Ikus orrialde batzuk
Ikus orrialde batzuk
Ikus orrialde batzuk
Create successful ePaper yourself
Turn your PDF publications into a flip-book with our unique Google optimized e-Paper software.
Aurkibidea<br />
Hitzaurrea ...................................................................................................... 7<br />
Atal orokorra<br />
1 Gaixotasuna eta osasuna. Patologiaren eta klinikaren edukiak ........ 11<br />
2 Eragile mekanikoek, grabitateak, presio atmosferikoak, bibrazioek<br />
eta zaratek sortutako asalduak.............................................................. 27<br />
3 Erradiazioek eta elektrizitateak sortutako asalduak............................ 51<br />
4 Eragile kimikoek sortutako asalduak: intoxikazioak ........................... 71<br />
5 Termorregulazioa. Hotzak eta beroak sortutako asalduak ................. 89<br />
6 Sukarra eta hipertermia .......................................................................... 109<br />
7 Eragile biziek sortutako gaitzak: sindrome infekziosoa ..................... 123<br />
8 Genetika eta patologia: gaixotasun hereditarioak eta<br />
kromosomopatiak ................................................................................... 143<br />
9 Immunitate-sistemako patologia orokorra: hipersentikortasun-<br />
-erreakzioak, autoimmunitatea eta immunoeskasiak .......................... 177<br />
10 Neoplasiak .............................................................................................. 229<br />
Arnas aparatua<br />
11 Arnas aparatuaren azterketa fisikoa. Arnas proba funtzionalak eta<br />
beste proba osagarri <strong>batzuk</strong> ................................................................. 261<br />
5
6<br />
12 Sindrome murriztailea. Sindrome buxatzailea: biriketako<br />
gaixotasun buxatzaile kronikoa eta asma bronkiala .......................... 303<br />
13 Arnas gutxiegitasuna eta haren ondorioak: hipoxia, hiperkapnia<br />
eta zianosia............................................................................................. 331<br />
14 Birika-zirkulazioko patologia orokorra................................................. 361<br />
15 Arnas erritmoaren, arnas maiztasunaren eta arnas<br />
sakontasunaren alterazioak. Disnea .................................................... 383<br />
16 Arnas patologiaren beste sintoma eta zeinu <strong>batzuk</strong>: eztula,<br />
espektorazioa, bomika, hemoptisia, toraxeko mina eta<br />
akropakiak............................................................................................... 395<br />
17 Atelektasia. Birikako kondentsazioa. Biriketako gaixotasun<br />
interstizial zedarrigabeak ...................................................................... 423<br />
18 Pleurako patologia orokorra ................................................................. 443<br />
19 Mediastinoko patologia orokorra ......................................................... 475<br />
Zirkulazio-aparatua<br />
20 Zirkulazio-aparatuaren azterketa fisikoa eta funtzionala ................... 499<br />
21 Bihotz-gutxiegitasuna: etiopatogenia, fisiopatologia eta<br />
adierazpen klinikoak .............................................................................. 581<br />
22 Balbulopatiak.......................................................................................... 631<br />
23 Zirkulazio-gutxiegitasun akutua: shocka eta sinkopea...................... 683<br />
24 Perikardioko patologia orokorra........................................................... 729<br />
25 Presio arterialaren alterazioak.............................................................. 765<br />
26 Zirkulazio koronarioko patologia orokorra.......................................... 811<br />
27 Bihotz-erritmoaren, bihotz-maiztasunaren eta eroapenaren<br />
alterazioak: arritmiak ............................................................................. 871<br />
28 Gorputz-adarretako zirkulazioko patologia orokorra ......................... 943<br />
Aurkibide alfabetikoa ................................................................................... 981
1<br />
Gaixotasuna eta osasuna.<br />
Patologiaren eta klinikaren edukiak<br />
1.1 GAIXOTASUNAREN KONTZEPTUA HISTORIAN ZEHAR<br />
Gaixotasuna, osasuna eta heriotza betidanik egon dira gizakiaren gogoan.<br />
Historiaren sasoi guztietan kezkatu dira horretaz, gaixotasunen kausak ulertzeko<br />
modua eta eritasunei aurre egiteko baliabideak garai bakoitzeko ezaugarri soziokulturalen<br />
araberakoak izan badira ere.<br />
Antzinaroko Mesopotamia eta Egiptoko kulturetan uste zuten deabruak edota hildakoen<br />
espirituak pertsonen gorputzean sartzean suertatzen zirela gaixotasunak.<br />
Epilepsia, adibidez, Utukku deabru gaiztoak sortzen zuen, eta eritasun gehienek deabru<br />
edo jainko baten izena zuten (sukarrak Asakku, hepatitisak Ahhazu...).<br />
Gaixotzearen kausa sorginkerian eta jainkoen haserrean bilatze horrek azaltzen du<br />
garai hartan araoak eta exortzismoa sendatzeko erabili izana. Kontuan hartzekoa da<br />
demonologian eta magian oinarritutako medikuntza mota horrek herri-medikuntzan<br />
gaur arte izan duen eragina.<br />
Europako medikuntzaren oinarriak Antzinako Grezian sortu ziren Hipokrates-en<br />
eskutik. Izan ere, Hipokrates-en ustez, gaixotasunen kausak, baita eritasunak sendatzeko<br />
baliabideak ere, naturan bertan bilatu behar ziren. Haren iritziz, naturaren osagai<br />
guztiak eta gizakiaren eta naturaren arteko harremanak ondo aztertuz gero, medikuak<br />
eritasunak tratatzeko ahalmena izango luke. Beste modu batera esanda,<br />
Hipokrates-en sasoiaz geroztik gaitzen bilakaera ez da jadanik egongo jainkoen esku,<br />
sendagileek ezarritako tratamendu enpirikoaren esku baizik.<br />
XVII. mendea arte ez zen aldaketa nabarmenik izan gaixotasunen kausei eta horiek<br />
tratatzeko moduari zegokienez, Hipokrates-en eta Galeno-ren doktrinak baitziren<br />
nagusi. Galeno-ren ustean, gaixotasun guztiak gorputzeko lau humoreen desorekagatik<br />
gertatzen ziren: odola (bihotzean), mukia (garunean), behazun horia (gibelean)<br />
eta behazun beltza (barean). Hori zela eta, eritasun askoren tratamendua odol-<br />
-ateratzea izaten zen, gaitz horien zergatia odola gorputzaren atalen batean metatzea<br />
zela uste baitzen.<br />
11
12<br />
XVII. mendearen bukaeran, Ingalaterran, Sydenham-ek gaixotasunaren kontzeptua<br />
goitik behera aldatu zuen, gaixo askoren sintomak eta zeinuak aztertu eta gero, gaixotasun<br />
batzuen deskribapena eginez (tartean hezueria eta baztanga). Hala,<br />
gaixotasun-entitatearen kontzeptua agertu zen, hurrengo mendean Boissier De<br />
Sauvage-k osatu zuen gaixotasunen lehenengo sailkapenean eragin handia izan<br />
zuena. Horiek izan ziren gnosografiaren lehen urratsak.<br />
Baina medikuntzaren benetako sasoi modernoa XIX. mendearen bigarren partean<br />
garatutako positibismoarekin batera hasi zen, filosofiarekin zituen azken loturetatik<br />
askatu zenean. Medikuntza natur zientzia bat zela onartuz joan zen, behaketan eta<br />
ikerkuntza zientifikoan oinarriturik zegoen zientzia bat, alegia.<br />
Sydenham-ek gaixotasunen ikuspegi klinikoaren oinarriak ezarri zituen moduan,<br />
Virchow-ek gaixotasunen alde histologikoa eta anatomopatologikoa garatu zituen,<br />
Müller fisiopatologo alemaniarrak eta bere sasoiko beste lankide batzuek fisiopatologiaren<br />
arloan aurrerapauso handiak egiten zituzten bitartean. Beste alde batetik,<br />
Koch-ek karbunkoaren baziloa deskribatu zuen, eta bakteriologiaren eta ikuspegi<br />
etiologikoaren lehenengo urratsak markatu zituen. Ordutik hona izandako aurrerakuntzak<br />
etengabeak izan dira; gaixoen sentsazio subjektiboen garrantzia indargabetuz<br />
joan den bitartean, medikuntza gero eta zientzia objektiboagoa bihurtuz joan da,<br />
eta teknologia berriak sortzeko beharra handitu da.<br />
Metodo zientifikoan oinarritutako ikuspuntu positibista horretatik esan dezakegu<br />
gaixotasuna prozesu dinamiko bat dela, eta geroago aztertuko den moduan, kausa<br />
batzuengatik (etiologia) gertatzen dela. Kausa edo faktore etiologiko horiek mekanismo<br />
zehatz <strong>batzuk</strong> direla medio (patogenia) asaldatzen dute organoen funtzioa (fisiopatologia),<br />
eta, batzuetan, baita organo horien anatomia eta histologia ere (anatomia<br />
patologikoa). Aldi berean, aldaketa funtzional eta anatomiko horiek adierazpen subjektiboak<br />
eta objektiboak sorrarazten dituzte gaixoetan (semiologia).<br />
Ziur asko, objektibotasun horrek, nolabait, gizaki gaixoa objektu bihurtu du, eredu<br />
biomedikoaren menpe. Eredu biomediko horren arabera, gaixotasuna normaltasunetik<br />
urruntzen diren aldagai biologiko eta somatikoak neurtuz baino ezin da ulertu. Eredu<br />
biomedikoaren mugez jabeturik, Engel-ek 1977an eredu biopsikosozial baten beharra<br />
aldarrikatu zuen, gizaki gaixoa bere osotasunean kontuan hartzen duena, arima eta<br />
sentimenduak dituen eta gizarte batean bizi den pertsona bat dela ahaztu gabe.<br />
Munduko Osasun Erakundeak (MOEk) dioenez, osasuna ez da bakarrik gaixotasunaren<br />
falta, ongizate fisiko, sozial eta mental osoa izatea baizik; gainera, ongizate<br />
hori gizarte osoan nabarmendu behar da.<br />
Gaixotasuna, beraz, osasuna galtzea izaten da, baina osasunaren kontzeptua<br />
lehen aipatutako modu integralean kontuan harturik. Eguneroko praktikan ez da inoiz<br />
ahaztu behar gaixotasunak ez direla entitate moduan benetan existitzen; hots, gizaki<br />
gaixoak existitzen dira, baina gaixotasun berak ondorio desberdinak izan ditzake pertsonaren<br />
arabera.<br />
Aurrekoarekin lotuta, azken urteotan gaixotasuna eta osasuna eztabaidan jarri<br />
dituen kontzeptu berri bat agertu da: bizi-kalitatea.
PATOLOGIA OROKORRA. Atal orokorra, arnas aparatua eta zirkulazio-aparatua<br />
13<br />
Bizi-kalitatea, zalantzarik gabe, bizi kantitatea baino garrantzitsuagoa da. Bizi-<br />
-kalitatearen definizioa zaila bada ere, esan dezakegu bizi-kalitatea badagoela pertsona<br />
baten gogoak eta nahiak errealitatearekin bat datozenean. Hortaz, bizi-kalitatea<br />
aldakorra izaten da pertsonaren arabera, baita pertsona bakoitzarentzat ere denboran<br />
zehar. Neurri handi batean bizi-kalitatea norberaren balio-eskalaren eta emozio-<br />
-baliabideen arabera baldintzatuta dago. Esan daiteke gaixoak nabaritzen duen<br />
osasun-gradua dela bizi-kalitatea.<br />
Egun, bizi-kalitatea neurtzeko metodo eta inkesta mota desberdinak agertu dira<br />
(Nottingham Health Profile, SF 36 Health Survey...); saiakuntza klinikoetan gero eta<br />
gehiago erabiltzen dira, biziraupen-kurben eta heriotza-tasen ezinbesteko osagarri<br />
bezala.<br />
Bukatzeko, gaixotasunaren eta osasunaren arteko mugari buruzko eztabaida zaharra<br />
berriro piztu nahian edo, 2002ko apirileko British Medical Journal aldizkarian<br />
Richard Smith-ek "non-disease" (gaixotasunik eza) kontzeptua plazaratu zuen, gaur<br />
egunean askotan tratatzen diren baina bere ustean gaixotasunak ez diren 200 entitate<br />
baino gehiago aipatuz (bakardadea, buru-soiltasuna, zoriontasun falta, haurdunaldia...<br />
eta beste asko). Bertan, horrelako kontsulta-arrazoiak gaixotasun bezala tratatzearen<br />
abantailak eta desabantailak aztertzen dira. Aldeko eta kontrako erantzun<br />
biziak oso azkar agertu dira bazter guztietatik, baina, agian, gaixotasunak diren ala<br />
ez eztabaida antzuan murgildu beharrean, kontzeptu horrek hausnarketa sakona egiteko<br />
parada eman beharko liguke, Hirugarren Munduan malaria, tuberkulosia, desnutrizioa<br />
eta beste ‘gaixotasun’ asko sendatzeko aukerarik ez dagoela jakinda.<br />
Eztabaida, beraz, zabalik dago.<br />
1.2 PATOLOGIA: KONTZEPTUA ETA EDUKIAK<br />
Patologia gaixotasunak aztertzen dituen zientzia da. Patologiaren edukiak edo sailak<br />
honako hauek dira:<br />
1.2.1 ETIOLOGIA<br />
Etiologiak gaixotasunaren kausak aztertzen ditu, hau da, gaixotasunaren zergatiak<br />
edo faktore etiologikoak. Faktore etiologiko horiek exogenoak nahiz endogenoak izan<br />
daitezke:<br />
• Kanpokoak edo exogenoak<br />
– Faktore fisikoak (traumatismoak, abiadura eta azelerazioa, grabitatea, hotza<br />
eta beroa, elektrizitatea, presio atmosferikoa, zaratak...)<br />
– Faktore kimikoak (gai toxikoak)<br />
– Faktore biziak (germenak)<br />
– Faktore psikosozialak<br />
• Barrukoak edo endogenoak (herentzia, konstituzioa...)
14<br />
Kontuan hartu behar da gaixotasun baten sorreran, askotan, faktore etiologiko bat<br />
baino gehiago egon ohi dela. Horrelakoetan, onartzen da faktore etiologiko nagusia<br />
dela gaixotasunaren kausa. Faktore etiologikoen artean faktore nagusirik nabarmentzen<br />
ez bada, faktore etiologikoei arrisku-faktore deritze. Arrisku-faktorea gaixotzeko<br />
probabilitatea handiagotzen duen faktorea da.<br />
Gaixotasun baten etiologia ezezaguna denean gaixotasun idiopatikoa edo kriptogenetikoa<br />
dela esaten da. Medikuntzak berak edo medikuek sortutakoa denean gaixotasun<br />
iatrogenikoa dela esaten da. Adibidez, hezurretako mina arintzeko antiinflamatorioak<br />
hartu behar dira, baina, horren ondorioz, urdaileko ultzera peptikoa ager<br />
daiteke; ultzera peptiko hori gaixotasun iatrogenikoa da.<br />
1.2.2 PATOGENIA<br />
Faktore etiologikoek kalteak edo aldaketa funtzionalak sorrarazteko martxan jartzen<br />
dituzten mekanismoak aztertzen ditu patogeniak. Etiologiaren eta patogeniaren<br />
arteko desberdintasuna hobeto ulertzeko, honako adibide hau erabiliko dugu: erradiazio<br />
ionizatzaileek gaixotasunak sor ditzakete zelulen nukleoaren azido desoxirribonukleikoa<br />
(DNA) kaltetzen baitute. Kasu horretan, erradiazioak faktore etiologikoak<br />
dira, eta DNAn agerturiko kalteak, berriz, patogenia.<br />
1.2.3 FISIOPATOLOGIA<br />
Fisiopatologiak gaixotasunak eragindako aldaketa edo alterazio funtzionalak aztertzen<br />
ditu, hau da, faktore etiologiko batek martxan jarritako mekanismoen ondorioz<br />
organoen funtzionamendua nola asaldatzen den. Beste modu batera esanda, fisiopatologiak<br />
gorputzaren funtzionamendua aztertzen du gizakia gaixorik dagoenean.<br />
Aurreko adibidearekin jarraituz, DNAren kaltearen ondorioz proteina bat gehiegi sintetizatzea<br />
eta organo batean metatzea gerta daiteke, eta organo horrek bere funtzioa<br />
behar den moduan bete ezin izana. Fisiopatologiak funtzionamendu anomalo hori<br />
aztertzen du.<br />
Askotan, patogeniaren eta fisiopatologiaren arteko mugak ez dira oso argiak, arlo<br />
biak nahasi egiten baitira.<br />
1.2.4 ANATOMIA PATOLOGIKOA<br />
Anatomia patologikoak kalte anatomiko eta histologikoak aztertzen ditu. Kontuan<br />
hartu behar da gaixotasun guztiek ez dutela anatomia patologikorik, batzuetan faktore<br />
etiologikoek kalte funtzionalak bakarrik eragiten baitituzte, eta ez organikoak.<br />
Adibidez, diabetes zaporegabe zentral idiopatikoan hormona antidiuretikoaren<br />
(ADHaren) eskasia dago; horren ondorioz, diuresia oso ugaria izaten da, baina ez da<br />
kalte anatomikorik hautematen giltzurrunetan, ezta gainerako organoetan ere.<br />
Asaldu funtzionalak eta organikoak bereizteko, zalantzarik gabe, erabilitako metodoak<br />
erabakigarriak izaten dira, alterazio funtzional gehienetan kalte biokimiko edo<br />
molekularrak baitaude, baina anatomia patologikoaren ikuspuntutik kalte organi-
PATOLOGIA OROKORRA. Atal orokorra, arnas aparatua eta zirkulazio-aparatua<br />
15<br />
koak azterketa makroskopiko eta mikroskopikoan hauteman daitezkeenak baino<br />
ez dira.<br />
1.2.5 SEMIOLOGIA<br />
Semiologiak gaixotasunaren sintomak eta zeinuak aztertzen ditu. Sintoma gaixotasunaren<br />
adierazpen subjektiboa izaten da, hau da, gaixoak kontatzen duena (mina,<br />
goragalea, arnasestua, zorabioa...).<br />
Zeinua, aldiz, gaixotasunaren adierazpen objektiboa da, hau da, azterketa fisikoan<br />
edo proba osagarrien bidez hautematen dena (larruazalaren kolore zurbila, takikardia,<br />
ikterizia, zianosia...).<br />
Bi kontzeptu horien desberdintasuna hobeto ulertuko da adibide hau erabilita: gaixoak<br />
kontatzen badu ezin duela arnasarik hartu, horri disnea edo arnasestua esaten<br />
zaio, eta zeharo subjektiboa da. Beraz, disnea sentsazio bat da, sintoma bat da.<br />
Baina gaixoaren arnas maiztasuna neurtzean minutuko 30 arnasketa egiten dituela<br />
ikusten bada, horri takipnea esaten zaio. Takipnea objektiboa da, guk neurtu baitugu,<br />
hau da, zeinu bat da.<br />
Sintomak eta zeinuak historia klinikoaren bidez biltzen dira. Sintomak historia klinikoaren<br />
anamnesiaren bidez (galdeketaren bidez) ezagutzen dira; zeinuak, berriz,<br />
azterketa fisikoaren eta azterketa-proba osagarrien bidez.<br />
Hiru eratako zeinu bereizten dira:<br />
• Zeinu anatomoklinikoak lesio baten adierazleak dira. Honelako zeinuak izaten<br />
dira, adibidez, auskultazio, odol-analisi, erradiografia, endoskopia edota biopsiaren<br />
bidez hauteman daitezkeenak.<br />
• Zeinu fisiopatologikoek disfuntzioa adierazten dute. Zeinu hauek proba funtzionalen<br />
bidez jasotzen dira (espirometriaren, elektrokardiogramaren, kreatininaren<br />
argitzearen bidez...).<br />
• Zeinu etiologikoek gaixotasunen kausak argitzen dituzte, eta geroago ikusiko<br />
dugun moduan, sindromea eta gaixotasuna desberdintzen dituzte. Zeinu etiologikoak<br />
izaten dira, adibidez, hazkuntza mikrobiologikoaren eta kariotipoaren<br />
bidez hauteman daitezkeenak.<br />
Zeinu edo sintoma bat oso tipikoa izateagatik gaixotasuna definitzen duenean,<br />
hau da, zeinu edo sintoma hori hautematean zein gaixotasunen aurrean gauden<br />
ziurtasun osoz dakigunean, esaten da zeinu edo sintoma hori patognomonikoa dela.<br />
Zoritxarrez, zeinu patognomonikoak gutxitan gertatzen dira praktika klinikoan, zeinu<br />
gehienak ez baitira gaixotasun bakar baten adierazleak, gaixotasun askorenak<br />
baizik.<br />
Hona hemen zeinu patognomoniko baten adibidea: Wilson-en gaixotasuna kobrearen<br />
metabolismoaren akats batek sortzen du; akats horren ondorioz, kobrea metatzen<br />
da organo batzuetan. Kobrearen metaketa horiek erraz hauteman daitezke kor-
16<br />
nean, uztai berde bat agertzen delako: Kayser-Fleischer-en uztaia. Gaixo baten<br />
begien azterketa oftalmologikoan uztai hori agertzen bada, ziurtasun osoz esan dezakegu<br />
gaixo hori Wilson-en gaixotasunak jota dagoela.<br />
1.2.6 PATOKRONIA<br />
Patokroniak gaixotasunaren bilakaera aztertzen du denboran zehar. Patokroniaren<br />
arabera, gaixotasunak bi multzotan sailkatzen dira:<br />
• Gaixotasun akutuak<br />
Hauen hasiera oso bat-batekoa izan ohi da, adierazpen kliniko biziekin.<br />
• Gaixotasun kronikoak<br />
Hasiera geldokoak izaten dira, eta nahiz eta batzuetan oso larriak izan, adierazpen<br />
klinikoak, hasierako faseetan behintzat, ez dira oso nabariak izaten, eta diagnostikoa<br />
zaila gertatzen da.<br />
Gaixotasunen bilakaeran, batez ere infekzio-eritasunen kasuan, Balcells-ek<br />
eboluzio-fase <strong>batzuk</strong> deskribatu zituen (ikus 1.1 irudia):<br />
• Faktore etiologikoarekiko kontaktua<br />
• Inkubazio-fasea<br />
Eragile etiologikoarekin kontaktatzen denetik adierazpen klinikoak agertu arteko<br />
tartea izaten da. Gaixotasun infekziosoetan inkubazio-fasea nahiko finkoa izan<br />
ohi da. Errubeolaren kasuan, adibidez, 14-20 egunekoa izaten da; mononukleosi<br />
infekziosoaren kasuan, berriz, 4-8 astekoa.<br />
• Prodromoa<br />
Fase honetan hasten dira adierazpen klinikoak, baina ez dira oso biziak izaten,<br />
ezta oso espezifikoak ere. Hurrengo fasean agertuko diren berezko adierazpenak<br />
ez dira oraindik oso nabariak.<br />
• Berezko adierazpen klinikoak agertzeko eta areagotzeko fasea<br />
• Akme-aldia edo adierazpen klinikoen intentsitate maximoko fasea<br />
• Adierazpen klinikoen gainbeherako fasea<br />
• Bukaerako fasea<br />
Gaixotasunaren bukaera bi modutan gerta daiteke:<br />
– Krisi moduan, hau da, bat-bateko bukaerarekin.<br />
– Lisi moduan, hau da, polikiago.<br />
• Susperraldia<br />
Fase honetan adierazpen klinikoak desagertu badira ere, gaixoa ez da oraindik<br />
zeharo sendatu.
PATOLOGIA OROKORRA. Atal orokorra, arnas aparatua eta zirkulazio-aparatua<br />
17<br />
Gaixotasunak okerrera egin dezake prozesuaren edozein fasetan. Okertze horri,<br />
suertatzen den fasearen arabera, izen ezberdinak ematen zaizkio, hala nola:<br />
– Gaizkiagotzea (okerrera egitea akme-aldian)<br />
– Larriagotzea (okerrera egitea gainbeherako fasean)<br />
– Gaixoberritzea (okerrera egitea susperraldiaren fasean)<br />
– Berreritzea (gaixotasuna berriro agertzen bada behin zeharo sendatu eta gero)<br />
Akme-aldia<br />
Gaizkiagotzea<br />
Larriagotzea<br />
Gaixoberritzea<br />
Berreritzea<br />
Areagotzea<br />
Faktore<br />
etiologikoa<br />
Prodromoa<br />
Gainbeherako<br />
fasea<br />
Krisia<br />
Lisia<br />
Inkubazioa<br />
Denbora<br />
Susperraldia<br />
Osasuna<br />
Azkenik, patokroniaren azalpena bukatzeko, gaixotasunen bukaera hiru modutakoa<br />
izan daitekeela aipatu behar dugu:<br />
• Sendatzea: kausa, alterazio fisiopatologikoak eta adierazpen klinikoak zeharo<br />
desagertzen direnean.<br />
• Elbarritasuna: gaixotasunaren ondorioz, lesio morfologiko, funtzional edota psikologikoak<br />
betiko geratzen direnean.<br />
• Heriotza<br />
1.1 irudia. Gaixotasun infekziosoen faseak patokroniaren arabera.<br />
Patologia hainbat mailatan azter daiteke. Patologia medikoak (patologia espezifikoak)<br />
gaixotasun zehatzak aztertzen ditu, baina patologia orokorrak, gaixotasunak<br />
baino gehiago, sindromeak aztertzen ditu. Sindrome bat aldaketa edo alterazio funtzional<br />
bera duten sintoma eta zeinuen multzo bat da. Horren arabera, patologia orokorra<br />
aurreko arlo guztiez arduratzen da (etiologiaz, patogeniaz, fisiopatologiaz,<br />
semiologiaz...), baina bereziki fisiopatologiaz.
18<br />
Sindrome bat, beraz, hainbat kausaren ondorioz ager daiteke. Sindrome baten adibidea<br />
dugu eskuineko bihotz-gutxiegitasuna (ikus 21. kapitulua): sindrome horren<br />
aldaketa funtzionala eskuineko bihotzaren ponpa-funtzioaren hutsegitea da; horren<br />
ondorioz, odola atzealdeko barrunbeetan eta organoetan pilatzen da (eskuineko aurikulan,<br />
zain jugularrean eta zirkulazio sistemikoan batez ere). Horixe izango litzateke<br />
fisiopatologia. Hori dela eta, sintoma eta zeinuen multzo bat agertzen da (pletora<br />
jugularra, edemak eta hepatomegalia). Sindrome horren kausak ugariak izaten dira<br />
(biriketako gaixotasunak, eskuineko bihotzeko balbulopatiak...).<br />
Patologia orokorra eskuineko bihotz-gutxiegitasunaz arduratzen da eta patologia<br />
medikoa, aldiz, kausa bakoitzak eragindako eskuineko bihotz-gutxiegitasunez (ikus<br />
1.2 irudia).<br />
PATOLOGIA ESPEZIFIKOA (gaixotasunak)<br />
ETIOLOGIA<br />
Kausak<br />
PATOGENIA<br />
Mekanismoak<br />
Sistemen eta<br />
organoen alterazioak<br />
FISIOPATOLOGIA<br />
Aldaketa<br />
funtzionalak<br />
ANATOMIA<br />
PATOLOGIKOA<br />
Kalte anatomiko<br />
eta histologikoak<br />
SEMIOLOGIA<br />
Sintomak eta zeinuak<br />
PATOLOGIA OROKORRA (Sindromeak)<br />
1.2 irudia. Patologiaren edukiak eta patologia orokorraren eta espezifikoaren arteko<br />
desberdintasuna.
PATOLOGIA OROKORRA. Atal orokorra, arnas aparatua eta zirkulazio-aparatua<br />
19<br />
1.3 KLINIKA<br />
Sendagileak gaixoarekin egiten duen osasun-ekintza da klinika. Patologia medikuntzaren<br />
zientzia teorikoa bada, klinika haren alde praktikoa da. Klinika, beraz, patologiaren<br />
ezagutzez baliatzen da.<br />
Ekintza kliniko guztien printzipio nagusia gaixoaren ongizatea da. Horretarako,<br />
jakintza zientifikoaz eta trebakuntza teknikoaz gain, ezinbestekoa dugu gaixoarekin<br />
ulerkor eta adeitasunez jokatzea. Hiru faktore horiek, hau da, zientzia, teknika eta<br />
jarrera atsegina batera erabili ezean, zaila izaten da klinikan behar bezala jardutea.<br />
Historia klinikoan agertu behar diren klinika-ekintzaren atalak hauek dira:<br />
• Anamnesia<br />
• Azterketa<br />
• Diagnostikoa<br />
• Pronostikoa<br />
• Tratamendua<br />
1.3.1 ANAMNESIA<br />
Anamnesian lortzen da gaixoaren familia-aurrekariei, aurrekari pertsonalei eta gaur<br />
egungo gaixotasunari buruzko informazioa, baina anamnesiak ez du soilik galdeketa<br />
hotz bat izan behar. Anamnesian medikuak entzuten jakin behar du, lehenengo une<br />
horietan hartzen den jarrera erabakigarria izaten baita, aurrerantzean sendagilearen<br />
eta gaixoaren arteko harremana egokia izan dadin.<br />
Anamnesian lasaitasuna eta interesa azaldu behar dizkiogu gaixoari, diagnostikoa<br />
ezartzeko historia klinikoaren atalik garrantzitsuena dela kontuan harturik. Ez da nahikoa<br />
izaten gaixoari entzutea; esan nahi duena ulertzen saiatu behar dugu.<br />
Anamnesiaren bidez, gaixotasunaren sintomak ezagutzen dira, eta galderak ondo<br />
bideratu behar dira sintoma nagusia zein den jakiteko, nola eta noiz hasi zen, intentsitatea,<br />
eta denboran edo kondizio berezi batzuetan nola aldatzen den jakiteko.<br />
Familia-aurrekariez, aurrekari<br />
pertsonalez eta gaur egungo<br />
gaixotasunaz gain, aparatuz<br />
aparatuko anamnesia ere osatu<br />
behar da.<br />
1.1 argazkia. Anamnesi egokia<br />
diagnostikorako erabakigarria<br />
izaten da, gaixoaren eta sendagilearen<br />
arteko harremana sendotzeaz<br />
gain.
20<br />
1.3.2 AZTERKETA FISIKOA<br />
Azterketaren bidez zeinuak ezagutzen dira. Azterketa fisiko orokorrean ikuskapena,<br />
haztapena, perkusioa eta auskultazioa gauzatu behar dira, presio arterialaren<br />
neurketa, pisua, garaiera eta tenperatura ahaztu gabe.<br />
Anamnesia eta azterketa fisikoa ondo eginez gero, gehienetan nahikoa izaten da<br />
hasiera bateko iritzi diagnostikoa ezartzeko, baita eskatu behar diren proba osagarriak<br />
erabakitzeko ere. Baina anamnesian entzutea nahikoa ez den moduan, azterketa<br />
egitean begiratze soila ere ez da nahikoa izaten, bilatzen ari garena ikusten jakin<br />
behar baita.<br />
Proba osagarri asko erabiltzen dugu, besteak beste, proba biokimikoak, elektrokardiograma<br />
(EKG), erradiodiagnostikoa, biopsiak, aparatu bakoitzeko proba funtzionalak,<br />
etab..., baina proba horiek ez dituzte inola ere anamnesia eta azterketa fisikoa<br />
ordezten. Ondo jakin behar da eskatu beharreko probak aukeratzen eta informazio<br />
baliagarririk emango ez luketen probak baztertzen. Bilatzen ari garen informazioa lortzeko<br />
proba bat baino gehiago baliagarria izanez gero, gaixoarentzat arrisku gutxien<br />
dakarren eta jasangarrien gertatuko dena aukeratu beharko da beti.<br />
1.3.3 DIAGNOSTIKOA<br />
Aurreko bi ataletan jasotako datuak ezinbestekoak dira lehenengo iritzi diagnostikoa<br />
ezartzeko, baina horretarako dugun informazioa behar bezala interpretatzen jakin<br />
behar da.<br />
Anamnesiaren bidez, susmo diagnostikoa ezarriko dugu; hori behin-behineko diagnostiko<br />
bihurtuko da azterketa fisikoan zeinuak ezagutu eta gero. Behin betiko diagnostikoa<br />
azterketa-proba osagarrien emaitzen bidez egiten da. Denok dakigu, halaber,<br />
behin betiko diagnostikoa askotan partziala izaten dela; izan ere, maiz aurkitzen<br />
dira diagnostikatu gabeko kalteak autopsia-azterketetan.<br />
Proba osagarrien bidez lortutako datuak bere tamainan interpretatzeko, behar-<br />
-beharrezkoa da proba horien sentikortasuna, espezifikotasuna, aurresateko balio<br />
positiboa eta aurresateko balio negatiboa ezagutzea.<br />
Kontzeptu horiek modu laburrean azaltzen saiatuko gara:<br />
• Sentikortasuna<br />
Proba baten sentikortasunak galdera honi erantzuten dio: Gaixo bat eritasun<br />
batek jota baldin badago, zein da proba hori positiboa izateko probabilitatea<br />
Sentikortasuna formula honen bidez adierazten da:<br />
a<br />
S = –––––– x 100<br />
a + c<br />
a = proba positiboa duten gaixoen kopurua
PATOLOGIA OROKORRA. Atal orokorra, arnas aparatua eta zirkulazio-aparatua<br />
21<br />
c = proba negatiboa duten gaixoen kopurua (negatibo faltsuak)<br />
a + c = gaixo guztien kopurua<br />
Proba bat oso sentikorra dela esaten da negatibo faltsu gutxi ematen duenean.<br />
Proba baten sentikortasuna % 100ekoa dela esaten denean, esan nahi da proba<br />
hori gaixo guztiei eginez gero positiboa izango litzatekeela.<br />
• Espezifikotasuna<br />
Proba baten espezifikotasunak galdera honi erantzuten dio: Pertsona bat gaixotasun<br />
batek jota ez badago, zein da proba hori negatiboa izateko probabilitatea<br />
Espezifikotasuna formula honen bidez adierazten da:<br />
d<br />
E = –––––– x 100<br />
b + d<br />
d = proba negatiboa duten pertsona osasuntsuen kopurua<br />
b = proba positiboa duten pertsona osasuntsuen kopurua (positibo faltsuak)<br />
b + d = pertsona osasuntsuen kopurua<br />
Zenbat eta handiagoa izan proba baten espezifikotasuna, orduan eta txikiagoa<br />
da positibo faltsuen kopurua. Beste modu batera esanda, proba baten espezifikotasuna<br />
% 100ekoa bada, esan genezake proba hori patognomonikoa dela.<br />
Sentikortasuna eta espezifikotasuna proba baten berezko ezaugarriak dira, hau da,<br />
proba horren emaitzak antzekoak izango dira edozein populaziotan erabilita.<br />
Sentikortasunaren eta espezifikotasunaren definizioak kontuan harturik, erraz uler<br />
daiteke oso sentikorrak diren probak oso baliagarriak direla pertsona bat gaixotasun<br />
batek jota ez dagoela jakiteko, eta oso espezifikoak diren probak, aldiz, pertsona bat<br />
gaixotasun batek jota badagoela baieztatu ahal izateko.<br />
• Aurresateko balio positiboa<br />
Gaixorik egoteko probabilitatea adierazten du aurresateko balio positiboak.<br />
Formula honen bidez kalkulatzen da:<br />
a<br />
ABP = –––––– x 100<br />
a + b<br />
a = proba positiboa duten gaixoen kopurua<br />
b = proba positiboa duten pertsona osasuntsuen kopurua (positibo faltsuak)<br />
a + b = proba positibo guztien kopurua<br />
• Aurresateko balio negatiboa<br />
Aurresateko balio negatiboak gaixorik ez egoteko probabilitatea adierazten du<br />
proba negatiboa denean. Formula honen bidez adierazten da:<br />
d<br />
ABN = –––––– x 100<br />
c + d
22<br />
d = proba negatiboa duten pertsona osasuntsuen kopurua<br />
c = proba negatiboa duten gaixoen kopurua (negatibo faltsuak)<br />
d + c = proba negatibo guztien kopurua<br />
Baina aurresateko balioak ez daude bakarrik sentikortasunaren eta espezifikotasunaren<br />
menpe; gaixotasun bakoitzaren prebalentziaren menpe ere badaude.<br />
Gaixotasun baten prebalentzia altua bada, proba bat positiboa izanda, aurresateko<br />
balio positiboa ere altua izango da; hau da, gaixorik egoteko probabilitatea handia<br />
izango da. Proba horren emaitza negatiboa bada, aldiz, ezin izango dugu ziurtasun<br />
osoz esan gaixotasunik ez dagoela; hau da, aurresateko balio negatiboa baxua izango<br />
da.<br />
1.1 eta 1.2 tauletan proba baten sentikortasuna, espezifikotasuna eta aurresateko<br />
balioak agertzen dira prebalentzia ezberdina duten bi populaziotan.<br />
1.1 taula. Proba baten sentikortasuna, espezifikotasuna, aurresateko balio positiboa eta<br />
aurresateko balio negatiboa, aztertzen den gaixotasunaren prebalentzia<br />
% 10ekoa denean.<br />
Gaixoak Osasuntsuak Guztira<br />
Proba positiboa 80 90 170<br />
Proba negatiboa 20 810 830<br />
Guztira 100 900 1.000<br />
Sentikortasuna = (80/100) x 100 = % 80<br />
Espezifikotasuna = (810/900) x 100 = % 90<br />
Aurresateko balio positiboa = (80/170) x 100 = % 47<br />
Aurresateko balio negatiboa = (810/830) x100 = % 97,5<br />
1.2 taula. Proba baten sentikortasuna, espezifikotasuna, aurresateko balio positiboa eta<br />
aurresateko balio negatiboa, aztertzen den gaixotasunaren prebalentzia<br />
% 30ekoa denean.<br />
Gaixoak Osasuntsuak Guztira<br />
Proba positiboa 240 70 310<br />
Proba negatiboa 60 630 690<br />
Guztira 300 700 1.000<br />
Sentikortasuna = (240/300) x 100 = % 80<br />
Espezifikotasuna = (630/700) x 100 = % 90<br />
Aurresateko balio positiboa = (240/310) x 100 = % 77,4<br />
Aurresateko balio negatiboa = (630/690) x100 = % 91,3
PATOLOGIA OROKORRA. Atal orokorra, arnas aparatua eta zirkulazio-aparatua<br />
23<br />
Behin egin beharreko proben emaitzak lortuta, diagnostikoa egiteko metodorik egokienari<br />
diagnostiko diferentzial deritzogu. Metodo horren bidez, aurkitutako sintoma<br />
eta zeinuekin, gaixoak duen sindrome edo alterazio anatomofuntzionala igarri behar<br />
dugu; nagusia den sintoma edo zeinua kontuan harturik, ager daitezkeen gaixotasunen<br />
zerrenda osatzen da. Gainerako sintoma, zeinu eta proba osagarrien emaitzak<br />
eta haien espezifikotasuna eta sentikortasuna aztertu eta gero, aukera guztien<br />
artean bat egiaztatuko da.<br />
Diagnostikoa ezartzeko prozesu horretan, garrantzi handikoa da gaixotasunen<br />
maiztasuna ez ahaztea. Behin gaixotasunik ohikoenak baztertuta, hurrengo urratsa<br />
gaixotasun oso arraroak bilatzea izango da.<br />
Bestalde, askotan, jarritako tratamenduari egoki erantzun zaiola ikustean baino<br />
ezin izango dugu baieztatu behin betiko diagnostikoa.<br />
Batzuetan, algoritmoak oso baliagarriak izan daitezke diagnostikoa egiteko.<br />
Nagusia den sintoma edo zeinua abiapuntutzat hartuz, eta zuhaitz baten itxura duen<br />
eta bai/ez erantzuna duten galdera-sorta bati jarraituz, diagnostikorik zuzenena<br />
asmatzeko izugarri laguntzen dute algoritmoek. 1.3 irudian tiroide-disfuntzioak diagnostikatzeko<br />
oso lagungarria den algoritmoa azaltzen da adibide moduan.<br />
Behin iritzi diagnostiko bat osatuta, gaixoari esatea izan ohi da arazorik handiena.<br />
Oro har, gaixoari egia esan behar zaiola esan dezakegu, batez ere berak egia jakite-<br />
Tiroide-disfuntzioaren susmoa<br />
(Azterketa fisikoaren eta anamnesiaren datuen arabera)<br />
TSH<br />
plasmatikoa<br />
TSH < 0,1 mU/ml<br />
(zeharo inhibiturik)<br />
T4 plasmatiko<br />
askea<br />
TSH > 5 mU/ml<br />
(altua)<br />
T4 plasmatiko<br />
askea<br />
Normala<br />
(edo apur bat baxua)<br />
T4 plasmatiko<br />
askea<br />
Hipotiroidismoaren<br />
susmo sendoa badago<br />
Normala<br />
Altua<br />
Normala<br />
Baxua<br />
Baxua<br />
Normala<br />
T3<br />
plasmatikoa<br />
(osoa edo askea)<br />
Hipotiroidismo<br />
primario<br />
subklinikoa<br />
Hipotiroidismo<br />
primarioa<br />
Hipotiroidismo<br />
sekundarioa edo<br />
tertziarioa<br />
Tiroide-<br />
-disfuntziorik ez<br />
Normala<br />
Altua<br />
Hipertiroidismo<br />
primario<br />
subklinikoa<br />
Hipertiroidismo<br />
primarioa<br />
1.3 irudia. Tiroide-disfuntzioen diagnostikorako algoritmoa.
24<br />
ko gogoa argi eta garbi adierazten digunean, diagnostikoa ulertzeko duen ahalmena<br />
kontuan harturik eta bat-bateko aurreiritziak alde batera utzita, gizaki gaixoa pertsona<br />
autonomoa dela ahaztu gabe.<br />
1.3.4 PRONOSTIKOA<br />
Gaixoaren epe luzeko eta epe laburreko etorkizunaren aurreikuspena izaten da<br />
pronostikoa. Bi motatako pronostikoa egin behar da: batetik, bizi-itxaropenari buruzko<br />
pronostikoa (quoad vitam); bestetik, osatze funtzionalari buruzkoa (quoad valetudinem).<br />
Normalean, pronostikoa egiteko, oso baliagarriak izaten dira kasu berean egon<br />
diren gaixo askorekin osaturiko faktore anitzeko ikerketa estatistikoak, Kaplan-Meyer-<br />
-en biziraupen-kurbak erabiltzen dituztenak. Baina gaixo jakin baten iritzi pronostikoa<br />
ezartzea datu estatistiko hotz horiek kontuan hartzea baino zailagoa izan ohi da, kasu<br />
bakoitzean gertatzen diren aldeko eta kontrako faktore pronostikoak banan-banan<br />
aztertu behar baitira.<br />
Gaixotasun baten pronostikoa gizaki batean arina, larria, oso larria edota hilgarria<br />
izan daiteke. Pronostiko erreserbatua esaten denean, esan nahi da ezin daitekeela<br />
pronostikorik egin.<br />
1.3.5 TRATAMENDUA<br />
Patologia orokorraren jakintzagaia ez bada ere, terapeutikari buruzko kontzeptu <strong>batzuk</strong><br />
azalduko ditugu, nahiz eta hurrengo kapituluetan tratamenduaren atala ez jorratu.<br />
Terapeutikari dagokionez, hiru tratamendu mota bereizten dira:<br />
• Tratamendu etiologikoa: gaixotasunaren kausaren kontra bideratzen dena.<br />
Hauxe izango litzateke tratamendurik eraginkorrena, baina, zoritxarrez, gaixotasun<br />
guztientzat ez dago horrelako tratamendurik.<br />
• Tratamendu patogenikoa: faktore etiologikoek martxan jartzen dituzten mekanismoen<br />
kontra aritzen dena.<br />
• Tratamendu sintomatikoa: adierazpen klinikoak arintzen saiatzen dena.<br />
Hiru tratamendu horiek osagarriak dira, baina inola ere ez elkar baztertzaileak. Oro<br />
har, tratamenduak sendagarriak edo aringarriak izan daitezke. Sendagile guztien<br />
azken nahia tratamendu sendagarriak ezarri ahal izatea bada ere, ez dugu inoiz<br />
ahaztu behar tratamendu aringarrien garrantzia, batez ere hilzorian dauden gaixoen<br />
kasuan, lehen aipatutako bizi-kalitatearen printzipioari jarraituz.<br />
Historia klinikoan orain arte aipaturiko atal guztiak agertu behar dira (anamnesia,<br />
azterketa fisikoa, iritzi diagnostikoa, pronostikoa eta tratamendua). 1.4 irudian historia<br />
klinikoa jasotzen duen dokumentuaren eredu bat agertzen da.
PATOLOGIA OROKORRA. Atal orokorra, arnas aparatua eta zirkulazio-aparatua<br />
25<br />
Izen-abizenak ............................................................ Data:...................................................<br />
Jaiotze-data................................................................<br />
Lanbidea<br />
Alergia medikamentosoak<br />
ANAMNESIA<br />
AZTERKETA FISIKOA<br />
Kontsulta-arrazoia: .....................................<br />
....................................................................<br />
Familia-aurrekariak:....................................<br />
....................................................................<br />
Aurrekari pertsonalak: ................................<br />
....................................................................<br />
Gaur egungo gaixotasuna: ..........................<br />
....................................................................<br />
....................................................................<br />
Aparatuz aparatuko anamnesia<br />
– Larruazala eta mukosak<br />
Presio arteriala: T:<br />
Pisua:<br />
Garaiera:<br />
Itxura orokorra (nutrizio- eta hidratazio-<br />
-egoera, larruazala eta mukosak,<br />
kontzientzia-maila...): ..................................<br />
......................................................................<br />
......................................................................<br />
Burua eta lepoa:<br />
Toraxa:<br />
– Zirkulazio-aparatua<br />
Sabelaldea:<br />
– Arnas aparatua<br />
Gorputz-adarrak:<br />
– Digestio-aparatua<br />
– Gernu-aparatua<br />
– Nerbio-sistema<br />
– Sistema endokrinoa<br />
LEHENENGO IRITZI DIAGNOSTIKOA:<br />
1....................................................................<br />
2....................................................................<br />
3....................................................................<br />
– Zentzumenak<br />
PROBA OSAGARRIAK:<br />
– Lokomozio-aparatua<br />
TRATAMENDUA:<br />
1.4 irudia. Historia klinikoa jasotzen duen dokumentu-eredua.
26<br />
Bibliografia<br />
1. ALTMAN, D.G. eta BLAND, J.M.: “Diagnostic tests. 1: Sensitivity and specificity” in<br />
BMJ 308 (6.943) (1994), 1552.<br />
2. “Crónica de la Medicina. 27.000 años noticia a noticia”. 3. argitalpena, Plaza &<br />
Janes. (1994).<br />
3. DE CASTRO DEL POZO, S.: “La enfermedad y el enfermar humanos” in Manual de<br />
Patología General (DE CASTRO DEL POZO, S.), 5. argitalpena, Masson S.A., Bartzelona<br />
(1993), 3-7.<br />
4. ENGEL, G.L.: “The need for a new medical model: a challenge for biomedicine” in<br />
Science 196 (4.286) (1977),129-136.<br />
5. ESTEVE, M. eta ROCA, J.: “Calidad de vida relacionada con la salud: un nuevo parámetro<br />
a tener en cuenta” in Med. Clin. 108 (12) Bartzelona (1997), 458-459.<br />
6. GARCÍA-CONDE, J.: “El acto médico. La relación médico-enfermo” in Patología<br />
General. Semiología Clínica y Fisiopatología (GARCÍA-CONDE, J., MERINO SÁNCHEZ, J.<br />
eta GONZÁLEZ MACÍAS, J.), 1. argitalpena, McGraw-Hill/Interamericana, Madril<br />
(1995), 9-17.<br />
7. GARCÍA-CONDE, J.: “Patología y clínica. Salud y enfermedad” in Patología General.<br />
Semiología Clínica y Fisiopatología (GARCÍA-CONDE, J., MERINO SÁNCHEZ J. eta<br />
GONZÁLEZ MACÍAS, J.), 1. argitalpena, McGraw-Hill/Interamericana, Madril (1995),<br />
1-7.<br />
8. HAAS, B. K.: “A multidisciplinary concept analysis of quality of life” in West J. Nurs.<br />
Res. 21 (6) (1999), 728-742.<br />
9. INGELFINGER, J.A., MOSTELLER, F., THIBODEAU, L.A. eta WARE, J.H.: “Biostatistics in clinical<br />
medicine”. 3. argitalpena, McGraw-Hill/Interamericana, New York (1994),<br />
26-50.<br />
10. ROZMAN, C.: “Fundamentos de la práctica médica hoy y mañana” in Medicina<br />
Interna (FARRERAS, P. eta ROZMAN, C.), 14. argitalpena, Harcourt, Madril (2000), 7-8.<br />
11. SMITH, R.: “In search of non-disease" in BMJ, 324 (7.342) (2002), 883-885.