souvenirs de la flandre-wallonne recherches historiques ...

DE LA FLANDRE-WALLONNE. 89
Comme monseigneur Nichole de Lalaing, de la
contée de Hénaut, de la dyocèse d'Arras, chevalier,
adonques croisié par .j. an ainçois que li benoier sainz
Loys, roy de France, passast outre mer, au derrenier
passage quant il ala en Thunes, et li diz messires
Nicholes fust adonques encores joennes et eust grant
mestier de bon conseil, il parla à mon seigneur Gautier
de Honnecies, de la dyocèse de Cambrai, chevalier,
que il passast outre mer avecques lui. Et
entendoit li diz messires Nicholes à lui governer par
la prouece, et par la sapience et par la prudence de
son conseil. Car len disoit que li diz mon seigneur
Gautier estoit preuz et sages. Et li diz mon seigneur
Gautier, sa foi donnée en la main mon seigneur Jehan
Bouni de Fresnes, cousin le dit mon seigneur Nichole,
et certain salaire promis , de . iiic. lb., par celui
meesmes mon seigneur Nichole devant dit, li diz mon
seigneur Gautier promist que il passerait avecq le
dit mon seigneur Nichole et seroit de son mesnage
outre mer. Et comme li termes du passage fere aprochast,
et h diz mon seigneur Nichole eust oy que li
diz messires Gautiers li failloit et iroit avecq .j. autre,
lidiz mon seigneur Nichole li dis comment len li avoit
dit que il li voloit faillir de couvenant. Et lidiz mon
seigneur. Gautier nia au dit mon seigneur Nichole
que, seur ce, il navoit vers lui nule couvenance parfete.
De quoi, quantli diz messires Nicholes entendi si grant
tricherie du dit messire Gautier, et il regarda que
porce que li tens estoit brief dudit passage et estoit
mout aprochié, que il ne se pooit pas mout bien
pourveoir de tel compaignon, il encorut une grief