Cura 1 - LEMU - The Land and Equity Movement in Uganda

LANGO CULTURAL FOUNDATION
Cik me lobo tekwaro me Lango nama 1 me mwaka 2009
totogi.
b) Otino ame pe onyomo totogi bino nwongo lobo kede twero itung
atotogi nikwanyo ka ngat onywal kede totogi okoke. Ka kit man en
myero nwong lobo kede twero itunga apapere.
c) Obedo tic atekere onywal otino me neno ni otino ame onywalo paco
onyo ame onyomo totogi onywalgi te kwere gin ote dwogo kede
totogi ikor, ongeo kwene alobogi kede twerogi aya iye ikare agin
pwod otino aperu onyomere.
d) Obedo tic atekere anyira gi onyomere ote dwogo paco kede otino
ame onywalo ika lim me neno ni otino onywalo ika lim ongeo kwene
alobogi kede twerogi aya iye ikare agin pwod otino. Atekere kede
toto myero neni atekere otino onyutu lobo otino botgi ame gin obedo
roto kare ikare.
e) Ka atekere pe otio ticgi me nenoni otino ongeo kana lobogi tye iye,
atekere myero ye ni bal tye botgi eka pe te ryemo otino ipaco agin
odongo iye adong gin odongo. Gin myero omi otinoni lobo.
f) Ka atekere anyako odwogo ika nyom amito miyo lobo bot atin
anyako, kadi en onyomo onyo pe onyomo cik pe ye me ngatoro
mayo lobo ibot nyako ni.
g) Otino a dako ame onyomo ento pe okwere kede cware, onyome eka
dok te nywal kede ngat okene ape obedo cware, otinoni tye kede
twero me lobo atekere acwar totogi.
h) Otino ame dako too ape dok onyomere onywalo kede dano tye
itwero me lobo atekere acwar totogi. Atekere acwar dako too myero
mi otino ni lobo.
Cura 3 :
Twero a mon too, mon ame cog gi okwero, mon
ameopokere kede cog gi kede gwoko twero gi.
7. Twero a mon too kede gwoko twerogi
a) Dako too bedo won ot kede aloo lobo ame omiye acware pwod
kwo.
b) Ka dong ayabo lyel ico, dako too myero titi atekere tamere icoc onyo
inyim caden. Dako too tye itwero me yero me bedo ture kadi amito
lakere onyo pe, onyo dok paco,
c) Mon too ame oweko tung atekere acog gii tee wot nyomere iyi
atekere okene myero wek lobo onyome iye icing otino mere onyo
Atekere atoo ka otino mere pe onyo otino pwod tino.