TBV Newsletter May 2018 (Cymraeg)

MAI
2018
www.twitter.com/TorfaenBiz
www.facebook.com/TorfaenEnterprise
Torfaen Economy & Enterprise
AD BUSNES
DIGWYDDIAD NESAF
Dydd Iau 21 Mehefin 2018
5:00PM
Gwneud i Eiddo Weithio yn Nhorfaen

Nodiadau’r
Cadeirydd
Mae busnes bob amser yn her, p'un a yw'n delio â'r eira neu
fod dan luwch o waith. Wrth i'r tywydd cynhesach nesáu, mae
llawer o fusnesau yn gofidio am y cwmwl tywyll sef gweithredu'r
Rheoliadau Diogelu Data Cyffredinol ar 25 Mai 2018 a'r
bygythiad o ddirwy o 4% o gyfanswm y trosiant am beidio â
chydymffurfio neu dorri cyfrinachedd data.
O gofio pwysigrwydd TG, cyfryngau cymdeithasol a marchnata
digidol, mae hwn yn fater sy'n effeithio arnom ni i gyd.
Bydd yn rhaid i fusnesau sydd dal i ddibynnu ar gofnodion
papur mewn cabinet ffeilio gydymffurfio gan fod y rheoliadau
hefyd yn rheoli'r data a gedwir am staff, cwsmeriaid neu
gleientiaid, waeth pa fformat y caiff ei gadw.
Nid yw unrhyw un am gnoc ar y drws gan y Comisiynydd
Gwybodaeth ac felly yn ein cyfarfod nesaf, a noddir drwy
garedigrwydd Johnsey estates, bydd gennym gyflwyniad a
sesiwn Holi ac Ateb gan Dr Kerry Beynon, Acuity Legal, fydd yn
gallu (yn ôl y gobaith) darparu cyngor defnyddiol ar gydymffurfio
yn ogystal â'r siawns arferol i hyrwyddo'ch busnes yn ystod
sesiwn rhwydweithio.
Er mai thema'r cylchlythyr hwn yw llesiant, byddwch yn ymwybodol
na fydd unrhyw fath o ystyrlonrwydd, cerrig poeth neu
Yoga Carmig yn medru eich achub rhag canlyniadau torri
cyfrinachedd data felly rwy'n edrych ymlaen at eich gweld chi i
gyd yno.
Ashley Harkus
Cadeirydd, Llais Busnes
Torfaen
Dyddiad i’ch dyddiadur
20/09/18 - Llais Busnes Torfaen - 5pm
06/12/18 - Llais Busnes Torfaen - 5pm
Greenmeadow Golf and Country Club,
Cwmbran
Ddim yn aelod? Beth am ymuno
â ni a dod i’r digwyddiad?
Ffoniwch 01633 648644
E-bost: info@southwalesbusiness.co.uk
Cliciwch ar y ddolen ganlynol:
http://bit.ly/TBV-business-club-cy
Ein Digwyddiad Nesaf
Mae ein cyfarfod nesaf ar ddydd Iau 21 Mehefin am 5pm
yng Nghlwb Golff Greenmeadow, Ac mae’n bleser
gennym gyhoeddi mai Johnsey Estates sy’n noddi’r
cyfarfod.
Bydd y cyfarfod hwn yn canolbwyntio'n bennaf ar rwydweithio
wedi'i hwyluso i roi cyfle i aelodau newydd ac aelodau
presennol gwrdd â phawb mewn un noson.
Bydd yna hefyd sylw arbennig ar rhai aelodau o Theatr y
Congress a Awaken Coaching ynghyd â chyfle i holi'r
arbenigwyr am y Rheoliadau Diogelu Data Cyffredinol
(GDPR).
Mae gan yr aelodau hawl i 2 le am ddim yn y digwyddiad hwn,
felly gwnewch yn siŵr eich bod yn dod â chydweithiwr, cleient
neu gyswllt busnes fel y gallwn ddarparu cysylltiadau gwerthfawr
i fusnesau'r naill a'r llall.
Gall Aelodau Llais Busnes Torfaen hefyd ddod â baner
arddangos - nodwch ar y ffurflen archebu electronig os
byddwch yn dod â'ch un chi. I gadw lle:
ARCHEBWCH EICH LLE yn y digwyddiad hwn:
http://bit.ly/tbv-june2018-cy
YN Y RHIFYN HWN:
TUDALEN 3
Lles
Pwyntiau allweddol i les yn y
gweithle
TUDALEN 6
Pensiynau
Gofynion newydd o ran pensiwn i
fusnesau
TUDALEN 7
GDPR
Ffurflen gofrestru newydd GDDC i
barhau i dderbyn ein gwasanaethau
cymorth busnes TEE Anfonwch nawr!
2
CYLCHLYTHYR (CLWB) LLAIS BUSNES TORFAEN | MAI 2018

Llesiant Mewn Busnes Bach:
Sut y gallwch
chi helpu
Dewch i ni Gael Siarad Amdano
Mae pobl sy'n hunangyflogedig ac yn rhedeg eu busnesau
eu hunain yn hen gyfarwydd â bod yn hunan-ddibynnol.
Ond nid oes rhaid i hunanddibyniaeth olygu gwneud pethau
ar eich pen eich hun - yn aml y cam symlaf a'r cyntaf tuag at
wella llesiant yw siarad amdano, p'un a yw'n ymwneud â sut
rydych chi'n teimlo neu sut mae rhywun rydych chi'n ei
gyflogi yn teimlo. Mae'n bwysig i bobl deimlo'n gyfforddus
wrth drafod eu hiechyd meddwl, a bod pawb yn eich
sefydliad yn teimlo eu bod yn gallu siarad am straen y
maent yn ei wynebu, neu broblemau y maent yn teimlo eu
bod yn effeithio arnynt o ddydd i ddydd. Un peth y gallech ei
ystyried yw dod o hyd i fentor y gallwch chi siarad ag ef/hi
am broblemau yn eich busnes - ceisiwch ddod o hyd i rywun
yn eich cangen Ffederasiwn Busnesau Bach lleol.
Mae Arddull y Swydd yn Cyfri
Mae'n bwysig eich bod chi a'ch staff yn gallu cydbwyso
bywyd gwaith a chartref, rheoli pwysau gwaith a theimlo'n
galonogol a chymhellol yn y gwaith. Fel pobl hunangyflogedig
a pherchnogion busnesau bach, rydych yn gwybod
gwerth gwaith caled a bod ein swyddi'n cael effaith fawr ar
ein hiechyd a'n lles. Canfu Arolwg y Gweithlu yn 2007/08
fod tua 442,000 o unigolion ym Mhrydain yn credu eu bod
yn dioddef straen sy'n gysylltiedig â gwaith ar lefel a oedd
yn eu gwneud yn sâl. Gall cael polisi clir ar weithio hyblyg
gynyddu perfformiad gwaith ac ymgysylltiad y gweithwyr, ac
mae'n caniatáu i weithwyr reoli eu gwaith a'u bywyd cartref
yn well. Mae yna sawl math o ddulliau gweithio hyblyg, gan
gynnwys gweithio gartref, gweithio rhan amser, amserau
hyblyg neu rannu swydd. Mae gennych rwymedigaethau
cyfreithiol os yw gweithwyr yn gwneud cais i weithio'n
hyblyg, ond ceisiwch feddwl yn rhagweithiol am y ffyrdd y
gallai eich gweithwyr weithio'n fwy hyblyg. I ddarganfod
mwy am eich dyletswyddau cyfreithiol ar weithio hyblyg,
gallwch ddefnyddio Llinell Gymorth Gyfreithiol Ffederasiwn
Busnesau Bach (FSB).
Mae’r Amgylchedd Ffisegol yn Cyfri
Gall yr adeiladau yr ydym yn gweithio ynddynt wneud
gwahaniaeth enfawr - mewn ffordd gadarnhaol a negyddol -
i'r ffordd yr ydym yn teimlo o ddydd i ddydd. Mae 85 y cant o
bobl yn Lloegr yn cytuno bod ansawdd yr amgylchedd
adeiledig yn dylanwadu ar y ffordd y maent yn teimlo. Gall
gwella'r amgylchedd rydych chi'n gweithio ynddo fod yn un
o'r pethau hawsaf i'w wneud - ond gallai hefyd wneud y
gwahaniaeth mwyaf. Gall ansawdd aer da arwain at well
iechyd a lles.
Gall ansawdd aer gwael yn y gweithle arwain at broblemau
iechyd fel cur pen, blinder, a diffyg canolbwyntio. Ceisiwch
ddod â rhai planhigion ychwanegol i'ch gweithle. I fusnesau
sydd wedi'u lleoli mewn swyddfa, mae cylchdroi lleoliadau
eistedd JULY fel - AUGUST bod gweithwyr yn gallu rhannu desgiau ger ffenestri
a chael cyfarfodydd ar gerdded yn ddwy strategaeth hawdd a
all SEPTEMBER
gynyddu'r golau. Mae ymchwil gan ymgyrch Ar Eich Traed
Prydain yn tynnu sylw at y ffaith ein bod yn eistedd am
gyfartaledd o 8.9 awr y dydd. Gall eistedd am fwy na phedair
awr Manufacturing
y dydd arwain at anystwythder, poen cefn, problemau â'r
cyhyrau a gall gynyddu lefelau siwgr yn y gwaed.
Corff Iach, Meddwl Iach
Gorau po iachach yr ydych chi, yr hawsaf y gallech ei chael hi
i gadw i weithio pan fydd angen. Gall gofalu am eich corff
OCTOBER
gefnogi eich iechyd corfforol a meddyliol. Gall ymarfer corff
leihau eich risg o salwch mawr, fel clefyd y galon, strôc,
diabetes math 2 a chanser, a hynny o hyd at 50 y cant. Bwyd
a chwsg yw blociau adeiladu corff iach, felly mae'n bwysig ein
bod ni'n bwyta'n iach a chael y maint cywir o gwsg. Dylai pawb
geisio bwyta pum dogn o ffrwythau a llysiau'r dydd ac yfed
digon o ddŵr. Mae gan wefan Dewisiadau'r GIG ystod o offer,
apiau a phodlediadau rhyngweithiol efallai yr hoffech chi
edrych arnynt ac efallai eu rhannu gyda staff.
Cefnogaeth i chi a’ch staff pan fydd
ei angen
Mae cadw eich hun a'ch staff yn iach yn hynod bwysig - mae
hefyd yr un mor bwysig i gael gafael ar y cymorth sydd ei
angen arnoch chi neu'ch staff os yw un ohonoch yn datblygu
anabledd neu gyflwr iechyd wrth weithio. Os yw rhywun yn
syrthio allan o fyd gwaith, gall hyn nid yn unig arwain at golli
aelod gwerthfawr o staff o safbwynt y busnes, ond gall arwain
at ganlyniadau iechyd gwaeth iddynt a chyfrannu at ganlyniadau
negyddol ar draws yr economi. Mae busnesau hunangyflogedig
a busnesau bach yn gymharol lwyddiannus o'u
cymharu â gweddill y sector preifat o ran cyflogi pobl ag
anableddau - mae'n wych i chi, eich busnes ac yn wir eich
staff, os gallwch chi feddwl am gamau ychwanegol y gallwch
eu dilyn i ddatblygu gweithle cynhwysol a chefnogol. Os ydych
chi'n creu swydd newydd, gan gymryd aelod newydd o staff,
neu'n ystyried pa newidiadau y gallwch chi eu gwneud i
swyddi sy'n bodoli eisoes, gwnewch yn siŵr eich bod chi'n
ystyried sut y gallwch helpu i sicrhau nad yw cyflyrau cyhyrysgerbydol
yn eich rhwystro rhag cael y staff gorau.
Estyn allan
Weithiau nid oes gennych yr holl atebion, ac os ydych chi'n
wynebu sefyllfa nad ydych chi'n ei deall yn iawn, peidiwch ag
ofni siarad â'r arbenigwyr. Dyma rai lleoedd i ddarganfod mwy:
Gofal Ffederasiwn Busnesau Bach (FSB), sef y gwasanaeth
cyngor meddygol ac iechyd a gynigir i aelodau'r Ffederasiwn
Busnesau Bach (FSB). Gall gefnogi aelodau gydag amrywiaeth
o gyflyrau iechyd a rhoi cyngor ar les.
CYLCHLYTHYR (CLWB) LLAIS BUSNES TORFAEN | MAI 2018
3

Y Tŵr Ifori
Nid yw’n syndod nad yw mwyafrif llethol y gweithwyr yn
gwybod beth y mae Adnoddau Dynol (AD) yn ‘ei wneud’. I
lawer, yr unig adeg maent yn gweld AD yw pan maent yn
dechrau, pan fo rhywbeth yn mynd o’i le, a phan maent yn
gadael.
Ystyrir AD yn aml fel ‘tŵr ifori’, ar wahân i realiti’r gweithlu
yn y maes. Ni allai’r syniad hwn fod ymhellach o’r
gwirionedd – os oes pobl dan sylw, yna mae AD yn rhan o’r
broses.
Felly, beth sy’n mynd ymlaen y tu ôl i’r drysau?
Agor y Drysau
AD strategol neu
‘weddnewidiol’
Mae hyn yn golygu pennu amcanion hirdymor trwy gyflawni
strategaeth a newid. Mae’n golygu edrych ar y darlun mwy
o ran anghenion eich busnes a thwf eich cyfundrefn fel y
mae’n ymwneud â’ch gweithwyr. Er enghraifft, gallai
gynnwys gweithio i arolygu a datblygu arbenigrwydd
gweithiwr a datblygu rhaglenni er mwyn cynyddu cynhyrchiant
gweithiwr neu gallai gynnwys opsiynau ailstrwythuro.
Nod AD strategol yw cael enillion ar eich buddsoddiad a
helpu i gadw eich cyfundrefn yn gystadleuol ac yn datblygu.
Os ydych chi angen brawddeg gwmpasog i ddisgrifio AD,
yna gellid dweud ‘delio gyda chylch bywyd cyfan gweithiwr,
o’r cyfnod cyn recriwtio i’r cyfnod ar ôl terfynu’. Ond nid yw
hyn yn disgrifio hanfod yr hyn y mae AD yn ei wneud. Bydd
rhannu swyddogaethau AD yn rhai ‘gweithredol’ a rhai
‘strategol’ yn rhoi mwy o syniad i chi, ond fel y gwelwn yn
nes ymlaen, nid yw hyn ‘chwaith yn cydnabod effaith
ehangach rheolaeth AD effeithiol a modern.
AD gweithredol neu
‘weithrediadol’
Mae hyn yn cyfeirio at y prosesau gweinyddol a gweithredol
– tasgau o ddydd i ddydd sydd angen eu cyflawni i ddiwallu
anghenion gweithwyr a chynnal swyddogaethau. Mae AD
gweithrediadol yn gweithredu’r amcanion sy’n caniatáu i’ch
cyfundrefn gyflawni ei amcanion hirdymor. Gall y prosesau
hyn gynnwys:
Amddiffyn:
sicrhau bod eich cyfundrefn yn aros o fewn ffiniau cyfraith cyflogaeth ac arferion gorau;
Caffael:
cynllunio, recriwtio, dethol a chyflwyno;
Datblygu:
hyfforddiant, hyfforddi, cynllunio gyrfa a rheoli perfformiad;
Budd-daliadau ac iawndal:
penderfynu ar gyflog, gweinyddu cyflogau a budd-daliadau gweithwyr;
Cynnal a chadw:
cynnal data-basau, paratoi contractau, darparu’r fframwaith ar gyfer polisi a gweithdrefnau a’r pecynnau i
drosi’r polisïau hynny yn weithredu, gan gynnal a gwella amodau gwaith, cadw staff, cyfathrebu â gweithwyr,
cysylltu â gweithwyr a dadansoddi ac adrodd;
Cysylltiadau gweithwyr:
er enghraifft, gwaith achos unigol megis disgyblu, cwynion a galluogrwydd.
4
CYLCHLYTHYR (CLWB) LLAIS BUSNES TORFAEN | MAI 2018

Nid oes llinell glir bob amser rhwng gweithredol a strategol.
Er enghraifft, gallai hyfforddiant ddod o fewn y categori
gweithredol ond mae bwriad strategol iddo. Mae AD
gweithredol a strategol yn plethu a bydd swyddogaeth
weithredol aneffeithiol yn llesteirio’r swyddogaeth strategol,
ac i’r gwrthwyneb. Mewn byd delfrydol, dylai AD
gweithredol weithio yn y cefndir tra dod AD strategol yn
symud eich busnes ymlaen. Fodd bynnag, mewn
gwirionedd yn y rhan fwyaf o achosion, mae materion
gweithredol yn medru mynd yn oruchaf, yn enwedig pan fo
rhywbeth yn mynd o’i le. Gall hyn fod oherwydd systemau a
phrosesau aneffeithiol neu ddiffyg adnoddau (gwybodaeth,
ariannol neu ddynol), ond pan aiff rhywbeth o’i le, mae’n
galw am eich sylw a’ch amser ar unwaith. Ymhellach, mae’r
materion hyn yn llywodraethu nes cânt eu datrys. Yn yr un
modd, mae amcanion strategol nad ydynt wedi eu gweithio
allan yn iawn neu nad ydynt yn cyd-fynd ag amcanion eich
cyfundrefn yn llesteirio swyddogaethau gweithredol
ymarferol beunyddiol.
Y Gymuned Ehangach
JANUARY
Mae gan AD modern, yn weithredol ac yn strategol, rôl
bwysig i’w chwarae o ran llwyddiant eich busnes. Mae’n
cael effaith ar sut mae’r gymuned leol, y gymuned ehangach
a sector eich diwydiant yn gweld eich cyfundrefn. Ar
wahân i’r amlwg, bod AD yn gweithio i gadw eich busnes o
fewn y ffiniau cyfreithiol a’r tu allan i dribiwnlys cyflogaeth,
mae angen hefyd ystyried eich enw da.
Mae eich enw da yn elfen hanfodol os yw eich
busnes i aros yn gystadleuol a llwyddiannus. Mae
eich enw fel cyflogwr yn effeithio eich enw da fel busnes.
Mae hyn yn cychwyn yn gynnar yn y broses recriwtio ac yn
parhau ar ôl i’r berthynas waith ddod i ben. O sut rydych
chi yn ymateb (neu ddim yn ymateb!) i ddarparwyr
weithwyr i sut mae eich gweithwyr yn teimlo amdanoch chi
fel cyflogwr. Bydd gan y rhan fwyaf ohonoch gymalau
contract neu bolisïau i amddiffyn eich hun rhag niwed i’ch
enw da tra bod y person yn cael ei gyflogi gennych (neu
am gyfnod byr ar ôl iddynt adael).
Ond beth am ymgeiswyr posibl nad ydynt wedi clywed
gennych ar ôl gwneud cais am swydd (neu, yn waeth, rhai
a gyfwelwyd ac na fu i chi gysylltu â nhw wedyn), yn
defnyddio cyfryngau cymdeithasol i leisio barn? Mae’r
wybodaeth hon allan yn y parth cyhoeddus i bawb, gan
gynnwys eich cleientiaid a’ch cystadleuwyr, ei darllen. Yn
yr un modd, mae amrywiol wefannau lle gall cyn-weithwyr
roddi eu barn am gyn-gyflogwyr a thra nad oes sylwedd i
rai sylwadau, mae mwd yn glynu, a mwd sy’n cael ei daflu
gan gyn-weithwyr anfodlon yw hwn. Mae llawer o bethau a
all fod wedi arwain at hyn, megis diffyg sgiliau rheoli,
cyfathrebu aneffeithiol, systemau gwaith anfoddhaol neu
ddiwylliant neu ethos annifyr yn y cwmni. Tra nad yw AD yn
medru datrys popeth, mae yn gweithio tuag at liniaru
pethau fel hyn.
Nid yw busnesau bellach yn ystyried AD fel
rhywbeth cwbl weithredol a swyddogaeth ystafell
gefn yn unig. Mae cyfundrefnau modern sy’n
meddwl am y dyfodol yn gwybod bod rheolaeth
AD effeithiol yn agor drysau’r tŵr ifori ac yn
mentro i’r gymuned ehangach – gan amddiffyn a
thyfu busnesau.
CYLCHLYTHYR (CLWB) LLAIS BUSNES TORFAEN | MAI 2018
5

JANUARY
Cyflogwyr: a ydych chi’n barod am y
gofynion cofrestru awtomatig?
Yn ddiweddar, datgelodd y Rheoleiddiwr Pensiynau
(TPR) fod dros wyth miliwn o weithwyr bellach wedi
cofrestru ar gynllun pensiwn yn y gweithle. Fodd bynnag,
gyda newidiadau pellach ar y gweill, dylai cyflogwyr
sicrhau eu bod yn gwbl ymwybodol o'r datblygiadau
diweddaraf.
Dyletswyddau cofrestru
awtomatig i gyflogwyr newydd
O dan cofrestru awtomatig i bensiynau, mae dyletswydd
ar gyflogwyr i gofrestru gweithwyr cymwys ar bensiwn yn
y gweithle a thalu isafswm fel cyfraniad i'r gronfa. Y
gweithwyr cymwys yw'r rheini sydd rhwng 22 oed ac
oedran pensiwn y wladwriaeth, ac sydd ag enillion
cymwys dros y sbardun enillion cofrestru awtomatig o
£10,000.
Daeth y gyfraith i rym i gyflogwyr mawr ar 1 Hydref 2012
a chafodd ei chyflwyno'n raddol gyda 'dyddiadau llwyfannu'
ar wahanol adegau. Fodd bynnag, o 1 Hydref 2017,
rhaid i gyflogwyr newydd gydymffurfio â'u dyletswyddau
cofrestru awtomatig ar unwaith trwy gofrestru unrhyw
weithwyr cymwys ar gynllun pensiwn yn y gweithle, o'r
diwrnod cyntaf y bydd aelod o staff yn dechrau gweithio.
Cyfeirir at hyn fel y dyddiad cychwyn ar ddyletswyddau.
Bydd cyflogwyr dal i fod yn gallu gohirio rhai o'u
dyletswyddau am hyd at dri mis.
Swm sylfaenol cyfraddau
cyfraniadau ar fin codi
Mae'n ofynnol i bob busnes gyfrannu isafswm tuag at bensiynau
gweithwyr. Mae gweithwyr hefyd yn cyfrannu swm
sylfaenol. Bwriedir i'r cyfraddau hyn godi o 6 Ebrill 2018.
O 6 Ebrill 2018, bydd cyfradd y cyfraniad
sylfaenol gan y cyflogwr yn cynyddu o'r
lefel bresennol o 1% i 2%. Yna bydd yn
codi eto ar 6 Ebrill 2019, gan gyrraedd 3%.
Yn y cyfamser, bydd isafswm cyfraddau
cyfraniadau gweithwyr yn cynyddu o'r lefel
bresennol o 1% i 3% erbyn 6 Ebrill 2018,
gan godi eto wedi hynny i gyrraedd 5%
erbyn 6 Ebrill 2019.
Felly erbyn Ebrill 2018, bydd cyfanswm isafswm y gyfradd
cyfraniadau ar y cyd yn cyrraedd 5%, gan godi i 8% o 6 Ebrill
2019 ymlaen. Er y bydd angen i'r gweithiwr gyfrannu yn y rhan
fwyaf o achosion, gall y cyflogwr ddewis talu'r 8% llawn neu
hyd yn oed swm uwch.
Yn gyffredinol, mae cyfraniadau'n daladwy ar enillion cymwys
rhwng y trothwy is o £5,876 a'r trothwy uwch o £45,000 yn
2017/18.
Bydd cyflogwyr sy'n methu â chydymffurfio â'u dyletswyddau
cofrestru awtomatig yn destun cosbau sylweddol. Mae'r
dirwyon yn amrywio o gosb benodedig o £400, i gosb sy'n
cynyddu'n ddyddiol, a hynny'n amrywio o rhwng £50 a
£10,000, yn dibynnu ar nifer y gweithwyr.
6
CYLCHLYTHYR (CLWB) LLAIS BUSNES TORFAEN | MAI 2018

Hoffech chi hyrwyddo eich busnes i
staff yr awdurdod lleol?
Mae Cyngor Torfaen wedi cyflwyno cynllun buddion i
staff, sy'n hyrwyddo busnesau trwy ysgogi pobl i
ddefnyddio eu gwasanaethau neu brynu eu nwyddau.
Gall y fath gymhellion gymryd nifer o ffurfiau, er
enghraifft gostyngiad o ganran neu goffi am ddim pan
fyddwch yn prynu pryd o fwyd.
Bydd eich busnes yn elwa ar gyfleoedd marchnata 24/7,
365 diwrnod y flwyddyn. Mae’r holl hyrwyddo a’r
cyfathrebu yn cael ei wneud ar eich rhan ac mae’r
gwasanaeth am ddim.
Gellir cael hyd i wybodaeth bellach ar wefan Cerdyn
Vectis http://www.vectiscard.co.uk.
OCTOBER
Os oes gennych ddiddordeb mewn hyrwyddo eich
busnes, cysylltwch â Tina Hulme
tina.hulme@torfaen.gov.uk
GDPR - Ymunwch a daliwch i fod yn rhan o’n
rhwydwaith yn Economi a Mentergarwch Torfaen
Rydym yn gwerthfawrogi ein busnesau, cleientiaid a’n haelodau ac rydym am ddal ymlaen i’ch cadw chi mewn cysylltiad â’n
gwybodaeth ar gefnogi busnes, digwyddiadau a chyfleoedd.
O 25ain Mai 2018 daw’r Rheoliad Diogelu Data Cyffredinol (GDPR) i rym.
Mae hyn yn golygu bod angen eich caniatâd arnom ni i ddal ac i brosesu eich gwybodaeth bersonol ac i ddanfon diweddariadau
atoch chi.
ymunwch neu ewch i’n gwefan
http://www.southwalesbusiness.co.uk/cy/Subscribe.aspx
Gallwch weld ein polisi preifatrwydd ar wefan Economi a Mentergarwch Torfaen.
http://www.southwalesbusiness.co.uk/cy/Privacy-Notice.aspx
CYLCHLYTHYR (CLWB) LLAIS BUSNES TORFAEN | MAI 2018
7

Cyfarfod
yr Aelod
Helô! Braf eich cwrdd chi, Alexis ydw i - Sefydlydd a
Chyfarwyddwr Mila a Pheebs Ltd. Efallai eich bod wedi
siarad â mi o'r blaen lle rydw i'n or-gyffrous am fy musnes a
fy nghariad tuag at ddeunydd ysgrifennu. Mae'r cyffro hwn
yn angerdd pur am yr hyn rwy'n ei wneud ac ni allaf gredu fy
mod wedi creu cynnyrch y mae pobl yn ei garu cymaint, eu
bod yn ei brynu bob mis!!
Dwi wastad wedi caru deunydd ysgrifennu felly nid yw'n
syndod, ar ôl deng mlynedd mewn bancio a chael gefeilliaid
a gafodd eu geni cyn amser, fy mod i bellwch wedi dechrau
busnes a oedd yn golygu fy mod yn cael fy amgylchynu gan
ddeunydd ysgrifennu prydferth a rwberi y mae pawb yn hoffi
eu casglu; rwy'n difaru fy mod heb ddechrau arni'n gynt
oherwydd ei fod yn gymaint o hwyl! Er, gyda gefeilliaid a
busnes, mae'n fywyd prysur iawn! Mae fy nghwmni wedi'i
enwi ar ôl fy merched sydd bellach yn dair, Milena a
Phoebe, felly rwy'n gobeithio y byddant yn ymfalchïo’n fawr
pan fyddant yn ddigon hen i sylweddoli ei fod wedi ei enwi
ar eu hôl.
Rwyf wedi gorfod dysgu pethau'r ffordd anodd oherwydd
nad yw fy nheulu a'n ffrindiau yn entrepreneuriaid felly rwy'n
hynod falch fy mod wedi dod o hyd i Lais Busnes Torfaen lle
gallaf fod ymhlith pobl debyg ac uchelgeisiol.
Rwy'n credu mai'r rhan anoddaf o ddyfod yn entrepreneur
(yr wyf yn siŵr y bydd y mwyafrif ohonoch yn deall yn iawn) -
oedd yr unigrwydd. Dyna pam mai'r peth mwyaf gwerthfawr i
mi ar fy siwrnai hyd yma oedd dod o hyd i'm rhwydwaith o
gefnogaeth, oherwydd hebddo, mae'n bosib y buaswn wedi
rhoi'r gorau iddi.
Ychydig mwy am fy musnes - Mae ein blychau tanysgrifio
sy'n berffaith i flychau llythyrau, yn llawn deunyddiau cyffrous
a gweithgareddau difyr i blant, ac maent yn anrheg berffaith i
blant 5 oed a hŷn. Rwy'n ninja go iawn pan ddaw hi i bacio,
felly mae ein blychau dan eu sang, yn llawn papur lliwgar,
gweithgareddau crefft a phrosiectau difyr fydd yn diddori'r
bechgyn a merched am oriau. Rwyf wedi creu gwahanol
themâu, o Anifeiliaid Anwes Perffaith i Fôr-ladron, ac yn
ddiweddar, Creaduriaid Uncorn, am fod plant wedi gwirioni â
hwy y dyddiau yma. Creu'r themâu, heb os, yw'r peth gorau,
ynghyd â gweld lluniau a sylwadau'r cwsmer. Rydym yn
dosbarthu ledled y byd yn awr ac mae gennym danysgrifwyr
yn America, Awstralia a hyd yn oed Rwmania. Mae ein
gwefan newydd yn lansio yn fuan felly os nad ydych wedi
clicio arni eto, ewch ati i wneud hynny, a byddaf yn siŵr o'ch
gweld yn y digwyddiad nesaf!
Alexis Hughes
Mila & Pheebs
Pecynnau Noddi Cyfarfod
Llais Busnes Torfaen
Newydd ar gyfer 2018
• Logo eich cwmni ar ein holl ddeunyddiau marchnata
cyn ac ar ôl y digwyddiad h.y. Cylchlythyr,
e-negeseuon, datganiadau i’r wasg
• Cysylltiadau i’r wefan noddi trwy ein tudalen
bwcio digwyddiad ac e-negeseuon am y digwyddiad
• Hysbyseb troedyn ar du mewn clawr y cylchlythyr
lle caiff y digwyddiad ei hysbysebu
• Hysbyseb tudalen lawn ar ein sgrin hysbysebu yn
nhu blaen yr ystafell
• Stondin dros dro y tu ôl i’r siaradwr gwadd ac
wrth y fynedfa i’r digwyddiad
• Cyfle i siarad am eich busnes i’r ystafell am 5
munud cyn y prif ddigwyddiad
• Cyfle i ddarparu deunydd marchnata i bawb sy’n
mynychu ar y dydd
Aelodau newydd
The Cwtch Animal Homestay
edwards_cathy@icloud.com
Gateway Credit Union
www.gatewaycu.co.uk
Hoffem ddiolch i'n cyfranwyr:
Hyn i gyd am ddim ond
£250.00+TAW fesul cyfarfod
8
CYLCHLYTHYR (CLWB) LLAIS BUSNES TORFAEN | MAI 2018