C, D eta E dokumentuak. Katalogoa, Azterketa ... - Andoaingo Udala

ANDOAINGO PLAN OROKORRA D Dokumentua.- EKONOMIKO-FINANTZARIOAREN AZTERKETA
Testu Bategina. 2.011ko Apirila
1) Aipatu bideragarritasun horren ebaluazioa bera, eta aldi berean, haren
justifikazioa.
2) Aurrekoarekin estuki loturik, bai hiritartzea gauzatzeko esparruak (bereziki,
jarduketa integratukoak) mugatzeko irizpideak zehaztea, behar bezala justifikatuta,
bai esparru horiek mugatzea, hori ere justifikatuta.
- Doakien eragile publiko eta pribatuek proposamen horiek gauzatzeko orduan dituzten
ardurak zehaztea.
3.2. LURZORUARI ETA HIRIGINTZARI BURUZKO 2/2006 LEGEAK, ekainaren 30ekoak,
AZTERKETA EKONOMIKO-FINANTZARIOAN DUEN ERAGINA.
2006ko ekainaren 30eko Euskal Autonomia Erkidegoko Lurzoruaren eta Hirigintzaren Legea
indarrean jartzean, hirigintza antolamendua nahiz haren gauzapena sakon birdoitu behar izan dira,
1976ko Lurzoru Legearekiko eta ondorengo hirigintzaren alorreko araudiarekiko; horrek zuzeneko
eragina du planteatzen diren garapen berrien bideragarritasun ekonomikoan, programazio
irizpideetan eta, oro har, Andoaingo Plan Orokorreko proposamenen iraunkortasun ekonomikofinantzarioan.
Izan ere, Lege horrek dituen helburuetako bat da, hain zuzen, antolamendua nahiz hirigintza
gauzapena kontrolatzeko ekimen publikoa berreskuratzea, ekimen pribatuaren aurrean udalarena
lehenetsiz, batez ere hirigintza jarduketako programen bidez, “hirigintzako gainbalioak eskuratzeko
ekimen pribatua” mugatuta.
Legearen aldetik, “kontrol” horrek inbertsio eta finantzaketa irizpideetan –batik bat inbertsio
pribatuei dagokienez– eragina izango du ezinbestean, eta horren helburua da “ondasun higiezinen
gaineko espekulazio jarduerak galaraztea”. Itxura batean, espekulazioa lurraldean diharduten eragile
pribatuen jardunbidea da soilik, baina gainerako administrazio publikoak ere, eta zehazki udalak,
barne hartu beharko lirateke.
Hala, III. atalean –Arrazoien Azalpena– honakoa adierazten da:
1.- Hirigintza antolamenduari dagokionez, egiturazko antolamendua eta antolamendu
xehekatua arrazoi material hutsengatik bereiztea, arrazoi formalak bazter utzita. Arrazoi materialak
lirateke era bateko edo besteko erabakiek duten munta materiala edo lurraldearen araberakoa, hau
da, nolabait esatearren, erabaki horien eskala, horiek hirigintza plan batzuetan zein besteetan
egon; arrazoi formalak, berriz, ideia bati loturik doaz, alegia, hirigintza aurreikuspenei automatikoki
haien hirigintza plan edo proiektuaren arau lerruna eman behar zaiela, haien edukia eta munta
materiala edo lurraldearen araberakoa edozein direlarik ere.
2.- Hirigintza antolamendua eta hirigintza gauzapena iraganean baino argiago eta zorrotzago
bereiztea.
3.- Antolatzeko eta gauzatzeko zeregin horiei dagokienez, eta hirigintzaren ikuspegitik,
hiritartze proiektu bakoitzaren berezko eginkizuna zehatzago finkatzea, Plan Orokorrarena barne.
Horrenbestez, Plan Orokorraren eginkizun nagusia da Udalerriaren hirigintza antolamendua
xedatzea, eta hor sartu beharko litzateke, gutxienez, egiturazko antolamendua.
Ondorio horrekin batera, gehituko genuke Plan horren berezko eginkizunetik haratago dagoela
aipatu hirigintza antolamendua gauzatzeko proposamenak egitea, eta gauzatze lan hori
beharrezko zorroztasunez egin behar dela, hirigintza prozesuaren ondoren garatu beharreko fase
eta proiektuen bidez.
Era berean, Legeak ardura handia esleitzen die, horri dagokienez, Hiritartzeko Jarduketa
Programei. Izan ere, legediaren arabera, programa horien eginkizun nagusietako bat da hirigintza
antolamendua gauzatzeko oinarrizko irizpideak xedatzea, osagarriak diren lau ikuspegi,
gutxienez, aintzat harturik:
1.- Teknikoa: gauzatu beharreko hiritartzearen oinarrizko ezaugarriak zehaztea.
2.- Ekonomikoa: besteak beste, hiritartze lanen kostua zehaztea, aurreproiektu baten
berezko zehaztasun mailaz.
3.- Denborazkoa edo programaziokoa: lanak, eta bereziki hiritartzekoak, gauzatzeko
egutegia zehaztea.
AYUNTAMIENTO DE ANDOAIN – ANDOAINGO UDALA
3