KAMP IS LEKKER Junie 2019 TYDSKRIF

GPS: S29˚2’19.2″ E24˚36’39.6″
D
ie kampplek is op die wal van die
Rietrivier geleë, sowat 35km Suid van
Kimberley, naby die dorpies van
Modderrivier en Ritchie. Jy draai slegs 3km af
vanaf die N12 op roete tussen Kaapstad en
Johannesburg om by die
kampterrein te kom. Die
laaste 50m na die
kampterrein is baie
netjiese grondpad.
Toe ons by Riverside
Country Klub &
Karavaanpark arriveer, is
ons baie vriendelik deur
die eienaar , Lucy van
Dyk verwelkom. Lucy &
Philip van Dyk het die
lappie grond langs die
rivier in 1994 aangekoop
en het gou besluit dat hulle die rustigheid en mooi
omgewing met kampeerders en vriende wou
deel. Hulle het die grond in ‘n kampterrein
ontwikkel en ook netjiese selfsorg eenhede
opgerig en die kampterrein toe Riverside Country
Klub & Karavaanpark genoem.
Lucy het ons na ons staanplek geneem, wat
uitkyk oor die Rietrivier. Ons staanplek was
gerieflik naby die ablusiegeriewe geleë. Daar is
aparte ingange vir mans en dames na die
ablusiegeriewe. Beide die ablusie vir mans en
dames het warmwater storte, spoeltoilette en
spieëls. Die ablusie vir die dames het ook ‘n area
vir mammas om hulle babas te bad. Lucy sien toe
dat die ablusiegeriewe en die opwasgeriewe ter
alle tye netjies gehou word.
D
aar is sowat 33 staanplekke, almal netjies
uitgemerk – en die kampeerders het die
keuse om op die wal van die rivier te kamp
of naby die swembadarea op die hoër terras. Al
die staanplekke het elektrisiteit en daar is genoeg
bome om te sorg vir lekker skaduwee op die
groen grasperke.
Nadat ons kamp opgeslaan het, was dit tyd om
lekker te ontspan. Ons het vuurtjie aangesteek in
die braaidrom wat verskaf is en gou kon ons die
uitsig oor die rivier waardeer met ‘n skemerkelkie
in die hand. Daar het skapies aan die oorkant
van die rivier gewei en dit was lekker om te sien
hoe die eende op die rivier dryf en baljaar.
L
aatmiddag het daar kampeerders op die
wal van die rivier tent opgeslaan. Hulle kom
glo gereeld daar kamp
om vis te vang en hulle
vang ook glo gereeld
lekker
groot
visse. Behalwe vir
visvang, geniet
kampeerders dit ook om
ander water aktiwiteite op
die rivier te geniet. Daar
is ook ‘n area waar jy jou
boot in die rivier kan
meer.
Behalwe vir kamp, kan
gaste ook oorslaap in die
netjies selfsorg eenhede. Daar is 2 chalets wat
elkeen 4 gaste kan akkomodeer en ‘n verdere
chalet geskik vir 2 gaste. Omdat die kampterrein
so naby aan die N12 is, is daar ook
oornagkamers vir reisigers wat wil rus op hul pad
na hulle volgende bestemming. Ons het na die
oornagkamers gaan kyk en kan bevestig dat die
kamers in ‘n uitstekende netjiese kondisie gehou
word.
D
aar is heelwat besienswaardighede en
dinge om te doen in die omgewing van
Riverside Country Klub & Karavaanpark.
Besoek gerus die Kimberley Myn Museum, waar
die eerste diamant wat in Suid-Afika gevind is,
aangeteken is. Daar is ook die groot gat met sy
uitkykdek wat ‘n uitstekende uitsig oor die gat
bied. ‘n Besoek aan Mokala Nasionale Park
word ook hoogs aanbeveel, slegs 35km vanaf
Riverside Country Klub & Karavaanpark.
Na ‘n paar dae van ontspan, was dit ongelukkig
weer tyd vir ons om huiswaarts te keer. Ek sal
egter weer Riverside Country Klub &
Karavaanpark besoek en die kampterrein
aanbeveel vir vriende en kennisse. Baie dankie
vir ‘n heerlike kampervaring Lucy & Philip van
Dyk – ons kom kamp graag weer by julle!