Create successful ePaper yourself
Turn your PDF publications into a flip-book with our unique Google optimized e-Paper software.
ᒪᑭᕕᒃ ᕿᒥᕐᕈᐊᖏᑦ<br />
ᑲᒪᒍᓐᓀᓯᑦᓱᑎᓪᓘᓚᐅᔪᔪᑦ ᐱᓂᐊᕐᓂᖃᖔᓯᑦᓱᑎᒃ ᐊᕐᕌᒍᑕᒫᑦ ᐱᔪᓐᓇᐅ-<br />
ᑎᖃᖃᑦᑕᓂᐊᓕᕐᑎᓗᒍ ᖃᖓᑦᑕᔫᒥᑦ ᐸᕐᓛᓴᓂᒃ ᑲᑕᒐᕐᑎᓯᖃᑦᑕᓂᕐᒥᒃ.<br />
ᒫᓐᓇᓕ ᑕᒡᒐ ᔮᓂ ᑲᕙᒪᑐᖃᒃᑯᑦ ᐊᐅᓚᒍᑎᓕᕆᔨᖏᓐᓄᑦ ᑐᓂᔭᐅᒪᓕᕐᖁᖅ<br />
ᐊᕐᕌᒍᓂ ᑕᓪᓕᒪᓂ ᐅᓚᐱᑕᐅᒍᓐᓀᓗᓂ ᐸᕐᓚᑎᑦᓯᒍᓐᓇᓂᐊᓕᕐᑎᓗᒍ,<br />
ᑕᒪᑐᒥᖓᓗ ᑲᔪᓯᓛᕐᓂᕋᕐᓯᒪᕗᖅ ᑰᒃᔪᐊᒥ 2016-ᒥ ᕿᑎᖕᖕᒎᓕᕐᐸᑕ.<br />
“ᑲᔪᓯᒋᐊᒃᑲᓂᕈᒪᔭᕋ ᓯᕗᓂᕐᒥ, ᓚᑦᓱᓂ ᐅᖃᕐᑐᖅ.” ᐱᓇᓱᐊᕈᓯᓕᒫᒥ<br />
ᕿᑎᖕᖕᒎᑉ ᐅᓪᓗᖓᑕ ᓯᕗᓂᐊᓂ ᔮᓂ ᓯᓚ ᖃᓄᐃᓛᕐᒪᖔᑦ ᖃᐅᔨᒪᒐᓱ-<br />
ᐊᓲᖅ. 2015-ᖑᑎᓪᓗᒍ ᕿᑎᖕᖒᑉ ᐅᓪᓗᖓᓂ ᓯᓚᐅᑦᓯᐊᖏᑦᑑᓚᐅᔪᒻᒪᑦ<br />
ᖃᖓᑦᑕᔫᒃᑯᑦ ᐸᕐᓚᑎᑦᓯᔪᓐᓇᓚᐅᔪᖕᖏᑐᖅ ᑌᒣᒻᒪᑦ ᑏᓯᒻᐱᕆ<br />
29-ᖑᓕᕐᑎᓗᒍ ᑭᓯᐊᓂ ᐸᕐᓚᑎᑦᓯᒍᓐᓇᓯᔪᕕᓂᐅᓂᕋᕐᑐᖅ ᔮᓂ.<br />
ᐃᓐᓂᐊᕈᑎᐅᓲᖑᓕᕐᒥᔪᖅ ᑰᒃᔪᐊᒧᑦ. ᑰᒃᔪᐊᒥᐅᑦ ᑲᕙᒫᐱᖓᑕ<br />
ᖃᕆᑕᐅᔭᒃᑯᑦ ᑕᑯᓇᓱᑦᑕᐅᕕᖓᑦ ᐃᓚᐅᑎᑦᓯᓲᖑᓕᕐᑐᖅ ‘ᕿᑎᖕᖑᒥ<br />
ᐸᕐᓚᑎᑦᓯᓂᕐᒥᒃ” ᐊᓪᓚᓯᒪᖃᑕᐅᑎᑦᓯᓱᑎᒃ “ᓱᔪᖃᕐᓂᐅᔪᓪᓗ ᑕᑯᔪᒥᓇᕐᑐᓗ.”<br />
ᐊᓪᓚᑕᐅᒪᕕᖓᓐᓂ ᐃᒫᒃ ᐅᖃᕐᓱᑎᒃ “ᑏᓯᒻᐱᕆ 25-ᒥ ᐅᓪᓗᑯᑦ ᕿᑎᕋᓕᐅᑉ<br />
ᒥᑦᓯᑎᓐᓂ, ᑰᒃᔪᐊᒥᐅᑦ ᑰᒃᓱᐊᑉ ᑰᖓᓂ ᑲᑎᓲᖑᕗᑦ ᓱᐃᓯᓂᓪᓗ ᐊᓯᖏᓐᓂᓗ<br />
ᐸᕐᓚᑎᑦᓯᒍᑎᐅᔪᓂᒃ ᐱᒋᐊᕐᑐᓱᑎᒃ ᑲᑕᒐᕐᑕᐅᔪᓂᒃ ᐊᑕᐅᓯᓕᑲᓪᓚᒧᑦ<br />
ᖃᖓᑦᑕᔫᒧᑦ.”<br />
ᖃᖓᑦᑕᔫᒃᑯᑦ ᐸᕐᓚᑎᑦᓯᓂᐅᓲᑦ ᐱᓪᓗᒋᑦ, ᔮᓂ ᐊᑦᔨᖃᖕᖏᓂᕋᕐᑐᑦ<br />
ᐊᑯᓂᕆᓂᕐᒥᒍᑦ, ᖁᑦᓯᓂᕐᐹᒥᓗ ᑕᕐᕋᒥ ᐅᑭᐅᕌᓗᒃᑯᑦ ᑌᒣᓘᓱᑐᐊᖑᓂᕋᕐᓱᓂ.<br />
ᖃᖓᑦᑕᔫᒃᑯᑦ ᐸᕐᓚᑎᑦᓯᔪᓂᒃ ᐊᓕᐊᒋᔭᖃᕐᑐᑦ ᑕᑯᒋᐊᕈᒪᔪᑦᓴᐅᕗᑦ ᓯᓚᕐᔪᐊᒥ<br />
ᐅᓇᑕᕐᓂᔪᐊᑉ ᑐᖓᓕᖓᓂ ᐊᒥᕆᑲᒥᐅᖅ ᐅᓇᑕᕐᑐᓴ ᑮᓪ “ᖄᓪ” ᖄᓪᕗᓴᓐ<br />
ᐅᓂᒃᑲᑕᐅᒍᑎᖏᓐᓂᒃ. ᑌᓐᓇ ᐊᖑᑎ ᖃᐅᔨᒪᔭᐅᒍᑎᑖᓚᐅᕐᓂᒪᑦ “ᔮᒪᓃᑦ<br />
ᓄᓇᖓᓐᓂ ᐳᓕᓐᒥ ᓱᐃᓯᓂᒃ ᖄᔪᓕᕕᓂᐅᒋᐊᖓ,” “ᐊᑦᓯᕋᐅᑎᖃᕐᑎᑕᐅᑦᓱᓂᓗ<br />
Uncle Wiggly Wings”-ᒥᒃ ᐊᒻᒪᓗ “ᐊᐅᑯᓗᓐᓂᒃ ᖃᖓᑕᑎᑦᓯᔨᒥᒃ.”<br />
23-ᑕᐅᓴᓐ ᐅᖓᑖᓄᑦ ᐅᖁᒣᓐᓂᓕᓐᓂᒃ ᓱᐃᓯᓂᒃ ᑲᑕᑦᑎᓯᓯᒪᒐᒥ 1948-<br />
ᒥᑦ ᑎᑭᑦᓱᒍ 1949 ᑲᒃᑲᓛᓄᑦ ᐱᔭᐅᔪᑦᓴᓂᒃ. ᒥᑭᔪᖑᐊᕌᐱᓐᓂᒃ<br />
ᑲᑕᒍᑎᓕᐅᖃᑦᑕᓱᓂ ᓱᐃᓯᓂᒃ ᓯᖁᑦᑎᕈᓐᓀᓗᑎᒃ ᑲᑕᖁᔨᒧᑦ.<br />
ᖃᐅᔨᒪᔭᐅᓕᕐᑐᕕᓂᖅ ᐃᖏᕐᕋᑎᑦᓯᒍᑎᖃᕆᐊᖓ ᒥᑭᔪᖑᐊᕌᐱᓐᓂᒃ<br />
ᐅᖁᒻᒥᓗᒐᑦᓴᓂᒃ ᑌᑦᓱᒪᓂ ᔮᒪᓃᑦ ᓄᓇᖓᓐᓂ ᐳᓕᓐᒥ ᖃᖓᑦᑕᔫᒃᑯᑦ<br />
ᐃᑲᔪᕐᓯᒪᓂᖃᕐᑎᓗᒍ.<br />
ᖃᕆᑕᐅᔭᒥᒃ Google-ᑯᑦ ᑕᑯᓇᓱᒐᔭᕈᕕᑦ “ᑰᒃᔪᐊᒥ ᖃᖓᑦᑕᔫᒃᑯᑦ<br />
ᐸᕐᓚᑎᑦᓯᓂᕐᒥᒃ.” ᐊᒥᓱᓂᒃ ᑕᑯᔭᑦᓴᓂᒃ ᑕᑯᒐᔭᕐᐳᑎᑦ. ᑲᒃᑲᓛᑦ/ᐱᐊᕃᑦ<br />
ᐊᑐᐊᒐᖏᑦ ᐊᓪᓚᑕᐅᓯᒪᒻᒥᔪᑦ ᓕᓐᑕ ᐳᕌᓐᒧᑦ ᑲᓇᑕᒥ ᖃᖓᑦᑕᔫᓂᓪᓗ<br />
ᑕᒪᑐᒥᖓᓗ ᕿᓚᑦᑎᓂᒃ ᑕᑯᕚᒃᑯᕕᒻᒥ ᐱᓇᓱᒐᖃᕐᑐᒧᑦ, ᑌᔭᐅᒍᓯᖃᕐᓱᑎᒃ<br />
Kuujjuaq Christmas Candy Drop-ᒥᒃ. ᐳᕌᓐ ᑰᒃᔪᐊᓕᐊᕐᓯᒪᔪᑦ<br />
ᐅᓪᓗᓂᓗ ᐊᒥᓱᒐᓚᓐᓂ ᔮᓂᒥᓪᓗ ᐃᓚᖏᓐᓂᓗ ᓇᔫᑎᑦᓱᓂ ᐅᓂᒃᑳᑐᐊᓕ-<br />
ᐊᑦᓴᒥᓂᒃ ᓄᐊᑦᓯᕕᒋᑦᓱᒋᑦ. ᐅᖃᕐᓯᒪᕗᕐᓗ ᑖᒃᑯᐊ ᐊᑐᐊᒐᑦᓴᓕᐊᕕᓂᖏᑦ<br />
ᑮᓇᐅᔭᓕᐅᕈᑎᒋᓇᓱᑦᓯᒪᖕᖏᒋᐊᖏᑦ, ᐱᑦᔪᑎᖃᕐᓯᒪᒐᒥ ᐅᓂᒃᑲᐅᓯᕐᒥᒃ<br />
ᖃᐅᔨᔭᐅᖁᔨᓂᕐᒥᒃ ᐊᒥᓱᓄᑦ ᐅᖓᓯᑦᑐᒥᑦᑐᓄᓪᓗ ᖃᓂᑦᑐᓄᓪᓗ.<br />
ᓕᓐᑕ ᑕᑯᕚᒃᑯᕕᒻᒥᒃ ᐱᓇᓱᖃᑎᖃᖃᑦᑕᑐᖅ ᓱᕐᖁᐃᑐᒥᒃ<br />
ᐊᑐᐊᒐᓕᐊᕕᓂᕐᒥᓂᒃ ᓄᓇᕕᐅᑉ ᐃᓕᓐᓂᐊᕕᖁᑎᓕᒫᖏᓐᓄᑦ ᐱᔭᐅ-<br />
ᑎᑦᓯᓇᓱᑦᓱᓂ. ᑌᒫᑦᓭᓇᖅ ᓯᕗᓂᖃᕐᒥᓱᓂ ᓄᓇᓄᑦ ᐅᑭᐅᕐᑕᑐᒦᑦᑐᓄᑦ<br />
ᓄᓇᕕᐅᑉ ᐊᓯᖏᓐᓄᑦ. ᓕᓐᑕ ᐱᓇᓱᓪᓚᕆᑦᓯᒪᔪᖅ ᓄᐃᑦᓯᓇᓱᑦᓱᓂ<br />
“ᑰᒃᔪᐊᒥ ᖃᖓᑦᑕᔫᒃᑯᑦ ᐸᕐᓚᑎᑦᓯᓂᕐᒥᒃ” ᑕᑯᑦᓴᐅᑎᑦᓯᒍᑎᖃᕐᓂᒥᒃ,<br />
ᑏᓯᒻᐱᕆᑕᒫᑦ ᐋᑐᒑᒥ ᑕᑯᕚᒃᑯᕕᒻᒥ ᑕᑯᑦᓴᐅᑎᓲᒥᓂᒃ. ᑖᓐᓇ ᔮᓂᐅᑉ<br />
ᐊᑕᐅᓯᓕᑲᓪᓚᖑᐊᖓᓂᒃ ᐱᑕᖃᓲᖅ, ᖃᖓᑦᑕᔫᒃᑯᑦ ᐸᕐᓚᑎᑦᓯᖑᐊᕐᓱᓂ<br />
ᓱᐃᓯᑎᓂᒃ ᑲᑕᒉᑦᓱᓂ ᑲᑕᒉᕕᒋᑦᓱᒋᑦ ᐱᐊᕃᑦ/ᑲᒃᑲᓛᑦ ᐊᑖᓂ ᐅᑕᕐᕿᔪᑦ.<br />
(ᑕᑯᓗᒍ ᑭᖑᓪᓕᖅ ᐊᑐᐊᕋᑦᓴᖅ)<br />
ᖁᕕᐊᓱᕝᕕᒃ ᐃᒻᒥᒎᕐᓱᓂ ᖁᕕᐊᓇᕐᑐᒪᕆᐊᓘᒌᕐᐳᖅ – ᐃᓱᒪᖕᖑ-<br />
ᐊᓚᐅᕆᓪᓕ ᔮᓂᐅᑉ ᐃᑉᐱᓂᐊᕈᑎᒋᓲᖏᓐᓂᒃ ᖁᕕᐊᓇᕐᑐᔪᐊᒥᒃ<br />
ᓂᕆᐅᓐᓂᖃᕐᓱᓂᓗ ᖁᕕᐊᒋᔭᐅᓚᖓᓂᕐᒥᒃ ᐃᓄᑐᐃᓐᓀᑦ ᕿᑐᖕᖓᖏᓐᓄᑦ<br />
(ᐅᕕᒃᑲᑎᑐᓪᓗ ᕿᑦᑌᖓᔮᒍᑎᖃᕐᑐᓄᑦ) ᑰᒃᔪᐊᒥ ᐊᕐᕌᒍᒐᓵᓗᓐᓂ ᐊᒥᓱᓂ<br />
ᐸᕐᓚᑎᑕᐅᕙᑦᑐᑐᖃᐅᔪᓂ. ᐊᒥᓱᑦ ᓯᕗᓕᕐᑎᐅᕕᓐᓂᒃ ᐱᓇᓱᒐᖃᕐᐸᓕᕐᑐᑦ,<br />
ᓱᓕᓗ ᓇᐸᖃᑕᐅᕙᑦᓱᑎᒃ ᑏᓯᒻᐱᕆᒥ ᐊᐳᑎᒥ ᓂᑯᕐᕋᓱᑎᒃ ᑕᑯᓐᓇᓱᑎᒃ<br />
ᐊᑕᐅᓯᓕᑲᓪᓚᒥᒃ ᑎᑭᓴᕐᑐᓕᕐᑐᒥᒃ ᖁᓕᒥᓐᓂ ᐸᕐᓚᓂᐊᓕᕋᒥᒃ<br />
ᑎᒍᒍᓐᓇᑕᓕᒫᑦᓯᒥᓂᒃ ᑎᒍᓯᒐᓱᐊᕐᓱᑎᒃ ᐸᕐᓛᕆᒍᓐᓇᑕᓕᒫᒥᓐᓂᒃ.<br />
ᑌᒣᓘᕆᐊᖕᖓᐸᓕᕐᓱᓂ ᔮᓂ ᓇᒻᒥᓂᖅ ᓂᐅᕕᕐᐸᓚᐅᕐᑐᖅ ᓱᐃᓯᓂᒃ<br />
ᐸᕐᓚᑎᑦᓯᒍᑎᑦᓴᒥᓂᒃ. ᒫᓐᓇᓕ ᓱᐃᓯᖃᖏᓐᓇᕋᓗᐊᕐᑎᓗᒍ ᐹᕐᓛᓕᒑ-<br />
ᖑᓚᖓᔪᑦ 95%-ᖏᑦ ᐱᐅᓕᓂᐊᒐᐅᕙᓕᕐᖁᑦ. “ᑰᒃᔪᐊᒥᐅᑦ ᐱᖕᖑ-<br />
ᐊᑎᑦᓯᔨᖏᑕ ᑲᑎᖕᖓᔨᖏᑦ ᓂᐅᕕᕐᓂᐊᕕᓐᓂ ᓂᐅᕕᕐᐸᑐᑦ ᐊᓐᓄᕌᓂᒃ,<br />
ᐯᖕᖑ-ᐹᓖᐅᕐᖄᓯᒪᔪᖅ, 1975-ᒥ, ᓂᐅᕕᐊᕆᔭᐅᓚᐅᕋᓂ ᐃᓄᐃᑦ ᖃᖓᑦᑕᔫᖏᓐᓄᑦ: ᖃᖓᑦᑕᔫᕐᑎ<br />
ᔮᓂ ᒣ ᐃᓚᖃᕐᓱᓂ ᔮᓐ ᐯᔪᒥᒃ ᐊᒻᒪᓗ ᑯᓘᑦ ᓯᐊᓚᓐᒥᒃ ᓯᐊᓪ ᑲᓇᑕᒥ ᐱᓇᓱᑦᑏᓂᒃ<br />
- ᓯᐊᓪ ᐅᕐᓱᐊᓗᓐᓂᐊᕕᓕᒫᓂᒃ ᓇᒻᒥᓂᖃᕐᓯᒪᒻᒪᑦ ᓄᓇᕕᒻᒥ. ᔮᓂ ᒣ ᖃᖓᑦᑕᔫᖏᑦᑕ<br />
ᐱᒍᑦᔨᒋᐊᖕᖓᓯᒪᔭᖏᑦ.<br />
The original Pengo-Pally, 1975, before it was bought by Air Inuit Ltd. L-R: pilot Johnny May<br />
with John Byers and Claude Serland of Shell Canada – Shell use to own all the plants in<br />
Nunavik. They were the first customers of Johnny May charters.<br />
ᓗᐃᓴ ᒣ, ᔮᓂ ᒣ ᐊᕐᓇᕆᓕᕐᑕᖓ ᐊᕐᕌᒍᕐᓂ ᐊᕙᑎᑦ ᒪᕐᕈᑦ ᓯᑕᒪᐅᔪᕐᑐᓗᓐᓂ. ᓯᑕᒪᓂᒃ<br />
ᕿᑐᕐᖓᓖᒃ, ᖁᓕᓪᓗ ᑕᓪᓕᒪᓪᓗᓂᒃ ᐃᕐᖑᑕᖃᕐᓱᑎᒃ ᐱᖓᓲᔪᕐᑐᓂᓪᓗ ᐃᕐᖑᑕᓚᕐᕿᖃᕐᓱᑎᒃ.<br />
Louisa May, Johnny May’s wife of 48 years. Together they have four children,<br />
15 grandchildren and six great grandchildren.<br />
© COURTESY OF JOHNNY MAY X3<br />
6