téléchargement gratuit (pdf) - Montaigne Studies - University of ...

42 Marie de Gournay
suffisance* d'icelles. S'il leur semble qu'il soit bien loisible de
produire au jour ces actions publiques et non les privées, certes, outre que
ces Seigneurs font cela mesme, descrivans jusques à leurs songes, ilz
n'entendent pas que valent ny les publiques ny les domestiques, ny que le
publicq mesme n'est faict que pour le particulier* 58 . Il leur semble que
la science* de vivre soit si facile, qu'on fait une sottise quand on daigne
publier sa pratique. Car mesme ilz sentent bien que leurs enfans ne
sçauroient ny dancer, ny picquer chevaux, ny trencher à table, ny saluer,
qui ne leur apprend 59 ; mais, quant à cet art, ilz ne l'y trouverent jamais à
dire 60 . Certes il est trop plus aisé de vaincre que de vivre, et plus de
triumphans que de sages.
Mon Pere* a cuydé* ne te pouvoir rien mieux apprendre que la
cognoissance et l'usage de toy-mesme: tantost par raisons*, tantost par
espreuve* 61 . Si sa peinture est vicieuse ou fauce, plainds toy de luy; s'elle
est bonne et vraye, remercie-le de n'avoir voulu refuser à ta discipline
le poinct plus instructif de tous, c'est l'exemple 62 ; et le plus bel exemple de
l'Europe, c'estoit sa vie. Et, en ce que ses ennemis le blasment qu'il y ait
rapporté jusques aux moindres particularitez de son institution*, c'est de
cela mesme qu'ils le doibvent louër; car il n'estoit point avant luy de
maistre de ceste leçon, si necessaire neantmoings au service de la vie:
tant parce que les grandes choses deppendent des petites, que d'autant
aussi que la vie mesme n'est qu'une contexture* de punctilles*. Voyez le
conseil des Roys assemblé si souvent sur la preseance de deux femmes.
Les autres autheurs ont eu tort de ne s'arrester à nous instruire en des
actions, pour petites qu'elles fussent, où plusieurs pouvoient faillir et
que nul ne pouvoit
58
«Est-ce raison que, si particulier en usage [moi qui mène une vie si privée], je
pretende me rendre public en cognoissance [je prétende me faire connaître de tout le
monde]? (III, 2, 805 B).
59
Si on ne leur apprend.
60
Comprendre: Mais quant à l'art de vivre, ils n'ont jamais pensé qu'il leur
faisait défaut.
61
Montaigne cite le fameux aphorisme gravé au tympan du temple de Delphes:
«Que vous cognoissiez ce qui est à vous, suivant l'inscription Delphique» (H, 8, 398
C). Voir aussi m, 9, 1001 B et III, 13, 1075 B.
62
Montaigne croit à la fois à la nécessité (IH, 2, 805 B) et aux limites de
l'exemple: «tout exemple cloche» (III, 13, 1070 B).