Create successful ePaper yourself
Turn your PDF publications into a flip-book with our unique Google optimized e-Paper software.
7 smme news the heartbeat of small enterprises<br />
Kubalulekile ukuba namaphepha achaza kabanzi ngenani<br />
odayisa ngalo, nazozonke izinhlaka eziphathelene nezezimali<br />
ebhizinisini lakho. Lokhu kuzokunikeza ukuthula uma sekuvela<br />
imibuzo efana nalena ethi ‘singenza njani uma..’<br />
Ngaphambi kokuphendula isicelo se tender, kusemqoka ukuthola<br />
umuntu ozokucubungelela sona. Abheke ukuthi ngabe ukufake<br />
konke yini okudingakalayo.<br />
Kuhle ukuhlukanisa izigaba ze tender ngokwabantu<br />
abazosebenza ingxenye ethize yesicelo mase ubeka umuntu<br />
oyedwa obizwa nge ‘Accounts Manager’ okunguyena<br />
ozohlanganisa yonke imibono kuphunywe ne tender eyodwa<br />
engu ngqo. Kodwa ke amanye amandla engabekwa ekomidini<br />
lezezimali kanye nalelo elibhekelela ukwenziwa komsebenzi ngqo.<br />
Ikomidi lokwenza umsebenzi libhekane ngqo nokuphendula<br />
ingxenye yokwenziwa komsebenzi esicelweni se tender.<br />
Ekugcineni ngu wena usomaqhuzu ozoba namandla okugcina<br />
ngci ekuthenini leso sicelo se tender siyahamba no cha.<br />
Ikomidi lezezimali libhekelela ukubona amandla enkampani<br />
kwezezimali. Kumele bavume ukuthi ngabe izimali zikhona na<br />
zokwenza lowo msebenzi thizeni. Ibona abakwazi nokubona<br />
ukuthi ikhona yini inzuzo engenziwa uma isicelo sokwenza<br />
umsebenzi siphumelela.<br />
Bonisana nabakunikeza izinsiza uphinde uphenye kabanzi<br />
ngezindlela ezintsha zokwenza umsebenzi owenzayo khona<br />
uzohlale uyinyama kwabakudingayo.<br />
Ukunqoba itender kungaphezulu kokuphendula imibuzo ebuziwe<br />
nokuhambisa amaphepha akho ngesikhathi, kuthatha ubuhlakani,<br />
iphupho kanye nokuqonda okudingakalayo kuwe.<br />
Ezikhathini eziningi, indlela ophendula ngayo kumele bayibone<br />
njenge sisombululo. Lokho kungadinga ukuhlanganisa<br />
abantu abaningi ozosebenzisana nabo. Kudingeka ubhekane<br />
nezingqinamba ngisho ezezimali. Konke lokhu futhi kuhlukile<br />
ngamuntu ngamunye osebenzisana naye. Umsebenzi wakho<br />
ukuhlanganisa, wenze kwenzeke ngendlela ofisa ngayo.<br />
Ngomuntu ngamunye ozomsebenzisa kulesi sisombululo sakho,<br />
ubunzima buya qonga, ikakhulukazi uma kudingeka inkampani<br />
yaphesheya kwezilwandle. Lokhu kudinga ube namava<br />
okuxoxisana nabantu.<br />
Ekuzameni ukuhlolisisa ukuthi imalini okumele uyifake esicelweni<br />
sakho nakhu okumele ukubheke,<br />
• Ukuthi labo oqophisana nabo benzani? Babiza malini? Imalini<br />
abangase bayifune ngalomsebenzi?<br />
• Ngabe unamava kangakanani lowo ofake iskhangiso sokufuna<br />
ama tender endimeni yakhe?<br />
Ukuthola ulwazi kusemqoka kakhulu kodwa ukufaka isicelo<br />
okuyisona sona yikhona okungakunqumela ukuthi uyayinqoba<br />
noma cha le tender. Kudingeka ufunde indima okuyona kanye<br />
nendima iclient yakho ekuyo. Ukuwina I tender kumele ungene<br />
emqondweni wlowo ofake isikhangiso sokufuna abazofaka izicelo<br />
zama tender.<br />
Okokwengeza nje, kuzodingeka ube nolwazi olujulile lwezi<br />
makethe, kudingeka uhlale ngasosonke isikhathi usesimweni<br />
sokwazi. Kungabibikho okukweqa ngaphezulu ungazi ukuthi<br />
kwenzakalani kumele wazi bonke abantu endimeni yakho,<br />
uphinde uzazi wena amandla akho kanye nalapho oli klume<br />
khona. Uma ama client engakuthembi ngabe engawenza yini<br />
umsebenzi nawe na? uma ama client ekuthemba azokuthanda<br />
nawo.<br />
Izinto ezisemqoka okumele uzenze kuwina I-tender.<br />
Mhla zingama-27 ku May 2003, uJohn Timperly, umbhali we<br />
Winning Work, wanikeza lolulwazi olulandelayo ngokuhluka<br />
kwakho kwabanye abantu nokunqoba itender. Unikeza ulwazi<br />
olunzulu ekhasini lakhe le website www.winningwork.com<br />
Ukuzama ukuqhamka nezizathu ezizwakalayo zokuthi kungani<br />
kumele kukhethwe wen ne nkampani yakho iyona ndlela<br />
yokunqoba. Uma uhluleka ukuveza kucace bha ukuthi kungani<br />
kumele kukhethwe, ulindele ukuthi iclient yona ikubone kanjani<br />
njengomuntu ongawenza umsebenzi? Kungani ungaqali<br />
ngokubheka ukuthi yini eyenza wena nebhizinisi lakho nihluke<br />
kwamanye.<br />
Ukudlulisela kanjan ukwazi kwakho na? sicabanga ukuthi<br />
usebenzisa kakhulu konke okuhle ngawe mase ukufaka phansi<br />
esicelweni sakho se tender. Kunomehluko phakathi kobunjalo<br />
bento kanye nendlela esicabanga ngayo.<br />
Ake sibheke ezinye zezindlela zokunqoba itender:<br />
Kunolwazi oluningi ongalusebenzisa ukuthola igxathu ngaphambili<br />
kwalabo ofake nabo izicelo.<br />
Noma ngabe abantu ofaka kubo isicelo abanalo ulwazi olunzulu,<br />
kodwa sesinokubona ompetha bezimboni bemangaza abantu<br />
abaningi ngolwazi nangokuqonda kwabo umkhakha abakuwona<br />
ngokubheka ama client abanawo okanye abake baba nawo. Nazi<br />
izinhlaka eziyisi Hlanu zokubheka kabanzi ngesikhathi esifushane.<br />
Umbuzo onzima: Ngabe konke lokhu uyakwenza na?<br />
• Ukubheka ireport yonyaka kanye namabhuku ezezimali. Lokhu<br />
kuzokunika ulwazi oluningi ngenkampani ofakela kuyona isicelo<br />
se tender.<br />
• Bheka ikhasi labo le website kanye noshicilelo lwabo ukuthola<br />
olunye ulwazi olunzulu ngenkampani yabo. Imfihlo yokuwina<br />
• Vundulula okubhalwe ngenkampani ozofaka kuyona isicelo<br />
emaphephandabeni kanye nemibono eshiwoyo ngalenkampani.<br />
• Bheka awakho ama records ukubheka ubudlelwano ongaba<br />
nakho ne nkampani ofaka kuyona isicelo. Kunokwenzeka ukuthi<br />
kukhona lapho enihlobene khona nokuyinto ongayisebenzisa<br />
ukuveza ukuthi nihamba endleleni eyodwa. Lokhu kungaba into<br />
esemqoka kakhulu.<br />
• Thola ulwazi lwangaphakathi ngendima, lokhu kukunikeza ulwazi<br />
olunzulu ngokumele ukwenze ukuphumelela. Uma ungenalo<br />
ulwazi olwanele, funda amabhuku akhuluma ngqo ngalendima.<br />
Lokhu kusemqoka ukuthola ulwazi ngezinto ezenzekayo<br />
ngaphakathi embonini kanye nolwazi lwezinto eziseke zenzeka<br />
ongazisebenzisa ukuveza ulwazi onalo.<br />
Ukunqoba i-tender #2: Bonakala njengo cabanga kakhulu<br />
Akekho umuntu oqotho emsebenzini wakhe ofisa ukubonakala<br />
njengomuntu ongenawo amava kwakwenzayo. Abaqotho<br />
bazibuza ukuthi ‘Lokhu engikuhlinzekayo kungena kanjani<br />
enkampanini engifuna ukuyinikeza khona?’ yenza njengoba benza<br />
Bheka kusuka phezulu kuya phansi<br />
Hlolisisa Amandla akho, ilapho obuthaka khona, amathuba kanye<br />
nezithiyo (SWOT Analysis) abanye abasemkhakheni okuwo<br />
ababhekana nawo. Bheka ibhizinisi ngeso lokhozi ukuze ubone<br />
ubunjalo balo mase ukhuluma ngento onolwazi olunzulu ngayo.<br />
Khanda isithombe sakho.<br />
Manje ke bheka okuhlinzekayo, nokubekwa nguwena<br />
etafuleni ubheke ukuthi kuyahambisana yini nokufunwa iclient<br />
ngokuqaphela lokhu okulandelayo:<br />
I-product/ nalapho edingeka khona<br />
Amandla onawo okukwenza okanye okudingakalayo ukuze<br />
ukwenze<br />
Ubuchwepheshe ozokudinga okanye isipiliyoni<br />
Ukunqoba i-tender #3: Hlakanipha ukudlula abanye<br />
Ukucubungula kwakho izimbangi zakho kuncike kakhulu<br />
ekubhekeni ama tender applications abake bawenza<br />
ngaphambilini, ubheke izinto abazibalula njengalezo abahle kuzo,<br />
ababuthaka kuzo njalo njalo. Lokho kuzokwenza ukwazi ukubona<br />
ukuthi ikuphi lapho okumele ukhuphule khona amasokisi futhi<br />
kukunike igxathu elingaphambili kunalelo lezimbangi zakho.<br />
ZAMA LOKHU<br />
Cubungulisisa kabanzi Amandla nobuthaka bezimbangi zakho<br />
Iluphi ulwazi namakhono abanawo?<br />
Iziphi izinto abazihlinzekayo, ulwazi Kanye namacebo abanawo?<br />
Ikuphi abangenakho?<br />
Imiphi imigudu abahamba ngayo?<br />
Bheka inkambo yabo uhlolisise ubudlelwano babo nabanye<br />
bakwamanye amazwe njengakwi ‘Nous’ ka Sherlock Holmes.<br />
Phatha izinkinga ezinjalo ngokucophelela, uma kukhona<br />
abanqaba nakho hlehla kahle ngaphandle kwempi. Uma<br />
uzophokopheka ekufuneni kwakho ulwazi noma kunqatshwa nalo<br />
kuzokwenza ungathembakali futhi ubukeke njengomuntu oyisilwi.<br />
Ukunqoba iTender #4: ibakhona uma bekudinga<br />
Hlolisisa umuntu ngamunye lokho abacabanga ukuthi<br />
kusemqoka kubona kumele kube semqoka nakuwe. Bheka lokhu<br />
okulandelayo:<br />
Yini ebagcina bengalele ebusuku?<br />
Iziphi izingqinamba ababhekana nazo? sector face?<br />
Ingabaphucula kanjani?<br />
Ngingasiza kanjani?<br />
Umbuzo onzima: uyayazi impendulo? Uma ungayazi maningi<br />
amathuba okuthi awulwenzanga ucwaningo olwanele.<br />
Ukunqoba itender #5: Bazi msalofu<br />
Bonke abathengi bakho banezinto ezihlukile abazithandayo,<br />
Kanye nezindlela abafisa kuxhunywane ngazo. Ukukhuluma<br />
kwakho nabo kumele kuvundulule izinto ezinhlanu ezifana nalezi<br />
ezilandelayo:<br />
Zama lokhu;<br />
Yini umuntu ngamunye azama ukuyizuza<br />
Ngingabasiza kanjani ukufinyelela lapho? (ngokwebhizinisi<br />
nangokwabo eceleni)<br />
Badinga imigudu enjani?<br />
Basebenzisana kanjani nabantu abanabo njengamanje?<br />
Ukubhekana nocabanga ukuthi kuyizingqinamba ezinkulu isiqalo<br />
sofuna ukukuzuza. Okumele ukwenze manje ukuhlela imihlangano<br />
yokuhlola ukuthi Labantu othi uzosebenzisana nabo bayibona<br />
bona ngempela yini obadingayo.<br />
Ukunqoba iTender #6: khombisa ukuthi osebenzisana nabo<br />
bayawazi umsebenzi wabo<br />
Iclient lakho lizobhekana neqembu osulihlanganisile ukwenza<br />
umsebenzi walo ukubheka ukuthi ngabe nisebenzisana<br />
ngendlela efanele yini. Ukuhlanganisa abantu ngabanye ubenze<br />
iqembu elihlaba hlosile akusiwona umsebenzi olula neze.<br />
Kodwa kusemqoka ukuthi lowo omenzela umsebenzi azi ukuthi<br />
nikulungele ukusebenza, akekho umuntu ofuna ukusebenzelwa<br />
ngabantu abangawenzi kahle umsebenzi. Okusemqoka kuwena<br />
njengamanjeukubonisa ubuqotho, ukukhalipha Kanye namava<br />
eqembu lakho<br />
Ukunqoba itender #7: Zibuze lokhu futhi: Kungani kumele<br />
kukhethwe mina?<br />
Kusemqoka ukuzigcina ungaphambili kwalabo oqophelisana<br />
nabo ngoba uma uke walahlwa isinqumo labo abazongena<br />
ngaphambi kwakho nabo benza ngakho konke okusemandleni<br />
ukuthi bengaphunyukwa iqatha emlonyeni. Kumele ubonise<br />
ukuhluka kwakho Kanye namava oza nawo etafuleni.<br />
Ukunqoba itender #8 – Yenza umhlangano ube seqophelweni<br />
eliphezulu<br />
Indlela oziveza ngayo emihlanganweni nowethula ngayo izinhlelo<br />
zakho yenza kube lula ukuhlonza ukuthi ungumuntu olungile yini<br />
ukuthi kusetshenziswane naye. Ukuveza amava akho kakhulu<br />
lapho ninengxoxo khona kwenza ukuthi kubonakale ngampela<br />
ukuthi nguwena umuntu okulungele ngempela ukuthwala<br />
umsebenzi ofake isicelo sokuwenza. Ukuzimisela ngampela<br />
emihlanganweni kukunikeza igama elihle kakhulu Abanqoba ama<br />
tender basebenzisa lokhu okulandelayo:<br />
Babhala izinto ezixoxiwe emihlanganweni ngenhloso<br />
yokuzilungisa nokuziphucula. Baphendula ngokushesha<br />
ezikhalazweni nakokushiwo basheshe bakulungise.<br />
Babheka amathuba amasha ngasosonke isikhathi lapho<br />
besemihlanganweni khona. Bafunda kakhulu ngobudlelwano<br />
babo nezinye izinkampani.<br />
Ukunqoba itender #9 – Hlanganisa amakhanda amabili<br />
Lokhu kusho ukuthi hlala phansi neqembu lakho uzwe imibono<br />
eyahlukene kubantu abahlukene ukuze uzokwazi ukuthola<br />
nolwazi obungenalo okanye enye indlela yokwenza lokhu obufisa<br />
ukukwenza.<br />
Kodwa okusemqoka ukuqinisekisa ukuthi izigcawu<br />
zokucobelelana ngalolu lwazi ziba ngezihlaba hlosile kakhulu<br />
ngokubheka lokhu okulandelayo:<br />
Okuqukethwe ezethulweni zakho (Presentation)<br />
Indlela okwazi ukumbandakanya ngakhona abantu abasemqoka<br />
Amava akho okuvula izigcawu zokucobelelana ngolwazi<br />
Ukukhanga kwakho nabantu abayingxenye yesigcawu<br />
sokucobelelana ngolwazi 9lokhu ukuthola ngokuzwa uvo lwabantu<br />
ebenenza izethulo kubona)<br />
Izethulo ezingekho ezingeni zingakhinyabeza amathuba akho<br />
okunqoba itender. Badudule ngawo wonke Amandla onawo.<br />
Ukunqoba iTender #10: Badwebele isithombe seminyaka<br />
emibili besebenzisana nawe ukuthi izimpilo zabo<br />
zingashintsha kanjani<br />
Bafake ohambeni ngokomqondo ubabonise indlela izinto<br />
ezizohamba kahle ngakhona uma besebenzisana nawe, ubabeke<br />
esithombeni ngezinto eningazizuza ndawonye ngokuphendula<br />
umbuzo othi ikuphi okuletha etafuleni? Yini ehlukile ozobengezela<br />
yona? Bengabhekana kanjani nendima abakuyo ngendlela<br />
ehlukikile?<br />
Ukunqoba iTender #11 – Banxenxe ngobufakazi<br />
Bakhombise ukuthi useke wasiza abanye abanezinkinga<br />
bona ababhekene nazo njengamanje. Yiba isisombululo<br />
sezinkinga zabo bezibone bengeke baluthola ndawo olunye<br />
usizo ngaphandle kwalolo oza nalo wena. Khetha abantu<br />
owasebenzisana kahle nabo ubenze ofakazi bakho ukuze uma<br />
bebafonela bezokhuluma okuhle kodwa ngawe.<br />
Ukunqoba iTender #12 – Bahlobanise nezimbangi zabo<br />
ezinkulu<br />
Ukubaqhathanisa nezimbangi zabo ezinkulu kungadweba<br />
isithombe sokuthi uyayaz into oyenzayo. Bheka ukuthi yini<br />
eyenziwa izimbangi zabo kabi okanye kancono kunabo. Dweba<br />
isithombe sokuthi uzimisele ngokubenza ukuthi benze kancono<br />
okanye bahlale beseqhulwini kontanga yabo.<br />
Ukunqoba iTender #13 – Yenza bakulwele<br />
Ukuvunywa nokuchaza iclient yakho iyona into esemqoka<br />
nengashaya kakhulu izimbangi zakho. Yakha isithombe<br />
sokwethembeka, nokuthembeka kwabantu osebenzisana nabo.<br />
Lokhu kungaphinde kukuvulele amathuba amaningi kakhulu<br />
okuthi usebenzisane ne client lakho ngokuzayo. Kodwa qikelela<br />
ukwenza lokhu okuthathu okulandelayo<br />
• Babuze ukuthi bazimisele yini ukukujaja ngendlela owenze<br />
ngayo<br />
• Qinisekisa ukuthi bajabule ngawe nangezinto ozenzayo<br />
• Batshele kabanzi ngezinto ofisa ukuthi bazazi ngawe (Ngale<br />
kwalokho bazozicingela bona izinto abafuna ukuzazi)<br />
Ukunqoba iTender #14 – ‘Ubofika uzosibona uma unethuba’<br />
Ukuletha ama client ehhovisi lakho indlela elula ukuqinisekisa<br />
ukuthi uyabanqoba kwazise uzokwazi ukubheka izinto<br />
onazo khona ongafisa bezazi nocabanga ukuthi zingakusiza<br />
ukunqoba izinhliziyo zabo Indawo ohlanganela khona ne client<br />
iletha isthombe sokuthi unamava kangakanani futhi ikunikeza<br />
nethuba lokubazisa kulabo abasemqoka enkampanini yakho<br />
ongafisa ukuthi babazi. Khombisa ukukuthakasela ukuba<br />
nabo ukuze nabo bezokujabulela ukuba nawe. Ungasabi<br />
ukubatatamisa ubahlanganise nabaphathi abakhulu okanye labo<br />
abayiziphathimandla ezingaphezulu kwezakho. Qinisekisa ukuthi<br />
uma befika wenza ngakho konke okusemandleni ukuthi uhambo<br />
lwabo bengaluboni njengento ebachithela isikhathi.<br />
Ukunqoba iTender #15 – Kunuka njengani lapha?<br />
Ngaphezulu kwezingxoxo ezisemqoka ongaba nazo nama client<br />
enye into esemqoka ukubheka abantu abavakashela izindlu<br />
zenu, kumele bebone ukuthi abantu abanivakashelayo ngabantu<br />
abasemqoka kakhulu kunabo okanye abasezingeni lenu ukuze<br />
nabo bezobona ukuthi nisebenza ngampela. Kumele bebone<br />
ezithombeni ezisemahhovisi okanye ezindongeni ukuthi abantu<br />
abanivakashelayo ngabantu abasemqoka kakhulu ukuze nabo<br />
bezokubona ukubaluleka kokusebenzisana nani.<br />
Ukuthengeka – badayisele inqubekela phambili<br />
nokukhuphuka izitebhisi<br />
Into abangasoze bakuvezela yona ukuthi abantu abafaka izicelo<br />
zokusebenzisana nenkampani ibona abasiza ukuthi bebhale<br />
izikhangiso.<br />
Iqiniso lokudayisa likanje, abantu bathenga kubantu<br />
ababathandayo nalabo ababathembayo. Ngakhoke konke<br />
kumele kube seshashalazini. Kahle kahle ama tender aqinisekisa<br />
ukwazana kancono.<br />
Ukuze ube ingxenye yenkampani thizeni ofisa ukusebenzisana<br />
nayo kudingeka ube umuntu oyisisombululo sezinkinga abanazo.<br />
Ngokujwayelekile, abantu basebenzisana nezinkampani<br />
ezizohlinzeka amava abangenawo okanye abazosombulula<br />
izinkinga ababhekene nazo. Uma wenze kanjalo ungathuki<br />
uma kunqoba wena itender ngoba ubhekene nabanye<br />
ongqondongqondo futhi bama tender abazibhekile nabo ngawo<br />
abagabe ngenani nangamava ongenawo.<br />
Isigaba esilandelayo ukufaka konke okuhle ngawe, okuhlinzekayo<br />
Kanye nemisebenzi oyenzayo. Njengamanje uzoqala ukunqoba<br />
okungena mkhawulo kodwa labo abangaphezulu kwakho<br />
ngokwamaqophelo nabo abamile bayaqhubeka nokunqoba<br />
ngendlela yabo nabo.<br />
Uma usuqala ukusebenza ngokuzikhandla imisebenzi<br />
izobe isizizela yona ama client azoqala ekhulume ngawe<br />
ngokuthi nguwena umuntu owaziyo umsebenzi wakhe futhi<br />
abangakujabulela ukusebenzisana naye.<br />
ISIPHETHO<br />
khumbula ukuthi ngaphambi kokuthumela isicelo se tender<br />
kumele ufundisise imigOMO nemibandela ngokucophelela.<br />
Akumele ubone sekudlule isikhathi ukuthi wathumelela isicelo<br />
sokwenza into ongeke ukwazi ukuyenza. Ngoba maningi<br />
amathuba okulahlekelwa inkontileka mase kuphoqa ukuthi<br />
ukhokhe izindleko.<br />
FUNDISISA KAHLE YONKE INTO UQINISEKISISE UKUTHI<br />
KONKE OKUQUKETHWE SIKUFISELA INHLAHLA<br />
issue no. 23<br />
<strong>OCTOBER</strong> <strong>2018</strong>