Torfaen Business Voice - November 2017 Edition (Welsh)

TACHWEDD 

2017 

ENTREPRENEURIAETH 

DIGWYDDIAD NESAF 

Dydd Iau 7 Rhagfyr 2017 

5:00PM 

YN Y RHIFYN HWN: 

TUDALEN 3 

Meddwl am 

ddechrau busnes? 

Y cyfan sydd angen i chi ei wybod 

cyn sefydlu'ch busnes 

TUDALEN 4 & 5 

BeTheSpark / Bright 

Ideas 

Cefnogaeth i entrepreneuriaid 

TUDALEN 7 

Meddwl sefydlu busnes 

yn Nhorfaen? 

Benthyciadau cychwynnol i fusnesau 

newydd 

www.twitter.com/TorfaenBiz 

www.facebook.com/TorfaenEnterprise 

Torfaen Economy & Enterprise

Gair gan y Cadeirydd 

Mae bod yn "entrepreneur" yn swnio'n hawdd ond mewn 

gwirionedd mae'n anoddach na'r disgwyl. Mae entrepreneur 

ym mhob un ohonom, dyna beth sy'n cadw ein diddordeb o 

ddydd i ddydd. Unwaith y byddwn wedi cael digon ar y naw 

tan bump, rydym yn aml yn defnyddio ein profiad mewn maes 

penodol i'n mantais trwy naill ai sefydlu busnes yn uniongyrchol, 

prynu i mewn i ryddfraint neu fynd i bartneriaeth. Mae 

yna lawer o ffyrdd i gymryd rheolaeth ar eich tynged eich hun. 

Rydym yn tueddu i anghofio mai trwy werthu cylchgrawn 

myfyrwyr y dechreuodd Grŵp cwmnïau Virgin neu fod Apple 

wedi'i sefydlu mewn garej. 

Os ydych chi dal i fod yn chwarae o gwmpas gyda’r syniad o 

ddechrau eich busnes eich hun, un o'r lleoedd gorau i 

ddechrau a chael cyngor diduedd yw eich clwb busnes. Lle i 

gwrdd â phobl sydd wedi bod yn eich esgidiau, pobl sydd 

wedi llwyddo i ddatblygu eu mentrau ac wedi esblygu. Maent 

i gyd yma yn Llais Busnes Torfaen. I'r rhai ohonoch sydd 

eisoes yn gwneud hynny, beth am helpu drwy fentora rhywun 

sy'n dyheu i fod yn entrepreneur? 

Ein gwestai ar gyfer y cyfarfod ym mis Rhagfyr yw Peter 

Karrie. Magwyd Peter yng Nghymru, lle roedd ganddo sioeau 

radio a theledu ar BBC Wales 

Dechreuodd ei yrfa fel prif ganwr y grŵp pop Peter and the 

Wolves, ac aeth ymlaen i ymddangos mewn sawl cynhyrchiad 

sioe gerdd yn y West End, yn cynnwys Les Misérables 

a Chess. Edrychaf ymlaen yn eiddgar i gwrdd â Peter. 

2 

Dyddiad i’ch dyddiadur 

23/11/17 - Digwyddiad Merched 

Mewn Busnes Torfaen 2017 - 4:30pm 

07/12/17 - Llais Busnes Torfaen - 5pm 





Greenmeadow Golf and Country Club, 

Cwmbran 

Ddim yn aelod? Beth am ymuno 

â ni a dod i’r digwyddiad? 

Ffoniwch 01633 648644 

E-bost: info@southwalesbusiness.co.uk 

Cliciwch ar y ddolen ganlynol: 

http://bit.ly/TBV-business-club-cy 

CYLCHLYTHYR (CLWB) LLAIS BUSNES TORFAEN | TACHWEDD 2017 

Rwy'n siŵr y byddwch i gyd yn cytuno bod ymaelodi â Llais 

Busnes Torfaen wedi bod yn fuddiol, ac rydym yn edrych 

ymlaen atoch yn adnewyddu eich aelodaeth yn 2018. Cadwch 

lygad am ein cynnig Aelod yn cyflwyno Aelod a rhannwch y 

newyddion ym mhobman. 

Ar nodyn personol, ar ôl pymtheg mlynedd rydw i wedi penderfynu 

ymddeol fel cadeirydd Llais Busnes Torfaen. O 2018 Fe 

fydd yna wyneb newydd wrth y llyw i’n tywys i mewn i’r dyfodol 

– pwy, meddech chi, wel, bydd rhaid i chi aros i weld! 

Dennis Ricketts 

Cadeirydd, Llais Busnes 

Torfaen 

Cyfarfod Olaf y Flwyddyn 

Bydd digwyddiad chwarterol olaf i aelodau Llais Busnes Torfaen yn 

cael ei gynnal ar Ddydd Iau 7 Rhagfyr yng Nghlwb Golff a Gwledig 

Greenmeadow, Cwmbrân. 

Mae ein digwyddiadau Nadolig bob amser yn bleserus a difyrrus 

dros ben, felly dewch yn llu, p’un a ydych yn aelod ers tro neu heb 

fynychu un o’n digwyddiadau o’r blaen! 

Peter Karrie 

Ein hadloniant ar gyfer y cyfarfod hwn yw Peter Karrie sy’n 

gymrawd anrhydeddus o Goleg Brenhinol Cerdd a Drama 

Cymru. 

Bydd Peter, a gafodd ei eni ym Mro Morgannwg, yn ein tywys drwy 

ei yrfa gerddorol eang a byddwn yn cael y pleser o wrando arno’n 

canu amrywiaeth o’i ffefrynnau. Chwaraeodd y brif rôl yn sioe 

gerdd Andrew Lloyd Webber The Phantom of the Opera yn 

Llundain, Toronto, Vancouver, Singapore, a Hong Kong, ac ar 

daith y DU yn Bradford, a Manceinion. Ym 1994 a 1995, fe wnaeth 

aelodau Cymdeithas Selogion Phantom of the Opera bleidleisio a 

datgan mae ef oedd eu hoff Phantom. Mae'n dal i feddu ar y record 

am chwarae rhan y Phantom fwy nag unrhyw artist arall. Mi fydd 

Peter yn siarad am ei fywyd ac yn canu amrywiaeth o ganeuon o’r 

West End. 

Mae gan yr aelodau hawl i 2 le am ddim yn y digwyddiad hwn, felly 

gwnewch yn siŵr eich bod yn dod â chydweithiwr, cleient neu 

gyswllt busnes fel y gallwn ddarparu cysylltiadau gwerthfawr i'n 

busnesau. 

Gall aelodau Llais Busnes Torfaen hefyd ddod â baner dros dro – 

a fyddech cystal â nodi ar y ffurflen archebu electronig os ydych yn 

bwriadu dod ag un. 

ARCHEBWCH EICH LLE yn y digwyddiad hwn: 

http://bit.ly/tbv-dec2017-welsh

Meddwl am 

ddechrau busnes? 

Gweithio ar eich liwt eich 

hun a Dechrau Busnes 

Beth bynnag yw eich gyrfa neu ddiddordebau, mae cyfle yn 

aml i ystyried gweithio i chi eich hun. Mae pobl yn cychwyn 

busnes mewn amrywiol feysydd, o fynd â chŵn am dro i siopau 

melysion, o gaffis i gyfreithwyr, cerddorion i ddylunwyr graffig. 

Felly, boed yn rhywbeth rydych erioed wedi ei ystyried o’r blaen 

neu os ydych yn barod i ddechrau, bydd yr erthygl hon yn eich 

helpu i ystyried y sgiliau entrepreneuraidd, y cynghorion ar 

ddechrau a lle i fynd am help. 

Oes gennych chi’r hyn sydd ei angen i 

redeg eich busnes eich hun? 

Os byddwch yn creu rhestr o entrepreneuriaid enwog mae’n 

siŵr y byddai Richard Branson, Deborah Meaden, Alan Sugar 

yn ymddangos arni yn rhywle. Mae pob un o’r entrepreneuriaid 

a restrir, boed yn fawr neu’n fach, yn lleol neu’n fyd-eang, rhyw 

dro wedi mynd drwy’r un broses o weld cyfle, gwneud ymchwil, 

casglu adnoddau at ei gilydd a chael y penderfyniad i wneud i 

rywbeth ddigwydd. 

I lawer, mae’r syniad o fod yn “fos ar eich hunan” yn apelio. 

Rydych yn rheoli eich dyfodol; chi yw’r un sy’n cymryd y penderfyniadau. 

Rydych yn cael cyfle i roi eich syniadau ar waith a, 

gyda pheth cynllunio, gwneud arian o hynny! 

Bydd entrepreneur neu dîm o entrepreneuriaid wrth graidd y 

busnes wrth gychwyn. Mae nodweddion cyffredinol entrepreneur 

nodweddiadol yn cynnwys hyder, arloesi, penderfyniad, 

gwytnwch, gweithio fel aelod o dîm, rhywun sy’n cymryd risg a 

gweithiwr caled dros ben. 

Os ydych chi’n teimlo eich bod yn meddu ar y nodweddion hyn, 

os oes gennych yr angerdd a’r egni i weithio y tu allan i 

strwythur a sadrwydd gweithio i gyflogwr, ac os oes gennych 

syniad gwych – pam aros! 

Camau i ddechrau 

Gall mentro ar eich liwt eich hun fod yn gyffrous, a gall dalu, 

ond gall hefyd fod yn risg. Mae traean o fusnesau newydd yn y 

DU yn methu yn y flwyddyn gyntaf. Ond, mae dwy ran o dair yn 

llwyddo, gydag ymchwil yn dangos bod y sawl sy’n chwilio am 

gymorth wrth gychwyn yn fwy tebygol o lwyddo. Felly beth 

fedrwch ei wneud i wella’r ods? 

Cyn dechrau unrhyw beth, cymerwch amser i feddwl yn 

drwyadl a chynllunio eich menter. 

Beth yw eich syniad busnes? 

Beth yw eich syniad? Beth mae’n ei wneud? Pa broblem mae’n 

ei goresgyn neu ba angen mae’n ei diwallu? Mae angen i chi 

benderfynu ar hyn ar y dechrau a pharhau i fireinio’r syniad 

wrth i chi fynd yn eich blaen. 

Os ydych wrth eich bodd gyda’r syniad o redeg eich busnes 

eich hun ond nid yw’r syniad gennych eto – dechreuwch trwy 

feddwl am eich sgiliau a’ch diddordebau, sgwrsiwch â ffrindiau 

a theulu, dechreuwch chwilio am fylchau yn y farchnad neu 

ystyriwch gydweithio ag eraill. 

Gwneud JANUARY ymchwil i’r farchnad 

Does gan neb belen grisial i weld beth sydd yn y dyfodol, ond 

mae ymchwil i’r farchnad yn allweddol i gymryd penderfyniadau 

gwybodus finance a gwneud y mwyaf o’ch cyfle i lwyddo. Gall 

Business 

MAY ymchwil - JUNE eich helpu chi i gynllunio eich busnes, gan ystyried 

darpar gwsmeriaid, beth fyddwch yn ei godi, y dulliau gorau i’w 

cyrraedd ac, yn bwysig, eich cystadleuwyr. 

JULY - AUGUST 

Ysgrifennu cynllun busnes 

SEPTEMBER 

Nid oes angen cynllun busnes ar gyfer sicrhau cyllid ar 

ddechrau busnes yn unig; bydd hefyd yn hanfodol i’ch helpu i 

reoli eich busnes yn effeithiol. Gall cynllun nodi senarios gwahanol 

yn y dyfodol a phennu nodau ac amcanion penodol, 

Manufacturing 

ynghyd â’r adnoddau sydd eu hangen i gyflawni’r amcanion 

hyn. Heb bennu amcanion, sut medrwch fesur os ydych wedi 

bod yn llwyddiannus? 

Mae digon o offerynnau ar gael arlein i wneud ysgrifennu 

cynllun yn haws, gan eich tywys drwy’r broses gam wrth gam. 

Mae OCTOBER pecyn cynllun busnes Ymddiriedolaeth y Tywysog yn cael 

ei ddefnyddio’n eang. 

Ariannu eich busnes 

Lluniwch gyllideb yn seiliedig ar eich cynllun busnes i’ch helpu 

chi i benderfynu faint o arian byddwch ei angen. Meddyliwch 

am eich sefyllfa ariannol bob mis; byddwch yn realistig gan 

efallai bydd eich gwerthiant yn is neu’n hwyrach na’r gobaith; 

gallai costau fod yn uwch ac efallai y bydd yn cymryd mwy o 

amser i chi gael eich talu. Bydd hyn yn caniatáu i chi weithio 

allan faint o gyllid rydych ei angen a phryd byddwch ei angen. 

Peidiwch ag anghofio caniatáu ar gyfer cyllid wrth gefn rhag 

ofn y bydd rhywbeth annisgwyl yn digwydd. 

Os byddwch angen cyllid ychwanegol, yn dibynnu ar y math o 

fusnes a faint sydd angen ei fenthyg arnoch, medrwch ystyried 

gwneud cais am grant gan Lywodraeth Cymru, yr Awdurdod 

Lleol neu fanciau i gael benthyciadau neu orddrafft dros dro. 

Os oes gennych gynllun busnes cadarn a hanes da mewn 

busnes, yna efallai y byddai’n fuddiol ystyried rhwydweithiau 

Angylion Busnes neu lwyfannau torf-ariannu sy’n caniatáu i 

grwpiau o fuddsoddwyr â diddordeb ddod at ei gilydd. Os 

ydych yn chwilio am symiau llai, efallai gallai teulu neu ffrindiau 

fod yn opsiwn. Pa bynnag opsiwn, gwnewch yn siŵr eich bod 

yn gweithio allan beth fyddwch yn ei roddi’n gyfnewid neu’n ei 

dalu’n ôl o ganlyniad. 

Cymryd y cam 

Unwaith y bydd popeth yn ei le, cymerwch y cam a gwnewch 

iddo ddigwydd – byddwch yn dysgu’r sgiliau ac yn datblygu’r 

rhwydwaith ar y ffordd. Mae llawer o gymorth ar gael i fusnesau 

yng Nghymru; mae’r hyfforddiant a’r cymorth sydd ar gael 

am ddim yn addas i bawb, pa bynnag gam mae eich busnes 

wedi ei gyrraedd. 

Gall cynllunio a rhedeg busnes newydd deimlo’n llethol ar 

adegau gan fod cymaint i’w ystyried, ond yma yng Nghymru 

mae digon o hyfforddiant a chymorth am ddim i fusnesau 

newydd a rhai sydd wedi cychwyn eisoes, gan gynnwys 

ysgrifennu eich cynllun busnes. Mae Busnes Cymru yn fan 

cychwyn rhagorol www.businesswales.gov.wales ynghyd â’r 

cysylltiadau Cymorth Busnes yn eich Awdurdod Lleol. 


3

Dyma ein chwe gair i gall ni ar gyfer 

llwyddo gyda busnes newydd:: 

Agor cyfrif banc ar wahân ar gyfer eich busnes a chadw 

cofnodion o’r holl incwm a gwariant o’r dechrau un. 

Ystyried sut medrwch wella pob agwedd ar eich busnes drwy’r 

amser, yn enwedig trwy wrando ar eich cwsmeriaid. Byddwch 

yn synnu pa mor onest yw pobl pan fyddwch yn gofyn sut 

medrwch wella eich gwasanaeth. 

Meithrin eich rhwydwaith – cael hyd i ffrindiau, aelodau 

o’ch teulu a chysylltiadau a fedr eich helpu mewn agweddau 

penodol o’r busnes, megis cadw’r llyfrau, ffotograffiaeth, 

dylunio gwe a chysylltiadau â’r wasg. 

Arloesi drwy’r amser – rhoi cynnig ar syniadau newydd, 

manteisio ar gyfleoedd, cael pobl greadigol o’ch cwmpas i 

barhau i ddatblygu a meithrin eich busnes. 

Peidiwch byth â stopio gwneud ymchwil i’ch marchnad. A yw 

eich Pwynt Gwerthu Unigryw chi yn unigryw o hyd? Mae eich 

USP yn eich gosod chi a’ch busnes ar wahân. Yn syml, dyma 

pam y mae cwsmeriaid yn prynu gennych chi yn hytrach na 

chan eraill. 

Darparu’r gwasanaeth cwsmeriaid gorau posibl. Dylech bob 

amser drin cwynion gan gwsmeriaid o ddifrif – a datrys unrhyw 

broblem. 

Ymunwch â BeTheSpark 

i greu ecosystem weladwy, syml a chysylltiedig i ennyn 

entrepreneuriaeth sy’n cael ei ennyn gan arloesedd yng Nghymru 

Mae BeTheSpark yn gynnyrch Rhaglen Cyflymu Entrepreneuriaeth 

Ranbarthol Sefydliad Technoleg Massachusetts, yr 

ymunodd Cymru â hi yn 2015. Mae’n fenter fyd-eang sydd â’r 

nod o helpu rhanbarthau i sbarduno twf economaidd a chreu 

swyddi drwy entrepreneuriaeth sy’n cael ei sbarduno drwy 

arloesedd. 

Mae naw o ffigurau amlycaf Cymru o fyd busnes a’r byd academaidd 

wedi ymuno â'i gilydd i ddechrau'r mudiad hwn, gan 

anelu i adeiladu cymuned fydd yn helpu i drawsnewid Cymru, 

ysbrydoli'r genhedlaeth nesaf ac yn y pen draw sbarduno mwy 

o fusnesau newydd, mwy o arloesi a masnacheiddio, mwy o 

gyfleoedd a mwy o swyddi. 

Dyma’r naw: Ashley Cooper, Catalyst Growth Partners; Yr 

Athro Simon J. Gibson, Wesley Clover Corporation; Yr Athro 

Dylan Jones-Evans, Prifysgol De Cymru; Yr Athro Hilary 

Lappin-Scott, Prifysgol Abertawe; Daniel Mines, Grŵp Admiral; 

Dr Drew Nelson, IQE plc; Hayley Parsons, sylfaenydd GoCompare.com; 

a James Taylor, sylfaenydd SuperStars. 

Lansiwyd mudiad BeTheSpark ar ddiwedd Mehefin 2017, a’i 

nod yw cysylltu pobl sydd â’r un meddylfryd gan ddod ag arloesi 

ac entrepreneuriaeth at ei gilydd. 

Y weledigaeth yw: 

“Ymwreiddio ymrwymiad cenedlaethol yr holl rhanddeiliaid i 

entrepreneuriaeth ac arloesi ledled Cymru, i greu mwy o 

gwmnïau proffidiol, brodorol, sy'n creu cyfoeth” 

SEPTEMBER 

Gan drafod ei rôl fel Prif Weithredwr 

BeTheSpark, meddai Caroline Thompson : 

Manufacturing 

“Dechreuais yn fy rôl yn ffurfiol ar 4 Medi a phleser o’r mwyaf 

ydyw i arwain y mudiad hwn. Rwyf wedi cael fy secondio gan 

NatWest i gymryd y rôl. Bûm yn arwain hybiau Cyflymu Spark 

ym Mryste a Chaerdydd yn ffurfiol, fel rhan o dîm Entrepreneuriaeth 

NatWest dros y ddwy flynedd ddiwethaf. Mae 

NatWest wedi gwneud addewid sylweddol ar ffurf fy nghostau 

OCTOBER 

cyflog ac felly hwythau yw Partner Corfforaethol cyntaf 

BeTheSpark. 

Ers y digwyddiad lansio ym Mehefin 2017 rydym wedi bod yn 

gweithio’n ddyfal ar y nifer o ymrwymiadau a wnaed gan y 

300 a fynychodd, a hynny ar ffurf addewidion a Brwydrau y 

Mae Angen Eu Hennill. Gall bawb helpu - o agor eu 

swyddfeydd i gynnig i gynorthwyo cwmnïau newydd i 

sesiynau mentora neu gefnogi sesiynau rhwydweithio.” 

Play your part: 

Cofrestrwch nawr ar www.BeTheSpark.Wales 

Hyrwyddwch #BeTheSpark i eraill 

Cysylltwch eich digwyddiadau i #BeTheSpark 

Cydnabyddwch nad oes unrhyw gystadlu mewn 

adeiladu cymunedau 

Byddwch yn hyrwyddwr #BeTheSpark 

@BeTheSpark 

Cysylltwch â Caroline yn uniongyrchol os oes gennych unrhyw gwestiynau Caroline.Thompson@BeTheSpark.info 

4 CYLCHLYTHYR (CLWB) LLAIS BUSNES TORFAEN | TACHWEDD 2017

Prifysgol De Cymru yn cefnogi 

entrepreneuriaeth 

Ymhlith y graddedigion di-rif sy'n cymryd eu camau cyntaf i 

fyd cyflogaeth, mae niferoedd cynyddol yn symud i ffwrdd o 

chwilio am waith ac yn ystyried sefydlu eu busnesau bach eu 

hunain. 

Er mwyn cefnogi myfyrwyr a graddedigion sydd ag uchelgeisiau 

entrepreneuraidd ym Mhrifysgol De Cymru, mae'r 

Gwasanaeth Gyrfaoedd yn cynnig cefnogaeth arbenigol 

drwy'r Tîm Mentrau Myfyrwyr. P'un a ydych yn ystyried gwaith 

llawrydd neu ddatblygu cynnyrch neu wasanaeth newydd, 

gall myfyrwyr gael mynediad at fentora un i un, gweithdai 

rhyngweithiol, rhwydweithio, cystadlaethau a chyfleoedd 

ariannu. 

Gwahoddir egin entrepreneuriaid i'r cyfarfod cychwynnol i 

drafod syniadau, y broses gychwyn, a'u cyflwyno ar yr amser 

cywir i ddarparwyr cymorth allanol, sy'n aml yn cynnwys 

Syniadau Mawr Cymru, sy'n cynnig cefnogaeth i'r rhai dan 25 

oed ac unedau hybu busnes fel Welsh Ice ac Entrepreneurial 

spark. 

I ddathlu'r graddedigion sydd wedi dechrau busnesau llwyddiannus 

ac yn eu rhedeg yn llwyddiannus erbyn hyn, mae gan 

Wobrau Alumni PDC gategorïau sy'n cydnabod ac yn proffilio'r 

amrywiaeth o Entrepreneuriaid Cychwynnol a Llwyddiannus ar 

draws y byd.. 

Mae Mentrau Myfyrwyr yn canolbwyntio ar drawsnewid 

yr unigolyn o ran gwybodaeth, sgiliau, rhwydwaith, 

ac efallai'r pwysicaf oll - hyder! Mae'r Brifysgol yn 

amser gwych i brofi syniad mewn amgylchedd diogel a 

chefnogol. Y neges i unrhyw un a hoffai ddarganfod 

mwy i gefnogi ein graddedigion sy'n entrepreneuriaid 

yw 'cysylltwch'. 

Meddai Emma Forouzan, Rheolwr Mentrau Myfyrwyr 

Maent hefyd yn cael eu hannog i gymryd rhan yn y BID 

(Bright Ideas Den), a gynhelir bob chwarter, ac sydd wedi 

caniatáu i gannoedd o fyfyrwyr gyflwyno eu syniadau, ennill 

adborth gwerthfawr a chyllid gwerth £40,000 yn ystod yr wyth 

mlynedd diwethaf. Gall myfyrwyr wneud cais am unrhyw beth 

rhwng £100 a £1,000 i banel o feirniaid allanol sy'n cynnig eu 

hamser a'u harbenigedd, yn eu plith, Geraint John a Rhiannon 

Jones o Gyngor Bwrdeistref Sirol Torfaen. 

Ar ddiwedd pob blwyddyn academaidd, cynhelir Academi 

Gweithwyr Llawrydd PDC, gwersyll wythnos o hyd a gynlluniwyd 

i helpu myfyrwyr i drawsnewid eu syniadau i greu eu 

busnesau eu hunain. Cefnogir hyn gan entrepreneuriaid lleol, 

y mae llawer ohonynt yn gyn-raddedigion PDC. Mae'r pynciau'n 

cynnwys cynllunio busnes, prisio, gwerthu ar-lein, 

rhwydweithio ar gyfryngau cymdeithasol, IP a chontractau. 

Mae'r wythnos yn dod i'w therfyn gyda chyfle i wneud cais am 

gyllid. Eleni, dyfarnwyd arian i ddeuddeg allan o'r wyth ar 

ugain a gymerodd ran, felly'n rhoi cyfle iddynt rannu £2,300 

rhyngddynt. 

Mae'r Brifysgol hefyd yn estyn allan i gefnogi busnesau bach 

a chanolig a sefydliadau trydydd sector yn Ne Cymru drwy 

Gyfnewidfa PDC a lansiwyd yn ddiweddar. Mae hwn yn ofod 

cydweithredol newydd, wedi'i noddi gan Barclays ac wedi'i 

leoli yng Ngampws y Brifysgol ym Mhontypridd. 

Mae'r Gyfnewidfa yn siop un stop ar gyfer busnesau sy'n 

dymuno manteisio ar y dalent yn y Brifysgol, gan ddarparu 

cyngor ar gymorth busnes a'r cyfle i fod yn rhan o rwydwaith 

cymorth ehangach. Mae hefyd yn galluogi myfyrwyr i ennill 

profiad gwerthfawr ym mywyd go iawn drwy weithio ar 

brosiectau byw yn y diwydiant. 

Mae nifer o lwybrau i ymgysylltu â Chyfnewidfa PDC, gan 

gynnwys Clinig Busnes, sy'n darparu mynediad i fyfyrwyr ac 

arbenigedd academaidd, yn ogystal â lle i gydweithio a 

rhyngweithio. O'r fan honno bydd cyfle i fusnesau archwilio 

opsiynau ar gyfer prosiectau byw, lleoliadau graddedig, 

ymchwil, hyfforddiant ymgynghorol, a mynediad i arbenigedd 

yn y diwydiant, trwy noddwyr lleol. 

I gael gwybod mwy ynghylch sut y gallai eich busnes chi 

elwa ar gael mynediad i Gyfnewidfa PDC, ewch i 

www.uswexchange.co.uk. 

Gallwch hefyd e-bostio uswexchange@southwales.ac.uk 

neu ffonio 01443 482 266. 


5

Cenhedlaeth y cynnydd yn trawsnewid tirwedd 

busnes y DU, meddai Barclays Business 

Mae nifer y busnesau sy’n cael eu rhedeg gan bobl dros 55 

oed wedi cynyddu 63 y cant yn y ddegawd ddiwethaf 

Y grŵp oedran perchnogion busnes sy’n tyfu gyflymaf yw rhai 

dros 65 oed, gyda chynnydd anferth o 140 y cant 

Mae Liz Earle, MBE, wedi dod i helpu i gynghori’r banc ar sut 

orau i wasanaethu anghenion y farchnad o entrepreneuriaid 

aeddfed yma 

21 Awst 2017, Llundain: Mae Barclays Business wedi canfod, 

ymhell o fod yn barod i ymddeol, bod llawer o bobl dros 50 a 60 

yn profi nad yw byth yn rhy hwyr i wireddu breuddwydion o fod 

yn fos arnyn nhw eu hunain. Mae data Barclays yn datgelu bod 

cynnydd o 140 y cant wedi bod yn nifer y perchnogion busnes 

65 oed a throsodd yn y ddegawd ddiwethaf - y grŵp oedran 

sydd wedi cynyddu gyflymaf. 

Dros yr un deng mlynedd, cynyddodd nifer busnesau a redir 

gan bobl 25-34 oed 23 y cant, cyfradd lawer is, sy’n herio’r 

dybiaeth bod y byd busnesau newydd yn cael ei lywodraethu 

gan bobl yn eu hugeiniau. Yn wir, mae’r data’n awgrymu bod yr 

ysbryd entrepreneuraidd yn cynyddu gydag oedran; 

cynyddodd entrepreneuriaid dros 55 oed 63 y cant dros yr un 

cyfnod. 

At hyn, mae busnesau newydd sy’n cael eu sefydlu gan bobl 

dros 55 oed yn cael effaith arwyddocaol - mae Barclays yn 

amcan bod busnesau newydd a sefydlwyd gan bobl 55+ yn 

2015, wedi cyfrannu mwy na £7 biliwn2 i economi’r DU y 

flwyddyn ganlynol. 

Mae Barclays wedi adnabod cyfle i’r diwydiant ddiwallu anghenion 

yr entrepreneuriaid hŷn yma yn well, felly mae’r banc wedi 

gwahodd Liz Earle i fod yn Gynghorydd Busnes Entrepreneuraidd. 

Gyda’i chymwysterau busnes eang, a’i phrofiad o 

sefydlu mentrau yn ifanc ac yn ddiweddarach yn ei bywyd, 

gofynnodd Barclays i Liz ymuno â nhw i gynghori sut y gallai 

gefnogi yn well ei entrepreneuriaid hŷn, gyda ffocws penodol ar 

y cyfleoedd a’r heriau a wynebir gan berchnogion busnes yn y 

grŵp oedran 50+. 

Mae’r genhedlaeth hŷn yn ychwanegu cymaint o 

werth i’r gweithle mewn unrhyw gyd-destun - gan ddod â 

chyfoeth o brofiad a chysylltiadau at y bwrdd. Nid wyf yn 

synnu o weld cymaint o entrepreneuriaid newydd o 

‘nghenhedlaeth i, ond mae’n wych eu gweld yn cymryd y 

cam hwn yn ddiweddarach yn eu hoes, yn hytrach na 

theimlo ei bod yn rhy hwyr 

6 


Nododd Deb Reader, Rheolwr Bancio Busnes Barclays: 

Mae’n hynod gweld y duedd newydd hon o entrepreneuriaid 

‘hŷn’. Ar adeg pan allent fod yn cynllunio ar gyfer ymddeol, 

mae pobl dros 55 yn defnyddio eu sgiliau trwy roddi eu 

cyfoeth o brofiad a gwybodaeth fusnes ar waith, gan chwalu 

stereoteipiau yn y broses. 

“Rydym yn frwd o blaid cefnogi cwmnïau o bob maint, siâp ac 

oedran, lle bynnag y maent ar eu taith. Wedi dweud hynny, 

rydym yn awyddus i ganolbwyntio ar y garfan gynyddol hon o 

entrepreneuriaid a rhoi’r gefnogaeth y maent ei hangen i 

wneud eu syniadau busnes yn realiti. Mae gweithio gyda Liz 

yn dod â phersbectif ffres i anghenion pobl dros 50 oed mewn 

busnes, gan ein helpu i roddi gwasanaeth o’r radd flaenaf.” 

Yn seiliedig ar ei chyfoeth o brofiad yn ystod ei gyrfa, mae Liz 

Earle wedi rhannu ei chynghorion pwysicaf hi ar gyfer y sawl 

sydd eisiau cychwyn busnes yn ddiweddarach yn eu hoes. 

Cynghorion busnes gorau Liz Earle ar gyfer entrepreneuriaid 

aeddfed 

1. Bod â hyder yn eich gallu - boed yn mynd â’ch gyrfa 

mewn cyfeiriad newydd, neu’n dychwelyd i’r gwaith ar ôl 

Manufacturing 

cyfnod i ffwrdd, credwch yn y gwerthoedd sydd gennych i’w 

cynnig. Bydd eich doethineb, eich profiad a’ch gallu i weld y 

darlun mwy yn asedau gwych i unrhyw fusnes, ac yn 

cyd-fynd â’r sgiliau a gynigir gan y genhedlaeth iau 

2. Mae gwybodaeth o’ch pwnc yn allweddol – peidiwch 

byth â rhoi’r gorau i darllen ac ymchwilio eich busnes (mewn 

OCTOBER 

llyfrgelloedd, nid Google yn unig!) i sicrhau bod gennych 

wybodaeth fanwl, ddwfn o’r pwnc 

3. Gwybod eich strategaeth fusnes fel cefn eich llaw– 

Unwaith rydych wedi meddwl yn fanwl am y syniad, mae 

angen i chi wybod, a medru esbonio i eraill, sut mae hyn yn 

troi’n fusnes. Mae hyn yn sylfaenol o ran sicrhau cymorth a 

chyllid. Ymarferwch gyda’ch teulu a’ch ffrindiau; wedyn pan 

fo’n bwysig, medrwch gyflwyno eich syniad mewn modd clir a 

chryno 

4. Dysgwch am dechnoleg – mae technoleg a’r cyfryngau 

cymdeithasol yn hanfodol i’r busnes modern, ac nid oes yn 

rhaid iddynt beri dychryn. Mae digon o gymorth ar gael i 

entrepreneuriaid hyn ar y pynciau hyn; medrwch hyd yn oed 

ymweld â changen Barclays i gael cymorth am ddim gan y 

Digital Eagles ar sut i ddefnyddio technoleg yn eich busnes 

5. Cymerwch eich amser, hyd yn oed os ydych chi’n 

meddwl ei fod yn brin – Rwyf wastad wedi dweud “os oes 

yn rhaid iddo fod nawr, yna na yw’r ateb”. Peidiwch byth â 

gadael i neb eich rhuthro i gymryd penderfyniad; gall pob un 

a gymerwch gael effaith hirdymor arnoch chi a’ch busnes, 

felly rhaid i’r penderfyniad fod yr un iawn.

Meddwl sefydlu busnes 

yn Nhorfaen? 

Dysgwch pa gymorth sydd ar gael gan Economi a Mentergarwch Torfaen 

Mae llawer o bobl sy’n meddwl am sefydlu eu busnes eisiau 

gweithio iddyn nhw eu hunain, ac mae ganddynt y rhyddid a’r 

cyfle i droi breuddwyd yn realiti. Mae cymaint o gyfleoedd ar 

gael ar draws y sectorau - o TG i fwyd a diod, ffitrwydd i 

ysgrifennu technegol, blodau a garddwriaeth i harddwch a 

bwtîcs. Mae’r byd i gyd o’ch blaen! 

Os oes gennych y brwdfrydedd, y penderfyniad a’r dyhead, 

ynghyd ag awch am waith caled, yna rydych mewn lle da i 

gychwyn. 

Mae rhyw un ym mhob tri busnes newydd yn y DU yn llwyddo 

yn y tair blynedd gyntaf. I wneud yn siŵr bod eich busnes chi 

yn un o’r rhain, mae’n hanfodol eich bod yn gwneud gwaith 

ymchwil a chael y cymorth sydd ei angen arnoch yn y dyddiau 

cynnar. 

Mae Economi a Mentergarwch Torfaen yn cydnabod bod 

toreth o angerdd, egni a dychymyg yn y fwrdeistref hon ac 

mae’n ymdrechu i gefnogi datblygiad pobl leol. Os oes 

gennych syniad da, neu os ydych yn adnabod rhywun sydd 

eisiau cychwyn eu busnes neu eu menter eu hunain, yna pan 

na fanteisiwch ar ein cyngor â'n cymorth rhad ac am ddim, 

cyfrinachol a phroffesiynol ar gyfer busnesau newydd. 

Medrwn hefyd helpu gyda chyllid 

i gychwyn pethau! 

Mae Undeb Credyd Gateway ac Economi a Mentergarwch 

Torfaen yn gweithio gyda’i gilydd i gynnig benthyciad 

Cychwyn Busnes o hyd at £1,500 ar gyfer busnesau newydd 

a rhai sydd wedi bod yn masnachu am lai na blwyddyn. 

Rydym eisoes wedi helpu 17 o fusnesau ledled Torfaen, gan 

gynnwys Coopers Café, Rockabellas Boutique a Cullourz 

Tattoo Parlour. 

Os ydych yn gwybod am unrhyw breswylydd yn Nhorfaen 

neu fusnes newydd a allai elwa o’n cymorth a’r benthyciad 

hwn, yna cysylltwch â Gaynor Wakeling, Swyddog Datblygu 

Busnes, Economi a Mentergarwch Torfaen: 

Ebost: 

gaynor.wakeling@torfaen.gov.uk 

neu Ffoniwch Gaynor ar 

01633 648371 


7

Deori busnes 

Cefnogi ac annog 

menter 

Yn 2006 sefydlodd Cyngor Bwrdeistref Sirol Torfaen ei ddeorydd 

busnes cyntaf – Canolfan Arloesi Busnes Springboard 

~ Cymru. Wedi ei lleoli yn y safle busnes strategol ym Mharc 

Llantarnam Park, Cwmbrân, roedd y Ganolfan yn fenter ar y 

cyd rhwng yr Awdurdod a Llywodraeth Cymru gyda chefnogaeth 

arian Amcan Un yr Undeb Ewropeaidd. 

Adeilad tri llawr o ansawdd uchel yw Springboard sydd yn 

2,340 metr sgwâr o faint ac yn cynnwys 35 o unedau busnes 

(yn amrywio o 20 metr sgwâr i 105 metr sgwâr ar gael ar 

delerau mewn yn hawdd, allan yn hawdd ar gytundeb tenantiaeth 

12 mis), gofod cydweithio (mewn partneriaeth ag 

IndyCube), gwasanaeth derbynfa, ystafelloedd rheoli, 

mannau anffurfiol ac ystafelloedd cyfarfod. Mae’r Ganolfan 

yn arbenigo mewn cefnogi busnesau gwyddoniaeth a thechnoleg 

newydd yn ogystal â gweithredu fel lleoliad ar gyfer 

busnesau mwy sefydledig sy’n edrych ar adleoli neu ar sefydlu 

presenoldeb masnachu yn Ne Ddwyrain Cymru. 

Mae’n bwysig deall bod deori busnes yn fwy na dim ond y 

seilwaith materol. Tra bod darparu gofod swyddfa yn aml yn 

elfen allweddol, mae’n ail i’r gefnogaeth ymarferol, wedi’i 

theilwra sydd ar gael i fusnesau ar adeg yn ystod eu bodolaeth 

pan eu bod yn fwyaf bregus. Yn hollbwysig, proses yw 

deori busnes sy’n dewis busnesau/syniadau busnes, yn eu 

cefnogi ac yn annog eu datblygiad, ac yna’n gofyn iddyn nhw 

raddio neu symud ymlaen. 

Nid syniad diweddar yw deori busnes, mewn gwahanol ffyrdd 

mae’n syniad sydd wedi bod yn gweithredu ar draws y byd 

am nifer o flynyddoedd. Mae’n cael ei ddefnyddio i hybu 

economïau lleol a rhanbarthol trwy annog gweithgareddau 

mentergar - yn arbennig, creu busnesau cychwynnol sydd 

â’r potensial i dyfu. Mae astudiaethau’n dangos bod 

deoryddion busnes yn gallu cyfrannu’n sylweddol at gyfradd 

llwyddiant busnesau cychwynnol newydd. Mae rhai astudiaethau’n 

dangos bod cyfradd llwyddiant busnesau sy’n cael 

eu cefnogi gan ddeoriad gymaint ag 85% o gymharu â dim 

ond 20% ar gyfer y rheiny sy’n derbyn dim neu ddim ond 

ychydig o gefnogaeth busnes. 

Gall syniad creiddiol deori busnes weithio mewn unrhyw 

ddiwydiant, gymuned neu ranbarth demograffig. Mae 

manteision deoryddion busnes yn niferus, rhai o’r nodweddion 

a manteision clasurol yw 

Rhannu Costau Gweithredu - mae cwmnïau mewn 

deorydd busnes yn rhannu nifer o’r costau gan gynnwys 

gwasanaethau, seilwaith TGCh, cyfleusterau cynadledda, 

cefnogaeth weinyddol etc. Mae hyn yn caniatáu i’r mentrwr 

gymryd mantais o gyfleusterau na fyddai fel arfer o fewn 

cyrraedd cyllideb cwmni cychwynnol newydd 

8 


Cyngor a Hyfforddiant - rhan annatod o ddeori busnes yw 

bod gofyn i berchnogion busnesau “brynu i mewn” i’r broses 

trwy gofleidio’r gefnogaeth, y cyngor a’r hyfforddiant sy’n cael 

eu cynnig trwy’r deorydd 

Mynediad ar arian - fel arfer mae gan ddeoryddion 

gysylltiadau gyda chyrff ariannu cyhoeddus a phreifat i helpu i 

wneud y mwyaf o’r cymorth ariannol sydd ar gael 

Terfyn Amser - i’r broses deori i weithio rhaid i’r gefnogaeth 

a’r cyfnod preswyl fod yn gyfyngedig o ran amser. Mae hyn yn 

golygu bod y busnes yn cyrraedd y cyfleuster gyda chynllun 

mewn lle ar gyfer gadael. Fel arfer bydd y cyfyngiad ar amser 

mewn deorydd rhwng 1 flwyddyn a 3 blynedd 

Hygrededd/cyfeillgarwch - mae busnesau mewn deorydd yn 

sefydlu lefel o hygrededd yn y farchnad. Mae’r ffaith fod y 

cwmni wedi cwrdd â’r meini prawf ac wedi cael ei dderbyn i’r 

cyfleuster yn cynnig gwerth i fuddsoddwyr, cyflenwyr a chwsmeriaid 

posibl. Hefyd mae presenoldeb cyd-fentrwyr yn 

cynorthwyo i greu awyrgylch o rwydweithio deinamig a rhannu 

profiadau 

Dyw deori busnes ddim yn ateb cyflym, mae’n cymryd amser i 

Manufacturing 

gyfleuster aeddfedu, cael hyd i’w farchnad a medi’r buddion 

economaidd. Hefyd, mae gweithio mewn partneriaeth yn 

allweddol i lwyddiant unrhyw ddeorydd busnes, mae gweithio 

gyda darparwyr eraill o gefnogaeth i fusnesau o’r sectorau 

cyhoeddus a phreifat fel ei gilydd yn helpu sicrhau bod busnesau 

sy’n defnyddio’r cyfleuster yn manteisio ar bob adnodd 

OCTOBER 

sydd ar gael. 

Mae Springboard wedi sicrhau bron i 100 o gwmnïau gwyddoniaeth 

a thechnoleg yn ystod y 12 mlynedd ddiwethaf sydd 

wedi arwain at ddatblygu clwstwr digidol yn yr ardal ac o’i 

chwmpas. Mae nifer o’r cwmnïau uchel eu proffil wedi cael eu 

prynu gan arweinwyr rhyngwladol sefydledig a’r mwyaf diweddar 

o’r rhain yw prynu Genfour Ltd gan Accenture. 

Daeth Genfour i Springboard yn 2015 gan sicrhau pecyn 

ariannol o £550,000 gan Lywodraeth Cymru a Chyllid Cymru i 

ddod â’r prosiect i Gymru. Ers lleoli yng Nghwmbrân mae’r 

cwmni wedi creu dros 50 o swyddi â sgiliau uchel. Wrth brynu, 

bydd Accenture yn gallu cynnig i’w cleientiaid atebion 

awtomeiddio deallus sydd wedi eu cynllunio i ail-beiriannu 

prosesau busnes. Bydd staff proffesiynol Genfour yn ymuno â 

thîm Awtomeiddio Deallus Byd-eang Accenture Operations a 

byddant yn rhan o’r Ganolfan newydd ar gyfer Rhagoriaeth 

mewn Awtomeiddio Deallus yn Ne Ddwyrain Cymru. 

Am fwy o wybodaeth am Ganolfan Arloesi Busnes Springboard 

~ Cymru, cysylltwch â Geraint John, Arweinydd 

Grŵp, Economi a Menter Ddigidol ar 01633 647803 neu 

drwy e-bost geraint.john@torfaen.gov.uk

Dydd Iau 23 Tachwedd 2017 

4:30pm – 8:00pm 

Parkway Hotel & Spa, Cwmbran Drive, Cwmbran NP44 3UW 

Ferched... 

Ydych chi’n rhedeg eich busnes eich hun? 

A oes gennych swydd rheoli o fewn sefydliad? 

A ydych yn ystyried sefydlu eich menter eich hun? 

Ydych? Yna beth am ymuno â ni ar gyfer yr hyn sy'n argoeli i fod yn noson 

‘Menywod mewn Busnes’ hynod lwyddiannus unwaith eto yn Nhorfaen. 

P'un ai ydych yn gweithio yn Nhorfaen neu ardaloedd cyfagos, fe gewch 

groeso cynnes yn y digwyddiad hwn sydd eleni yn cefnogi Ty Hafan. 

Peidiwch ag anghofio gofyn i’ch cysylltiadau, cydweithwyr a chleientiaid i 

archebu lle hefyd! 

gael mwy o wybodaeth ac i gadw lle ewch i 

www.southwalesbusiness.co.uk 

@TorfaenBiz 

/ TorfaenEnterprise 

Torfaen Economy & Enterprise 

Paham y dylech fynychu? 

Gwneud cysylltiadau newydd trwy 

gyfleoedd rhwydweithio 

Mwynhau cerddoriaeth ac adloniant 

dros De Prynhawn blasus 

Cael eich ysbrydoli gan brif siaradwr 

Cael cyfle i ymweld â’r byrddau 

arddangos a’r masnachwyr 

Cael gwerth gwych am arian am 

£10 y cynrychiolydd yn unig 

Siaradwr gwadd - Jean Church, 

Cadeirydd Cenedlaethol 

– Sefydliad y 

Cyfarwyddwyr 

Cael gwerth gwych am arian am £10 

y cynrychiolydd yn unig 

*Prisiau heb gynnwys TAW. Yr holl elw yn mynd i Dŷ Hafan 

Adnewyddu Aelodaeth 

ar gyfer 2018! 

Rydym yn gobeithio eich bod, fel aelod, wedi mwynhau eich 

aelodaeth Llais Busnes Torfaen eleni a gyda’r cyfarfod 

Nadolig, yr olaf yn y flwyddyn, ar ein gwarthau, mae’n amser 

eich atgoffa y bydd angen adnewyddu eich aelodaeth ym 

mis Ionawr. 

Mae llawer o’r adborth gan ein haelodau yn awgrymu ein 

bod yn rhoi i chi’r gymysgedd iawn o rwydweithio a gwybodaeth 

ac rydym yn falch ein bod yn medru helpu i ddatblygu 

a chefnogi perthnasau busnes lleol. Os oes gennych chi 

unrhyw sylwadau/awgrymiadau yr hoffech eu gwneud 

ynglŷn â’r clwb, e-bostiwch: 

info@southwalesbusiness.co.uk 

£50.00 plus TAW 

(Cwmnïau gydag 1 - 4 gweithiwr) 

£65.00 plus TAW 

(Cwmnïau gyda 5+ gweithiwr) 

Aelodaeth o £15 fesul cyfarfod ar gyfer dau le yn hanfod 

rhwydweithio rhagorol. 

Cynllun Cyflwyno 

Aelod 

I’r rhai ohonoch a fanteisiodd ar y cynllun Cyflwyno Aelod 

byddwn yn cysylltu â chi yn y man i’ch hysbysu o arian i 

ffwrdd ar eich aelodaeth ar gyfer 2018. 

Nid yw’n rhyw hwyr i gael arian oddi ar eich aelodaeth ar 

gyfer 2017 trwy gyflwyno aelod newydd erbyn diwedd y 

flwyddyn. Anogwch eich cysylltiadau busnes a’ch cleientiaid 

i ymuno â’r clwb busnes poblogaidd hwn ar gyfer ein 

cyfarfod Nadolig ar 7fed Rhagfyr a medrent hwythau 

fwynhau holl fanteision bod yn aelod o Lais Busnes 

Torfaen. 

Am bob busnes y byddwch yn ei annog i ymuno, bydd 

eich busnes chi yn cael £5.00 oddi ar eich aelodaeth 

chi ar gyfer 2018 (hyd at uchafswm o £50.00). Bydd yr 

aelod newydd yn cael disgownt o £5.00 oddi ar eu ffi 

ymuno. Gwnewch yn siŵr bod yr aelod busnes newydd yn 

cwblhau eich enw chi ac enw eich cwmni yn y lle priodol ar 

y ffurflen gais arlein. 


9

Cyfarfod 

yr Aelod 

Mae Cariad Munday yn fargyfreithiwr sydd wedi troi’n 

ddatblygwr busnes a gweithiwr proffesiynol marchnata 

rhwydweithiau, gydag angerdd i helpu cymaint o bobl ag y bo 

modd i fyw bywydau iachach a chyfoethocach! Dechreuodd 

Cariad ar ei gyrfa fel bargyfreithiwr yn 2009, ond daeth i 

deimlo rhwystredigaeth gydag incwm simsan a diffyg gwaith. 

Yn 2013, newidiodd gyfeiriad go iawn trwy ddod yn rheolwr 

ardal yn y sector manwerthu, ond roedd yr oriau hir a’r anhyblygrwydd 

yn mynd yn groes i’w syniad hi o gydbwysedd 

bywyd/gwaith a hunanlywodraeth. (Ffordd neis o ddweud 

nad yw’n hoffi gweithio’n rhy galed na rhywun yn dweud wrthi 

beth i’w wneud!!) 

Ar ôl rhyw flwyddyn yn y rôl, dechreuodd Cariad feddwl am 

syniadau gyrfa lle gallai ennill incwm gwych o hyd, ond yn 

hyblyg ac o’i chartref. Nid oedd marchnata rhwydwaith yn 

rhywbeth roedd Cariad erioed wedi clywed amdano, ac nid 

oedd ‘chwaith wedi clywed am y cwmni 39 oed Forever Living 

Products. Ond roedd y posibilrwydd o weithio o’i chartref, gan 

weithio cymaint neu cyn lleied o oriau ag yr hoffai, a gwneud 

incwm a fyddai’n disodli ei chyflog fel rheolwr ardal (a mwy) - 

oll trwy helpu pobl gyda chynhyrchion gofal iechyd neu eu 

dysgu i ddechrau eu busnesau eu hunain i gyflawni eu 

hamcanion ariannol, yn amhosibl i’w wrthod. 

3 blynedd ymlaen, ac mae Cariad wrth ei bodd ac yn falch o’r 

hyn y mae’n ei wneud. Dim ond 8 mis ar ôl dechrau ei busnes 

newydd, roedd yn medru gadael, yn ariannol, ei rôl fel rheolwr 

ardal ac mae ei busnes ers hynny wedi mynd yn fyd-eang. 

Nid yn unig y rhyddid ariannol a gynigir gan y busnes, ond 

hefyd y rhyddid i reoli ei dyddiadur ei hun a threfnu ei bywyd 

ei hun. Y dyddiau hyn, mae Cariad yn gweithio rhyw 20 awr 

yr wythnos o’i chartref ac yn cael digon o amser i fod yn fam 

lawn-amser, a boddio ei chariad tuag at esgidiau, siopa a 

gwyliau! Ei phrif rôl nawr yw mentora eraill i feithrin eu busnesau 

llwyddiannus eu hunain, gan ganiatáu iddynt gyflawni pa 

bynnag amcanion sydd ganddynt, mewn faint bynnag o 

amser sydd ganddynt ac o gwmpas pa bynnag ymrwymiadau 

sydd ganddynt. 

Medrwch chithau hefyd gychwyn eich busnes eich hun yn 

eich cartref, naill ai’n rhan- neu'n llawn-amser. Oriau gwaith 

sy’n ffitio o amgylch gwaith arall neu ymrwymiadau eraill. Yn 

caniatáu i chi wneud cannoedd o bunnau y mis, neu filoedd o 

bunnau y mis, neu fod ag incwm corfforaethol blynyddol 6 

neu 7 ffigwr, gydag ychwanegion megis teithio am ddim, 

cynllun car a rhannu elw. 

“Mae’n waith caled ac yn 

ymestynnol. Ond mae’n debyg 

mai llwyddiant yn dod o ganlyniad 

i waith caled yw’r gyfrinach y 

mae’r byd yn ei chadw waethaf” 

Cariad Munday 

International Business Developer 

Ddim yn Aelod? 

Ni allai fod gwell 

amser i ymuno! 

Fe gewch groeso cynnes iawn fel aelod newydd o Lais Busnes 

Torfaen ac fe gewch fanteisio'n llawn ar ein digwyddiadau 

chwarterol a'r cyfleoedd cyhoeddusrwydd sydd ar gael trwy ein 

gwefan. Ac yn ogystal â hynny, mae'n hawdd ymuno ag un o 

glybiau busnes mwyaf poblogaidd a ffyniannus yr ardal. 

Cyfleoedd Hysbysebu 

Erbyn hyn mae gennym sgrin hysbysebu y maen 

siŵr y byddwch wedi ei gweld yn ein cyfarfod ym mis 

Mehefin a bydd yn cael ei harddangos yn ein 

digwyddiad ym mis Medi. Mae hwn yn gyfle gwych i 

chi arddangos eich busnes yn ein pedwar digwyddiad 

gyda neges sydd wedi'i deilwra i'r gynulleidfa, a'r 

cyfan oll am £25. 

Gofynnwch i ni ei ddangos i chi yn ein cyfarfod nesaf 

ac fe wnawn ddangos i chi sut y gallwch ledaenu'r 

gair am eich cynnyrch a'ch gwasanaethau! 

Aelodau newydd 

Geldards LLP 

www.geldards.com 

KN Office Supplies 

www.knoffice.co.uk 

LightBox HR 

www.lightbox-hr.co.uk 

Wade and Wade Solicitors 

www.wadeandwadellp.co.uk 

Hoffem ddiolch i'n cyfranwyr 

10 

CYLCHLYTHYR (CLWB) LLAIS BUSNES TORFAEN | TACHWEDD 2017

Torfaen Business Voice - November 2017 Edition (Welsh)

Create successful ePaper yourself

Delete template?

Save as template?