104. zenbakia - Jakin

Zenbaki honetan
orain gakoa, Ipar Euskal Herriak ez baitu oraingoz egitura
politiko propiorik. «Hori da gure gaurko kezka eta ber denboran
esperantza. Noiz eta nola muntatuko den egitura hori»,
dio Kanblongek bere idazlanaren amaieran. Ipar Euskal
Herriak egitura politiko propioa izan dezan Frantziako legeriak
zein aukera eskaintzen dituen aztertzen du, hain zuzen
ere, Zuzenbidean doktore den Koldo Gorostiagak.
Garapen Kontseiluaren lanak barrutik edo hurbiletik
segitu dituzten lau lagunen iritzi laburragoak datoz G a i
N a g u s i asaileko azken zatian. J a k i n-ek egindako hiruna galderari
erantzun diete Jakes Abeberrik, Patxi Nobliak, Txomin
Peillenek eta Jakes Sarraillet-ek. Beste lauk ez digute erantzunik
bidali: Max Brisson, Jean Jacques Lasserre, Frantxoa
Maitia eta Michel Intxauspe.
Gai Nagusia-ren aurretik topatuko duzu Gure Iritziz
saila, Karlos Santamariaren heriotzaren oroimenez eta omenez.
J a k i n taldeak, editorial honetan, bere esker ona eta
miresmena agertzen dio Euskal Herriak eman duen pertsonalitate
garrantzitsuenetakoa izan den eta gure aldizkarian lankide
izan dugun pentsalari handiari. J a k i n taldeak bildua du
bere obra osoa, eta aztertua bere pentsamendua ikerlan zabal
batean, baina erakundeek lan hau argitaratzeko erabakia har
dezaten zain gaude oraindik, tamalez. Editorialaren ondoren,
Santamariaren lanari buruzko artikulua dator, Joan Mari
Torrealdai zuzendariak sinatua.
G a i a k sailean artikulu bat dator, Elena Martinezek
Günther Anders filosofoari buruz egindakoa hain zuzen.
Luma berriak eta atal berri bat topatuko duzu Egunen
Gurpilean sailean: Edorta Jimenez idazleak heldu dio Literatura
atalari eta Erramun Baxok hizkuntzalariak, aldiz,
Soziolinguistikari; Luis Fernandez kazetariak izenburu bereziko
atal berria estreinatuko du: Telepolis. Kultura eta Ikuskizunak
alorretan Alberto Barandiaran eta Imanol Agirre arituko
dira aurten ere.
L i b u r u a ksailean, Toni Strubell-en El cansament del cata -
lanisme liburuaren kritika egin du Pako Sudupe irakasleak.
Azkenik, gure erredakziora heldutako liburuen erreferentziak
bildu ditugu Jaso ditugu atalean. ❡
8