Armando Llanos Ortiz de Landaluze

Beste ikerketa lerro a k
L
an sorta batek gauzatu zituen lerro horiek, urte luzetan
egin nituen lanak dira, eta gaur egun ere lanean
jarraitzen dut horietan. Zenbait kasutan indusketen beren
programa osagarriak izan ziren, eta kanpo ikerketaren espiritua
mantentzen zuten. Bestetan, beste ikerketak laguntzeko eta
faboratzeko bide berriak urratzea zen kontua. Zenbait gai
zehatzi helduz, bolumen handikoak horietako batzuk, zenbait
urtetan zehar gauzatu nituenak aipatu behar.
Arabako Haizpe Artifizialei dagokiena da horietako bat. 60ko
urteen hasieran, denbora luzean banan-banan ikuskatu
genituen, haietako guztien plano zehatzak eginez eta horietako
horma batzuk estaltzen dituzten graffitiak kalkatuz. Material
grafiko hori guztia Agustín Azcarateren esku jarri genuen gai
honi buruz egin behar zuen doktore tesian erabil zezan.
Paleolito ondoko labar pintura eskematiko batzuk guztiz
deigarriak gertatu zitzaizkidan, aurkikuntzaren unetik beretik.
Pintura horiek Arabako haitzulo batzuetan agertuz joan ziren
60ko urteetatik aurrera. Horien sekuentzia tipologikoa eta
kronologikoa lortzeko egindako lehen saiotik, pintura mota
horretaz hornituriko beste harpeak aurkitzeko programa bati
ekin genion, Kantabriar Erlaitzera hedatuz, eta emaitza
positiboak lortu genituen. Jarduera horrek bide eman du
ikertzaile talde berriek aurkikuntza horietan oinarrituriko ildotik
abia ditzaten beren lanak, bai eta emaitza garrantzitsuak lortu
ere. Asko dira gai honen inguruan kaleratzen ari diren
argitalpenak. 1995ean, Paleolito ondoko Arte Eskematikoari
buruzko I. Nazioarteko Bilera antolatu genuen Gasteizen,
irudikatze mota hori aztertu eta sistematizatzeko asmoz.
65