You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Ma la intelektualidad del livro no empide al lektor de<br />
emosionarse, en meldando la istoria de la alilá de la sangre, o de<br />
exilararse en meldando la epizoda del enrejistramiento.<br />
Además el livro trae a la luz, evenimientos i personajes<br />
verdaderos, kantes, kuentos i poezías ke otramente serían<br />
olvidados, i ke akí topan mueva vida.<br />
En días en los kualos kedó biva sólo la lingua oral, este livro<br />
está eskrito en lingua rabínika embevesida de kultura ebrea<br />
tradisional. Además él konserva uno de los dialektos ladinos en<br />
su totalidad: la lingua de la Saray djudía, ke sin este livro no iva<br />
a tener una tan emportante reprezentasión. Aún kon esto se<br />
siente akí ke mos topamos delantre de la lingua eskrita del autor<br />
mizmo, ke en realidad es únika.<br />
El livro se eskapa sin terminar porké, komo disho el autor: ‘Se<br />
trata de la vida mizma, de la kuala fue tomado un minuto, i ke<br />
tiene su kontinuasión’, ke él ya está eskriviendo en la sigunda<br />
parte de la istoria de la Komunitá de Saray. I en verdá, <strong>Eliezer</strong><br />
<strong>Papo</strong> sólo puede azerlo, porké la alma djudía de Saray está en él.<br />
‘La Megilá de Saray’ es un livro de meldar kon muncha<br />
atansión, ke kedará entre muestras ovras mas emportantes.<br />
Yerushálayim, 10.1.1999 Matilda Koén-Sarano<br />
1) pilpul: kazuístika rabínika<br />
6
Change language