo, won lobo omio taitol kede wegi
lobo arik tye iye con onyo ame odonyo ilobo ni imwaka 1983, ame
dong cik te lwongo gi ni opang lobo.
“Nyom” obedo rango kede culo lim pi dako.
“Tongo okang” obedo dwogo me cako puro lobo ame onwongo
oweko obungere pi kare alac.